ᐃᓐᖏᕈᑎᑦ 43 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᒧᑦ ᑐᒃᓯᐊᕐᓂᖅ ᐅᖁᒤᑦᑐᖃᕐᑎᓪᓗᒍ 1 ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ. 2 ᒎᑎᐅᒐᕕᑦ ᓴᓐᖏᔫᑦᔪᑎᒐ; ᓱᖕᒪᓪᓕ ᑲᒪᒋᖏᑉᐱᖔ? ᓱᖕᒪᓪᓗ ᕿᒃᓵᒃᐳᖓ ᐊᑭᕋᕐᑐᕐᑎᓐᓂᑦ ᐊᑭᕋᕐᑐᕐᑕᐅᓂᕐᒧᑦ? 3 ᖃᐅᒪᓃᑦ ᑎᓕᓚᐅᕈᒃ ᓱᓕᑦᓯᐊᕐᓃᓪᓗ! ᑖᒃᑯᐊ ᑕᓯᐅᕐᓕᖓ; ᑖᒃᑯᐊ ᑎᑭᑎᓪᓕᖓ ᖃᖅᑲᖁᑎᖕᓄᑦ ᐃᑦᔪᕐᓁᑦᑐᒧᑦ ᑐᐱᕐᔪᐊᖁᑎᖕᓄᓪᓗ ᑐᒃᓯᐊᕐᕕᒡᔪᐊᒧᑦ. 4 ᑕᕝᕙ ᐂᓂᐊᕐᐳᖓ ᒎᑎᐅᑉ ᑐᓂᕐᕈᓯᕐᕕᖁᑎᖓᓄᑦ, ᒎᑎᓐᓄᑦ ᖁᕕᐊᒋᕐᔪᐊᕐᑕᓐᓄᑦ; ᕼᐋᕐᐱᒧᓪᓗ ᓂᕐᑐᕈᒪᕙᒋᑦ, ᒎᑏ, ᒎᑎᒐ. 5 ᑕᕐᓃᒃ, ᓲᖅ ᕿᒃᓵᒃᐱᑦ? ᓱᖕᒪᓪᓗ ᐃᓱᒪᔮᕐᐱᑦ ᐃᓗᓐᓂ? ᒎᑎ ᓂᕆᐅᒡᕕᒋᓚᐅᕈᒃ; ᓱᓕ ᓂᕐᑐᕈᒪᒐᒃᑯ, ᑮᓇᕐᒪ ᐃᑲᔪᕐᑎᖓ ᒎᑎᒋᓪᓗᒍᓗ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society