ᐃᓐᖏᕈᑎᑦ 4 - ᐊᒡᓔᑦ ᐃᑦᔪᕐᖕᓁᑦᑐᑦᐅᓐᓄᒃᑯᑦ ᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ 1 ᑐᓴᓚᐅᓐᖓ ᐃᓕᖕᓄᑦ ᓂᓪᓕᐊᓕᕈᒪ ᒎᑏ, ᐃᓱᐊᕐᑑᓪᓗᑎᑦ ᒎᑎᒋᒐᒃᑭᑦ! ᐅᖁᒤᒃᓴᕐᓂᓐᓂᑦ ᐅᕿᒡᓕᑎᑉᐸᕐᒪ ᓈᒃᑭᒋᓚᐅᓐᖓ, ᑐᒃᓯᐊᕐᓂᕋᓗ ᑐᓴᕐᓗᒍ. 2 ᐃᓄᐃᑦ ᕿᑐᕐᖓᖏᑦ ᖃᓄᖅ ᐊᑯᓂᐅᑎᒋᔪᒥᒃ, ᓂᕐᑐᕐᑕᐅᔪᒃᓴᐅᓂᕋ ᑲᓐᖑᓇᕐᑎᓐᓂᐊᕐᐱᓯᐅᒃ? ᖃᓄᖅ ᐊᑯᓂᐅᑎᒋᔪᒥᒃ ᐊᑐᖏᑦᑐᓂᒃ ᐅᖓᒋᔭᖃᕐᓂᐊᕐᐱᓰ? ᓱᓕᖏᑦᑐᓂᒡᓗ ᒎᑎᐅᖏᑦᑐᓂᒃ ᕿᓂᕐᓂᐊᕐᐱᓰ? ᓰᓚ 3 ᖃᐅᔨᓕᕆᑦᓯ ᐊᑕᓂᐅᑉ, ᒎᑎᖃᕐᑐᑦ ᐃᒻᒥᓄᑦ ᐱᒋᔪᒪᓪᓗᒋᑦ ᓴᓂᕐᕙᒃᑎᑉᐰᑦ; ᐊᑕᓂᐅᓪᓗ ᑐᓴᕐᓂᐊᕐᐹᖓ ᓂᓪᓕᐊᕕᒋᒍᒃᑯ. 4 ᓂᓐᖓᐅᒪᓕᕆᑦᓯ, ᐊᔪᕐᑐᓕᑦᑍᓕᓗᓯᓕ; ᐆᒻᒪᑎᑦᓯᓐᓂ ᓂᐱᖃᖏᓪᓗᓯ ᐃᓱᒪᒃᓴᕐᓯᐅᓕᕆᑦᓯ, ᐃᓐᓇᖓᕕᑦᓯᓐᓂ ᐊᒡᓛᑦ ᓂᐱᖃᖏᓪᓗᓯ. ᓰᓚ 5 ᑐᓂᕐᕈᓯᕆᑦᓯ ᑐᓂᕐᕈᑎᒃᓴᓂᒃ ᐃᓱᐊᕐᑐᓂᒃ, ᐊᑕᓂᕐᒥᒡᓗ ᑕᑎᖃᓕᕆᑦᓯ. 6 ᐅᓄᕐᑐᑦ ᐅᖃᕐᒪᑕ, “ᑭᐊ ᐱᐅᔪᒥᒃ ᑕᑯᑎᓐᓂᐊᕐᐹᑎᒎᑦ?” ᐊᑕᓃᖅ ᑮᓇᕐᐱᑦ ᖃᐅᒪᓂᖓᓂᒃ ᑕᑯᑎᓚᐅᕐᑎᒍᑦ. 7 ᖁᕕᐊᓱᖕᓂᕐᒥᒃ ᐃᓕᓯᕗᑎᑦ ᐆᒻᒪᑎᓐᓄᑦ, ᑲᑎᕐᓱᕐᑕᐅᔪᑦ ᓂᐊᖂᔭᒃᓮᑦ ᕔᓂᒃᓮᓪᓗ ᐅᓄᓗᐊᓕᕐᓂᖏᑕ ᖁᕕᐊᓇᖅᑭᔭᖓᓂᒃ. 8 ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society