ᐃᓐᖏᕈᑎᑦ 24 - ᐊᒡᓔᑦ ᐃᑦᔪᕐᖕᓁᑦᑐᑦᐊᖓᔪᖅᑳᕐᔪᐊᑉ ᓂᕐᑐᕐᓇᕐᓂᖓ ᐊᑕᓂᐅᕕᖓᓗ ᑍᕕᑎᐅᑉ ᐃᓐᖏᕈᑖ 1 ᓄᓇᕐᔪᐊᖅ ᐊᑕᓂᐅᑉ ᐱᒋᕚ, ᓄᓇᕐᔪᐊᕐᒦᑦᑐᓕᒫᓪᓗ, ᓯᓚᕐᔪᐊᕐᓗ, ᑕᕝᕙᓂᓗ ᐃᓂᖃᕐᑐᑦ. 2 ᐃᒪᕐᔪᐃᑦ ᖄᖓᓂ ᑐᓐᖓᕕᒃᑖᕐᑎᓚᐅᕐᒪᒍ ᐃᓂᑖᕐᑎᓚᐅᕐᐹᓗ ᐃᖏᕐᕋᓂᕐᔪᐃᑦ ᖄᖏᓐᓄᑦ. 3 ᑭᓇ ᐊᑕᓂᐅᑉ ᖃᖅᑲᖓᓄᑦ ᒪᔪᐊᕐᓂᐊᕐᐹ? ᑭᓇᓗ ᐃᑦᔪᕐᓁᑦᑐᒥ ᐃᓂᖓᓂ ᓇᖏᕈᒫᕐᐹ? 4 ᑖᓐᓇ ᓴᓗᒪᔪᓂᒃ ᐊᒡᒐᖃᕐᑐᖅ, ᓴᓗᒪᑦᓯᐊᕐᑐᒥᒡᓗ ᐆᒻᒪᑎᖃᕐᑐᖅ; ᑕᕐᓂᕐᒥᓂᒡᓗ ᖁᕝᕙᕐᑎᑦᓯᖏᑦᑐᖅ ᐱᐅᔪᕆᓂᕐᒧᑦ, ᓱᓕᖏᑦᑐᒥᒡᓗ ᐊᖏᕈᑎᖃᕐᐸᖏᑦᑐᖅ. 5 ᑖᓐᓇ ᓮᒻᒪᕐᑎᑕᐅᓂᕐᒥᒃ ᐱᑎᑕᐅᔪᒫᕐᐳᖅ ᐊᑕᓂᕐᒥᑦ, ᓴᐳᑎᔭᐅᔪᒫᕐᓗᓂᓗ ᒎᑎᒥᑦ ᐱᐅᓕᒃᓯᔨᒥᓂᑦ. 6 ᑍᒤᑉᐳᑦ ᑕᕝᕙ ᑭᖑᕚᕆᑦ ᑖᑦᓱᒥᖓ ᕿᓂᕐᑐᑦ, ᔧᑰᑉ ᒎᑎᖓᑕ ᑮᓇᖓᓂᒃ ᕿᓂᕐᑐᑦ. ᓰᓚ 7 ᓂᐊᖁᓯ ᐋᕐᓗᕐᓯᐅᒃ, ᐃᑎᕐᑕᕐᕕᐅᔪᓯ; ᒪᑭᑎᑕᐅᓕᕆᑦᓯ ᑍᑦᓱᒪᓂᐊᓗᖕᓂᑦ ᐅᒃᑯᐊᖑᔪᓯ, ᐊᖓᔪᖅᑳᕐᔪᐊᖅ ᐱᓐᓇᕐᓇᕐᓂᕐᔫᔪᖅ ᐃᑎᖁᓪᓗᒍ. 8 ᑭᓇ ᐊᖓᔪᖅᑳᕐᔪᐊᖑᕚ ᐱᓐᓇᕐᓇᕐᓂᕐᔫᓪᓗᓂ? ᐊᑕᓂᖅ ᑖᓐᓇᐅᕗᖅ, ᓲᖑᔫᓪᓗᓂ ᐊᔪᖏᑦᑐᕐᔪᐊᖅ, ᐊᑕᓂᖅ ᑖᓐᓇᐅᕗᖅ, ᐅᓇᑕᕐᓂᕐᒧᑦ ᐊᔪᖏᑦᑐᕐᔪᐊᖅ. 9 ᓂᐊᖁᓯ ᐋᕐᓗᕐᓯᐅᒃ, ᐃᑎᕐᑕᕐᕕᐅᔪᓯ; ᒪᑭᑎᑕᐅᓕᕆᑦᓯ ᑍᑦᓱᒪᓂᐊᓗᖕᓂᑦ ᐅᒃᑯᐊᖑᔪᓯ, ᐊᖓᔪᖅᑳᕐᔪᐊᖅ ᐱᓐᓇᕐᓇᕐᓂᕐᔫᔪᖅ ᐃᑎᖁᓪᓗᒍ. 10 ᑭᓇ ᐊᖓᔪᖅᑳᕐᔪᐊᖑᕚ ᐱᓐᓇᕐᓇᕐᓂᕐᔫᓪᓗᓂ? ᐊᑕᓂᖅ ᑖᓐᓇᐅᕗᖅ, ᖁᑦᓯᖕᓂᕐᒦᑦᑐᖅ, ᑖᓐᓇᐅᕗᖅ ᐱᓐᓇᕐᓇᕐᓂᕐᔪᐊᒧᑦ ᐊᖓᔪᖅᑳᕐᔪᐊᖑᔪᖅ. ᓰᓚ |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society