ᐃᓐᖏᕈᑎᑦ 23 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᖅ ᐰᕐᓯᔨᐅᕗᖅ ᐃᓄᖁᑎᒥᓄᑦ ᑍᕕᑎᐅᑉ ᐃᓐᖏᕈᑖ 1 ᐊᑕᓂᖅ ᐰᕆᔨᒋᕙᕋ; ᓱᓇᒥᒡᓘᓐᓃᑦ ᐊᔪᕐᓴᕐᓂᐊᓐᖏᓚᖓ. 2 ᑐᖑᔪᕐᑐᓂᒃ ᐃᕕᒃᓱᒐᖃᕐᑐᒥ ᓇᓪᓚᖓᕕᖃᕐᑎᑉᐹᖓ: ᑕᓯᐅᕐᓗᖓ ᐃᒥᒃᓴᖃᑦᓯᐊᕐᑐᒧᑦ. 3 ᑕᕐᓂᕋ ᑕᖃᓯᒪᔪᓐᓃᕐᑎᑉᐹ: ᑕᓯᐅᕐᓗᖓᓗ ᓇᓛᒎᕐᑐᑦ ᐊᖅᑯᑎᖓᓄᑦ ᐊᑎᓂ ᐱᑦᔪᑎᒋᓪᓗᒍ. 4 ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ. 5 ᓂᕐᕆᕕᖕᒥᒃ ᓂᕆᓂᐊᕐᑕᓐᓂᒃ ᐋᖅᑭᒃᓱᐃᕗᑎᑦ ᐊᑭᕋᕐᑐᕐᑎᒪ ᑕᒃᑯᐊᓐᓂ. ᓂᐊᖁᕋ ᓇᐹᕐᑑᑉ ᐅᕐᓱᖓᓄᑦ ᑯᕝᕕᕆᕙᑦ; ᐃᒥᐅᑎᒐ ᐊᒡᓛᑦ ᑕᑕᓗᐊᓕᕐᐳᖅ. 6 ᖁᓚᕐᓇᖏᑦᑐᒥᒃ ᐱᑦᓯᐊᕐᕕᐅᓂᐅᑉ ᓂᑲᒋᔭᐅᓂᐅᓪᓗ ᐃᓚᒋᑦᓮᓐᓇᕐᓂᐊᕐᐹᖓ ᐃᓅᓯᕐᒪ ᐅᓪᓗᖃᕐᓂᖓᓂ: ᐊᑕᓂᐅᓪᓗ ᐃᒡᓗᖓᓂ ᐃᓂᖃᑦᓮᓐᓇᕐᓂᐊᕐᐳᖓ ᐃᓱᖃᖏᑦᑐᒧᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society