ᐃᓐᖏᕈᑎᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᒥᓮᐊᓯᐅᑉ ᓵᓚᖃᕐᓂᖓ ᐊᑕᓂᐅᕕᖓᓗ

¹ ᓱᖕᒪᑦ ᐃᓅᖃᑎᒌᒡᔪᐃᑦ ᓂᓐᖓᐅᒪᕙᑦ? ᓱᖕᒪᓪᓗ ᐃᓄᐃᑦ ᐃᓱᒪᒃᓴᕐᓯᐅᖃᑎᒌᒃᐸᑦ ᑲᔪᓯᓂᐊᖏᑦᑐᓂᒃ ᐱᑦᔪᑎᖃᕐᓗᑎᒃ?

² ᓄᓇᒥ ᐊᖓᔪᖅᑳᕐᔪᐊᑦ ᐸᕐᓇᓕᕐᐳᑦ, ᐊᐅᓚᑦᓯᔨᓪᓗ ᐃᓱᒪᓕᐅᖃᑎᒌᒃᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒥᒃ, ᐅᕐᓱᒧᓪᓗ ᒥᖑᐊᕐᓯᒪᔭᖓᓂᒃ, ᐅᖃᕐᓗᑎᒃ;

³ “ᐊᐅᓚᑦᓯᓂᖏᑦ ᓯᖁᒥᑦᓱᒪᕙᕗᑦ, ᐃᐱᕐᓯᒪᐅᑎᖏᓪᓗ ᐅᕙᑦᑎᓐᓄᑦ ᑭᐱᔪᒪᕙᕗᑦ.”

⁴ ᕿᓚᖕᒥ ᑕᕝᕙ ᐃᒃᓯᕙᔪᖅ ᐃᔪᕈᒫᕐᐳᖅ; ᐊᑕᓂᐅᑉ ᓇᓗᓕᕐᑎᑦᓱᒫᕐᒪᒋᑦ.

⁵ ᑕᕝᕙ ᓂᓐᖓᒃᓯᒪᓂᕐᒥᓂᒃ ᐅᖃᕐᕕᒋᔪᒫᕐᐰᑦ, ᑲᑉᐱᐊᓱᒃᑎᓪᓗᒋᓪᓗ ᖁᕕᐊᓱᖏᓐᓂᕐᔪᐊᒥᓄ ᐅᖃᕐᓗᓂ,

⁶ “ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

⁷ ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

⁸ ᑐᒃᓯᕋᕐᕕᒋᓐᖓ, ᑕᕝᕙ ᐃᓅᖃᑎᒌᒡᔪᐊᑦ ᐱᑖᕆᔭᐅᑎᑦᓱᒪᕙᒃᑲ ᐃᓕᖕᓄᑦ, ᓯᓚᕐᔫᓪᓗ ᐃᓱᖏᑦ ᐃᓕᖕᓄᑦ ᐱᒋᔭᐅᑎᑦᓱᒪᕙᒃᑲ.

⁹ ᑖᒃᑯᐊ ᓯᖁᒥᑦᓱᒫᕐᐸᑎᑦ ᐊᓇᐅᑕᕐᒧᑦ ᓴᕕᕋᔭᖕᒧᑦ, ᓯᖁᑦᑎᕐᓗᒋᓪᓗ ᒪᕐᕋᖁᑎᓕᐅᑉ ᐃᓗᓕᖁᑎᖓᑕ ᓯᖁᒥᑕᐅᓂᖓᑐᑦ.”

¹⁰ ᒫᓐᓇᓕ ᑍᒤᒻᒪᑦ, ᐊᖓᔪᖅᑳᕐᔪᐊᖑᔪᓯ, ᓯᓚᑐᓕᕆᑦᓯ; ᐅᑦᔨᕐᑐᕐᓗᓯᓗ, ᐃᓕᑦᓯ ᓄᓇᒥ ᐊᐅᓚᑦᓯᔨᐅᔪᓯ.

¹¹ ᐊᑕᓂᖅ ᐱᔨᑦᓯᕐᓯᐅᒃ ᓯᕘᕋᓗᓯ, ᖁᕕᐊᓱᒋᑦᓯᓗ ᓴᔪᒡᓗᓯ.

¹² ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.