ᐃᓐᖏᕈᑎᑦ 149 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎ ᓂᕐᑐᕐᑕᐅᓕ ᐱᐅᓕᔭᐅᕕᒃᓴᖃᕐᑎᑦᓯᓂᖓᓄᑦ ᐋᖅᑭᒃᓱᐃᓂᖓᓄᓪᓗ 1 ᐊᑕᓂᖅ ᓂᕐᑐᕐᑕᐅᓕ! ᐊᑕᓂᖅ ᐃᓐᖏᕐᕕᒋᓯᐅᒃ ᐃᓐᖏᕈᓯᕐᒧᑦ ᓄᑖᒧᑦ, ᓂᕐᑐᕐᑕᐅᑎᓪᓗᒍ ᐃᑦᔪᕐᓁᑦᑐᖁᑎᖏᑕ ᑲᑎᒪᕕᖏᓐᓂ! 2 ᐃᓴᕆᐊᓕᒥᐅᑦ ᓴᓇᔨᒋᓚᐅᕐᑕᑎᒃ ᖁᕕᐊᓲᑎᒋᓕᑦᔪᒃ, ᓮᐅᓂᐅᑉ ᕿᑐᕐᖓᖏᑕ ᐊᖓᔪᖅᑳᕐᔪᐊᑎᒃ ᓯᕆᑦᔪᑎᒋᓕᑦᔪᒃ! 3 ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ. 4 ᐊᑕᓂᐅᑉ ᐃᓄᖁᑎᓂ ᖁᕕᐊᒋᖕᒪᒋᑦ; ᐱᐅᔪᕆᖏᑦᑐᑦ ᐅᐱᓐᓇᕐᑎᑉᐰᑦ ᓵᓚᖃᕐᑎᓪᓗᒋᑦ. 5 ᐃᑦᔪᕐᓁᑦᑐᑦ ᓂᕐᑐᕐᓇᕐᓂᖅ ᖁᕕᐊᓲᑎᒋᔭᒃᓴᕆᕚᑦ; ᖁᕕᐊᓱᖕᓂᕐᒧᑦ ᐃᓐᖏᕐᑐᒃᓴᐅᕗᑦ ᓯᓂᒡᕕᖕᒥᖕᓃᓪᓗᑎᒃ. 6 ᒎᑎᒥᒃ ᓂᕐᑐᐃᓂᖓᑦ ᐊᖏᔪᖅ ᖃᓂᖏᓐᓃᓚᐅᕐᓕ, ᓴᕕᒡᔪᐊᓪᓗ ᐃᒡᓗᒃᑐᑦ ᑮᓇᓖᑦ ᐊᒡᒐᖏᓐᓃᓪᓗᑎᒃ, 7 ᐊᑭᓂᐊᕐᑎᐅᖁᓪᓗᒋᑦ ᐃᓅᖃᑎᒋᒡᔪᐊᓂᒃ ᐋᖅᑭᒃᓱᐃᔨᐅᖁᓪᓗᒋᓪᓗ ᐃᓄᖕᓂᒃ. 8 ᐊᖓᔪᖅᑳᕐᔪᐊᓂᒃ ᕿᓚᒃᓱᐃᖁᓪᓗᒋᑦ ᐊᕐᓵᕐᑑᔭᓄᑦ ᐊᖓᔪᖅᑳᖁᑎᖏᓪᓗ ᐊᑦᓱᖏᕐᓗᒋᑦ ᓴᕕᕋᔭᖕᓄᑦ, 9 ᑎᑎᕋᕐᓯᒪᔪᓂᒃ ᐃᖅᑲᕐᑐᕐᑕᐅᑦᔪᑎᓂᒃ ᑐᓂᓯᖁᓪᓗᒋᑦ ᑖᒃᑯᓄᖓ; ᐃᑦᔪᕐᓁᑦᑐᖁᑎᓕᒫᖏᑦ ᑍᒤᑦᑐᒥᒃ ᓂᕐᑐᕐᓇᕐᓂᖃᕐᐳᑦ. ᐊᑕᓂᖅ ᓂᕐᑐᕐᑕᐅᓕ! |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society