ᐃᓐᖏᕈᑎᑦ 146 - ᐊᒡᓔᑦ ᐃᑦᔪᕐᖕᓁᑦᑐᑦᖁᕕᐊᓲᑎᒃᓴᖃᕐᐳᑦ ᐊᑕᓂᕐᒧᑦ ᐃᑲᔪᕐᑕᐅᔪᑦ 1 ᐊᑕᓂᖅ ᓂᕐᑐᕐᑕᐅᓕ! ᑕᕐᓃᒃ, ᐊᑕᓂᖅ ᓂᕐᑐᕈᒃ! 2 ᐃᓅᓂᓐᓂ ᐊᑕᓂᖅ ᓂᕐᑐᕐᓂᐊᕐᐸᕋ; ᒎᑎᒐ ᓂᕐᑐᕐᓗᒍ ᐃᓐᖏᕐᕕᒋᔪᒪᕙᕋ ᐃᓅᓯᓕᒫᓐᓂ. 3 ᐊᖓᔪᖅᑳᕐᔪᐊᑦ ᑕᑎᑐᐊᕆᓂᐊᕐᓇᒋᑦ, ᐃᓄᑐᐃᓐᓁᓪᓗ, ᑖᒃᑯᐊ ᐃᑲᔪᕈᓐᓇᖏᒻᒪᑕ. 4 ᐊᓂᕐᓂᖓᑕ ᕿᒪᖕᒪᒍ ᑕᕝᕙ ᓄᓇᒧᑦ ᐅᑎᕐᐳᖅ; ᐅᓪᓗᒥᓗ ᑕᕝᕙᓂᑦᓴᐅᑎᒋ ᐸᕐᓇᒃᓯᒪᔭᖏᑦ ᐃᓱᓕᑉᐳᑦ. 5 ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ. 6 ᑖᓐᓇ ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᒪᑦ, ᐃᒪᕐᕕᖕᒥᒡᓗ, ᐃᓗᐊᓃᑦᑐᓕᒫᓂᒡᓗ; ᑖᓐᓇ ᐅᒃᐱᕐᓇᕐᑑᕗᖅ ᐃᓱᖃᖏᑦᑐᒧᑦ. 7 ᓈᒻᒪᓈᕐᑐᒥᒃ ᐱᓇᓱᐊᕐᑐᖅ ᐅᖁᒤᒃᓴᕐᑎᑕᐅᔪᓄᑦ, ᑳᒃᑐᓂᒃ ᓂᕿᒥᒃ ᓂᕆᑎᑦᓯᔪᖅ. ᐊᑕᓂᖅ ᑎᒍᔭᐅᓯᒪᔪᓂᒃ ᐊᓂᑎᑦᓯᕗᖅ. 8 ᐊᑕᓂᖅ ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᕗᖅ. ᐊᑕᓂᐅᑉ ᒥᑭᒡᓕᑎᕐᑐᑦ ᒪᑭᑎᑉᐰᑦ; ᐊᑕᓂᐅᑉ ᓇᓛᒎᕐᑐᑦ ᓇᒡᓕᒋᕔᑦ. 9 ᐊᑕᓂᐅᑉ ᓂᐅᕐᕈᐊᑦ ᑲᒪᒋᕔᑦ, ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᑲᔪᕐᐰᑦ; ᐱᐅᖏᑦᑐᓪᓕ ᐊᖅᑯᑎᖏᑦ ᓄᖑᑎᑉᐰᑦ. 10 ᐊᑕᓂᖅ ᐊᐅᓚᑦᓯᔨᐅᓂᐊᕐᐳᖅ ᐃᓱᖃᖏᑦᑐᒧᑦ, ᒎᑎᒋᔧᑦ, ᓮᐅᓂᐅᕗᖅ ᐃᓅᖃᑎᒌᒡᔪᐊᓕᒫᓄᑦ. ᐊᑕᓂᖅ ᓂᕐᑐᕐᑕᐅᓕ! |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society