ᐃᓐᖏᕈᑎᑦ 142 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ ᑍᕕᑎᐅᑉ ᐃᓐᖏᕈᑖ ᕾᕈᓱᖕᒦᑦᓱᓂ, ᑐᒃᓯᐊᕐᓂᖅ 1 ᓂᐱᓐᓄᑦ ᓂᓪᓕᐊᕗᖓ ᐊᑕᓂᕐᒧᑦ; ᓂᐱᓐᓄᑦ ᕿᓄᕗᖓ ᐊᑕᓂᕐᒧᑦ. 2 ᓈᒻᒪᒃᓴᖏᓐᓂᒃᑲ ᑖᑦᓱᒧᖓ ᓈᕕᑉᐸᒃᑲ; ᐊᑲᐅᓐᖏᓕᐅᕈᑎᒋᔭᒃᑲ ᑖᑦᓱᒧᖓ ᓴᖅᑭᑎᑉᐸᒃᑲ. 3 ᐊᓂᕐᓂᕋ ᓄᑭᖃᕈᓐᓃᓕᕌᖓᑦ, ᐊᑐᕐᑕᕋ ᖃᐅᔨᒪᑦᓯᐊᖃᑦᑕᕐᐸᑦ! ᐊᖅᑯᑎᒋᓂᐊᕐᑕᓐᓂ ᐃᔨᕋᕐᑐᕐᓗᑎᒃ ᐅᕙᓐᓄᑦ ᓂᒐᓕᐅᕐᓯᒪᕗᑦ. 4 ᑕᓕᕐᐱᓐᓄᑦ ᑕᑯᓴᕋᒪ, ᑕᑯᒋᑦ ᑭᓇᒧᓪᓘᓐᓃᑦ ᐃᒃᐱᒋᔭᐅᓐᖏᓚᖓ; ᕿᒫᕕᒃᓴᖃᕈᓐᓃᕐᐳᖓ; ᑭᓇᒧᓪᓘᓐᓃᑦ ᑲᒪᒋᔭᐅᓐᖏᓚᖓ. 5 ᐊᑕᓃᖅ ᐃᓕᖕᓄᑦ ᓂᓪᓕᐊᕗᖓ; ᐅᖃᕐᓗᖓ, ᐃᕝᕕᑦ ᕿᒫᕕᒃᓴᕆᕙᒋᑦ, ᐃᕝᕕᑐᐊᖅ ᐱᔪᒪᔭᑐᐊᕆᕙᒋᑦ ᐃᓅᔪᑦ ᓄᓇᖓᓐᓂ. 6 ᓂᓪᓕᐊᓂᕋ ᐃᒃᐱᒋᓚᐅᕈᒃ; ᐱᒋᐊᓪᓚᕖᕈᑦᔭᐅᕐᓯᐊᕋᒪ! ᓴᐳᑎᓚᐅᓐᖓ ᐅᕙᓐᓂᒃ ᓵᓚᖃᕋᓱᐊᕐᑐᓂᑦ; ᑖᒃᑯᐊ ᐅᕙᓐᓄᑦ ᓲᖑᓗᐊᕐᒪᑕ. 7 ᑎᒍᔭᐅᓯᒪᕕᖕᒥᑦ ᐊᓂᑎᓚᐅᓐᖓ, ᐊᑎᕐᓄᑦ ᖁᔭᓕᔪᓐᓇᖁᓪᓗᖓ! ᑕᕝᕙ ᐃᓱᐊᕐᑐᓄᑦ ᐊᕙᓗᔭᐅᓂᐊᕐᐳᖓ; ᐃᓛᒃ ᐱᑦᓯᐊᕐᕕᒋᓂᐊᕋᕕᖓ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society