ᐃᓐᖏᕈᑎᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᖃᖏᑦᑐᑦ ᓯᓔᑦᑑᓂᖓᑦ ᒎᑎᐅᓪᓗ ᓵᓚᖃᕈᒫᕐᓂᖓ ᑭᖑᓪᓕᕐᐹᒥᒃ ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ 1 ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᒪᑦ, “ᒎᑎᑕᖃᓐᖏᓚᖅ.” ᐊᔪᕐᑐᓕᔪᐊᓘᕗᑦ, ᐱᓂᐊᕐᓂᖏᓪᓗ ᐱᐅᖏᑦᑑᓪᓗᑎᒃ, ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᑦ. 2 ᐊᑕᓂᖅ ᐊᒻᒧᑦ ᑕᑯᓐᓇᕐᐳᖅ ᐃᓄᐃᑦ ᕿᑐᕐᖓᖏᓐᓂᒃ, ᖃᐅᔨᔪᒪᓪᓗᓂ ᓇᓪᓕᐊᓐᓂᒃ ᑐᑭᓯᔪᖃᕐᒪᖔᑦ, ᓇᓪᓕᐊᓐᓂᒡᓗ ᒎᑎᒥᒃ ᕿᓂᕐᑐᖃᕐᒪᖔᑦ. 3 ᑕᒪᕐᒥᑦᓯᐊᕐᓕ ᑐᓄᓯᒪᕗᑦ, ᑕᒪᕐᒥᑦᓯᐊᕐᓗ ᐱᐅᖏᑦᑐᐊᓘᓕᕐᐳᑦ; ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ. 4 ᐱᐅᖏᑦᑐᓕᔪᑦ ᑍᒪᓐᖓᑦ ᑐᑭᓯᓂᐊᓐᖏᓛᑦ? ᑖᒃᑯᐊ ᐃᓄᖁᑎᓐᓂᒃ ᓂᕆᔪᑦ ᓂᐊᖂᔭᒥᒃ ᓂᕆᔪᑎᑐᑦ, ᐊᑕᓂᕐᒧᓪᓗ ᓂᓪᓕᐊᓇᑎᒃ. 5 ᑕᕝᕙᓂ ᑲᑉᐱᐊᓱᒃᑐᐊᓘᕗᑦ, ᒎᑎ ᑭᖑᕚᖑᖃᑎᒌᑦ ᐃᓱᐊᕐᑐᑦ ᐊᑯᕐᒐᓐᓂ ᐃᓂᖃᕐᒪᑦ. 6 ᐃᓕᑦᓯ ᐊᔪᕐᓴᕐᑐᑦ ᐱᓂᐊᕐᓂᖏᑦ ᒥᑕᐅᑎᒋᕙᓯ, ᑖᒃᑯᐊᓕ ᒎᑎ ᕿᒫᕕᒋᕚᑦ. 7 ᐊᑏᑐᖅ, ᐃᓴᕆᐊᓕᑎᑦ ᐱᐅᓕᔭᐅᕕᒃᓴᖓ ᓮᐅᓂᒥᑦ ᐱᓗᓂ ᑎᑭᒋᐊᓕᕐᓕ! ᐊᑕᓂᐅᑉ ᐃᓄᖁᑎᓂ ᑎᒍᔭᐅᓯᒪᕕᖏᓐᓂᑦ ᐅᑎᕐᑎᓕᕐᐸᒋᑦ, ᑕᕝᕙ ᔧᑯ ᖁᕕᐊᓱᖕᓂᐊᕐᐳᖅ ᐃᓴᕆᐊᓕᓗ ᖁᕕᐊᓱᒡᓗᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society