ᐃᓐᖏᕈᑎᑦ 138 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᖁᔭᓕᓂᕐᒧᑦ ᑍᕕᑎᐅᑉ ᐃᓐᖏᕈᑖ 1 ᐊᑕᓃᖅ ᖁᔭᒋᕙᒋᑦ, ᐆᒻᒪᑎᓕᒫᓐᓄᑦ; ᒎᑎᒋᔭᐅᔪᑦ ᓴᓂᐊᓂ ᓂᕐᑐᕐᓗᑎᑦ ᐃᓐᖏᕐᕕᒋᔪᒪᕙᒋᑦ. 2 ᑐᒃᓯᐊᕐᓂᐊᕐᐳᖓ ᑐᒃᓯᐊᕐᕕᒡᔪᐊᖁᑏᑦ ᐃᑦᔪᕐᓁᑦᑐᖅ ᓵᓪᓗᒍ, ᐊᑏᓪᓗ ᖁᔭᒋᓗᒍ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐃᓱᖃᖏᑦᑐᖅ ᓱᕐᕋᔪᐃᑦᑑᓃᓪᓗ; ᓴᖅᑭᑎᑦᓯᓚᐅᕋᕕᑦ ᐅᖃᐅᓰᑦ ᐊᑏᓪᓗ ᓱᓇᓕᒫᓂᑦ ᐊᖏᓂᕐᐸᐅᓂᖏᓐᓂᒃ. 3 ᓂᓪᓕᐊᕕᒋᒐᒃᑭᑦ ᑕᕝᕙ ᑭᐅᓚᐅᕐᐸᕐᒪ, ᓯᕘᕋᔪᓐᓃᕐᑎᓪᓗᖓ ᑕᕐᓂᕋᓗ ᓲᖑᓯᑎᓪᓗᒍ. 4 ᓄᓇᕐᔪᐊᕐᒥᐅᑦ ᐊᖓᔪᖅᑳᕐᔪᐊᓕᒫᖏᑕ ᓂᕐᑐᕐᓂᐊᕐᐹᑎᑦ, ᐊᑕᓃᖅ, ᖃᓂᕐᐱᑦ ᐅᖃᐅᓯᕆᔭᖏᓐᓂᒃ ᑐᓴᕈᑎᒃ. 5 ᐃᓐᖏᕈᒫᕐᐳᑦ ᐊᑕᓂᐅᑉ ᐱᓂᐊᕐᓂᖏᓐᓂᒃ ᐃᓐᖏᕈᑎᖃᕐᓗᑎᒃ, ᐊᑕᓂᐅᑉ ᓂᕐᑐᕐᓇᕐᓂᖓ ᐊᖏᔪᕐᔪᐊᖑᖕᒪᑦ. 6 ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ. 7 ᐊᑲᐅᖏᑦᔪᑎᑕᖃᕐᑐᒃᑯᑦ ᐃᖏᕐᕋᒐᓗᐊᕈᒪ, ᑕᕝᕙ ᓴᐳᑎᓯᒪᓂᐊᕐᐸᕐᒪ; ᐊᒡᒐᑎᑦ ᐃᓴᒡᓗᒋᑦ ᓄᖅᑲᕐᑎᓐᓂᐊᕐᐸᑎᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ, ᑕᓕᕐᐱᒃᐱᓪᓗ ᓴᐳᑎᓯᒪᓂᐊᕐᐹᖓ. 8 ᐊᑕᓂᐅᑉ ᓈᒻᒪᒃᓯᑎᑦᓯᐊᕐᓂᐊᕐᐰᑦ ᐅᕙᓐᓄᑦ ᑐᕌᖓᑎᑕᓂ; ᓇᒡᓕᖕᓃᑦ ᓱᖁᓯᔪᐃᑦᑐᖅ ᐊᑕᓃᖅ, ᐃᓱᖃᖏᑦᑐᒧᑦ ᑍᒤᓕᖓᓂᐊᕐᐳᖅ. ᐊᒡᒐᒃᐱᑦ ᐱᒋᐊᓕᓚᐅᕐᑕᖏᑦ ᓄᖅᑲᐅᑎᑦᑍᓕᒃᑭᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society