ᐃᓐᖏᕈᑎᑦ 137 - ᐊᒡᓔᑦ ᐃᑦᔪᕐᖕᓁᑦᑐᑦᐃᓴᕆᐊᓕᒃᑯᑦ ᐅᒡᒍᐊᕐᓂᖓᑦ ᐊᐅᓪᓚᕈᑦᔭᐅᓯᒪᓂᕐᒥᖕᓄᑦ 1 ᐹᐱᓘᓂᐅᑉ ᑰᖓᓂ, ᐃᒃᓯᕙᕗᒍᑦ, ᐄᓛᒃ, ᕿᐊᕗᒍᑦ, ᓮᐅᓂ ᐃᖅᑲᐅᒪᓕᕋᑦᑎᒍ. 2 ᐅᕐᐱᒐᕐᓄᑦ ᖃᓂᒋᔭᑦᑎᓐᓃᑦᑐᓄᑦ ᑯᑭᑦᑕᐸᐅᑎᐅᔭᕗᑦ ᓂᕕᓐᖓᕐᐸᕗᑦ. 3 ᑕᕝᕙᓂ ᐊᐅᓪᓚᕈᑦᔨᔨᒋᓯᒪᔭᕗᑦ ᐅᕙᑦᑎᓐᓂᒃ ᐃᓐᖏᖁᔨᓚᐅᕐᐳᑦ, ᐅᖁᒤᒃᓴᕐᑎᑦᓯᔨᒋᔭᕗᑦ ᐃᓐᖏᓗᒃᑖᖁᔨᓚᐅᕐᐳᑦ, ᐅᖃᕐᓗᑎᒃ, “ᐃᓐᖏᕐᕕᒋᓚᐅᕐᑎᒍᑦ ᓮᐅᓂᒥᒃ ᐅᖃᐅᓯᖃᕐᑐᒥᒃ.” 4 ᖃᓄᕐᓕ ᐃᓐᖏᕈᓐᓇᕐᐱᑕ ᐊᑕᓂᐅᑉ ᐃᓐᖏᕈᓯᖓᓂᒃ ᓄᓇᒥ ᓄᓇᒋᓐᖏᑕᑦᑎᓐᓃᓪᓗᑕ? 5 ᔨᕉᓴᓕᒻ ᐃᓕᖕᓂᒃ ᐳᐃᒍᕋᔭᕐᓂᕈᑦᑕ, ᑕᕝᕙ ᑕᓕᕐᐱᒐ ᐱᓐᖑᐊᕆᐊᒃᓴᖅ ᐳᐃᒍᕐᑐᒃᓴᐅᒋᕗᖅ. 6 ᐃᓕᖕᓂᒃ ᐃᖅᑲᐅᒪᔪᓐᓁᓪᓕᓐᓂᕈᒪ, ᑕᕝᕙ ᐅᖃᕋ ᕿᓚᓐᓄᑦ ᓂᐱᓐᖓᓕᕐᓕ; ᔨᕉᓴᓕᒻ ᖁᕕᐊᓲᑎᒋᓂᕐᐹᕆᓗᒍ ᑍᒤᑦᑐᓐᓃᕐᓂᕈᒪ! 7 ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!” 8 ᐃᓕᑦᓯ ᐹᐱᓘᓂᐅᑉ ᐸᓂᖏᑦ, ᐃᕝᕕᑦ ᓄᖑᑕᐅᔪᒃᓴᐅᔪᑎᑦ; ᖁᕕᐊᓱᒍᒫᕐᐳᖅ, ᐃᓕᖕᓂᒃ ᐊᑭᓂᐊᓕᕐᑐᖅ ᐱᓂᐊᕐᓂᕆᓚᐅᕐᑕᑦᓯᓐᓂᒃ ᐅᕙᑦᑎᓐᓄᑦ. 9 ᖁᕕᐊᓱᒍᒫᕐᐳᖅ ᒥᑭᔪᓛᖁᑎᑦᓯᓐᓂᒃ ᑎᒍᓯᔪᖅ ᐃᒋᑦᓯᔪᕐᓗ ᐅᔭᖅᑲᓄᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society