ᐃᓐᖏᕈᑎᑦ 136 - ᐊᒡᓔᑦ ᐃᑦᔪᕐᖕᓁᑦᑐᑦ

ᖁᔭᓕᓂᕐᒧᑦ ᐃᓐᖏᕐᓂᖅ

¹ ᐊᑕᓂᖅ ᖁᔭᒋᓯᐅᒃ, ᑖᓐᓇ ᐱᐅᔫᖕᒪᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

² ᒎᑎᓄᑦ ᒎᑎᐅᔪᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

³ ᐊᑕᓂᐅᔪᓄᑦ ᐊᑕᓂᐅᔪᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

⁴ ᑲᒪᓇᕐᑐᓕᔪᑑᓚᐅᕐᑐᖅ ᐊᖏᔪᕐᔪᐊᒥᒃ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

⁵ ᓯᓚᑐᓂᕐᒥᓄᑦ ᕿᓚᖕᓂᒃ ᓴᓇᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

⁶ ᓄᓇᒥᒃ ᐃᓯᕕᑎᑦᓯᓚᐅᕐᑐᖅ ᐃᒪᐅᑉ ᖄᖓᓄᑦ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

⁷ ᖃᐅᒪᔪᓂᒃ ᐊᖏᔪᕐᔪᐊᓂᒃ ᓴᓇᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

⁸ ᓯᕿᓂᕐᒥᒃ ᓴᓇᓚᐅᕐᑐᖅ ᐅᓪᓗᒥᒃ ᐊᐅᓚᑦᓯᖁᓪᓗᒍ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

⁹ ᑕᖅᑭᕐᒥᒃ ᐅᓪᓗᕆᐊᓂᒡᓗ ᓴᓇᓚᐅᕐᑐᖅ ᐊᐅᓚᑦᓯᖁᓪᓗᒋᑦ ᐅᓐᓄᐊᒥ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

¹⁰ ᐄᑦᔨᑉᑎᒥ ᑐᖁᑎᑦᓯᓚᐅᕐᑐᖅ ᐃᕐᓂᐊᕆᔭᐅᖄᕐᓯᒪᔪᓂᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹¹ ᐃᓴᕆᐊᓕᒃᑯᓐᓂᒡᓗ ᐊᐅᓪᓚᕐᑎᑦᓯᓚᐅᕐᑐᖅ ᑕᕝᕙᓐᖓᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹² ᐊᒡᒐᖕᒥᓄᑦ ᓲᖑᔪᓄᑦ, ᑕᓕᕐᒥᓄᓪᓗ ᐃᓴᒻᒥᔪᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹³ ᐃᒪᕐᒥᒃ ᐊᐅᐸᓗᒃᑕᒥᒃ ᐊᕕᒃᑎᑦᓯᓚᐅᕐᑐᖅ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹⁴ ᐃᓴᕆᐊᓕᒃᑯᓐᓂᒡᓗ ᐱᓱᒃᑎᑦᓯᓚᐅᕐᑐᖅ ᐃᒪᐅᓚᐅᕐᑐᒃᑯᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹⁵ ᐰᕉᕐᒥᒃ ᐃᓚᖏᓐᓂᒡᓗ ᓵᓚᖃᓚᐅᕐᑐᖅ ᐃᒪᕐᒥ ᐊᐅᐸᓗᒃᑕᒥ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

¹⁶ ᐃᓄᖁᑎᒥᓂᒃ ᑕᓯᐅᕐᓯᓚᐅᕐᑐᖅ ᐱᕈᕐᑐᖃᖏᑦᑐᒃᑯᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹⁷ ᐊᖓᔪᖅᑳᕐᔪᐊᓂᒃ ᐊᔪᖏᑦᑐᕐᔪᐊᓂᒃ ᓵᓚᖃᓚᐅᕐᑐᖅ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹⁸ ᐊᖓᔪᖅᑳᕐᔪᐊᓂᒃ ᖃᐅᔨᒪᔭᐅᓪᓚᕆᒃᑐᓂᒃ ᑐᖁᑦᓯᓚᐅᕐᑐᖅ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

¹⁹ ᓮᕼᐆᓂᒥᒡᓗ, ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᓐᓂᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

²⁰ ᐋᒡᒥᒡᓗ, ᐹᓴᓂᒃᑯᑦ ᐊᖓᔪᖅᑳᕐᔪᐊᖓᓐᓂᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

²¹ ᓄᓇᒋᔭᖏᓪᓗ ᑐᓂᓚᐅᕐᐰᑦ ᑭᖑᕐᖑᑎᔭᐅᖁᓪᓗᒋᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

²² ᑭᖑᕐᖑᑎᔭᐅᑯᓪᓗᒋᑦ ᑐᓂᓚᐅᕐᐰᑦ ᐱᔨᒥᓄᑦ ᐃᓴᕆᐊᓕᒧᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

²³ ᐃᖅᑲᐅᒪᓚᐅᕐᐹᑎᒍᑦ ᓱᓇᐅᔪᓐᓃᕐᑎᑕᐅᓯᒪᑎᓪᓗᑕ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

²⁴ ᐱᐅᓕᒃᓯᓚᐅᕐᑐᕐᓗ ᐊᑭᕋᕐᑐᕐᑎᑦᑎᓐᓂᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

²⁵ ᓂᕿᒃᓴᓂᒃ ᑐᓂᓯᔪᖅ ᐆᒪᔪᓕᒫᓄᑦ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.

²⁶ ᕿᓚᐅᑉ ᒎᑎᖓ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ.