ᐃᓐᖏᕈᑎᑦ 130 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ ᐃᓐᖏᕈᓯᖅ ᖁᒻᒧᑦ ᑕᑯᓴᕐᓂᕐᒧᑦ 1 ᐃᑎᓂᕐᒥᑦ ᓂᓪᓕᐊᕗᖓ ᐊᑕᓃᖅ ᐃᓕᖕᓄᑦ. 2 ᐊᑕᓃᖅ, ᓂᐱᒐ ᑐᓴᓚᐅᕈᒃ! ᓯᐅᑏᒃᑭᒃ ᓈᓚᓚᐅᕐᓕᒃ ᕿᓄᓂᕐᒪ ᓂᐱᖓᓂᒃ! 3 ᐊᑕᓃᖅ, ᐊᔪᕐᑐᓕᓂᑦᑎᓐᓂᒃ ᑎᑎᕋᕐᓯᒪᒐᔭᕈᕕᑦ, ᐊᑕᓃᖅ, ᑭᓈ ᓇᖏᕈᓐᓇᕋᔭᕐᐹ? 4 ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ. 5 ᐊᑕᓂᖅ ᐅᑕᖅᑭᕙᕋ, ᑕᕐᓂᕋ ᐅᑕᖅᑭᕗᖅ, ᐅᖃᐅᓯᖏᓪᓗ ᑕᑎᒋᕙᒃᑲ. 6 ᑕᕐᓂᕐᒪ ᐊᑕᓂᖅ ᐅᑕᖅᑭᕚ ᐅᓐᓄᐊᒃᑯᑦ ᖃᐅᔨᓴᕐᑎᐅᑉ ᐅᓪᓛᕈᕐᓂᐊᕐᓂᖓᓂᒃ ᐅᑕᖅᑭᔪᒥᑦ ᐊᑯᓂᐅᒃᓴᕐᓂᕐᓴᐅᓪᓗᖓ ᐊᒡᓛᑦ, ᐅᓐᓄᐊᒃᑯᑦ ᖃᐅᔨᓴᕐᑎᐅᑉ ᐅᓪᓛᕈᕐᓂᐊᕐᓂᖓᓂᒃ ᐅᑕᖅᑭᔪᒥᑦ ᐊᑯᓂᐅᒃᓴᕐᓂᕐᓴᐅᓪᓗᖓ. 7 ᐃᓴᕆᐊᓕᑎᒃᑯᑦ, ᐊᑕᓂᖅ ᓂᕆᐅᒡᕕᒋᓯᐅᒃ! ᐊᑕᓂᕐᒥ ᓇᒡᓕᖕᓂᕐᑕᖃᕐᒪᑦ ᓱᖁᓯᔪᐃᑦᑐᒥᒃ, ᐱᐅᓕᔭᐅᕕᒃᓴᕐᑕᖃᕐᓗᓂᓗ ᐊᖏᔪᒥᒃ ᑖᑦᓱᒪᓂ. 8 ᑖᑦᓱᒪᓗ ᐃᓴᕆᐊᓕᑎᒃᑯᑦ ᐱᐅᓕᔪᒫᕐᐰᑦ ᐊᔪᕐᑐᓕᓂᖏᓐᓂᑦ ᑕᒤᓐᓂᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society