ᐃᓐᖏᕈᑎᑦ 129 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᒃᓯᐊᕐᓂᖅ ᐃᓴᕆᐊᓕᑎᒃᑯᑦ ᐊᑭᕋᕐᑐᕐᑎᖏᑦ ᐱᓪᓗᒋᑦ

ᐃᓐᖏᕈᓯᖅ ᖁᒻᒧᑦ ᑕᑯᓴᕐᓂᕐᒧᑦ

¹ ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ, ᒫᓐᓇ ᐃᓴᕆᐊᓕᑎᒃᑯᑦ ᐅᖃᓕᕐᓕᑦ:

² “ᐅᓄᕐᑐᐃᓱᕐᓗᖓ ᐋᓐᓂᐊᑎᑕᐅᖃᑦᑕᕐᓯᒪᕗᖓ ᐃᓅᓱᒃᑑᓂᓐᓂᑦ; ᑭᓯᐊᓂᓕ ᑖᒃᑯᓄᖓ ᓵᓚᒋᔭᐅᓚᐅᓐᖏᓚᖓ.

³ ᓄᓇᒥᒃ ᒪᒃᐱᕐᑎᕆᔩᑦ ᑐᓄᒐ ᒪᒃᐱᕐᑎᓚᐅᕐᐹᑦ; ᐃᑎᕐᓴᓕᐅᕐᓯᒪᔭᓂ ᑕᑭᔪᕈᕐᑎᓚᐅᕐᐰᑦ.”

⁴ ᐊᑕᓂᖅ ᐃᓱᐊᕐᑑᕗᖅ; ᑖᑦᓱᒪ ᐱᐅᖏᑦᑐᑦ ᐊᒃᓱᓈᖏᑦ ᑭᐱᓚᐅᕐᐰᑦ ᓇᑲᓪᓗᒋᑦ.

⁵ ᓮᐅᓂᒥᒃ ᐆᒥᓱᒃᑐᓕᒫᑦ ᐅᑎᕆᐊᕐᑎᑕᐅᓕᑦ ᑲᓐᖑᓱᓕᕐᓗᑎᒃ.

⁶ ᐃᕕᒃᓱᒐᕐᑎᑐᑦ ᐃᒡᓘᑉ ᖄᖓᓂ ᐱᕈᕐᓯᒪᔪᑎᑐᑦ, ᐱᕈᕈᓐᓇᕐᓯᓚᐅᕋᑎᒃ ᐸᓂᑐᐃᓐᓇᕐᑐᑎᑐᑦ ᑍᒤᓕᕐᓕᑦ,

⁷ ᐱᕈᕐᑐᓂᒃ ᑭᓪᓗᐃᔨᐅᑉ ᑎᒍᔪᓐᓇᕐᓯᓐᖏᑕᖏᑎᑐᑦ; ᓇᑲᑎᕐᑕᐅᓯᒪᔪᓪᓗ ᓴᕐᓕᐊᕐᓗᒋᑦ ᓂᒥᕐᑕᐅᔪᓐᓇᕐᓯᖏᑦᑐᑎᑐᑦ.

⁸ ᓴᓂᖅᑯᑦᑐᑦ ᐅᖃᕈᓐᓇᕐᓯᖁᓇᒋᑦ, “ᐊᑕᓂᐅᑉ ᓮᒻᒪᕐᑎᑦᓯᓂᖓᑕ ᖁᓚᖏᐊᕐᓕᓯ! ᐅᕝᕙᓗ, ᐊᑕᓂᐅᑉ ᐊᑎᖓᓂ ᓮᒻᒪᕐᑎᑉᐸᑦᓯ!”