ᐃᓐᖏᕈᑎᑦ 124 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎ ᓴᐳᓐᓂᐊᕐᑎᐅᕗᖅ ᐃᓄᖁᑎᒥᓄᑦ ᐃᓐᖏᕈᓯᖅ ᖁᒻᒧᑦ ᑕᑯᓴᕐᓂᕐᒧᑦ ᑍᕕᑎᐅᑉ ᐃᓐᖏᕈᑖ 1 ᐊᑕᓂᐅᑉ ᐃᓚᒋᓯᒪᖏᑉᐸᑎᒍᑦ, ᐃᓴᕆᐊᓕᑎᒃᑯᑦ ᒫᓐᓇ ᐅᖃᓕᕐᓕᑦ! 2 “ᐊᑕᓂᐅᑉ ᐃᓚᒋᓯᒪᖏᑉᐸᑎᒍᑦ, ᐃᓄᖕᓂᑦ ᐊᑭᕋᕐᑐᕐᑕᐅᓕᕐᑎᓪᓗᑕ, 3 ᑕᕝᕙ ᐆᒪᑎᓪᓗᑕ ᑖᒃᑯᓄᖓᑦ ᐄᔭᐅᓯᒪᓕᕋᔭᕐᐳᒍᑦ, ᐅᕙᑦᑎᓐᓂᒃ ᓂᓐᖓᐅᑦᔨᓯᒪᓂᑯᖏᓐᓄᑦ; 4 ᑕᕝᕙ ᐃᒪᕐᒧᑦ ᐅᓗᑦᔭᐅᓗᑕ ᓴᕐᕙᐅᓯᒪᓕᕋᔭᕐᐳᒍᑦ, ᑰᖕᒧᓪᓗ ᐅᓕᒃᑕᐅᓗᑕ ᐃᐱᑎᑕᐅᓯᒪᓕᕋᔭᕐᐳᒍᑦ; 5 ᐃᒪᕐᒧᓪᓗ ᐄᔭᐅᓗᑕ ᑭᕕᖅᑲᓕᕋᔭᕐᐳᒍᑦ.” 6 ᐊᑕᓂᖅ ᓂᕐᑐᕐᑕᐅᓕ, ᐅᕙᑦᑎᓐᓂᒃ ᐂᑦᑑᑎᖃᓚᐅᖏᒻᒪᑦ ᓵᓚᐅᓗᑕ ᑕᒧᐊᔭᐅᖁᓪᓗᑕ ᑖᒃᑯᓄᖓ. 7 ᑕᕐᓂᕗᑦ ᐊᓐᓇᓚᐅᕐᐳᑦ ᑎᖕᒥᐊᑉ ᐊᓐᓇᖕᓂᖓᑐᑦ ᑎᖕᒥᐊᕋᓱᒃᑑᑉ ᓂᒐᖓᓂᑦ; ᓂᒐᕆᔭᐅᔪᖅ ᕿᒃᑐᕋᕐᒪᑦ, ᑕᕝᕙ ᐊᓐᓇᓚᐅᕐᐳᒍᑦ. 8 ᐃᑲᔪᕐᑕᐅᓂᕗᑦ ᐊᑕᓂᐅᑉ ᐊᑎᖓᓃᑉᐳᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society