ᐃᓐᖏᕈᑎᑦ 122 - ᐊᒡᓔᑦ ᐃᑦᔪᕐᖕᓁᑦᑐᑦᓂᕐᑐᐃᓂᖅ ᔨᕉᓴᓕᒥᒃ ᐃᖏᕈᓯᖅ ᖁᒻᒧᑦ ᑕᑯᓴᕐᓂᕐᒥᒃ ᑍᕕᑎᐅᑉ ᐃᓐᖏᕈᑖ 1 ᖁᕕᐊᓱᓚᐅᕐᐳᖓ ᐅᖃᐅᑎᔭᐅᒐᒪ, “ᐊᑕᓂᐅᑉ ᐃᒡᓗᖓᓄᑦ ᐃᑎᓚᐅᕐᑕ.” 2 ᑕᕝᕙ ᓇᖏᓕᕐᐳᒍᑦ ᔨᕉᓴᓕᒻ ᐃᑎᕐᑕᕐᕕᒃᐱᑦ ᑭᒡᓕᖓᓂ! 3 ᔨᕉᓴᓕᒻ, ᐃᒡᓗᒐᓴᓕᐅᕐᓯᒪᕗᖅ ᐃᒻᒥᓄᑦ ᑲᑎᓐᖓᑦᓯᐊᕐᑐᒥᒃ ᓴᓇᓯᒪᓪᓗᓂ, 4 ᑕᕝᕗᖓ ᑭᖑᕚᕇᑦ ᒪᔪᐊᖃᑦᑕᕐᐳᑦ, ᐊᑕᓂᐅᑉ ᑭᖑᕚᕇᖁᑎᖏᑦ, ᐃᓴᕆᐊᓕᑎᒃᑯᓐᓄᑦ ᐊᖏᕈᑕᐅᓯᒪᔪᒥᒃ ᐊᑐᕐᓗᑎᒃ, ᖁᔭᓕᔭᕐᑐᕐᓗᑎᒃ ᐊᑕᓂᐅᑉ ᐊᑎᖓᓂᒃ. 5 ᑕᕝᕙᓂ ᐊᖓᔪᖅᑳᕐᔪᐊᖏᑕ ᐃᒃᓯᕙᐅᑕᕐᔪᐊᖏᑦ ᐃᓕᓯᒪᕗᑦ ᐃᓱᐊᕐᓮᕕᖃᖁᓪᓗᒋᑦ, ᑍᕕᑎᐅᑉ ᑭᖑᕚᖏᑕ ᐃᒃᓯᕙᐅᑕᕐᔪᐊᖏᑦ. 6 ᔨᕉᓴᓕᒻ ᓮᒻᒪᕐᑎᑕᐅᖁᓪᓗᒍ ᑐᒃᓯᐅᑎᓯᐅᒃ: “ᐃᓕᖕᓂᒃ ᐱᓐᓇᕈᓱᒃᑐᑦ ᒪᑭᑉᐸᓪᓕᐊᑦᓯᐊᖁᓪᓗᒋᑦ! 7 ᓮᒪᓇᕐᑐᖃᕐᓕ ᐊᕙᓗᕐᔪᐊᕐᐱᑦ ᐃᓗᐊᓂ, ᐊᖓᔪᖅᑳᕐᔪᐊᖁᑎᕕᓪᓗ ᐃᒡᓗᕐᔪᐊᖏᑦ ᓴᐳᑎᔭᐅᓯᒪᓗᑎᒃ.” 8 ᐃᓚᒃᑲ ᐃᓚᓐᓇᕆᔭᒃᑲᓗ ᐱᑦᔪᑎᒋᓪᓗᒋᑦ, ᒫᓐᓇ ᐅᖃᕐᐳᖓ, “ᐃᓕᖕᓂ ᓮᒪᓇᕐᑐᖃᕐᓕ!” 9 ᐊᑕᓂᐅᑉ ᒎᑎᑦᑕ ᐃᒡᓗᖓ ᐱᑦᔪᑎᒋᓪᓗᒍ, ᕿᓂᕐᓂᐊᕐᐳᖓ ᐱᕙᓪᓕᐊᑎᑕᐅᑦᔪᑎᒃᓴᕐᓂᒃ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society