ᐃᓐᖏᕈᑎᑦ 121 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᖅ ᓴᐳᑦᔨᔨᒋᕙᕗᑦ ᐃᓐᖏᕈᓯᖅ ᖁᒻᒧᑦ ᑕᑯᓴᕐᓂᕐᒥᒃ 1 ᐋᕐᓗᕐᓗᖓ ᖃᖅᑲᓄᑦ ᑕᑯᓴᕐᐳᖓ, ᓇᑭᑦ ᐃᑲᔪᕐᑕᐅᒐᔭᕐᐳᖔ? 2 ᐃᑲᔪᕐᑕᐅᓂᕋ ᐊᑕᓂᕐᒥᑦ ᐱᕗᖅ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑐᒥᑦ. 3 ᑖᑦᓱᒪ ᐃᑎᒐᑎᑦ ᖁᐂᔭᕿᑎᓐᓂᐊᓐᖏᓔᑦ, ᑖᓐᓇᓗ ᓴᐳᑦᔨᔩᑦ ᓇᔭᖓᕐᓂᐊᓐᖏᓚᖅ. 4 ᑕᑯᒋᑦ, ᐃᓴᕆᐊᓕᑎᑦ ᓴᐳᑦᔨᔨᖓ ᓇᔭᖓᕐᓂᐊᓐᖏᓚᖅ ᓯᓂᓕᕐᓂᐊᕋᓂᓗ. 5 ᐊᑕᓂᖅ ᓴᐳᑦᔨᔨᒋᕙᑦ; ᐊᑕᓂᖅ ᓴᓂᖕᓃᑉᐳᖅ ᑕᓕᕐᐱᖔᕐᓃᓪᓗᓂ. 6 ᐅᓪᓗᒃᑯᑦ ᓯᕿᓂᕐᒧᑦ ᐆᑕᐅᖁᓇᒃ, ᑕᖅᑭᕐᒧᓪᓘᓐᓃᑦ ᐅᓐᓄᐊᒃᑯᑦ. 7 ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐱᐅᖏᑦᑐᓕᒫᓂᑦ; ᐃᓅᓰᓪᓗ ᓴᐳᑎᓯᒪᓂᐊᕐᐹ. 8 ᐊᑕᓂᐅᑉ ᓴᐳᑎᓯᒪᓂᐊᕐᐹᑎᑦ ᐃᑎᕐᑎᓪᓗᑎᑦ ᐊᓂᑎᓪᓗᑎᓪᓗ ᒫᓐᓇᒥᑦ ᐃᓱᖃᖏᑦᑐᒧᓪᓗ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society