ᐃᓐᖏᕈᑎᑦ 120 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᐃᑲᔪᕐᑕᐅᔪᒪᓂᕐᒧᑦ ᐃᓐᖏᕈᓯᖅ ᖁᒻᒧᐊᒃᑎᑕᐅᓂᕐᒧᑦ 1 ᐃᓱᒪᔮᓕᕐᑎᓪᓗᖓ ᐊᑕᓂᕐᒧᑦ ᓂᓪᓕᐊᓚᐅᕐᐳᖓ, ᑖᑦᓱᒪᓗ ᑭᐅᓚᐅᕐᐹᖓ. 2 ᐊᑕᓃᖅ, ᑕᕐᓂᕋ ᓴᐳᑎᓚᐅᕈᒃ, ᖃᓂᕐᓂᑦ ᓴᒡᓗᔪᓂᑦ, ᐅᖃᕐᓂᓪᓗ ᓯᓔᕐᕆᒃᓯᔪᓂᑦ. 3 ᓱᓇᒥᒃ ᑐᓂᓯᕕᐅᔪᒃᓴᐅᕖᑦ ᖃᓄᕐᓗ ᐱᓇᓱᐊᕐᕕᐅᔪᒃᓴᐅᕖᑦ? ᐅᖃᐅᔪᑎᑦ ᓯᓔᕐᕆᒃᓯᕐᑐᑎᑦ? 4 ᐅᓇᑕᕐᑎᐅᑉ ᖃᕐᔪᖓᓄᑦ ᐃᐱᒃᑐᒧᑦ ᑲᐱᔭᐅᓂᐊᕐᐳᑎᑦ, ᐊᐅᒪᓄᓪᓗ ᐆᓇᕐᑐᐊᓗᖕᓄᑦ ᐆᑕᐅᓂᐊᕐᐳᑎᑦ. 5 ᑲᑉᐱᐊᓐᓇᒦᒃ ᐅᕙᖓ ᓄᓇᖃᖃᑕᐅᒐᒪ ᒥᓯᑭᒥ, ᐃᓚᒋᔭᐅᓪᓗᖓᓗ ᑭᑕᕆᒃᑯᑦ ᑐᐱᖃᕐᕕᖏᓐᓂ. 6 ᑕᕐᓂᕋ ᐊᑯᓂᐅᓗᐊᕐᑐᖅ ᐃᓚᖃᕐᓯᒪᕗᖅ ᐃᓄᖕᓂ ᐅᓇᑕᖏᓐᓂᕐᒥᒃ ᐆᒥᓱᒃᑐᓂ. 7 ᐅᕙᖓᓕ ᐅᓇᑕᕈᒪᓐᖏᓚᖓ; ᐅᓇᑕᕈᒪᓇᖓ ᐅᖃᓪᓚᓕᑐᐊᕋᒪ, ᑕᕝᕙ ᐅᓇᑕᕈᒪᓕᖃᑦᑕᕐᐳᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society