ᐃᓐᖏᕈᑎᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦᐃᓅᑉ ᓵᓚᖃᕈᒪᓂᖓ ᒎᑎᐅᓪᓗ ᓱᖁᓯᔪᐃᑦᑑᓂᖓ ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ 1 ᐃᑲᔪᓚᐅᕆᑦ, ᐊᑕᓃᖅ, ᒎᑎᒥᒃ ᓈᓚᑦᓯᐊᕐᑐᑦ ᓄᖑᓕᕐᒪᑕ! ᐅᒃᐱᕐᓂᕐᒥ ᓱᖁᓯᔪᐃᑦᑐᑦ ᐊᓯᐅᓕᕐᒪᑕ ᐃᓄᖕᓂᑦ. 2 ᓱᓕᖏᑦᑐᓂᒃ ᐅᖃᐅᓯᖃᕐᐳᑦ ᐃᓅᖃᑎᒥᖕᓄᑦ; ᖃᓂᕐᒥᖕᓄᑦ ᐱᐅᔪᕆᔪᒧᑦ, ᐆᒪᒻᒧᓪᓗ ᑕᒃᑯᕐᒨᕐᑐᒧᑦ ᓂᓪᓕᐊᕗᑦ. 3 ᐊᑕᓂᐅᑉ ᑭᐱᑎᑦᓱᒫᓕᕐᐰᑦ ᐱᐅᔪᕆᓂᕐᒥᒃ ᓂᓪᓕᐊᔪᑦ, ᐅᕾᓪᓗ ᐱᐅᔪᕆᑦᔪᑎᒥᖕᓂᒃ ᓂᓪᓕᐊᔪᑦ, 4 ᐃᒫᒃ ᐅᖃᕐᑐᑦ, “ᐅᖃᑦᑎᓐᓄᑦ ᓵᓚᖃᕈᒫᕐᐳᒍᑦ; ᖃᓂᕐᐳᑦ ᓇᖕᒥᓂᕆᒐᑦᑎᒍ: ᑭᐊ ᐊᖓᔪᖅᑳᖑᕝᕕᒋᕚᑎᒎᑦ?” 5 “ᐊᔪᕐᓴᕐᑐᑦ ᐅᖁᒤᒃᓴᕐᑎᑕᐅᖕᒪᑕ, ᐱᒃᓴᖃᖏᑦᑐᓪᓗ ᐊᓂᕐᓴᐅᒥᖕᒪᑕ, ᑕᕝᕙ ᒪᑭᓐᓂᐊᓕᕐᐳᖓ,” ᐊᑕᓂᖅ ᐅᖃᕐᐳᖅ: “ᓴᐳᑎᔪᒪᕙᕋ ᓴᐳᑎᔭᐅᔪᒪᓂᖓ ᒪᓕᒡᓗᒍ.” 6 ᐊᑕᓂᐅᑉ ᐅᖃᐅᓯᖏᑦ ᐃᓚᒃᑲᓐᓂᕐᓯᒪᓐᖏᓚᑦ, ᓯᐅᓪᕕᕆᑎᑐᑦ ᒪᕐᕋᕐᒥ ᐅᒃᑯᓯᖕᒦᑎᓪᓗᒋᑦ ᐃᑯᒪᒃᑯᑦ ᓴᓗᒻᒪᕐᓴᕐᓯᒪᔪᑐᑦ, ᐊᓯᐊᓂᒡᓗ ᐃᓚᖃᕈᓐᓃᕐᑎᑕᐅᓯᒪᔪᑐᑦ, 7ᐃᕐᑐᕐᓗᑎᒡᓗ ᐃᑯᒪᒧᑦ ᖃᐅᔨᓴᕐᑕᐅᓯᒪᔪᑎᑐᑦ. 7 ᐊᑕᓃᖅ, ᐃᕝᕕᑦ ᖃᐅᔨᓴᕐᓂᐊᕐᐸᑎᑦ, ᓴᐳᑎᓯᒪᓂᐊᕐᐸᑎᓪᓗ ᐅᑯᓇᓐᖓᑦ ᑭᖑᕚᖑᖃᑎᒌᓂᑦ ᐃᓱᖃᖏᑦᑐᒧᑦ. 8 ᐱᐅᖏᑦᑐᓕᔪᑦ ᓇᓂᑐᐃᓐᓇᖅ ᐱᓱᕋᔭᒃᐳᑦ, ᐊᔪᕐᑐᓕᓂᖅ ᓇᓂᑐᐃᓐᓇᖅ ᐊᖏᔪᕈᕐᑎᑕᐅᒃᐸᑦ, ᐃᓄᐃᑦ ᕿᑐᕐᖓᖏᓐᓂᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society