ᐃᓐᖏᕈᑎᑦ 114 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᐅᑉ ᐱᔪᓐᓇᕐᓂᖓ ᐃᓴᕆᐊᓕᒥᐅᓂᒃ ᓴᐳᑦᔨᓕᕐᓱᓂ 1 ᐃᓴᕆᐊᓕᒥᐅᑦ ᐄᑦᔨᑉᑎᒥᑦ ᐊᐅᓪᓚᕋᒥᒃ, ᔧᑰᑉ ᑭᖑᕚᖏᑦ ᐃᓄᖕᓂᑦ ᐅᖃᐅᓯᖃᖃᑎᒋᓐᖏᑕᒥᖕᓂᑦ; 2 ᔫᑕ ᐊᑕᓂᐅᑉ ᐃᑦᔪᕐᓁᑦᑐᕕᖁᑎᑖᕆᓚᐅᕐᐹ, ᐃᓴᕆᐊᓕᓗ ᐊᖓᔪᖅᑳᖃᕐᕕᒋᓕᕐᓱᓂᐅᒃ. 3 ᐃᒪᕐᐱᒃ ᑕᒪᑐᒥᖓ ᑕᑯᒐᒥ ᕿᒪᒃᓯᕗᖅ, ᑰᒃ ᔪᐊᕐᑕᓂ ᑰᒍᓐᓃᓚᐅᕐᐳᖅ. 4 ᖃᖅᑬᑦ ᒥᓯᒃᑕᓚᐅᕐᐳᑦ ᓰᐱᐅᑉ ᐊᖑᓴᓪᓗᖏᑎᑐᑦ, ᐱᖑᐊᕐᔪᐃᓪᓗ ᐱᒡᓕᕐᑕᓚᐅᕐᐳᖅ ᓰᐱᐅᑉ ᓄᕐᕋᖏᑎᑐᑦ. 5 ᓱᖕᒪᑦ, ᐃᒪᕐᐱᐅᔪᑎᑦ ᕿᒪᒃᓯᓚᐅᕐᐲᑦ? ᔪᐊᕐᑕᓂᐅᓪᓗ ᑰᖓ, ᓱᖕᒪᑦ ᑰᒍᓐᓃᓚᐅᕐᐱᑦ? 6 ᐃᓕᑦᓯ ᖃᖅᑲᐅᔪᓯ, ᓱᖕᒪᑦ ᒥᓯᒃᑕᓚᐅᕐᐱᓯ ᓰᐱᐅᑉ ᐊᖑᓴᓪᓗᖏᑎᑐᑦ? ᐱᖑᐊᕐᔫᔪᓯ ᓱᖕᒪᑦ ᐱᒡᓕᕐᑕᓚᐅᕐᐱᓯ ᓰᐱᐅᑉ ᓄᕐᕋᖏᑎᑐᑦ? 7 ᓄᓇᕐᔪᐊᖅ ᓴᔪᓚᐅᕆᑦ, ᐊᑕᓂᐅᑉ ᓇᔫᑎᓂᖓᓄᑦ, ᔧᑰᓪᓗ ᒎᑎᖓᑕ ᓇᔫᑎᓂᖓᓄᑦ; 8 ᑖᑦᓱᒪ ᕾᕐᑐᖅ ᑕᓯᕈᕐᑎᓚᐅᕐᒪᒍ, ᐃᓐᓈᕈᕐᓗ ᓄᓇᐅᑉ ᐃᓗᐊᓂᑦ ᑰᓕᕐᑎᓚᐅᕐᐹ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society