ᐃᓐᖏᕈᑎᑦ 113 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᐅᑉ ᐱᐅᓂᖓᓂᒃ ᓂᕐᑐᐃᑦᔪᑎᖃᕐᓂᖅ 1 ᐊᑕᓂᖅ ᓂᕐᑐᕐᑕᐅᓕ! ᐊᑕᓂᕐᒧᑦ ᐱᔨᐅᔪᓯ ᓂᕐᑐᕐᓯᐅᒃ, ᐊᑕᓂᐅᑉ ᐊᑎᖓ ᓂᕐᑐᕐᑕᐅᓕ! 2 ᐊᑕᓂᐅᑉ ᐊᑎᖓ ᓂᕐᑐᕐᑕᐅᓕ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᑦ! 3 ᓯᕿᓂᐅᑉ ᓄᐃᓕᕐᓂᖓᓂᑦ ᓂᐱᓂᖓᓄᑦ ᑎᑭᓪᓗᒍ ᐊᑕᓂᐅᑉ ᐊᑎᖓ ᓂᕐᑐᕐᑕᐅᔪᒃᓴᐅᕗᖅ! 4 ᐊᑕᓂᖅ ᐊᐅᓚᑦᓯᔨᐅᖕᒪᑦ ᐃᓅᖃᑎᒌᒡᔪᐊᓕᒫᓄᑦ, ᑖᑦᓱᒪᓗ ᓂᕐᑐᕐᓇᕐᓂᖓ ᕿᓚᖕᓂᑦ ᖁᑦᓯᖕᓂᕐᓴᐅᕗᖅ. 5 ᑭᓇ ᐊᑦᔨᖃᕐᐸ ᐊᑕᓂᕐᒥᒃ ᒎᑎᑦᑎᓐᓂᒃ? ᖁᑦᓯᒃᑐᒥ ᐃᓂᖃᕐᑐᒥᒃ, 6 ᐃᒻᒥᓂᒃ ᒥᑭᒡᓕᑎᕐᓗᓂ ᑕᑯᓴᖃᑦᑕᕐᑐᖅ ᕿᓚᖕᒦᑦᑐᓂᒃ ᓄᓇᒦᑦᑐᓂᒡᓗ? 7 ᐊᒃᓗᔪᒥᒃ ᓴᓂᕐᒥᑦ ᒪᑭᑎᑦᓯᔪᖅ, ᓂᑯᕕᑎᑦᓯᔪᕐᓗ ᐃᑲᔪᕐᑕᐅᔭᕆᐊᓕᖕᒥᒃ ᑕᐅᓄᖎᓐᓈᕐᓇᕐᑐᒥᑦ; 8 ᐃᖏᑎᑕᐅᖁᓪᓗᒋᑦ ᐊᖓᔪᖅᑳᕐᔪᐊᑉ ᕿᑐᕐᖓᖏᓐᓄᑦ, ᐃᓄᖁᑎᖏᑦ ᐊᖓᔪᖅᑳᕐᔪᐊᑦ ᕿᑐᕐᖓᖏᓐᓄᑦ ᐃᓚᓕᐅᑎᑎᓪᓗᒋᑦ. 9 ᐊᕐᓇᒥᒃ ᕿᑐᕐᖏᓱᐃᑦᑐᒥᒃ ᐊᖏᕐᕋᕐᑖᑦᑎᑦᓯᔪᖅ, ᖁᕕᐊᓱᒻᒪᕆᒡᓗᓂ ᐊᓈᓇᒋᔭᐅᖁᓪᓗᒍ ᕿᑐᕐᖓᖏᓐᓄᑦ. ᐊᑕᓂᖅ ᓂᕐᑐᕐᑕᐅᓕ! |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society