ᐃᓐᖏᕈᑎᑦ 112 - ᐊᒡᓔᑦ ᐃᑦᔪᕐᖕᓁᑦᑐᑦᐃᓱᐊᕐᑐᓕᔫᑉ ᓮᒻᒪᕐᑕᐅᑦᔪᑎᒃᓴᖃᕐᓂᖓ 1 ᐊᑕᓂᖅ ᓂᕐᑐᕐᑕᐅᓕ! ᑐᓱᓐᓇᕐᐳᖅ ᐃᓄᒃ ᐊᑕᓂᕐᒥᒃ ᓯᕘᕋᔪᖅ, ᑖᑦᓱᒪᓗ ᐱᖁᔭᖏᓐᓂᒃ ᖁᕕᐊᒋᔭᖃᕐᑐᖅ. 2 ᑖᑦᓱᒪ ᑭᖑᕚᖏᑦ ᐊᔪᖏᑦᑐᕐᔪᐊᖑᓂᐊᕐᐳᑦ ᓄᓇᒥ; ᑭᖑᕚᕇᒃᐸᓪᓕᐊᔪᖁᑎᖏᓪᓗ ᓮᒻᒪᕐᑎᑕᐅᓯᒪᓂᐊᕐᓱᑎᒃ. 3 ᐃᓚᒌᑦ ᐱᖁᑎᖃᑦᓯᐊᕐᓂᐊᕐᐳᑦ ᐊᔪᕐᓴᖏᑦᑑᓗᑎᒡᓗ, ᐃᓅᑦᓯᐊᕐᓂᖓᓗ ᒪᑭᑕᓂᐊᕐᓗᓂ ᐃᓱᖃᖏᑦᑐᒧᑦ. 4 ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ. 5 ᐱᓪᓗᕆᒃᐳᖅ ᐊᓐᓂᕈᓱᖃᖏᑦᑐᖅ ᐊᑦᑕᑐᕐᑎᑦᓯᖃᑦᑕᕐᑐᕐᓗ; ᑖᑦᓱᒪ ᒪᑭᒪᐅᑎᒃᓴᓂ ᓯᓔᕐᕆᒃᓯᓂᖃᖏᑦᑐᒃᑯᑦ ᐋᖅᑭᒃᓯᒪᑎᓐᓂᐊᕐᒪᒋᑦ. 6 ᑖᑦᓱᒪᓗ ᐱᓇᓱᐊᕐᓂᖓ ᐊᐅᓚᑎᑕᐅᓂᐊᓐᖏᓚᖅ; ᐃᓱᐊᕐᑐᓕᔪᖅ ᐃᖅᑲᐅᒪᔭᐅᓂᐊᕐᐳᖅ ᐃᓱᖃᖏᑦᑐᒧᑦ. 7 ᐱᐅᖏᑦᑐᓂᒃ ᑐᓴᕐᑎᑕᐅᒐᓗᐊᕈᓂ ᓯᕘᕋᓂᐊᓐᖏᓚᖅ; ᑖᑦᓱᒪ ᐆᒻᒪᑎᖓ ᐊᐅᓚᖏᑦᑐᒦᒻᒪᑦ, ᐊᑕᓂᕐᒥᒃ ᑕᑎᖃᕐᓗᓂ. 8 ᑖᑦᓱᒪ ᐆᒻᒪᑎᖓ ᐋᖅᑭᒌᕐᓯᒪᖕᒪᑦ, ᓯᕘᕋᓂᐊᓐᖏᓚᖅ, ᑕᑯᓚᐅᖅᑳᕋᓂ ᐆᒥᒋᔨᖏᑕ ᓵᓚᒋᔭᐅᓂᖏᓐᓂᒃ. 9 ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ. 10 ᐱᐅᖏᑦᑑᑉ ᑕᒪᓐᓇ ᑕᑯᓂᐊᕐᐹ ᓂᓐᖓᒍᑎᒋᓂᐊᕐᐹᓗ; ᐆᒥᓱᖕᓂᕐᒧᑦ ᑮᑦᔫᒥᓗᑎᒃ ᑮᓇᕐᓕᕐᓗᑎᒃ ᕿᒪᕉᑎᓂᐊᕐᐳᑦ; ᐱᐅᖏᑦᑑᑉ ᐱᔪᒪᔭᖓ ᐊᓯᐅᖕᒪᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society