ᐃᓐᖏᕈᑎᑦ 110 - ᐊᒡᓔᑦ ᐃᑦᔪᕐᖕᓁᑦᑐᑦᐅᖃᐅᓯᖃᕐᓂᖅ ᒥᓮᐊᓯᐅᑉ ᐊᖓᔪᖅᑳᖑᓂᖓᓂᒃ ᑍᕕᑎᐅᑉ ᐃᓐᖏᕈᑖ 1 ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.” 2 ᐊᑕᓂᐅᑉ ᑎᒃᑯᐊᕐᓯᑦᔪᑎᒥᒃ ᑐᓂᓯᕕᒋᓂᐊᕐᐹᑎᑦ ᓮᐅᓂᒥᑦ ᐱᔪᒥᒃ ᐊᐅᓚᑦᓯᔪᓐᓇᐅᑎᒃᓴᕐᓂᒃ. ᐊᐅᓚᑦᓯᖁᓪᓗᑎᑦ ᐆᒥᒋᔨᕕᑦ ᐊᑯᕐᖓᓐᓂ. 3 ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ. 4 ᐊᑕᓂᖅ ᐅᖃᒻᒪᕆᓚᐅᕐᐳᖅ, ᓴᖑᓂᐊᕋᓂᓗ, “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.” 5 ᐊᑕᓂᖅ ᑕᓕᕐᐱᖕᓃᑉᐳᖅ; ᐊᖓᔪᖅᑳᕐᔪᐊᑦ ᓯᖁᒥᑦᓱᒫᕐᐰᑦ ᓂᓐᖓᖕᓂᖓᑕ ᐅᓪᓗᖏᓐᓂ. 6 ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᐃᖅᑲᕐᑐᐃᔪᒫᕐᐳᖅ, ᓄᓇ ᑕᑕᑎᑦᓱᒫᕐᐹ ᑐᖁᖓᔪᑦ ᑎᒥᕕᓂᖏᓐᓂᒃ, ᓄᓇᖃᑎᒌᑦ ᐊᖓᔪᖅᑳᕐᔪᐊᖏᑦ ᓯᖁᒥᑦᓱᒫᕐᐰᑦ. 7 ᐊᖅᑯᑎᒋᔭᒥᓂ ᑰᖕᒥᑦ ᐃᒥᕈᒫᕐᐳᖅ; ᑍᒤᒻᒪᑦ ᓂᐊᖁᓂ ᒪᑭᓪᓗᓂᐅᒃ ᓵᓚᖃᒻᒪᕆᒍᒫᕐᐳᖅ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society