ᐃᓐᖏᕈᑎᑦ 11 - ᐊᒡᓔᑦ ᐃᑦᔪᕐᖕᓁᑦᑐᑦᑕᑎᖃᕐᓂᖅ ᒎᑎᐅᑉ ᐃᓱᐊᕐᑑᓂᖓᓂᒃ ᐃᓐᖏᕐᑏᑦ ᑲᒪᔨᖓᓐᓄᑦ ᑍᕕᑎᐅᑉ ᐃᓐᖏᕈᑖ 1 ᐊᑕᓂᖅ ᑕᑎᒋᕙᕋ; ᓱᖕᒪᓪᓕ ᐅᖃᕐᐱᓰ ᑕᕐᓂᓐᓄᑦ, “ᕿᒫᓕᕆᑦ ᑎᖕᒥᐊᑐᑦ ᖃᖅᑲᖁᑎᑦᓯᓐᓄᑦ; 2 ᐱᐅᖏᑦᑐᓕᔪᑦ ᐱᑎᒃᓯᑎᒃ ᕿᓗᕔᑦ, ᖃᕐᔪᑎᒡᓗ ᐃᓕᕔᑦ ᓄᖃᕐᑎᒥᖕᓄᑦ, ᐃᔨᕋᕐᑐᕐᓗᑎᒃ ᐱᑎᒃᓯᔪᒪᓪᓗᑎᒃ ᓱᓕᑦᓯᐊᕐᑐᓂᒃ ᐆᒻᒪᑎᓕᖕᓂᒃ. 3 ᑐᓐᖓᕖᑦ ᐊᓯᕈᕐᑕᐅᓕᕐᑎᓪᓗᒋᑦ, ᐱᓇᓱᐊᑦᓯᐊᕐᑐᑦ ᖃᓄᐃᓕᐅᕆᐊᖃᕐᐹᑦ?” 4 ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ. 5 ᐊᑕᓂᐅᑉ ᐱᓇᓱᐊᑦᓯᐊᕐᑐᖅ ᖃᐅᔨᓴᕐᐹ, ᐱᐅᖏᑦᑐᓕᔪᓪᓕ, ᑲᑉᐱᐊᓱᒃᑎᑦᓯᓂᕐᒥᒡᓗ ᖁᕕᐊᒋᔭᖃᕐᑐᑦ ᐆᒥᒋᕔᑦ. 6 ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ. 7 ᐊᑕᓂᖅ ᐃᓱᐊᕐᑑᖕᒪᑦ, ᐱᓂᐊᕐᓃᓪᓗ ᐃᓱᐊᕐᑐᑦ ᖁᕕᐊᒋᕔᑦ, ᓱᓕᑦᓯᐊᕐᑐᒥᒡᓗ ᐃᓅᔪᑦ ᑕᑯᓐᓇᕐᐰᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society