ᐃᓐᖏᕈᑎᑦ 101 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᕐᒧᑦ ᓱᖁᓯᔪᐃᑦᑑᔪᒪᓂᖅ ᑍᕕᑎᐅᑉ ᐃᓐᖏᕈᑖ 1 ᐃᓐᖏᕈᑎᖃᕈᒪᕗᖓ ᑲᔪᓯᑦᓯᐊᕈᒪᓂᕐᒥᒃ ᓈᒻᒪᓈᑦᓯᐊᕈᒪᓂᕐᒥᒡᓗ; ᐃᓕᖕᓄᑦ ᐊᑕᓃᖅ ᐃᓐᖏᕐᓗᖓ ᓂᕐᑐᕈᒪᕙᒋᑦ. 2 ᓯᓚᑐᑦᓯᐊᕐᓗᖓ ᓈᒻᒪᓈᑦᓯᐊᕐᓗᖓᓗ ᐃᓅᔪᒪᕗᖓ. ᖃᖓ ᐅᕙᓐᓄᑦ ᕾᓂᐊᕐᐲᑦ? ᐃᓅᔪᒪᕗᖓ ᐆᒻᒪᑎᒃᑯᑦ ᓱᓕᑦᓯᐊᕐᑐᒦᓪᓗᖓ ᐊᖏᕐᕋᓐᓂ; 3 ᐱᐅᖏᑦᑐᒥᒃ ᑲᔪᓯᓂᖃᕈᒪᓐᖏᓚᖓ; ᑲᑕᒃᓯᒪᔪᑦ ᐱᓂᐊᕐᓂᖏᑦ ᐆᒥᒋᕙᒃᑲ; ᑕᒪᑐᒧᖓ ᐊᒃᑐᐊᔭᐅᔪᒪᓐᖏᓚᖓ. 4 ᐆᒻᒪᑎᒃᑯᑦ ᓱᓕᖏᓐᓂᕐᒥᒃ ᐅᕙᓐᓃᖁᔨᓐᖏᓚᖓ; ᐱᐅᖏᑦᑐᒥᒃ ᐱᖃᑎᖃᕈᒪᓐᖏᓚᖓ. 5 ᐃᓅᖃᑎᒥᓂᒃ ᐃᔨᕋᕐᑐᕐᓗᓂ ᐅᖃᐅᑎᒃᓴᕐᑐᖅ ᑐᖁᓐᓂᐊᕐᐸᕋ; ᐃᓄᒃ ᐱᓪᓚᕆᐅᓇᓱᐊᕐᑐᖅ ᐱᐅᔪᕆᔪᒥᒡᓗ ᐆᒻᒪᑎᓕᒃ ᐃᓚᒋᔪᒪᓐᖏᓚᕋ. 6 ᓄᓇᒥ ᓱᓕᑦᓯᐊᕐᑐᒥᒃ ᐃᓅᔪᓂᒃ ᕿᓂᕐᓂᐊᕐᐳᖓ, ᑖᒃᑯᐊ ᐃᒡᓗᕐᔪᐊᖁᑎᓐᓂ ᐃᓂᖃᕈᓐᓇᖁᓪᓗᒋᑦ; ᐸᓯᔭᒃᓴᐅᖏᑦᑐᒥᒃ ᐃᓅᔪᖅ ᑖᓐᓇ ᐱᔨᒋᓂᐊᕐᐸᕋ. 7 ᓴᒡᓗᕿᑦᓯᓯᒪᓗᓂ ᐃᓅᔪᒥᒃ ᐃᒡᓗᓐᓃᖁᔨᓐᖏᓚᖓ; ᓴᒡᓗᖃᑦᑕᕐᑐᓂᒃ ᓇᔪᒐᓐᓃᖁᔨᓂᐊᓐᖏᓚᖓ. 8 ᐅᓪᓛᑕᒫᑦ ᐱᐅᖏᑦᑐᓕᒫᑦ ᓄᓇᒥ ᓄᖑᓐᓂᐊᕐᐸᒃᑲ, ᓄᖅᑲᕐᑎᓐᓂᐊᕐᐸᒃᑲ ᐱᐅᖏᑦᑐᓕᔪᓕᒫᑦ ᐊᑕᓂᐅᑉ ᐃᒡᓗᒐᓴᖏᓐᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society