ᐃᓐᖏᕈᑎᑦ 100 - ᐊᒡᓔᑦ ᐃᑦᔪᕐᖕᓁᑦᑐᑦᓂᕐᑐᐃᓂᖅ ᐊᑕᓂᐅᑉ ᐃᓄᖁᑎᒥᓄᑦ ᓱᖁᓯᔪᐃᑦᑑᓂᖓᓄᑦ ᐃᓐᖏᕈᓯᖅ ᑐᓂᕐᕈᑎᓄᑦ ᖁᔭᓕᓂᕐᒧᑦ 1 ᐊᑕᓂᖅ ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ, ᓄᓇᕐᔪᐊᕐᒥᐅᓕᒫᖑᔪᓯ! 2 ᐊᑕᓂᖅ ᐱᔨᑦᓯᕐᓯᐅᒃ ᖁᕕᐊᓱᒡᓗᓯ! ᕾᒋᑦᓯ ᑖᑦᓱᒪ ᓇᔪᕐᑕᖓᓄᑦ ᐃᓐᖏᕐᓗᓯ! 3 ᖃᐅᔨᒪᓗᓯ ᐊᑕᓂᖅ ᒎᑎᐅᖕᒪᑦ! ᑖᑦᓱᒪ ᓴᓇᓚᐅᕐᒪᑎᒍᑦ ᐱᖁᑎᒋᕚᑎᒍᑦ; ᐃᓄᖁᑎᒋᕚᑎᒍᑦ, ᑲᒪᒋᕚᑎᒍᓪᓗ ᓰᐱᖁᑎᒥᑐᑦ. 4 ᑖᑦᓱᒪ ᐃᑎᕐᑕᕐᕕᖓᒍᑦ ᐃᑎᕆᑦᓯ ᖁᔭᓕᓗᓯ, ᑐᒃᓯᐊᕐᕕᒃᔪᐊᓪᓗ ᐱᕕᑐᓂᖓᓂ ᓂᕐᑐᕐᓯᐅᒃ! ᖁᔭᒋᓗᒍ ᐊᑎᖓ ᓂᕐᑐᕐᓯᐅᒃ! 5 ᐊᑕᓂᖅ ᐱᐅᔫᖕᒪᑦ; ᑖᑦᓱᒪᓗ ᓇᒡᓕᒍᓱᖕᓂᖓ ᐃᓱᖃᖏᑦᑑᕗᖅ, ᓱᕐᕋᔪᐃᑦᑑᓪᓗᓂᓗ ᑭᖑᕚᕇᖑᔪᓕᒫᓄᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society