ᓲᓗᒨᓂᐅᑉ ᐅᖃᓪᓚᖕᓂᖏᑦ 31 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᖓᔪᖅᑳᕐᔪᐊᑉ ᐃᓱᒪᑖᕈᑎᒃᓴᖏᑦ

¹ ᓕᒧᐃᓕᐅᑉ, ᒫᓴᒥᐅᑦ ᐊᖓᔪᖅᑳᕐᔪᐊᖓᑕ ᐅᖃᐅᓯᖏᑦ, ᐊᓈᓇᖓᑕ ᐃᓕᓮᑦᔪᑎᒋᓚᐅᕐᑕᖏᑦ ᑖᑦᓱᒧᖓ:

² ᓇᒡᓕᒋᒻᒪᕆᒃᑖᒃ ᐃᕐᓃᒃ ᖃᓄᐃᓕᕐᐲᑦ? ᐃᒡᓕᐊᓐᓄᑦ ᓇᖕᒥᓂᖅ ᐃᕐᓂᕐᑖᕆᓚᐅᕐᐸᒋᑦ? ᐊᖏᒻᒪᕆᒍᑎᓕᐅᕐᓗᖓ ᐃᕐᓂᕐᑖᕆᓚᐅᕐᐸᒋᑦ?

³ ᓄᑭᖃᑦᓯᐊᕐᓃᑦ ᐊᑐᕐᓂᐊᕐᓇᒍ ᐊᕐᓇᓄᑦ, ᐱᓇᓱᐊᕈᑎᓕᒫᑎᓪᓗ ᑐᓂᓂᐊᕐᓇᒋᑦ ᐊᕐᓇᓄᑦ; ᐊᖓᔪᖅᑳᕐᔪᐊᓂᒃ ᐊᓯᕈᐃᖃᑦᑕᕐᓯᒪᖕᒪᑕ.

⁴ ᑕᒪᓐᓇ ᐊᖓᔪᖅᑳᕐᔪᐊᕐᓯᐅᑕᐅᓐᖏᓚᖅ, ᓕᒧᐃᓖ, ᐊᖓᔪᖅᑳᕐᔪᐊᖅ ᕔᓂᒥᒃ ᐃᒥᕐᑐᒃᓴᐅᓐᖏᓚᑦ, ᐊᐅᓚᑦᓯᔨᐅᔪᑦ ᐃᒥᐊᓗᖕᒥᒃ ᓴᓐᖏᔪᒥᒃ ᐃᒥᕈᒪᔪᒃᓴᐅᓐᖏᓚᑦ;

⁵ ᐃᒥᕐᓯᒪᓕᕈᑎᒃ ᐊᖏᕈᑕᐅᓯᒪᔪᒥᒃ ᐳᐃᒍᖁᓇᒋᑦ, ᐃᓄᐃᓪᓗ ᐊᔪᕐᓴᕐᑐᑦ ᐃᒃᐱᒋᔭᐅᑦᓯᐊᕆᐊᖃᕐᓂᖏᓐᓂᒃ ᑲᒪᔪᓐᓃᖁᓇᒋᑦ.

⁶ ᑐᖁᑐᐃᓐᓇᕆᐊᖃᓕᕐᑐᑦ ᓴᓐᖏᔪᒥᒃ ᐃᒥᕐᑎᑦᓱᓐᓇᕐᐸᓯ, ᕔᓂᑐᕐᑎᓪᓗᒋᓪᓗ ᐆᒻᒪᑎᒥᒍᑦ ᖁᕕᐊᓱᖏᑦᑐᑦ;

⁷ ᐃᒥᕐᑐᒃᓴᐅᕗᑦ ᐊᔪᕐᓴᕐᓂᕐᒥᖕᓂᒃ ᐳᐃᒍᖁᓪᓗᒋᑦ, ᐆᒻᒪᑎᒥᒍᓪᓗ ᖁᕕᐊᓱᖏᓐᓂᕆᔭᒥᖕᓂᒃ ᐃᖅᑲᐅᒪᔪᓐᓃᖁᓪᓗᒋᑦ.

⁸ ᐃᒻᒥᖕᓂᒃ ᐅᖃᕈᓐᓇᖏᑦᑐᑦ ᐅᖃᕈᑎᔭᒃᓴᕆᕙᑎᑦ, ᐱᕕᒃᓴᖃᖏᑦᑐᑦ ᐃᑲᔪᕐᑎᒃᓴᖃᖏᑦᑐᓪᓗ ᓴᐳᑎᓯᒪᔭᒃᓴᕆᕙᑎᑦ.

⁹ ᑖᒃᑯᐊ ᐅᖃᕈᑎᔭᒃᓴᕆᕙᑎᑦ ᓈᒻᒪᓈᕐᑐᒥᒃ ᐊᑦᔨᒌᒃᑎᑦᓯᖁᓪᓗᑎᑦ, ᐱᔪᓐᓇᕐᑕᓂᖏᓐᓂᒃ ᐃᑲᔪᖃᑦᑕᒃᑭᑦ ᐊᔪᕐᓴᕐᑐᑦ ᐃᑲᔪᕐᑕᐅᔭᕆᐊᓖᓪᓗ.

ᓄᓕᐊᕆᔭᐅᔫᑉ ᐱᔪᓐᓇᑦᓯᐊᕐᓂᖓ

¹⁰ ᑭᓇ ᐊᕐᓇᒥᒃ ᐂᑉᐸᑦᓯᐊᕙᐅᔪᒥᒃ ᓇᓂᓯᔪᓐᓇᕐᐹ? ᑖᓐᓇ ᐱᓪᓚᕆᐅᓂᕐᓴᒻᒪᕆᐅᕗᖅ ᐱᖁᑎᓂᑦ ᑕᑯᒥᓇᕐᑐᓂᑦ.

¹¹ ᑖᓐᓇ ᐅᐃᖓᑕ ᐅᒃᐱᕆᑦᓯᐊᕈᓐᓇᕐᐹ, ᑖᓐᓇᓗ ᒪᑭᒪᐅᑎᒃᓴᒥᒃ ᐊᔪᕐᓴᓕᕐᓂᐊᓐᖏᓚᖅ.

¹² ᐊᕐᓇᐅᑉ ᐅᐃᓂ ᐱᑦᓯᐊᕐᕕᒋᖕᒪᒍ, ᐱᐅᖏᑦᑐᒥᒡᓗ ᐱᓂᐊᕐᕕᒋᓇᒍ, ᐊᕐᓇᐅᑉ ᐃᓅᓂᓕᒫᒥᓂ.

¹³ ᐃᒻᒥᓂᒃ ᐊᓐᓄᕌᒃᓴᓕᐅᕐᓂᕐᒧᑦ ᓄᕕᕐᓵᒃᓴᓕᐅᕐᓂᕐᒧᓪᓗ, ᐊᒡᒐᒥᓄᓪᓗ ᐱᓇᓱᐊᕆᐊᒃᓴᖅ ᐃᕿᐊᓱᖏᑦᓯᐊᕐᓗᓂ.

¹⁴ ᑖᓐᓇ ᐊᕐᓇᖅ ᐊᑦᔨᖃᕐᐳᖅ ᓲᕐᓗ ᐅᒥᐊᕐᔪᐊᑎᑐᑦ ᓂᐅᕕᐊᒃᓴᕐᑕᕐᑐᑎᑐᑦ, ᓂᕿᒃᓴᓂᒃ ᐅᖓᓯᒃᑐᒥᑦ ᑎᑭᐅᑦᔨᖃᑦᑕᕐᑐᑎᑐᑦ.

¹⁵ ᒪᑭᑉᐸᒃᑐᖅ ᓱᓕ ᐅᓐᓄᐊᖑᑎᓪᓗᒍ, ᐃᒡᓗᒥᐅᖃᑎᒥ ᓂᕆᔭᒃᓴᖏᓐᓂᒃ ᐋᖅᑭᒃᓱᐃᔪᒪᓪᓗᓂ, ᐊᕐᓁᓪᓗ ᐱᔨᒥ ᐱᓇᓱᐊᕐᓂᐊᕐᑕᖏᓐᓂᒃ ᓇᓗᓁᕐᓯᔪᒪᓪᓗᓂ.

¹⁶ ᓄᓇᓗ ᖃᐅᔨᓴᓚᐅᕐᓗᓂᐅᒃ ᓂᐅᕕᐊᕆᕙ ᓇᖕᒥᓂᖅ; ᑮᓇᐅᔭᒥᓄᑦ ᐱᓇᓱᐊᕐᓗᓂ ᐊᑭᓕᕐᑕᐅᑦᔪᑎᒋᓯᒪᔭᒥᓄᑦ ᓄᓇ ᓴᓇᓪᓗᒍ ᐸᐅᕐᖓᓄᑦ ᐱᕈᕐᓰᕕᓕᐊᕆᕚ.

¹⁷ ᐱᓇᓱᒃᓯᑎᐅᓪᓗᓂ ᓄᑭᖃᑦᓯᐊᕐᓗᓂᓗ, ᐱᓇᓱᐊᕐᑕᒥᓂᒡᓗ ᐱᔭᕇᑦᓯᐊᖃᑦᑕᕐᓱᓂ.

¹⁸ ᖃᐅᔨᒪᓪᓗᓂᓗ ᓂᐅᕕᐊᒃᓴᖏᑕ ᐱᕙᓪᓕᕐᓇᕐᓂᖏᓐᓂᒃ, ᐅᓐᓄᐊᕈᕐᓰᕙᒡᓗᓂᓗ ᐱᓇᓱᐊᖏᓐᓇᕐᓗᓂ.

¹⁹ ᓇᖕᒥᓂᖅ ᐃᕙᓗᒃᓴᒥᓂᒃ ᓴᓇᕙᒡᓗᓂ, ᓇᖕᒥᓂᕐᓗ ᐊᓐᓄᕌᒃᓴᒥᓂᒃ ᓄᕕᕐᓴᕐᐸᒡᓗᓂ.

²⁰ ᑐᓂᓯᖃᑦᑕᕐᓗᓂᓗ ᐊᔪᕐᓴᕐᑐᓄᑦ ᐱᔭᕆᐊᓕᖕᓄᓪᓗ, ᐄᓛᒃ, ᓇᖕᒥᓂᖅ ᐊᒡᒐᖕᒥᓄᑦ ᓴᓇᓪᓗᓂ ᐃᑲᔪᕐᑕᐅᔭᕆᐊᓕᖕᓂᒃ ᐃᑲᔪᖃᑦᑕᕐᐳᖅ.

²¹ ᓂᒡᓚᕐᑐᐊᓘᒐᓗᐊᕐᐸᑦ ᐊᐳᓯᕐᓗᓂ ᐃᓱᒫᓗᖕᓂᐊᓐᖏᓚᖅ, ᐃᓚᖏᑦ ᐊᓐᓄᕌᖃᑦᓯᐊᕐᒪᑕ ᐅᖅᑰᔪᓂᒃ.

²² ᕿᐱᓕᐅᕐᐸᒡᓗᓂᓗ ᓇᖕᒥᓂᖅ; ᐊᓐᓄᕌᖃᕐᓗᓂᓗ ᐊᑭᑐᔪᒃᓴᔭᓂᒃ ᐊᐅᐸᓪᓚᕆᒃᑐᓂᒃ.

²³ ᐅᐃᖓᓗ ᖃᐅᔨᒪᔭᐅᑦᓯᐊᕐᐳᖅ ᐃᓄᖕᓄᑦ, ᐊᖓᔪᖅᑳᖑᖃᑕᐅᓪᓗᓂᓗ ᓄᓇᒥᓂ.

²⁴ ᐊᓐᓄᕌᓕᐅᕐᐸᒃᐳᖅ ᑕᑦᓯᕈᑎᒃᓴᓂᒡᓗ ᓂᐅᕐᕈᑎᖃᕐᐸᒃᑐᖅ; ᓂᐅᕕᕐᑎᓄᓪᓗ ᓂᐅᕕᐊᒃᓴᓕᐅᕐᐸᒃᓱᓂ ᑕᑦᓯᓂᒃ.

²⁵ ᓴᓐᖏᓂᖅ ᐅᐱᒋᔭᐅᓂᕐᓗ ᐊᓐᓄᕌᕆᕔᑦ, ᖁᕕᐊᒋᔭᖃᕐᐳᖅ ᐅᓪᓗᓂᒃ ᕾᔪᓂᒃ.

²⁶ ᖃᓂᕐᒥᒍᑦ ᐅᖃᕐᐸᒃᐳᖅ ᓯᓚᑐᔪᓂᒃ, ᐊᔪᕆᕐᑐᐃᓂᖓᓗ ᐱᑦᓯᐊᕐᓂᕐᒥᒃ ᓴᖅᑭᑎᑦᓯᕗᖅ.

²⁷ ᐃᓚᒌᑦ ᐱᔭᕆᐊᖃᕐᓂᖏᑦ ᐊᒃᓱᕉᑎᒋᓪᓗᒋᑦ ᐱᓇᓱᐊᕐᐰᑦ, ᓂᕆᕙᓐᖏᓚᕐᓗ ᓂᕿᒃᓴᒥᒃ ᐃᕿᐊᓱᒃᑐᑦ ᓂᕿᖓᓂᒃ.

²⁸ ᕿᑐᕐᖓᖏᑦ ᐱᕈᕋᒥᒃ ᓮᒻᒪᕐᑎᑕᐅᓯᒪᓂᕋᕐᐹᑦ; ᐅᐃᖓᑕᑦᑕᐅᖅ ᖁᕕᐊᒋᕚ, ᓂᕐᑐᕐᓗᒍᓗ.

²⁹ ᐅᖃᐅᓯᕆᕚ, “ᐊᕐᓁᑦ ᐅᓄᕐᑐᑦ ᓄᓕᐊᑦᓯᐊᕙᐅᔪᓐᓇᕐᐳᑦ, ᐃᕝᕕᓪᓕ ᑕᒤᓐᓂᑦ ᐱᐅᓂᕐᐹᖑᕗᑎᑦ.”

³⁰ ᐱᔪᒥᓇᕐᓂᖅ ᐅᐃᕖᕐᕆᒃᓯᔪᓐᓇᕐᐳᖅ, ᑕᐅᑦᑐᑦᓯᐊᕆᖕᓂᖓᓗ ᑍᒤᑦᓮᓐᓇᕈᓐᓇᓐᖏᓚᖅ, ᐊᕐᓇᕐᓕ ᐊᑕᓂᕐᒥᒃ ᓯᕘᕋᔪᖅ ᑖᓐᓇ ᓂᕐᑐᕐᑕᐅᔭᕆᐊᖃᕐᐳᖅ.

³¹ ᑐᓂᓯᕕᐅᓕ ᐊᒡᒐᒥᓄᑦ ᐱᕈᕐᑎᑕᖏᓐᓂᒃ, ᐱᓇᓱᐊᕐᓯᒪᔭᖏᑕ ᓂᕐᑐᕐᓇᕐᑎᓪᓕᐅᒃ ᐃᓄᖕᓄᑦ.