ᓲᓗᒨᓂᐅᑉ ᐅᖃᓪᓚᖕᓂᖏᑦ 27 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖃᐅᒃᐸᐅᓂᐊᕐᑐᕐᒧᑦ ᐱᔪᕆᑦᑍᓕᒋᑦ, ᖃᐅᔨᒪᖏᓐᓇᕕᑦ ᓱᓇᒥᒃ ᐅᓪᓗᖅ ᐱᑎᑦᓯᓂᐊᕐᒪᖔᑦ.

² ᐊᓯᖕᓄᑦ ᓂᕐᑐᕐᑕᐅᓕᕆᑦ, ᓇᖕᒥᓂᖅ ᖃᓂᕐᓂᐅᖏᑦᑐᖅ; ᐃᓅᖃᑎᒋᓐᖏᑕᕐᓄᑦ, ᓇᖕᒥᓂᖅ ᖃᓂᕐᓅᖏᑦᑐᖅ.

³ ᐅᔭᕋᒃ ᐅᖁᒤᑉᐳᖅ ᓯᐅᕋᕐᓗ ᐅᖁᒤᒃᑭᕗᖅ, ᓯᓔᑦᑑᓪᓕ ᓂᓐᖓᖕᓂᖓ ᐅᖁᒤᓐᓂᕐᓴᐅᕗᖅ ᑕᒪᖏᖕᓂᑦ.

⁴ ᓂᓐᖓᐅᒪᓂᖅ ᐱᐅᓐᖏᓚᖅ, ᓂᓐᖓᖕᓂᒡᓗ ᓵᓚᖃᕈᓐᓇᕐᐳᖅ; ᑭᓇᓕ ᓯᖕᓇᓂᐅᑉ ᓵᖓᓂ ᓇᖏᕈᓐᓇᕐᐹ?

⁵ ᐃᓂᕐᑎᕆᓂᖅ ᐱᐅᓂᕐᓴᐅᕗᖅ ᓇᒡᓕᖕᓂᕐᒥᑦ ᐃᔨᕐᓯᒪᔪᒥᑦ.

⁶ ᐋᖅᑭᒃᓱᐃᓂᐅᕗᖅ ᐃᓚᓐᓈᑉ ᐃᑭᓕᕐᓯᓂᖓ; ᐊᑭᕋᐅᓪᓕ ᑯᓂᒃᓯᓂᖓ ᓯᓔᕐᕆᒃᓯᓂᐅᕗᖅ.

⁷ ᑕᕐᓂᐅᑉ ᐊᕿᐊᑦᑐᓱᖕᓂᖓ ᐱᐅᒃᓴᖏᓐᓂᐅᕗᖅ ᕼᐊᓂᒥᒃ, ᑕᕐᓂᐅᓪᓕ ᑳᒃᑑᑉ ᖃᒃᑭᓐᓇᕐᑐᑦ ᓰᕐᓇᕐᓯᑎᑉᐰᑦ.

⁸ ᓲᕐᓗ ᑎᖕᒥᐊᖅ ᐃᕙᕕᖕᒥᓂᑦ ᕿᒤᒃᐸᑦ ᑍᒫᒃᑕᐅᖅ ᐃᓄᒃ ᕿᒤᒋᕗᖅ ᐃᓂᒋᔭᒥᓂᒃ.

⁹ ᐅᕐᓱᕐᑎᕈᑏᑦ ᑎᐱᑦᓯᐊᕆᒃᓴᐅᑏᓪᓗ ᐆᒻᒪᑎᐅᑉ ᖁᕕᐊᒋᕔᑦ, ᑍᒫᒃᑕᐅᖅ ᐊᖑᑎᐅᑉ ᐃᓚᓐᓈᖓᑕ ᐅᖃᐅᑦᔪᐃᓂᖏᑦ ᓰᕐᓇᕐᑑᒋᕗᑦ.

¹⁰ ᕿᒤᓐᓇᕐᑍᓕᒍᒃ ᓇᖕᒥᓂᖅ ᐃᓚᓐᓈᑦ ᐊᑖᑕᕕᓪᓘᓐᓃᑦ ᐃᓚᓐᓈᖓ; ᖃᑕᓐᖑᑎᕕᓪᓘᓐᓃᑦ ᐃᒡᓗᖓᓄᐊᕐᑍᓕᒋᑦ ᐅᓪᓗᒥ ᖁᕕᐊᓇᖏᑦᑐᒦᓐᓂᕐᓂ; ᐱᐅᓂᕐᓴᐅᕗᖅ ᓯᓚᖅᑲᑏᑦ ᖃᓂᑦᑐᒦᑦᑐᖅ ᖃᑕᓐᖑᑎᖕᓂᑦ ᐅᖓᓯᒃᑐᒦᑦᑐᒥᑦ.

¹¹ ᐃᕐᓃᒃ, ᓯᓚᑐᓕᕆᑦ, ᐆᒻᒪᑎᒐᓗ ᖁᕕᐊᓱᒃᑎᒍᒃ, ᑭᐅᔪᓐᓇᖁᓪᓗᖓ ᐅᕙᓐᓂᒃ ᓈᒻᒪᒃᓴᖏᓐᓇᓱᒃᑐᒥᒃ.

¹² ᐅᑦᔨᑦᑎᐊᕐᑐᖅ ᐱᐅᖏᑦᑐᒥᒃ ᐊᒡᒋᕐᑐᒥᒃ ᑕᑯᕙᒃᐳᖅ ᐃᔨᕐᐸᒡᓗᓂᓗ; ᓯᓔᑦᑐᕐᓕ ᑲᔪᓯᕗᑦ ᓱᒋᐊᕐᑕᐅᓪᓗᓂᓗ.

¹³ ᐃᓕᑕᕆᓐᖏᑕᒥᓄᑦ ᐱᖁᑎᒥᓂᒃ ᑐᓂᓯᔫᑉ ᐊᓐᓄᕌᖓ ᐱᒍᒃ, ᐊᑭᓕᐅᑎᓐᖑᕐᓕ ᐊᕐᓇᒧᑦ ᐊᓯᓐᓂᐊᕐᑎᒧᑦ.

¹⁴ ᐃᓚᓐᓈᒥᓂᒃ ᓮᒻᒪᕐᑎᑦᓯᔪᖅ ᓂᐱᖅᑯᕐᑐᓗᓂ, ᐅᓪᓛᒻᒪᕆᒃᑯᑦ ᒪᑭᓪᓗᓂ, ᑖᓐᓇ ᐃᓱᒪᓂᕐᓗᒡᕕᐅᔪᑐᑦ ᐃᓕᖓᕗᖅ.

¹⁵ ᐅᓪᓗᕐᒥ ᓯᓚᓗᒃᑎᓪᓗᒍ ᑯᑐᐃᓐᓇᕐᑐᖅ ᐊᑦᔨᖃᕐᐳᖅ ᐊᕐᓇᑐᑦ ᐂᕔᓐᓇᕐᑐᑐᑦ.

¹⁶ ᓇᓪᓕᐊᑦ ᐊᕐᓇᒥᒃ ᑖᑦᓱᒥᖓ ᓄᖅᑲᕐᑎᑦᓯᔪᖅ ᐊᓄᕆᒥᒃ ᓄᖅᑲᕐᑎᑦᓯᒋᕗᖅ, ᑎᒍᓯᕗᕐᓗ ᐅᕐᓱᒥᒃ ᐊᒡᒐᒥᓄᑦ ᑕᓕᕐᐱᖕᒥᓄᑦ.

¹⁷ ᓲᕐᓗ ᓴᕕᕋᔭᒃ ᐃᐱᒃᓮᖕᒪᑦ ᓴᕕᕋᔭᖕᒥᒃ, ᑍᒫᒃᑕᐅᖅ ᐊᖑᑦ ᐃᓚᓐᓇᕆᔭᒥᓂᒃ ᐃᐱᒃᓮᒋᕗᖅ ᑕᐅᑦᑐᐊᓂᒃ.

¹⁸ ᓇᓪᓕᐊᑦ ᓇᐹᕐᑐᒥᒃ ᐸᐅᕐᖓᓕᖕᒥᒃ ᑲᒪᑦᓯᐊᕐᑐᖅ ᓂᕆᕕᒋᔪᒫᕐᐹ ᐸᐅᕐᖓᖏᓐᓂᒃ; ᑍᒫᒃᑕᐅᖅ ᐊᖓᔪᖅᑳᒥᓂᒃ ᑲᒪᑦᓯᐊᕐᑐᖅ ᐅᐱᒋᔭᐅᔪᒫᕐᐳᖅ.

¹⁹ ᓲᕐᓗ ᐃᒪᖅ ᑕᕐᕋᒃᑯᑦ ᓴᖅᑭᑎᑦᓯᖕᒪᑦ ᑮᓇᕐᒥᒃ, ᑍᒫᒃᑕᐅᖅ ᐊᖑᑎᐅᑉ ᐃᓱᒪᖓ ᓴᖅᑭᑎᑦᓯᕗᖅ ᐃᓅᓯᖓᓂᒃ.

²⁰ ᑐᖁᖓᔪᑦ ᐃᓂᖓᑦ ᐊᓯᕈᕐᑕᐅᓂᕐᓗ ᑕᑕᑦᓱᓐᓇᓐᖏᓛᒃ; ᐊᖑᑎᐅᓪᓗ ᐃᔨᖏᒃ ᓈᒻᒪᒃᓯᓚᐅᕐᓯᒪᓐᖏᓛᒃ.

²¹ ᐅᒃᑯᓯᒃ ᐊᐅᒃᑎᕆᕕᐅᕗᖅ ᓯᐅᓪᕕᕆᒧᑦ ᐃᑯᒪᓗ ᒎᓗᒧᑦ, ᐊᖑᓪᓗ ᐱᐅᓯᑎᑕᐅᕗᖅ ᐊᓯᖏᑕ ᐅᖃᐅᓯᖏᓐᓄᑦ.

²² ᓯᓔᑦᑐᖅ ᓯᖃᓪᓕᒐᓗᐊᕈᕕᐅᒃ ᓂᐊᖂᔭᒃᓴᑐᑦ ᓯᖃᓪᓕᔭᐅᕙᒃᑐᑐᑦ, ᓯᓔᓐᓂᖓᑕ ᕿᒪᖕᓂᐊᓐᖏᓛ.

²³ ᓰᐱᖁᑎᑎᑦ ᐊᔪᐃᓐᓇᕐᓗᒋᑦ ᑲᒪᒋᑦᓯᐊᒃᑭᑦ, ᐆᒪᔪᖁᑎᑎᓪᓗ ᖃᐅᔨᓴᑦᓯᐊᕐᓗᒋᑦ;

²⁴ ᐊᒃᓱᐃᓐᓃᑦ ᐃᓱᖃᖏᑦᑑᓐᖏᓚᑦ; ᐊᖓᔪᖅᑳᕐᔪᐊᑉ ᓂᐊᖂᑎᖓ ᑭᖑᕚᕇᓄᑦ ᑲᔪᓯᓂᐊᓐᖏᓚᖅ?

²⁵ ᐃᕕᒃᓱᒊᑦ ᓄᖑᑉᐸᑕ, ᑕᕝᕙ ᐃᕕᒃᓱᒐᕐᓂᒃ ᐱᕈᓕᕐᑐᓂᒃ ᓴᖅᑭᑦᑐᖃᕐᐳᖅ, ᖃᖅᑲᐅᓪᓗ ᐱᕈᕐᑐᖏᑦ ᐃᓚᐅᕈᑎᒃᓮᑦ ᑲᑎᕐᓱᕐᑕᐅᒋᕗᑦ.

²⁶ ᓄᕐᕅᑦ ᐃᓕᖕᓂᒃ ᐊᓐᓄᕌᒃᓴᕐᑖᕐᑎᑦᓯᔪᒫᕐᐳᑦ, ᒎᑦᓰᓪᓗ ᐊᑭᖏᓐᓄᑦ ᐱᕈᕐᓰᕕᒃᑖᕈᒫᕐᐳᑎᑦ.

²⁷ ᒎᑦᓰᓪᓗ ᐃᒻᒧᖏᓐᓂᒃ ᐊᒥᒐᖏᑦᑐᒥᒃ ᓂᕿᖃᕈᒫᕐᐳᑎᑦ, ᐃᒡᓗᒥᐅᖃᑎᕕᑦ ᓂᕿᒃᓴᖏᓐᓂᒃ, ᐱᔨᕕᓪᓗ ᐊᕐᓁᑦ ᓂᕿᒋᔪᒫᕐᐰᑦ.