ᓲᓗᒨᓂᐅᑉ ᐅᖃᓪᓚᖕᓂᖏᑦ 24 - ᐊᒡᓔᑦ ᐃᑦᔪᕐᖕᓁᑦᑐᑦ

-19-

¹ ᐱᐅᖏᑦᑐᒥᒃ ᐱᐅᓯᓖᑦ ᑐᓱᒋᓂᐊᕐᓇᒋᑦ, ᐃᓚᒋᔪᒪᓂᐊᕐᓇᒋᓪᓘᓐᓃᑦ;

² ᐃᓱᒪᒥᒃᑎᒍᑦ ᐋᖅᑭᒃᓱᐃᖕᒪᑕ ᑲᑉᐱᐊᓱᒃᑎᑦᓯᔪᒪᓂᕐᒥᒃ, ᖃᓂᖏᓪᓗ ᐅᖃᐅᓯᖃᕐᓗᑎᒃ ᐊᑲᐅᖏᑦᑐᓕᐅᕈᒪᓂᕐᒥᒃ.

-20-

³ ᓯᓚᑐᓂᖅ ᐊᑐᕐᓗᒍ ᐃᒡᓗ ᓴᓇᔭᐅᕗᖅ, ᑐᑭᓯᓂᒃᑯᓪᓗ ᐱᔭᕇᕐᑕᐅᓪᓗᓂ;

⁴ ᖃᐅᔨᑎᑕᐅᓂᒃᑯᑦ ᐃᒡᓗᕈᓯᖏᑦ ᑕᑕᑕᐅᕗᑦ ᐱᒃᑯᒥᓇᕐᑐᓂᒃ ᑕᑯᒥᓇᕐᑐᓂᒡᓗ ᐊᒃᓱᐃᑦᔪᑎᓂᒃ.

-21-

⁵ ᓯᓚᑐᔪᖅ ᓴᓐᖏᓂᕐᓴᐅᕗᖅ ᐊᖑᒻᒥᑦ ᓴᖏᔪᕐᔪᐊᒥᑦ, ᖃᐅᔨᑎᑕᐅᓯᒪᓂᖅ ᐱᓪᓚᕆᐅᓂᓴᐅᕗᖅ ᓴᓐᖏᔫᓂᕐᒥᑦ;

⁶ ᓯᓚᑐᓂᒃᑯᑦ ᐃᓱᒪᓕᐅᕐᑕᐅᓗᑎᑦ ᓇᖕᒥᓂᖅ ᐅᓇᑕᕆᐊᕈᓐᓇᕐᐳᑎᑦ, ᐃᓱᒪᓕᐅᕐᑎᖃᕐᓗᓂ ᐅᓄᕐᑐᓂᒃ ᓵᓚᖃᕐᓂᕐᑕᖃᕐᐳᖅ.

-22-

⁷ ᓯᓚᑐᓂᖅ ᖁᑦᓯᓗᐊᕐᐳᖅ ᓯᓔᑦᑐᒧᑦ; ᖃᓂᓂ ᐂᑦᑕᕈᓐᓇᓐᖏᓛ ᐃᑎᕐᑕᕐᕕᖕᒥ.

-23-

⁸ ᐃᓱᒪᓕᐅᕐᑐᖅ ᐱᐅᖏᑦᑐᐊᓗᖕᒥᒃ ᐱᓂᐊᕈᒪᓗᓂ ᑍᔭᐅᓂᐊᕐᐳᖅ ᐅᐃᕕᕆᒃᓯᔪᒥᒃ.

⁹ ᐅᐃᕕᕆᒃᓯᓂᖅ ᓯᓔᓐᓂᒃᑯᑦ ᐊᔪᕐᑐᓕᓂᐅᕗᖅ, ᐃᓄᐃᑦ ᓇᕐᕈᒋᕚᑦ ᒥᑕᐅᑎᖃᕐᑐᖅ.

-24-

¹⁰ ᓄᑮᕈᕕᑦ ᐅᓪᓗᒥ ᐊᑭᕋᕐᑐᕐᑕᐅᕕᖕᒥ, ᓴᓐᖏᓃᑦ ᒥᑭᔫᕗᖅ.

-25-

¹¹ ᓴᐳᑎᒃᑭᑦ ᑐᖁᒧᑦ ᐂᑎᑕᐅᔪᑦ, ᓄᖅᑲᖓᑎᓪᓗᒋᓪᓗ ᐅᕐᕈᔮᕐᑐᑦ ᑐᖁᑕᐅᕕᖕᒧᑦ.

¹² ᐃᒫᒃ ᐅᖃᕈᕕᑦ, “ᑕᒪᑐᒥᖓ ᖃᐅᔨᒪᖏᑦᓯᐊᓚᐅᕐᑐᒍᑦ,” ᐆᒻᒪᑎᓂᒃ ᖃᐅᔨᓴᕐᑑᑉ ᑕᒪᓐᓇ ᐃᓱᒪᒋᓐᖏᓚᐅᒃ? ᑕᕐᓂᕐᓂᒃ ᑲᒪᔨᐅᑉ ᖃᐅᔨᒪᓐᖏᓚᐅᒃ? ᐱᑎᑦᓯᓂᐊᓐᖏᓚᕐᓘ ᐃᓄᖕᓄᑦ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒌᑦ?

-26-

¹³ ᐃᕐᓃᒃ, ᕼᐊᓂᒥᒃ ᓂᕆᖃᑦᑕᕆᑦ, ᒪᒪᕐᑑᖕᒪᑦ; ᕼᐊᓂ ᐃᒍᑦᓮᑦ ᓰᕐᓇᐅᑎᖓᓂᑦ ᐱᔪᖅ ᓰᕐᓇᕐᑑᒪᑦ ᖃᓂᕐᓂ.

¹⁴ ᖃᐅᔨᒪᒋᓪᓗ ᓯᓚᑐᓂᖅ ᑍᒤᑦᓯᐊᕆᕗᖅ ᑕᕐᓂᕐᓄᑦ; ᓇᓂᒍᕕᐅᒃ, ᓯᕗᓂᕐᒥ ᓂᕆᐅᒋᔭᒃᓴᖃᕐᐳᑎᑦ, ᓂᕆᐅᖕᓃᓪᓗ ᐲᕐᑕᐅᓚᐅᕐᓯᒪᓂᐊᓐᖏᓚᖅ.

-27-

¹⁵ ᐃᔨᕐᓯᒪᓗᑎᑦ ᐅᑕᖅᑭᓂᐊᕐᓇᒃ, ᐱᐅᖏᑦᑐᓕᔪᑎᑐᑦ ᐃᓱᐊᕐᑐᓕᔫᑉ ᐃᒡᓗᖓᓂ; ᑲᑉᐱᐊᓱᒃᑎᑦᓯᓂᐊᕐᓇᒃ ᐃᓱᐊᕐᑐᓕᔫᑉ ᐊᖏᕐᕋᖓᓂ;

¹⁶ ᐃᓱᐊᕐᑐᓕᔪᖅ 7ᐃᕐᑐᕐᓗᓂ ᐅᕐᕈᒐᓗᐊᕈᓂ, ᒪᑭᖃᑦᑕᕐᓂᐊᕐᒪᑦ, ᐱᐅᖏᑦᑐᓕᔪᕐᓕ ᐅᕐᕈᑎᑕᐅᕗᖅ ᑲᑉᐱᐊᓇᕐᑐᑎᒍᑦ.

-28-

¹⁷ ᐊᑭᕋᕐᑐᕐᑏᑦ ᐅᕐᕈᒃᐸᑦ ᖁᕕᐊᓲᑎᒋᓂᐊᕐᓇᒍ, ᐆᒻᒪᑏᓪᓗ ᐊᓕᐊᓁᒍᓱᖕᓂᐊᕋᓂ ᐊᑭᕋᕐᑐᕐᑏᑦ ᐅᒃᐱᑲᕐᐸᑦ;

¹⁸ ᐊᑕᓂᐅᑉ ᑕᑯᒍᓂᐅᒃ, ᖁᕕᐊᒋᓐᖏᑐᐃᓐᓇᕆᐊᖃᕐᒪᒍ. ᑖᑦᓱᒧᖓᓗ ᓂᓐᖓᐅᒪᓂᓂ ᓄᖅᑲᕐᑎᑐᐃᓐᓇᕆᐊᖃᕐᒪᒍ.

-29-

¹⁹ ᑲᑉᐱᐊᓱᖕᓂᐊᕐᓇᒃ ᐱᐅᖏᑦᑐᓕᔪᓂᒃ, ᐊᔪᕐᑐᓕᔪᓪᓗ ᑐᓱᒋᓂᐊᕐᓇᒋᑦ;

²⁰ ᓯᕗᓂᕐᒥ ᓂᕆᐅᒋᔭᒃᓴᖃᕐᓂᐊᓐᖏᓚᖅ ᐊᔪᕐᑐᓕᔪᖅ; ᐱᐅᖏᑦᑐᓕᔫᑉ ᓇᓂᕈᐊᖓ ᖃᒥᑕᐅᓂᐊᕐᐳᖅ.

-30-

²¹ ᐃᕐᓃᒃ, ᐊᑕᓂᖅ ᓯᕘᕋᒋᒍᒃ ᐊᖓᔪᖅᑳᕐᔪᐊᕐᓗ; ᓇᓪᓕᖏᒃᓘᓐᓃᑦ ᑐᓵᓐᖏᓴᕐᓂᐊᕐᓇᖏᒃ;

²² ᑲᑉᐱᐊᓇᕐᑐᖅ ᑕᕝᕔᓐᓇᖅ ᑖᒃᑯᓇᓐᖓᑦ ᑎᑭᑦᓱᓐᓇᕐᒪᑦ, ᖃᐅᔨᒪᖏᓐᓇᕖᑦ ᑖᒃᑯᐊᒃ ᓱᓇᒥᒃ ᐱᑎᑦᓯᔪᓐᓇᕐᒪᖔᑎᒃ?

ᓱᓕ ᐅᖃᐅᓰᑦ ᓯᓚᑐᔪᑦ

²³ ᒪᑯᐊᑦᑕᐅᖅ ᓯᓚᑐᔫᑉ ᐱᒋᒋᕔᑦ: ᐃᓔᓐᓇᕐᓯᐅᕐᓂᖅ ᐊᑦᔨᒌᒃᑎᑦᓯᓂᐅᖏᓐᓇᒥ ᐱᐅᓐᖏᓚᖅ.

²⁴ ᐱᐅᖏᑦᑐᓕᔪᓄᑦ ᐅᖃᕐᑐᖅ, “ᐸᓯᔭᒃᓴᐅᓐᖏᓚᓯ,” ᑍᒤᓕᔭᓯ ᐃᓄᖕᓂᑦ ᐃᓱᒪᓂᕐᓗᒍᑕᐅᔪᓐᓇᕐᒪᑦ; ᐃᓅᖃᑎᒌᓂᓪᓗ ᓇᕐᕈᒋᔭᐅᓕᕐᓗᑎᒃ.

²⁵ ᐱᐅᖏᑦᑐᓕᔪᓂᒃ ᐃᓂᕐᑎᕆᔪᑦ ᖁᕕᐊᒋᔭᐅᓂᐊᕐᒪᑕ, ᐱᐅᔪᒥᒡᓗ ᓮᒻᒪᕐᑎᑕᐅᓂᕐᒥᒃ ᐊᖅᑲᕐᕕᐅᓗᑎᒃ.

²⁶ ᓱᓕᔪᒥᒃ ᑭᒡᒍᓯᖃᕐᓂᖅ ᖃᓂᒃᑯᑦ ᑯᓂᒃᑕᐅᔪᑐᑦ ᑍᒤᑉᐳᖅ.

²⁷ ᓯᓚᒥ ᓴᓇᔧᑦ ᐊᑐᐃᓐᓇᕈᕐᑎᕈᒃ, ᐱᕈᕐᓰᕕᖁᑏᓪᓗ ᓇᑎᕐᓇᖅ ᐸᕐᓇᒡᓗᒍ; ᑭᖑᓂᖓᒍᑦ ᐃᒡᓗᐃᑦ ᓴᓇᓕᕐᓗᒍ.

²⁸ ᐃᖅᑲᕐᑐᐃᕕᖕᒥ ᖃᐅᔨᓚᐅᕐᑐᑐᑦ ᐃᓚᐅᓂᐊᕐᓇᒃ ᐃᓅᖃᑎᖕᓄᑦ ᐱᑦᔪᑎᖃᖏᑦᑐᒧᑦ, ᐅᐃᕕᕆᒃᓯᒐᔭᕋᕕᑦ ᓱᓕᖏᑦᑐᒥᒃ ᐅᖃᕈᕕᑦ.

²⁹ ᐅᖃᕐᓂᐊᕐᓇᒃ, “ᐱᓂᐊᕐᕕᒋᓂᐊᕐᐸᕋ ᑍᒫᓪᓗᐊᖅ ᐱᓂᐊᕐᕕᒋᓚᐅᕐᒪᖓ; ᐅᑎᕐᑎᑦᓯᕕᒋᓂᐊᕐᐸᕋ ᐱᓂᐊᕐᓂᕆᓚᐅᕐᑕᖓ ᒪᓕᒡᓗᒍ.”

³⁰ ᐊᖑᑎᐅᑉ ᐃᕿᐊᑦᑕᐅᒃ ᐱᕈᕐᓰᕕᖓᒍᑦ ᐱᓱᓚᐅᕐᐳᖓ, ᕔᓂᓕᐅᕐᕕᖓᒍᓪᓗ ᐊᖑᑎᐅᑉ ᓯᓔᑦᑑᑉ ᐱᕈᕐᓰᕕᖓᒍᑦ;

³¹ ᐃᒤᓕᖓᓚᐅᕐᐳᑦ, ᐅᕐᐲᑦ ᑲᑭᓪᓚᕐᓇᕐᑐᓖᑦ ᓇᓂᑐᐃᓐᓇᖅ ᐱᕈᕐᐳᑦ; ᓄᓇ ᖄᐹᕐᓯᒪᕗᖅ ᐱᕈᕐᓂᕐᓗᒃᑐᓂᒃ ᑕᑭᔫᑎᓂᒃ, ᐊᕙᓗᐊᓗ ᐅᔭᕋᒃ ᓯᖁᒥᓯᒪᓪᓗᓂ.

³² ᑕᑯᒐᒃᑯ ᐃᓱᒪᒋᑦᓯᐊᓕᓚᐅᕐᐸᕋ; ᕿᒥᕐᕈᒐᒃᑯᓗ ᐃᓕᓐᓂᐊᕐᑎᑕᐅᓚᐅᕐᐳᖓ:

³³ ᓁᑦᑐᒥᒃ ᓯᓂᖕᓂᖅ, ᓯᕕᑭᑦᑐᒥᒃ ᓯᓐᓇᕆᖕᓂᖅ, ᐊᒊᑦ ᑎᒍᒻᒥᔪᑦ ᑲᑎᓐᖓᓪᓗᑎᒃ ᓇᓚᔪᖅ;

³⁴ ᐊᔪᕐᓴᕐᓂᖅ ᑕᕝᕙ ᑎᑭᑦᓱᒫᕐᐳᖅ ᑎᒡᓕᒃᑎᑎᑐᑦ, ᐱᖃᖏᓐᓂᕐᓗ ᐊᖑᑎᑐᑦ ᓱᒋᐅᓯᔭᕐᑐᑐᑦ.