ᓲᓗᒨᓂᐅᑉ ᐅᖃᓪᓚᖕᓂᖏᑦ 19 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᒃᓱᔫᓗᓂ ᐱᑦᓯᐊᕐᑐᒥᒃ ᐃᓅᓯᖃᕐᓗᓂ ᐱᐅᓂᕐᓴᐅᕗᖅ, ᓯᓔᑦᑑᓗᓂ ᓱᓕᖏᑦᑐᓂᒃ ᐅᖃᐅᓯᖃᕐᑎᐅᓂᕐᒥᑦ.

² ᐱᐅᓐᖏᓚᖅ ᐃᓄᒃ ᖃᐅᔨᑎᑕᐅᓂᕐᒥᒃ ᐱᖃᖏᑦᑐᖅ, ᐅᐃᒪᓗᐊᒧᓪᓗ ᐊᖅᑯᑎᒥᒃ ᐊᓯᐅᔨᔪᖅ.

³ ᓯᓔᑦᑑᓂᕐᒧᑦ ᐃᓄᒃ ᐃᓅᓯᕐᒥᓂᒃ ᓱᒃᑯᐃᔪᓐᓇᕐᐳᖅ, ᐸᓯᒃᓯᕈᑎᒋᓕᕐᓗᓂᐅᒡᓗ ᐊᑕᓂᕐᒥᒃ.

⁴ ᐊᒃᓱᐃᓐᓂᖅ ᐃᓚᓐᓈᖃᕐᑎᑦᓯᕗᖅ ᐅᓄᕐᑐᓂᒃ, ᐊᒃᓱᔪᕐᓕ ᐃᓚᓐᓈᕋᓗᐊᒥᓂᑦ ᕿᒪᒃᑕᐅᕗᖅ.

⁵ ᐃᖅᑲᕐᑐᐃᕕᖕᒥ ᓱᓕᖏᑦᑐᓂᒃ ᐅᖃᐅᓯᖃᕈᕕᑦ ᓱᒋᐊᕐᑕᐅᖏᑦᑑᓂᐊᓐᖏᓚᑎᑦ, ᓴᒡᓗᔪᕐᓗ ᕿᒫᕕᒃᓴᖃᕐᓂᐊᓐᖏᓚᖅ.

⁶ ᐅᓄᕐᑐᑦ ᑐᓂᐅᖅᑬᓲᒧᑦ ᐱᐅᒋᔭᐅᔪᒪᓲᖑᕗᑦ, ᐃᓘᓐᓇᑎᒃᓗ ᐃᓚᓐᓈᖃᕐᐳᑦ ᑐᓂᔭᒃᓴᖃᕐᑐᒥᒃ.

⁷ ᐊᒃᓱᔪᖅ ᐆᒥᒋᔭᐅᒃᐸᑦ ᓇᖕᒥᓂᖅ ᐃᓚᒥᓄᑦ; ᐃᓚᓐᓇᕆᔭᖏᓐᓄᓪᓗ ᐊᒡᓛᑦ ᖃᓂᒋᔭᐅᔪᒪᓲᖑᓐᖏᓚᖅ! ᓂᓪᓕᐊᓗᓂ ᐃᓇᒃᑲᓗᐊᕐᐸᒋᑦ ᑲᒪᒋᓂᐊᓐᖏᓛᑦ.

⁸ ᓯᓚᑐᓂᖃᕐᑐᖅ ᐃᒻᒥᓂᒃ ᓇᒡᓕᒋᕗᖅ, ᑐᑭᓯᐅᒪᓂᕐᒥᒡᓗ ᐱᖃᕐᑑᑉ ᐱᐅᔪᒥᒃ ᓇᒡᕚᕈᑎᒋᕚ.

⁹ ᐃᖅᑲᕐᑐᐃᕕᖕᒥ ᓱᓕᖏᑦᑐᓂᒃ ᐅᖃᐅᓯᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ, ᓴᒡᓗᔪᕐᓗ ᐊᓯᕈᕐᑕᐅᓂᐊᕐᐳᖅ.

¹⁰ ᓈᒻᒪᓐᖏᓚᖅ ᓯᓔᑦᑐᖅ ᐊᒃᓱᐃᑦᑐᕐᓯᐅᑎᒥᒃ ᐃᒡᓗᖃᕆᐊᒃᓴᖅ, ᐱᐅᖏᓐᓂᕐᓴᐅᕗᖅ ᓯᐊᓛᖅ ᐊᐅᓚᑦᓯᒃᐸᑦ ᐊᖓᔪᖅᑳᒥᓂᒃ.

¹¹ ᐃᓱᒪᖃᑦᓯᐊᕐᑐᖅ ᓂᓐᖓᒃᓴᕅᓐᖏᓚᖅ, ᓂᕐᑐᕐᓇᐅᑎᒋᕚᓗ ᑕᒻᒪᕐᓃᑦ ᐃᓱᒪᒋᑐᐃᓐᓇᕐᐸᖏᒻᒪᒋᑦ.

¹² ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓛᔭᑎᑐᑦ ᓂᓪᓕᐊᔪᑎᑐᑦ ᐃᕐᓯᓇᕐᑎᒋᕗᖅ, ᓮᒪᕕᖃᕐᓂᖓᓕ ᐅᓪᓛᒃᑯᑦ ᐃᕕᒃᓱᒊᑦ ᖃᐅᓯᕐᓂᖓᑕ ᐊᑦᔨᒋᕚ.

¹³ ᐃᕐᓂᖅ ᓯᓔᑦᑐᖅ ᐊᑖᑕᖓᑕ ᓱᒃᑯᒍᑎᒋᕚ, ᓄᓕᐊᖅ ᐂᕙᒐᔪᒃᑐᖅ ᐊᑦᔨᖃᕐᐳᖅ ᓯᓚᓗᖕᒥᒃ ᑯᑐᒃᑐᒥᒃ.

¹⁴ ᐃᒡᓗᖃᕐᓂᖅ ᐊᒃᓱᐃᓐᓂᕐᓗ ᑭᖑᕐᖑᑦᔨᓂᐅᕗᑦ ᐊᖓᔪᖅᑳᖏᓐᓂᑦ ᐱᔪᓂᒃ, ᓄᓕᐊᕐᓕ ᓯᕗᓂᒃᓴᑦᓯᐊᒥᒃ ᕿᓂᕐᑐᖅ ᐊᑕᓂᕐᒥᑦ ᐱᕗᖅ.

¹⁵ ᐃᕿᐊᑦᑕᐅᓂᖅ ᓯᓂᓪᓚᕆᒃᑎᑦᓯᕗᖅ, ᓱᓕᕆᔪᒪᖏᑦᑐᕐᓗ ᑳᓕᕈᒫᕐᐳᖅ.

¹⁶ ᐱᖁᔭᓂᒃ ᒪᓕᒃᑐᖅ ᐃᓅᓯᕐᒥᓂᒃ ᐱᓯᒪᑦᓯᐊᕐᐳᖅ; ᐅᖃᐅᓯᕐᒥᒃᓕ ᑲᒪᓇᓱᐊᑦᓯᐊᖏᑦᑐᖅ ᑐᖁᓂᐊᕐᐳᖅ.

¹⁷ ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

¹⁸ ᐃᕐᓃᑦ ᐋᖅᑭᒋᐊᕈᒃ ᐱᕕᖃᕐᓂᖓᓂ, ᐃᓅᓯᕐᓗᓕᕐᓇᕐᑐᒧᑦ ᑎᑭᐅᑎᑎᑦᓱᒫᕋᕕᐅᒃ ᐃᓱᒪᒋᕙᖕᓂᖏᒃᑯᕕᐅᒃ.

¹⁹ ᓂᓐᖓᕕᒃᔪᐊᖃᑦᑕᕐᑐᖅ ᐊᒃᓱᕈᕐᓇᕐᑐᒧᑦ ᓱᒋᐊᕐᑕᐅᑦᔪᑎᖃᕐᓂᐊᕐᐳᖅ, ᑕᒪᑐᒪᓐᖓᑦ ᓴᐳᑎᔪᓐᓇᕋᕕᐅᒃ, ᓱᓕ ᓴᐳᑎᓕᖅᑭᖃᑦᑕᕆᐊᖃᕐᓂᐊᕐᐸᑦ.

²⁰ ᒪᓕᒐᒃᓴᓕᐅᕐᑕᐅᒍᕕᑦ ᓈᓚᑦᓯᐊᕆᑦ ᐃᓕᓴᕐᑕᐅᓃᑦ ᓈᒻᒪᒋᒍᒃ, ᓯᕗᓂᕐᒥ ᓯᓚᑐᓂᕐᑖᕈᑎᒋᓛᕋᕕᒋᑦ.

²¹ ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.

²² ᐱᔪᒪᔭᐅᓂᕐᐸᐅᕗᖅ ᓱᓕᔪᒥᒃ ᑲᔪᓯᑦᓯᐊᕐᓂᖅ, ᐊᒃᓱᓂᖅ ᐱᐅᓂᕐᓴᐅᕗᖅ ᓴᒡᓗᑐᔪᒥᑦ.

²³ ᐊᑕᓂᕐᒥᒃ ᓯᕘᕋᒋᔭᖃᕐᓂᖅ ᐃᓅᓯᖃᕐᓇᕐᑐᒧᑦ ᐱᑎᑦᓯᕗᖅ; ᑕᒪᑐᒥᖓᓗ ᐱᖃᕐᑐᖅ ᓈᒻᒪᑦᓯᐊᕐᑐᒦᓐᓂᐊᕐᐳᖅ; ᑲᑉᐱᐊᓇᕐᑐᒧᓪᓗ ᑎᑭᑕᐅᓂᐊᓐᖏᓚᖅ.

²⁴ ᐃᕿᐊᑦᑕᐅᑉ ᐊᒡᒐᓂ ᐴᕐᐰᑦ ᐴᒍᑕᕐᒧᑦ, ᖃᓂᕐᒥᓄᓪᓗ ᐊᒡᒐᓂ ᐅᑎᕐᑎᓐᓂᐊᓐᖏᓔᑦ.

²⁵ ᒥᑕᐅᑎᒃᓴᕐᑎ ᐊᓇᐅᔭᐅᒃᐸᑦ, ᓯᓔᓗᐊᕐᑐᖅ ᑕᕝᕙ ᑐᑭᓯᕚᓪᓕᕐᓂᐊᕐᐳᖅ, ᑐᑭᓯᐊᔪᖅ ᓱᐊᒃᑕᐅᒍᓂ, ᐃᓕᓯᒪᓂᕐᑖᒃᑲᓐᓂᕐᓂᐊᕐᐳᖅ.

²⁶ ᐊᑖᑕᒥᓂᒃ ᑲᑉᐱᐊᓱᒃᑎᑦᓯᔪᖅ ᐊᓈᓇᒥᓂᒡᓗ ᕿᒫᑎᑦᓯᔪᖅ, ᐃᕐᓂᐅᕗᖅ ᑲᓐᖑᓱᒃᑎᑦᓯᔪᖅ ᐃᓕᕋᒃᑯᓐᓇᕐᓱᓂᓗ.

²⁷ ᐃᕐᓃᒃ, ᓄᖅᑲᕆᑦ, ᐊᔪᕆᕐᑐᕐᑕᐅᑦᔪᑎᒋᔭᕐᓂᒃ ᓈᓚᒃᓗᑎᑦ ᖃᐅᔨᑎᑕᐅᓂᕐᒥᒃ ᐊᓐᓁᖁᓇᑎᑦ.

²⁸ ᓱᓕᓇᓂ ᖃᐅᔨᒪᓂᕋᕐᑐᖅ ᒥᑕᐅᑎᖃᕐᐳᖅ ᐃᖅᑲᕐᑐᐃᕕᖕᒥᒃ, ᐱᐅᖏᑦᑐᓕᔪᑦ ᖃᓂᖏᑦ ᓂᕆᕗᑦ ᐊᔪᕐᑐᓕᓂᕐᒥᒃ.

²⁹ ᓱᒋᐊᕐᑕᐅᓃᑦ ᒥᑕᐅᑎᖃᕐᐸᒃᑐᑦ ᐱᓪᓗᒋᑦ ᐊᑐᐃᓐᓇᐅᕗᑦ, ᐊᓇᐅᓕᕐᑕᐅᓃᓪᓗ ᓯᓔᑦᑐᑦ ᐱᓪᓗᒋᑦ ᐊᑐᐃᓐᓇᐅᒋᕗᑦ.