ᓲᓗᒨᓂᐅᑉ ᐅᖃᓪᓚᖕᓂᖏᑦ 17 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐱᐅᓂᕐᓴᐅᕗᖅ ᓂᐰᑦᑐᒥ ᐸᓂᕐᓂᑯᒥᒃ ᓂᐊᖂᔭᕕᓂᕐᑐᕐᓂᖅ, ᓂᕆᕕᒡᔪᐊᖃᑕᐅᓂᕐᒥᑦ ᐃᒡᓗᒥ ᐃᓄᒋᐊᒃᑐᓂ ᐂᕙᔪᓂ.

² ᐱᔨ ᐱᓇᓱᐊᕐᐸᑦ ᓯᓚᑐᓂᒃᑯᑦ ᐊᐅᓚᑦᓯᓕᕈᓐᓇᕐᐳᖅ ᐃᕐᓂᕐᒥᒃ ᑲᓐᖑᓇᕐᑐᓕᕆᔨᒥᒃ, ᕿᑐᕐᖓᕆᔭᐅᔪᑐᓪᓗ ᑭᖑᕐᖑᑦᔨᖃᑕᐅᓕᕐᓗᓂ.

³ ᐊᐅᒃᑎᑦᓯᕕᒃ ᐊᑐᕐᐳᖅ ᓯᐅᓪᕕᕆᒧᑦ, ᐃᑯᐊᓚᑦᓯᕕᒡᓗ ᒎᓗᒧᑦ ᐊᐅᒃᑎᑦᓯᕕᐅᓪᓗᓂ, ᐊᑕᓂᕐᓕ ᐆᒃᑐᕋᕐᑎᐅᕗᖅ ᐆᒻᒪᑎᓂᒃ.

⁴ ᐱᐅᖏᑦᑐᓕᔨ ᐅᖃᐅᓯᕐᓂᒃ ᓱᓕᖏᑦᑐᓂᒃ ᓈᓚᑦᓯᐊᓲᖑᕗᖅ; ᓴᒡᓗᑐᔪᕐᓗ ᐅᖃᐅᓯᕐᓘᑎᓂᒃ ᑐᓴᕈᒻᒪᐅᕗᖅ.

⁵ ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

⁶ ᐃᕐᖑᑕᕆᔭᐅᔪᑦ ᓂᐊᖂᑕᐅᕗᑦ ᐃᑦᑑᓕᕐᑐᓄᑦ, ᕿᑐᕐᖓᐅᔪᓪᓗ ᓂᕐᑐᐊᖑᓂᖓ ᐊᑖᑕᖓᓂᑦ ᐱᕗᖅ.

⁷ ᐅᖃᐅᓯᑦᓯᐊᕔᑦ ᓯᓔᑦᑐᒧᑦ ᑐᓱᒋᔭᐅᓐᖏᓚᑦ, ᑍᒫᒃᑕᐅᖅ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᓂᖅ ᐊᖓᔪᖅᑳᕐᔪᐊᕐᒧᑦ ᐊᑐᕐᑕᐅᔪᒥᓇᖏᓐᓂᕗᖅ.

⁸ ᐅᐃᕕᕆᒃᓯᓂᖅ ᐱᐅᔪᕐᔪᐊᒥᒃ ᐅᔭᕋᖁᑎᑖᕐᑎᑦᓯᔪᑎᑐᑦ ᑍᒤᑉᐳᖅ ᐂᑦᑐᐃᔪᒧᑦ; ᓇᒧᑐᐃᓐᓇᖅ ᐱᓇᓱᐊᕈᓂ ᐱᕙᓪᓕᐊᓂᖃᑦᓯᐊᕐᐳᖅ.

⁹ ᐱᖁᔭᐅᖏᑦᑐᓂᒃ ᐱᓂᐊᖃᑦᑕᕐᑐᖅ ᓈᒻᒪᒋᔭᐅᔪᒪᓂᕐᒥᒃ ᕿᓂᕐᐳᖅ, ᐱᔮᕆᓪᓗᓂ ᐱᔭᕆᐊᖃᓐᖏᑕᒥᓄᑦ ᑍᒤᓕᐅᖃᑦᑕᕐᑐᖅ ᐃᓚᓐᓇᕇᖕᓂᕐᒥᒃ ᐊᕕᑎᑦᓯᕗᖅ.

¹⁰ ᓱᐊᒃᑕᐅᓂᖅ ᐊᑑᑎᖃᑦᓯᐊᕐᐳᖅ ᓯᕗᓂᒃᓴᒥᒃ ᐃᓱᒪᖃᕐᑐᒧᑦ, ᓯᓔᑦᑑᑉ ᓱᐊᖓᔭᐅᕙᒃᑲᓗᐊᕐᓗᓂ ᓱᕐᕋᒍᓐᓇᖏᓐᓂᖓᓂᑦ.

¹¹ ᐱᐅᖏᑦᑐᖅ ᐊᑭᕋᕐᑐᕐᓃᓐᓇᕐᒥᒃ ᕿᓂᕐᒪᑦ, ᓇᒡᓕᖕᓂᖃᖏᑦᑐᒥᒃ ᐅᖃᕆᐊᕐᑐᕐᑐᒥᒃ ᑎᓕᓯᕕᐅᔪᒫᕐᐳᖅ.

¹² ᐊᖑᑦ ᓇᓄᕐᒥᒃ ᐊᒃᓴᒥᒃ ᓂᕕᐅᕐᑐᒥᒃ ᑲᑎᓯᓗᓂ ᐱᐅᓂᕐᓴᐅᕗᖅ, ᑲᑎᓯᒐᔭᕐᓂᖓᓂᑦ ᓯᓔᑦᑐᒥᒃ ᓯᓔᓐᓂᕐᒧᑦ ᐃᓕᖅᑯᓯᓕᖕᒥᒃ.

¹³ ᐃᓄᒃ ᐱᐅᔪᒥᒃ ᐱᐅᖏᑦᑐᓐᖑᕐᑎᑦᓯᓇᓱᐊᕐᑑᑉ, ᐃᒡᓗᖓ ᐱᐅᖏᑦᑐᒧᑦ ᕿᒪᒃᑕᐅᓂᐊᓐᖏᓚᖅ.

¹⁴ ᐊᑭᕋᕐᑑᑎᓂᐅᑉ ᐱᒋᐊᕈᑖ ᐃᒪᕐᒥᒃ ᑯᕕᑎᑦᓯᔫᑉ ᐊᑦᔨᒋᕚ; ᑍᒤᒻᒪᑦ ᐂᕙᓂᖅ ᐱᒋᐊᓚᐅᕐᑎᓐᓇᒍ ᓄᖅᑲᕆᑦ.

¹⁵ ᐱᐅᖏᑦᑐᒥᒃ ᓈᒻᒪᖕᓂᕅᓂᖅ ᓇᓛᒎᕐᑐᓂᒡᓗ ᐱᐅᖏᓐᓂᕅᓂᖅ ᑖᒃᑯᐊᒃ ᑕᒪᖏᒃ ᐊᑕᓂᕐᒧᑦ ᓇᕐᕈᓇᕐᐴᒃ.

¹⁶ ᓱᖕᒪᑦ ᓯᓔᑦᑐᖅ ᓂᐅᕕᕆᐊᖃᐊᕐᐸ ᓯᓚᑐᓂᕐᒥᒃ? ᐃᓱᒪᒥᒍᑦ ᑕᒪᑐᒥᖓ ᐃᓕᑦᓯᔪᒪᑎᓐᓇᒍ.

¹⁷ ᐃᓚᓐᓇᕆᔭᖅ ᓇᒡᓕᒍᓱᐃᓐᓇᕈᓐᓇᕐᐳᖅ ᖃᓄᐃᑦᑐᖃᕋᓗᐊᕐᐸᑦ, ᖃᑕᓐᖑᓪᓗ ᐃᓅᓕᕐᓯᒪᕗᖅ ᐅᖁᒤᑦᑐᖃᓕᕐᐸᑦ ᐃᑲᔪᕐᑎᐅᖁᓪᓗᒍ.

¹⁸ ᐃᓄᒃ ᓯᓔᑦᑐᖅ ᑎᒎᑎᓂᒃᑯᑦ ᐊᖏᖃᑎᒌᒍᑎᓕᐅᓲᖑᕗᖅ, ᐃᓚᓐᓇᕆᔭᒥᓄᑦ ᓱᓕᔪᕐᓇᐅᑎᒋᔪᒪᓪᓗᓂᐅᒃ.

¹⁹ ᐱᐅᖏᑦᑐᒥᒃ ᖁᕕᐊᒋᔭᖃᕐᑐᖅ ᐊᑭᕋᕐᑑᑎᓂᕐᒥᒃ ᖁᕕᐊᒋᔭᖃᕐᐳᖅ; ᐅᒃᑯᐊᑉ ᐊᑖᓂᒃ ᐳᕐᑐᔪᓕᐅᕐᑐᖅ ᓴᐅᓂᕐᒥᒃ ᓇᕕᒍᑎᒃᓴᓕᐅᕐᐳᖅ.

²⁰ ᐊᖑᑦ ᑐᑭᒧᐊᖏᑦᑐᒥᒃ ᐃᓱᒪᓕᒃ ᐊᔪᕈᓐᓃᕈᓐᓇᓐᖏᓚᖅ, ᐅᖃᐅᓯᕐᓗᒃᐸᒃᑐᕐᓗ ᑲᑉᐱᐊᓇᕐᑐᒧᑦ ᑎᑭᐅᑎᔪᒫᕐᐳᖅ.

²¹ ᐊᑖᑕ ᒥᑕᐅᑎᒃᓴᕐᑎᒥᒃ ᕿᑐᕐᖓᓕᒃ ᕿᒃᓵᒍᑎᒃᓴᖃᕐᐳᖅ, ᐊᑖᑕᓗ ᓯᓔᑦᑐᒥᒃ ᐃᕐᓂᖃᕐᑐᖅ ᖁᕕᐊᓱᖕᓂᖃᓐᖏᓚᖅ.

²² ᖁᕕᐊᓱᖕᓂᖅ ᐆᒻᒪᑎᒃᑯᑦ ᐃᓅᓕᓴᐅᑎᑦᓯᐊᖑᕗᖅ, ᐊᓂᕐᓂᒥᒍᓪᓕ ᕿᒃᓵᒃᑐᖅ ᓴᐅᓂᖏᑦ ᓴᓗᐊᕐᑎᑕᐅᕗᑦ.

²³ ᐱᐅᖏᑦᑐᒥᒃ ᐃᓱᒪᓕᒃ ᐃᔨᕋᕐᑐᕐᓗᓂ ᐃᓚᓐᓂᕐᓴᐅᒻᒥᒃ ᐊᖏᕐᐳᖅ, ᑭᖑᓂᖓᒍᓪᓗ ᓈᒻᒪᑦᓯᐊᕐᑐᖅ ᐊᑐᕐᑕᐅᓕᕐᓂᐊᓐᖏᓚᖅ.

²⁴ ᓯᕗᓂᒃᓴᕐᓯᐅᕐᑐᖅ ᓵᓐᖓᕗᖅ ᓯᓚᑐᓂᕐᒧᑦ, ᓯᓔᑦᑐᕐᓕ ᕿᓂᕐᐳᖅ ᓯᓚᕐᔪᐊᑉ ᑭᒡᓕᖓᓄᑦ.

²⁵ ᐃᕐᓂᖅ ᓯᓔᑦᑐᖅ ᐊᑖᑕᒥᓄᑦ ᕿᒃᓵᒍᑕᐅᕗᖅ, ᐊᓈᓇᒥᓂᒡᓗ ᖁᕕᐊᓇᖏᑦᑐᒦᑎᑦᓯᕗᖅ ᐃᓄᒍᐃᔨᒋᓚᐅᕐᑕᒥᓂᒃ.

²⁶ ᐃᓱᐊᕐᑐᒥᒃ ᐃᓕᖅᑯᓯᖃᕐᑐᖅ ᐊᑭᓕᒐᒃᓴᓕᐅᕐᓗᒍ ᐱᐅᓐᖏᓚᖅ, ᑍᒫᒃᑕᐅᖅ ᐊᖓᔪᖅᑳᕐᔪᐊᑉ ᐃᕐᓂᖓ ᐃᓱᐊᕐᑑᓂᖓ ᐱᓪᓗᒍ ᑏᒐᕐᑐᕐᑕᐅᑎᓪᓗᒍ ᐱᐅᖏᓐᓂᕗᖅ.

²⁷ ᓂᓪᓕᖏᑦᑐᖅ ᖃᐅᔨᒪᓂᖃᕐᐳᖅ, ᑐᑭᓯᓂᖃᕐᑎᑕᐅᔪᕐᓗ ᐅᐃᒪᔮᖏᑦᑐᒥᒃ ᐊᓂᕐᓂᖃᕐᐳᖅ.

²⁸ ᓯᓔᑦᑑᒐᓗᐊᖅ ᓯᓚᑐᓇᓱᒋᔭᐅᔪᓐᓇᕐᐳᖅ ᑭᐅᑲᐅᕐᑐᖏᑉᐸᑦ, ᓂᓪᓕᖏᑉᐸᓪᓗ ᑐᑭᓯᓂᖃᑦᓯᐊᕋᓱᒋᔭᐅᓕᕐᐳᖅ.