ᓲᓗᒨᓂᐅᑉ ᐅᖃᓪᓚᖕᓂᖏᑦ 10 - ᐊᒡᓔᑦ ᐃᑦᔪᕐᖕᓁᑦᑐᑦ

ᓲᓗᒨᓂᐅᑉ ᐅᖃᓪᓚᖕᓂᖏᑦ

¹ ᓲᓗᒨᓂᐅᑉ ᐅᖃᓪᓚᖕᓂᖏᑦ. ᐃᕐᓂᐅᑉ ᓯᓚᑐᔫᑉ ᐊᑖᑕᓂ ᖁᕕᐊᓱᒃᑎᑉᐹ, ᐃᕐᓂᐅᓪᓕ ᓯᓔᑦᑑᑉ ᐊᓈᓇᓂᒃ ᕿᒃᓵᒃᑎᑉᐹ.

² ᐊᒃᓗᐃᓕᔪᖅ ᐱᐅᖏᑦᑐᓕᓂᒃᑯᑦ ᐱᕙᓪᓕᐅᑎᖃᓐᖏᓚᖅ, ᐃᓱᐊᕐᑐᒃᑯᓪᓕ ᐱᔪᖅ ᑐᖁᒥᑦ ᓴᐳᑎᔭᐅᕗᖅ.

³ ᐊᑕᓂᐅᑉ ᓇᓛᒎᕐᑐᒥᒃ ᐃᓅᔪᑦ ᑳᒃᑎᓐᓂᐊᓐᖏᓔᑦ, ᐱᐅᖏᑦᑐᓪᓕ ᐱᔪᒪᑐᓛᕐᓂᖏᓐᓂᒃ ᐱᑎᓐᖏᓔᑦ.

⁴ ᐃᕿᐊᑦᑍᑦ ᐊᒃᓗᓂᕐᒧᑦ ᐃᒻᒥᖕᓂᒃ ᑎᑭᑎᑉᐸᒃᐳᑦ, ᐃᕿᐊᑦᑍᑦᑐᓪᓕ ᐊᒃᓗᐃᓕᕙᒃᐳᑦ.

⁵ ᐃᕐᓂᖅ ᐊᐅᔭᐅᓂᖓᓂ ᑲᑎᕐᓱᐃᑦᓯᐊᕐᑐᖅ ᓯᓚᑐᕗᖅ, ᐃᕐᓂᕐᓕ ᑲᑎᕐᓱᐃᑎᓪᓗᒋᑦ ᓯᓂᒃᑐᖅ ᑲᓐᖑᓇᕐᑐᒥᒃ ᕾᑎᑦᓯᕗᖅ.

⁶ ᐃᓱᐊᕐᑐᒥ ᐃᓅᔪᑦ ᓂᐊᖁᕐᒥᐅᑕᖃᕐᐳᖅ ᓮᒻᒪᕐᑎᑕᐅᓂᕐᒥᒃ, ᐱᐅᖏᑦᑐᓪᓕ ᖃᓂᖏᑦ ᐊᓂᑦᓯᕗᑦ ᑲᑉᐱᐊᓱᒃᑎᑦᓯᓂᕐᒥᒃ ᐃᔨᕐᓯᒪᔪᒥᒃ.

⁷ ᐃᓱᐊᕐᑐᒥ ᐃᓅᓚᐅᕐᑐᑦ ᐃᖅᑲᐅᒪᔭᐅᓂᖏᑦ ᓮᒻᒪᕐᑎᑕᐅᓐᓇᕐᐳᑦ, ᐱᐅᖏᑦᑑᓪᓕ ᐊᑎᖓ ᓄᖑᓐᓂᐊᕐᐳᖅ.

⁸ ᐆᒻᒪᑎᒥᒍᑦ ᓯᓚᑐᔪᑦ ᐱᖁᔭᓂᒃ ᐃᓚᓕᐅᕐᓯᑦᓯᐊᕈᓐᓇᕐᐳᑦ, ᓯᓔᑦᑐᕐᓕ ᐅᖃᕐᓴᕅᓐᓂᕐᒥᓄᑦ ᐃᒻᒥᓂᒃ ᐊᓯᕈᕐᑕᐅᑎᑉᐳᖅ.

⁹ ᐸᓯᔭᒃᓴᐅᖏᑦᑐᒥ ᐃᓅᔪᖅ ᐊᑕᕐᓇᖏᑦᑐᒥᒃ ᐃᓅᓯᖃᕐᐳᖅ, ᑲᓐᖑᓇᕐᑐᓕᓂᒃᑯᓪᓕ ᐃᓅᔪᖅ ᓴᖅᑭᑎᑕᐅᔪᒫᕐᐳᖅ.

¹⁰ ᐃᔨᒥᓄᑦ ᓯᑯᓐᖏᓪᓚᒃᐸᒃᑐᖅ ᖁᕕᐊᓇᖏᑦᑐᒥᒃ ᓴᖅᑭᑎᑦᓯᕗᖅ, ᓇᓪᓕᐊᓪᓕ ᓯᕘᕋᓇᓂ ᐃᓂᕐᑎᕆᔪᖅ ᓮᒪᓇᕐᑐᒥᒃ ᐋᖅᑭᓱᐃᕗᖅ.

¹¹ ᐃᓱᐊᕐᑐᒥ ᐃᓅᔫᑉ ᖃᓂᖓ ᐃᓅᓯᖃᕐᓇᕐᑐᓂᒃ ᑰᒃᐳᖅ, ᐱᐅᖏᑦᑐᓪᓕ ᖃᓂᖏᑦ ᐊᓂᑦᓯᕗᑦ ᑲᑉᐱᐊᓱᒃᑎᑦᓯᓂᕐᒥᒃ ᐃᔨᕐᓯᒪᔪᒥᒃ.

¹² ᐆᒥᓱᖕᓂᖅ ᐂᕙᓂᕐᒥᒃ ᓴᖅᑭᑎᑦᓯᕗᖅ, ᓇᒡᓕᖕᓂᕐᓕ ᐊᑭᕋᕐᑑᑎᓂᐅᒐᔭᕐᑐᓂᒃ ᒪᑐᓯᕗᖅ.

¹³ ᑐᑭᓯᓂᕐᒥᒃ ᐱᖃᕐᑑᑉ ᐅᖃᐅᓯᖏᑦ ᓯᓚᑐᓂᕐᒥᒃ ᓇᓂᓯᕕᐅᕗᑦ, ᓯᓔᑦᑐᓪᓕ ᓱᒋᐊᕐᑕᐅᓂᐊᕐᒧᑦ ᑎᑭᑕᐅᔪᒫᕐᐳᑦ.

¹⁴ ᓯᓚᑐᔪᑦ ᑲᑎᕐᓱᐃᕗᑦ ᖃᐅᔨᕙᓪᓕᐊᓂᕐᒥᒃ, ᓯᓔᑦᑐᓪᓕ ᐅᖃᓪᓚᖕᓂᖏᑎᒍᑦ ᐊᓯᕈᕐᑕᐅᓂᕐᒥᒃ ᖃᒡᓕᑎᑦᓯᕗᖅ.

¹⁵ ᐊᒃᓗᐃᑦᑑᑉ ᐊᔪᕐᓴᖏᓐᓂᖅ ᐊᑦᑕᕐᓁᑦᑑᑦᔪᑎᒋᕚ ᓴᐴᓗᑕᕆᓪᓗᒍ, ᐊᒃᓗᔪᕐᓕ ᐊᔪᕐᓴᕐᓂᕐᒥᓄᑦ ᐊᓯᕈᕐᑕᐅᕗᑦ.

¹⁶ ᐃᓱᐊᕐᑑᑉ ᐱᓇᓱᐊᕐᓂᖏᑦ ᐃᓅᓯᖃᕐᓇᕐᑐᒧᑦ ᐱᑎᑦᓯᕗᑦ, ᐱᐅᖏᑦᑑᓪᓕ ᐱᓂᐊᕐᓂᖏᑦ ᐊᔪᕐᓂᕐᒥᒃ ᐊᑭᖃᕐᐳᑦ.

¹⁷ ᐃᓕᓐᓂᐊᕐᑎᑕᐅᑦᔪᑎᒥᓂᒃ ᓈᓚᒃᑐᖅ ᐃᓅᓯᐅᑉ ᐊᖅᑯᑎᖓᓃᑉᐳᖅ, ᐃᓂᕐᑎᕐᑕᐅᑦᔪᑎᒥᓂᒡᓕ ᓈᓚᖏᑦᑐᖅ ᑕᒻᒪᕐᓇᕐᑐᒧᐊᕐᐳᖅ.

¹⁸ ᐆᒥᓱᖕᓂᕐᒥᒃ ᐃᔨᕐᑐᐊᓕᒃ ᓴᒡᓗᖃᑦᑕᕐᐳᖅ ᐅᖃᐅᓯᕐᒥᒍᑦ, ᐊᓯᒥᓂᒡᓗ ᐅᖃᐅᓯᒃᑯᑦ ᓇᕐᕈᓇᕐᑎᑦᓯᕙᒃᑐᖅ ᓯᓔᑦᑑᕗᖅ.

¹⁹ ᐅᓄᓗᐊᕐᑐᓂᒃ ᐅᖃᓪᓚᒃᑐᑦ ᐊᔪᕐᓂᕐᒧᑦ ᑎᑭᓴᕅᓐᓂᕐᓴᐅᕗᑦ, ᓂᓪᓕᑦᓴᐅᑎᒋᑦᑍᓕᔪᓐᓇᕐᑐᕐᓕ ᑖᓐᓇ ᓯᓚᑐᔫᕗᖅ.

²⁰ ᐃᓱᐊᕐᑑᑉ ᐅᖃᖓ ᓯᐅᓪᕕᕆᑐᑦ ᐃᓚᖃᖏᑦᑐᑎᑐᑦ ᑍᒤᑉᐳᖅ, ᐱᐅᖏᑦᑑᓪᓕ ᐆᒻᒪᑎᖓ ᓱᓇᐅᖏᑦᑐᑐᑦ ᐊᑭᖃᓐᖏᓚᖅ.

²¹ ᐃᓱᐊᕐᑑᑉ ᖃᓂᖓ ᓂᕆᑎᑦᓯᕗᖅ ᐅᓄᕐᑐᓂᒃ; ᓯᓔᑦᑐᓪᓕ ᑐᖁᕗᑦ ᓯᓚᑐᓂᕐᒥᒃ ᐊᔪᕐᓴᕐᓂᕐᒧᑦ.

²² ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

²³ ᐱᐅᖏᑦᑐᓕᓂᖅ ᓯᓔᑦᑐᓄᑦ ᐱᓐᖑᐊᕐᓂᑐᐃᓐᓇᐅᔮᕐᐳᖅ, ᓯᓚᑐᔪᓪᓕ ᖁᕕᐊᒋᔭᖃᕐᐳᑦ ᑐᑭᓯᑎᑕᐅᓂᕐᒥᒃ.

²⁴ ᐱᐅᖏᑦᑐᑦ ᓯᕘᕋᒋᔭᒥᖕᓄᑦ ᑎᑭᑕᐅᓂᐊᕐᐳᑦ, ᐃᓱᐊᕐᑐᕐᓕ ᐱᔪᒪᔭᒥᓂᒃ ᐱᑎᑕᐅᓂᐊᕐᐳᖅ.

²⁵ ᐊᓄᕆᕐᔪᐊᖅ ᐊᖅᑯᓵᕐᒪᑦ ᐱᐅᖏᑦᑐᑦ ᑎᒃᑕᐅᕗᑦ ᐃᓱᐊᕐᑐᓪᓕ ᑐᓐᖓᕕᒋᔭᒥᖕᓂᑦ ᐊᐅᓚᔭᒃᑕᐅᔪᓐᓇᓐᖏᓚᑦ.

²⁶ ᐃᕿᐊᑦᑕᖅ ᑎᓕᔭᐅᒍᓂ ᕕᓂᒐᑎᑐᑦ ᖃᓂᕐᒧᑦ ᖃᓯᓕᓇᕐᑐᑐᑦ, ᐃᔩᖕᓄᓪᓗ ᐳᔪᕐᒧᑦ ᖃᑭᕐᓯᓇᕐᑐᑐᑦ ᑍᒤᓐᓂᐊᕐᐳᖅ.

²⁷ ᐊᑕᓂᕐᒥᒃ ᓯᕗᕋᓂᖅ ᐃᓅᓯᕐᒥᒃ ᐅᐃᒍᓯᕗᖅ, ᐱᐅᖏᑦᑐᓪᓕ ᐊᕐᕌᒍᖏᑦ ᓁᑦᑑᕗᑦ.

²⁸ ᐃᓱᐊᕐᑐᑦ ᓂᕆᐅᒋᔭᖏᑦ ᖁᕕᐊᓇᕐᑐᓂᒃ ᐃᓱᖃᕐᐳᑦ, ᐱᐅᖏᑦᑐᓪᓕ ᓂᕆᐅᒋᔭᖏᑦ ᓴᖅᑭᑦᑐᖃᕈᓐᓇᓐᖏᓚᑦ.

²⁹ ᐊᑕᓂᖅ ᓴᐳᑦᔭᐅᕕᒃᓴᐅᕗᖅ ᐃᓱᐊᕐᑑᑉ ᐊᖅᑯᓯᓂᖓᓂ, ᐱᐅᖏᑦᑐᓕᔪᓪᓕ ᐊᓯᕈᕐᑕᐅᓇᕐᑐᒧᑦ ᑎᑭᐅᑎᓂᐊᕐᐳᑦ.

³⁰ ᐃᓱᐊᕐᑐᑦ ᐊᑦᑕᕐᓇᖏᑦᑐᒦᑉᐳᑦ ᐲᕐᑕᐅᓂᐊᕋᑎᒡᓗ, ᐱᐅᖏᑦᑐᓪᓕ ᓄᓇᒥ ᓄᓇᖃᕐᑎᑕᐅᓂᐊᓐᖏᓚᑦ.

³¹ ᐃᓱᐊᕐᑑᑉ ᖃᓂᖓ ᐊᓂᑦᓯᕗᖅ ᓯᓚᑐᓂᕐᒥᒃ, ᐅᖃᕐᓕ ᐱᐅᖏᑦᑐᒥᒃ ᐅᖃᓪᓚᒃᑐᖅ ᓇᑲᑕᐅᓂᐊᕐᐳᖅ.

³² ᐃᓱᐊᕐᑑᑉ ᖃᓂᖓ ᖃᐅᔨᒪᕗᖅ ᓈᒻᒪᒋᔭᐅᔪᓂᒃ, ᐱᐅᖏᑦᑐᓪᓕ ᐅᖃᖓ ᐋᓐᓂᕐᓇᕐᑐᓂᒃ ᑭᓯᐊᓂ ᐅᖃᓪᓚᓲᖑᕗᖅ.