ᒨᓯᓯ ᓯᑕᒪᖏᑦ 33 - ᐊᒡᓔᑦ ᐃᑦᔪᕐᖕᓁᑦᑐᑦ

ᓄᓇᓕᖃᖏᑦᑐᒥ ᐃᖏᕐᕋᓂᖓᑦ

¹ ᐅᑯᐊ ᑕᕝᕙ ᐃᓴᕆᐊᓕᒥᐅᑦ ᐃᖏᕐᕋᓂᕆᓚᐅᕐᑕᖏᑦ, ᓄᓇᒥᑦ ᐄᑦᔨᑉᑎᒥ ᐊᐅᓪᓚᕋᒥᒃ ᐅᓇᑕᕐᑐᒃᓮᑦ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ ᑕᓯᐅᕐᑎᖃᕐᓗᑎᒃ ᒨᓯᓯᒥᒃ ᐂᕉᓂᒥᒡᓗ.

² ᒨᓯᓯᐅᑉ ᑎᑎᕋᓚᐅᕐᐰᑦ ᐃᖏᕐᕋᓯᒋᐊᕐᕕᒋᔭᑎᒃ ᐊᑕᓂᐅᑉ ᐱᑯᔨᓂᖓ ᒪᓕᒡᓗᒍ. ᐃᒫᒃ ᑕᕝᕙ ᐃᖏᕐᕋᓂᖏᑦ ᐃᒤᓕᖓᓚᐅᕐᐳᑦ ᐱᒋᐊᕐᕕᒋᑲᑦᑕᓚᐅᕐᑕᖏᑦ.

³ ᑕᖅᑭᒥ ᓯᕗᓪᓕᕐᐹᒥ ᐊᐅᓪᓚᓚᐅᕐᐳᑦ ᕌᒥᓯᓯᒥᑦ ᑕᖅᑭᐅᑉ ᓯᕗᓪᓕᕐᐹᖓᓂᒃ, ᐅᓪᓗᐃᑦ 15ᖓᓂ ᑕᖅᑭᐅᑉ ᓯᕗᓪᓕᕐᐹᖓᓂ, ᐅᓪᓗᒥ ᖄᖏᕐᑕᐅᕕᒃᓯᐅᕐᕕᐅᑉ ᑭᖑᓂᑦᓯᐊᖓᓂ ᐃᓴᕆᐊᓕᒥᐅᑦ ᐊᐅᓪᓚᓚᐅᕐᐳᑦ ᓯᕘᕋᓇᑎᒃ ᐄᑦᔨᑉᑎᒥᐅᑦ ᑕᑯᓐᓇᕐᑎᓪᓗᒋᑦ.

⁴ ᑍᑦᓱᒪᓂ ᐄᑦᔨᑉᑎᒥᐅᑦ ᐃᕐᓂᕐᒥᖕᓂᒃ ᐊᖓᔪᒃᓯᕐᐹᖁᑎᒥᖕᓂᒃ ᐃᓗᕕᕐᓯᓇᓱᐊᓚᐅᕐᒪᑕ, ᐊᑕᓂᐅᑉ ᑐᖁᑎᓚᐅᕐᑕᖏᓐᓂᒃ. ᐊᑕᓂᐅᓪᓗ ᒎᑎᓐᖑᐊᖏᑦ ᐃᖅᑲᕐᑐᓚᐅᕐᒪᒋᑦ.

⁵ ᐃᓴᕆᐊᓕᒥᐅᑦ ᕌᒥᓯᓯᒥᑦ ᐊᐅᓪᓚᕋᒥᒃ ᓱᑰᑎᒧᑦ ᑕᖕᒫᓚᐅᕐᐳᑦ.

⁶ ᓱᑰᑎᒥᓪᓗ ᐊᐅᓪᓚᕋᒥᒃ ᐃᑖᒻᒧᑦ ᑕᖕᒫᕐᓗᑎᒃ, ᓄᓇᓕᖃᖏᑦᑑᑉ ᖃᓂᒋᔮᓄᑦ.

⁷ ᐃᑖᒻᒥᓪᓗ ᐊᐅᓪᓚᕋᒥᒃ ᐅᑎᓚᐅᕐᐳᑦ ᐰ-ᕼᐊᕼᐃᕋᑎᒧᑦ, ᐰᓕ-ᔨᐸᓂᐅᑉ ᓯᕿᓂᖓᑕ ᓄᐃᓕᕐᕕᐊᓃᑦᑐᒧᑦ; ᑕᖕᒫᕐᓗᑎᒡᓗ ᒥᒡᑐᓕᐅᑉ ᖃᓂᒋᔭᖓᓄᑦ.

⁸ ᐊᐅᓪᓚᓚᐅᕆᕗᑦ ᕼᐊᕼᐃᕋᑎᐅᑉ ᓵᖓᓂᑦ ᐃᒪᕐᔪᐊᖅ ᐃᑳᕐᓗᒍ ᓄᓇᓕᖃᖏᑦᑐᒧᑦ, ᐃᖏᕐᕋᓚᐅᕐᐳᑦ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑍᔭᐅᔪᒧᑦ ᐃᑖᒻᒥᒃ, ᑕᖕᒫᕐᓗᑎᒃᓗ ᒫᕋᒧᑦ.

⁹ ᒫᕋᒥᓪᓗ ᐊᐅᓪᓚᕋᒥᒃ ᑎᑭᑉᐳᑦ ᐃᓕᒻᒥᒧᑦ. ᐃᓕᒻᒥ 12ᓂᒃ ᓄᓇᒥᑦ ᐊᓂᔪᓂᒃ ᑰᖃᕐᐳᖅ 70ᓂᒡᓗ ᐹᓪᒥᓂᒃ ᓇᐹᕐᑐᖃᕐᓗᓂ; ᑕᕝᕗᓐᖓ ᑕᖕᒫᕐᓗᑎᒃ.

¹⁰ ᐃᓕᒻᒥᓪᓗ ᐊᐅᓪᓚᕋᒥᒃ ᐃᒪᐅᑉ ᐊᐅᐸᓗᒃᑕᐅᑉ ᓴᓂᐊᓄᑦ ᑕᖕᒫᕐᓗᑎᒃ.

¹¹ ᐃᒪᕐᒥᓪᓗ ᐊᐅᐸᓗᒃᑕᒥᑦ ᐊᐅᓪᓚᕋᒥᒃ ᑕᖕᒫᕐᓗᑎᒃ ᐃᓄᖃᖏᑦᑐᒧᑦ ᓯᓐᒥᒃ ᐊᑎᓕᖕᒧᑦ.

¹² ᐃᓄᖃᖏᑦᑐᒥᑦ ᓯᓐᒥᑦ ᐊᐅᓪᓚᕋᒥᒃ ᑕᖕᒫᕐᓗᑎᒃ ᑑᕝᑲᒧᑦ.

¹³ ᑑᕝᑲᒥᑦ ᐊᐅᓪᓚᕋᒥᒃ ᑕᖕᒫᕐᓗᑎᒃ ᐊᓘᔅᒧᑦ.

¹⁴ ᐊᓘᔅᒥᓪᓗ ᐊᐅᓪᓚᕋᒥᒃ ᕆᐱᑎᒧᑦ ᑕᖕᒫᓗᑎᒃ, ᑕᕝᕙᓂ ᐃᓄᐃᑦ ᐃᒪᖃᖏᑦᑐᒦᓐᓇᒥᒃ ᐃᒥᒐᒃᓴᖃᓚᐅᓐᖏᓚᑦ.

¹⁵ ᕆᐱᑎᒥᓪᓗ ᐊᐅᓪᓚᕋᒥᒃ ᓮᓁᑉ ᐃᓄᖃᖏᑦᑐᖓᓄᑦ ᑕᖕᒫᓛᐅᕐᐳᑦ.

¹⁶ ᓮᓁᓪᓗ ᐃᓄᖃᖏᑦᑐᖓᓂᑦ ᐊᐅᓪᓚᕋᒥᒃ ᑕᖕᒫᓛᐅᕐᐳᑦ ᑭᐳᕌᑎ-ᕼᐊᑖᕙᒧᑦ.

¹⁷ ᑭᐳᕌᑎ-ᕼᐊᑖᕙᒥᑦ ᐊᐅᓪᓚᕋᒥᒃ ᕼᐊᔨᕌᑎᒧᑦ ᑕᖕᒫᓛᐅᕐᐳᑦ.

¹⁸ ᕼᐊᔨᕌᑎᒥᑦ ᐊᐅᓪᓚᕋᒥᒃ ᕆᑦᒪᒧᑦ ᑕᖕᒫᓛᐅᕐᐳᑦ.

¹⁹ ᕆᑦᒪᒥᑦ ᐊᐅᓪᓚᕋᒥᒃ ᕆᒪᓐ-ᐱᕆᔾᒧᑦ ᑕᖕᒫᓛᐅᕐᐳᑦ.

²⁰ ᕆᒪᓐ-ᐱᕆᔾᒥᑦ ᐊᐅᓪᓚᕋᒥᒃ ᓕᑉᓇᒧᑦ ᑕᖕᒫᓛᐅᕐᐳᑦ.

²¹ ᓕᑉᓇᒥᑦ ᐊᐅᓪᓚᕋᒥᒃ ᕆᓴᒧᑦ ᑕᖕᒫᓛᐅᕐᐳᑦ.

²² ᐃᖏᕐᕋᒐᒥᒡᓗ ᕆᓴᒥᑦ ᑭᕼᐄᓚᑕᒧᑦ ᑕᖕᒫᓛᐅᕐᐳᑦ.

²³ ᑭᕼᐄᓚᑕᓗ ᐊᐅᓪᓚᕋᒥᒃ ᖃᖅᑲᒧᑦ ᓯᕕᕆᒧᑦ ᑕᖕᒫᓛᐅᕐᐳᑦ.

²⁴ ᖃᖅᑲᒥᑦ ᓯᕕᕆᒥᑦ ᐊᐅᓪᓚᕋᒥᒃ ᕼᐊᕌᑕᒧᑦ ᑕᖕᒫᓛᐅᕐᐳᑦ.

²⁵ ᕼᐊᕌᑕᒥᑦ ᐊᐅᓪᓚᕋᒥᒃ ᒪᒃᕼᐃᓘᑎᒧᑦ ᑕᖕᒫᓛᐅᕐᐳᑦ.

²⁶ ᒪᒃᕼᐃᓘᑎᒥᑦ ᐊᐅᓪᓚᕋᒥᒃ ᑕᕼᐋᑕᒧᑦ ᑕᖕᒫᓛᐅᕐᐳᑦ.

²⁷ ᑕᕼᐋᑕᒥᑦ ᐊᐅᓪᓚᕋᒥᒃ ᑏᕋᒧᑦ ᑕᖕᒫᓛᐅᕐᐳᑦ.

²⁸ ᑏᕋᒥᑦ ᐊᐅᓪᓚᕋᒥᒃ ᒥᑦᑲᒧᑦ ᑕᖕᒫᓛᐅᕐᐳᑦ.

²⁹ ᒥᑦᑲᒥᑦ ᐊᐅᓪᓚᕋᒥᒃ ᕼᐊᔅᒧᓇᒧᑦ ᑕᖕᒫᓛᐅᕐᐳᑦ.

³⁰ ᕼᐊᔅᒧᓇᒥᑦ ᐊᐅᓪᓚᕋᒥᒃ ᒧᓯᕋᑎᒧᑦ ᑕᖕᒫᓛᐅᕐᐳᑦ.

³¹ ᒧᓯᕋᑎᒥᑦ ᐊᐅᓪᓚᕋᒥᒃ ᐱᓂ-ᔮᑲᓐᒧᑦ ᑕᖕᒫᓛᐅᕐᐳᑦ.

³² ᐱᓂ-ᔮᑲᓐᒥᑦ ᐊᐅᓪᓚᕋᒥᒃ ᕼᐅᐊᕐ-ᕼᐊᒋᒐᑦᒧᑦ ᑕᖕᒫᓛᐅᕐᐳᑦ.

³³ ᕼᐅᐊᕐ-ᕼᐊᒋᒐᑦᒥᑦ ᐊᐅᓪᓚᕋᒥᒃ ᔮᑦᐹᑕᒧᑦ ᑕᖕᒫᓛᐅᕐᐳᑦ.

³⁴ ᔮᑦᐹᑕᒥᑦ ᐊᐅᓪᓚᕋᒥᒃ ᐋᑉᕉᓇᒧᑦ ᑕᖕᒫᓛᐅᕐᐳᑦ.

³⁵ ᐋᑉᕉᓇᒥᑦ ᐊᐅᓪᓚᕋᒥᒃ ᐃᔨᐅᓂ-ᒋᐱᕆᒧᑦ ᑕᖕᒫᓛᐅᕐᐳᑦ.

³⁶ ᐃᔨᐅᓂ-ᒋᐱᕆᒥᑦ ᐊᐅᓪᓚᕋᒥᒃ ᐃᓄᖃᖏᑦᑐᒧᑦ ᔨᓐᒧᑦ ᑍᔭᐅᔪᒧᑦ ᑲᑎᓯᒥᒃ ᑕᖕᒫᓛᐅᕐᐳᑦ.

³⁷ ᑲᑎᓯᒥᑦ ᐊᐅᓪᓚᕋᒥᒃ ᖃᖅᑲᒧᑦ ᕼᐅᕆᒧᑦ ᑕᖕᒫᓛᐅᕐᐳᑦ, ᐄᑐᒥᐅᑉ ᓄᓇᖓᑕ ᑭᒡᓕᖓᓃᑐᒧᑦ.

³⁸ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐂᕉᓂ ᖃᖅᑲᒧᑦ ᕼᐅᕆᒧᑦ ᒪᔪᕋᓚᐅᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, ᑕᕝᕙᓂᓗ ᑐᖁᓚᐅᕐᐳᑦ ᐃᓴᕆᐊᓕᒥᐅᑦ ᐊᕐᕌᒍᑦ 40 ᐄᑦᔨᑉᑎᑦ ᓄᓇᖓᓂ ᐊᐅᓪᓚᓚᐅᕐᑎᓪᓗᒋᑦ, ᐅᓪᓗᐃᑦ ᓯᕗᓪᓕᕐᐹᖓᓂ ᑕᖅᑮᑦ ᑕᓪᓕᒪᖓᓐᓂ.

³⁹ ᐂᕉᓂ ᐊᕐᕌᒍᖃᓚᐅᕐᐳᖅ 123ᓂᒃ ᑐᖁᒐᒥ ᖃᖅᑲᐅᑉ ᕼᐅᕆᐅᑉ ᑳᖓᓂ.

⁴⁰ ᐊᕌᑎᒥᐅᑦ ᐊᖓᔪᖅᑳᕐᔪᐊᖓ ᑬᓇᓂᒥᐅᖅ, ᑬᓇᓂᐅᑉ ᓯᕿᓂᖓᓂ ᓄᓇᖃᕐᑐᖅ ᓂᒋᑉᒥ, ᑐᓴᓚᐅᕐᒪᑦ ᐃᓴᕆᐊᓕᒥᐅᑦ ᑎᑭᓕᕐᓂᖏᓐᓂᒃ.

⁴¹ ᑖᒃᑯᐊ ᐊᐅᓪᓚᓚᐅᕐᐳᑦ ᖃᖅᑲᒥᑦ ᕼᐅᕆᒥᑦ ᑕᖕᒫᕐᓗᑎᒡᓗ ᔭᓪᒨᓇᒧᑦ.

⁴² ᔭᓪᒨᓇᒥᑦ ᐊᐅᓪᓚᕋᒥᒃ ᐳᓄᓂᒧᑦ ᑕᖕᒫᓛᐅᕐᐳᑦ.

⁴³ ᐳᓄᓂᒥᑦ ᐊᐅᓪᓚᕋᒥᒃ ᐅᐴᑎᒧᑦ ᑕᖕᒫᓛᐅᕐᐳᑦ.

⁴⁴ ᐅᐴᑎᒥᑦ ᐊᐅᓪᓚᕋᒥᒃ ᐃᔨ-ᐊᐸᕆᒻᒧᑦ ᑕᖕᒫᓛᐅᕐᐳᑦ, ᒧᐊᐱᐅᑉ ᓄᓇᖓᑕ ᑭᒡᓕᖓᓃᑦᑐᒧᑦ.

⁴⁵ ᐃᔨᒻᒥᑦ ᐊᐅᓪᓚᕋᒥᒃ ᑎᐴᓐ-ᒑᑦᒧᑦ ᑕᖕᒫᓛᐅᕐᐳᑦ.

⁴⁶ ᑎᐴᓐ-ᒑᑦᒥᑦ ᐊᐅᓪᓚᕋᒥᒃ ᐋᓪᒪᓐ-ᑎᑉᓚᑍᒥᒧᑦ ᑕᖕᒫᓛᐅᕐᐳᑦ.

⁴⁷ ᐋᓪᒪᓐ-ᑎᑉᓚᑍᒥᑦ ᐊᐅᓪᓚᕋᒥᒃ ᐊᐸᕅᑉ ᖃᖅᑲᖏᓐᓂ ᑕᖕᒫᓛᐅᕐᐳᑦ, ᖃᖅᑲᐅᑉ ᓂᐴᑉ ᓴᓂᐊᓂ.

⁴⁸ ᐊᐸᕅᑉ ᖃᖅᑲᖏᓐᓂᑦ ᐊᐅᓪᓚᕋᒥᒃ ᒧᐊᐱᐅᑉ ᓇᑎᕐᓇᖓᓄᑦ ᑕᖕᒫᓛᐅᕐᐳᑦ, ᔪᐊᕐᑕᓂᐅᑉ ᓴᓂᐊᓄᑦ, ᔨᕆᑰᑉ ᐊᑭᐊᓄᑦ.

⁴⁹ ᔪᐊᕐᑕᓂᐅᑉ ᓯᓈᓂ ᑕᖕᒫᕐᓯᒪᓚᐅᕐᐳᑦ, ᐱᑦ-ᔨᓯᒫᒥᑦ ᐱᒋᐊᕐᓗᑎᒃ ᐊᐱᐅᓪ-ᓯᑎᒻ ᐊᑬᓯᐊ ᒍᕉᕝ ᑎᑭᓪᓗᒍ ᒧᐊᐱᐅᑉ ᓇᑎᕐᓇᖓᓂ.

ᒪᓕᒐᒃᓮᑦ ᔪᐊᕐᑕᓂᒥᒃ ᐃᑳᓚᐅᖏᓐᓂᕐᒥᖕᓂ

⁵⁰ ᐊᑕᓂᐅᑉ ᒨᓯᓯ ᐅᖃᕐᕕᒋᓚᐅᕐᐹ ᒧᐊᐱᐅᑉ ᓇᑎᕐᓇᖓᓂ ᔪᐊᕐᑕᓂᐅᑉ ᓯᓈᓃᑎᓪᓗᒋᑦ ᔨᕆᑰᑉ ᐊᑭᐊᓂ, ᐅᖃᕐᓗᓂ,

⁵¹ “ᑭᖑᕚᖑᖃᑎᒌᑦ ᐃᓴᕆᐊᓕᒥᐅᑦ ᐅᖃᐅᑎᒃᑭᑦ ᐃᒫᒃ, ‘ᔪᐊᕐᑕᓂ ᐃᑳᕈᑦᓯᐅᒃ ᓄᓇᒧᓪᓗ ᑬᓇᓂᒧᑦ ᑎᑭᒃᑯᑦᓯ,

⁵² ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ;

⁵³ ᐃᓚᒋᓂᐊᕐᓇᒋᓪᓗ ᑕᒫᓂ ᓄᓇᖃᕐᑐᑦ ᐊᖏᕐᕋᖃᕐᑐᓪᓗ, ᑕᒪᓐᓇ ᓄᓇ ᐃᓕᑦᓯᓐᓄᑦ ᑐᓂᒐᒃᑯ ᐱᑖᕆᔭᐅᖁᓪᓗᒍ.

⁵⁴ ᓄᓇ ᐊᕕᒃᑐᕆᐊᖃᕐᐸᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓗᒍ ᐱᑖᕆᔭᐅᑎᓪᓗᒍᓗ ᐃᓚᑦᓯᓐᓄᑦ; ᐃᓚᒌᑦ ᐅᓄᕐᓂᕐᓮᑦ ᐊᖏᓂᕐᓴᒥᒃ ᓄᓇᑯᑎᑖᕆᐊᖃᕐᐳᑦ, ᐃᓚᒌᓪᓗ ᐅᓄᖏᓐᓂᕐᓮᑦ ᒥᑭᓂᕐᓴᒥᒃ ᓄᓇᖁᑎᑖᕐᓗᑎᒃ; ᓄᓇᖁᑎᑖᕆᓂᐊᕐᑕᒥᖕᓂᒃ ᐃᓚᒌᑦ ᓄᓇᖃᕆᐊᖃᕐᐳᑦ. ᓄᓇᖁᑎᑖᕆᐊᖃᕐᐳᓯ ᓯᕗᓕᕕᓂᑦᓯ ᑭᖑᕚᖏᑦ ᒪᓕᒡᓗᒋᑦ.

⁵⁵ ᓄᓇᖃᕐᑐᑐᕾᓪᓕ ᓄᓇᒥᑦ ᐊᐅᓪᓚᕐᑎᓐᓂᐊᖏᒍᑦᓯᒋᒃ ᐃᓕᑦᓯᓐᓂᑦ, ᑖᒃᑯᐊ ᐊᐅᓪᓚᕐᑎᓐᖏᑕᓯ ᑕᕝᕙ ᑕᑯᓐᓇᕐᑕᑦᓯᓐᓄᑦ ᐃᓗᐊᖏᑦᔪᑕᐅᓂᐊᕐᐳᑦ ᓴᓂᕋᑦᓯᒍᓪᓗ ᑲᐱᖃᑦᑕᕐᑐᑎᑐᑦ ᑍᒤᓐᓂᐊᒃᐳᓯ, ᑖᒃᑯᐊ ᐃᓕᑦᓯᓐᓂᒃ ᐅᐃᒪᓵᕆᓂᐊᕐᒪᑕ ᓄᓇᒥ ᐃᓂᒋᔭᑦᓯᓐᓂ.

⁵⁶ ᐊᒻᒪᓗᑦᑕᐅᖅ ᐱᓂᐊᕐᕕᒋᓂᐊᕆᕙᑦᓯ ᑖᒃᑯᓄᖓ ᐱᓂᐊᕈᑎᒋᓂᐊᓚᐅᕐᑕᓐᓂᒃ.’”