ᒨᓯᓯ ᓯᑕᒪᖏᑦ 1 - ᐊᒡᓔᑦ ᐃᑦᔪᕐᖕᓁᑦᑐᑦ

ᓯᕗᓪᓕᕐᐹᒥᒃ ᐃᓄᐃᑦ ᐃᓴᕆᐊᓕᒥᐅᑦ ᓈᓴᕐᑕᐅᓂᖏᑦ

¹ ᐊᑕᓂᕐᓕ ᐅᖃᕐᐳᖅ ᒨᓯᓯᒧᑦ ᓮᓁᒥ ᐃᓄᖃᖏᑦᑐᒥ, ᑐᐱᕐᔪᐊᕐᒦᑎᓪᓗᒍ ᑲᑎᒪᕕᖕᒥ, ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ, ᐊᕐᕌᒍᑉ ᐂᑉᐸᕆᓕᕐᑕᖓᓂ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᑎᓪᓗᒋᑦ, ᐃᒫᒃ ᐅᖃᕐᓗᓂ:

² “ᓈᓴᓚᐅᒃᑭᑦ ᑲᑎᕙᒃᑐᓕᒫᑦ ᐃᓴᕆᐊᓕᐅᑉ ᕿᑐᕐᖓᖏᑦ, ᐃᓚᒌᑦ ᐃᒡᓗᒥᐅᖃᑎᒌᑦ ᒪᓕᒡᓗᒋᑦ, ᐊᑖᑕᖏᑕᓗ ᓯᕗᓕᖏᑦ ᒪᓕᒡᓗᒋᑦ, ᐊᑎᖏᑕ ᐅᓄᕐᓂᖏᑦ ᒪᓕᒡᓗᒋᑦ, ᐊᖑᑎᓕᒫᑦ,

³ ᐊᕐᕌᒍᖃᕐᑐᑦ ᐊᕙᑎᓂᒃ ᐊᖓᔪᒋᔭᖏᓪᓗ ᑕᒪᕐᒥᒃ, ᐃᓴᕆᐊᓕᒥᐅᓂ ᐅᓇᑕᖃᑕᐅᔪᓐᓇᕐᑐᓕᒫᑦ. ᐃᕝᕕᓪᓗ ᐂᕉᓂᓗ ᓈᓴᕐᓯᒃᑯᒃ ᐅᓇᑕᕐᑐᒃᓴᐅᖃᑎᒌᑦ ᒪᓕᒡᓗᒋᑦ.

⁴ ᐊᖑᑎᓂᒃ ᐃᓚᖃᕐᓗᓯ ᑭᖑᕚᖑᖃᑎᒌᓂᑦ ᐊᑐᓂᑦ ᐱᓯᒪᔪᓂᒃ, ᓯᕗᓕᕐᒥᖕᓂᑦ ᐊᐅᓚᑦᓯᔨᐅᔪᓂᒃ ᐊᑐᓂᑦ.

⁵ “ᐅᑯᐊ ᑕᕝᕙ ᐃᓚᒋᔭᕆᐊᖃᕐᑕᑦᓯ ᐃᓚᖏᑦ: ᕉᐱᓂᐅᑉ ᑭᖑᕚᖏᓐᓂᑦ ᐃᓕᓱᕆ ᓯᑎᐅᕆᐅᑉ ᐃᕐᓂᖓ;

⁶ ᓯᒥᐅᓂᐅᑉ ᑭᖑᕚᖏᓐᓂᑦ, ᓯᓘᒥᐅᓕ ᔪᕆᓴᑍᑉ ᐃᕐᓂᖓ;

⁷ ᔫᑕᐅᑉ ᑭᖑᕚᖏᓐᓂᑦ, ᓈᓲᓂ ᐊᒥᓇᑕᐱᐅᑉ ᐃᕐᓂᖓ;

⁸ ᐃᓴᑳᕆᐅᑉ ᑭᖑᕚᖏᓐᓂᑦ, ᓂᑖᓂᐅᓪ ᔪᐊᕆᐅᑉ ᐃᕐᓂᖓ;

⁹ ᓯᐳᓗᓂᐅᑉ ᑭᖑᕚᖏᓐᓂᑦ, ᐃᓔᐊᑉ ᕼᐃᓘᓂᐅᑉ ᐃᕐᓂᖓ;

¹⁰ ᔫᓯᐱᐅᑉ ᐃᕐᓂᖏᑕ ᑭᖑᕚᖏᓐᓂᑦ: ᐃᕗᕅᒥᒃᑯᓐᓂᑦ, ᐃᓔᓴᒪ ᐊᒥᕼᐆᑎᐅᑉ ᐃᕐᓂᖓ: ᒫᓇᓯᐅᑉ ᑭᖑᕚᖏᓐᓂᑦ, ᒐᒤᓕ ᐱᑕᔪᕆᐅᑉ ᐃᕐᓂᖓ,

¹¹ ᐱᓐᔭᒥᓂᐅᑉ ᑭᖑᕚᖏᓐᓂᑦ, ᐊᐱᑖᓂ ᒋᑎᐅᓂᐅᑉ ᐃᕐᓂᖓ;

¹² ᑖᓐ ᑭᖑᕚᖏᓐᓂᑦ, ᐊᕼᐂᓱᕆ ᐊᒥᓴᑍᑉ ᐃᕐᓂᖓ;

¹³ ᐋᓱᕆᐅᑉ ᑭᖑᕚᖏᓐᓂᑦ, ᐸᒊᓕ ᐆᑯᕌᓂᐅᑉ ᐃᕐᓂᖓ;

¹⁴ ᒑᑦ ᑭᖑᕚᖏᓐᓂᑦ, ᐃᓔᐊᓴᐱ ᑎᐅᐃᓕᐅᑉ ᐃᕐᓂᖓ;

¹⁵ ᓈᑉᑕᓕᐅᑉ ᑭᖑᕚᖏᓐᓂᑦ, ᐊᕼᐂᕋ ᐃᓈᓂᐅᑉ ᐃᕐᓂᖓ.”

¹⁶ ᑖᒃᑯᐊ ᑕᕝᕙ ᓂᕈᐊᕐᑕᐅᓚᐅᕐᑐᑦ ᐃᓅᖃᑎᒌᒡᔪᐊᓂᑦ, ᑭᖑᕚᖑᖃᑎᒌᓄᑦ ᐊᖓᔪᖅᑳᑦ, ᐃᓴᕆᐊᓕᒥᐅᑦ ᐊᕕᒃᑐᕐᓯᒪᓂᖏᓐᓂ ᓯᕗᓕᕐᑎᐅᔪᑦ.

¹⁷ ᑕᕝᕙ ᒨᓯᓯᐅᑉ ᐂᕉᓂᐅᓪᓗ ᐊᖑᑎᑦ ᑖᒃᑯᐊ ᐱᕔᑦ ᐊᑎᖏᑦ ᑍᔭᐅᓯᒪᔪᑦ,

¹⁸ ᐃᓄᒋᐊᒃᑐᕐᔪᐊᓪᓗ ᑲᑎᑎᓪᓗᒋᑦ ᑕᖅᑭᐅᑉ ᐂᑉᐸᖓᑕ ᐅᓪᓗᖓᑕ ᓯᕗᓪᓕᕐᐹᖓᓂ; ᓯᕗᓕᕕᓂᕐᑎᒡᓗ ᑍᒍᕐᐰᑦ ᐃᓚᒌᖕᓂᑎᒃ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ ᒪᓕᒡᓗᒋᑦ, ᐊᕙᑎᓂᒃ ᐊᕐᕌᒍᓖᑦ ᐊᖓᔪᒃᓖᓪᓗ, ᐃᓄᐃᑦ ᐊᑐᓂᑦ.

¹⁹ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ, ᓈᓴᓚᐅᕐᐰᑦ ᓮᓁᒥ ᐃᓄᖃᖏᑦᑐᒥ.

²⁰ ᕉᐱᓂᐅᓪᓕ ᑭᖑᕚᖏᑦ, ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᖓᑕ, ᑭᖑᕚᕇᑦ ᐃᓚᒌᖁᑎᖏᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑎᖏᑕ ᐅᓄᕐᓂᖏᑦ, ᐊᖑᑎᓕᒫᑦ ᐊᑐᓂᑦ, ᐊᕐᕌᒍᖃᕐᑐᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᖃᑕᐅᔪᓐᓇᕐᓗᑎᒃ:

²¹ ᕉᐱᓂᐅᑉ ᑭᖑᕚᖏᓐᓂᑦ ᐱᓯᒪᔪᑦ 46,500ᐅᓚᐅᕐᐳᑦ.

²² ᓯᒥᐅᓂᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕᓗ ᐃᓚᒌᖕᓂᖏᑦ ᒪᓕᒡᓗᒋᑦ ᓈᓴᕐᑕᐅᓚᐅᕐᐳᑦ ᐊᑏᑦ ᐅᓄᕐᓂᖏᑎᒍᑦ, ᐊᖑᑎᓕᒫᑦ ᐊᑐᓂᑦ, ᐊᕙᑎᓂᒃ ᐊᕐᕌᒍᓖᑦ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

²³ ᓯᒥᐅᓂᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 59,300ᐅᓚᐅᕐᐳᑦ.

²⁴ ᒑᑎᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕙᑎᓂᒃ ᐊᕐᕌᒍᓖᑦ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

²⁵ ᒑᑎᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 45,650ᐅᓚᐅᕐᐳᑦ.

²⁶ ᔫᑕᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

²⁷ ᔫᑕᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 74,600ᐅᓚᐅᕐᐳᑦ.

²⁸ ᐃᓴᑳᕆᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

²⁹ ᐃᓴᑳᕆᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 54,400ᐅᓚᐅᕐᐳᑦ.

³⁰ ᓯᐳᓗᓂᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

³¹ ᓯᐳᓗᓂᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 57,400ᐅᓚᐅᕐᐳᑦ.

³² ᔫᓯᐱᐅᑉ ᐃᕐᓂᖏᓐᓂᑦ, ᐃᕗᕅᒥᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

³³ ᐃᕗᕅᒥᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 40,500ᐅᓚᐅᕐᐳᑦ.

³⁴ ᒫᓇᓯᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

³⁵ ᒫᓇᓯᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 32,200ᐅᓚᐅᕐᐳᑦ.

³⁶ ᐱᓐᔭᒥᓂᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

³⁷ ᐱᓐᔭᒥᓂᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 35,400ᐅᓚᐅᕐᐳᑦ.

³⁸ ᑖᓐ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

³⁹ ᑖᓐ ᑭᖑᕚᖏᓐᓂᑦ ᓈᓴᕐᑕᐅᔪᑦ 62,700ᐅᓚᐅᕐᐳᑦ.

⁴⁰ ᐋᓱᕆᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

⁴¹ ᐋᓱᕆᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 41,500ᐅᓚᐅᕐᐳᑦ.

⁴² ᓈᑉᑕᓕᐅᑉ ᑭᖑᕚᖏᓐᓂᑦ, ᑭᖑᕚᕇᑦ ᐊᕕᒃᑐᕐᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐊᑏᑦ ᐅᓄᕐᓂᖏᑦ, ᐊᕐᕌᒍᓖᑦ ᐊᕙᑎᓂᒃ ᐊᖓᔪᒃᓰᓪᓗ, ᑕᒪᕐᒥᒃ ᐅᓇᑕᕆᐊᖃᑕᐅᔪᓐᓇᕐᑐᑦ:

⁴³ ᓈᑉᑕᓕᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 53,400ᐅᓚᐅᕐᐳᑦ.

⁴⁴ ᑖᒃᑯᐊ ᑕᕝᕙ ᓈᓴᕐᑕᐅᓚᐅᕐᑐᑦ, ᒨᓯᓯᐅᑉ ᐂᕉᓂᐅᓪᓗ ᓈᓴᓚᐅᕐᑕᖏᑦ, ᐃᓴᕆᐊᓕᒥᐅᑦ ᓯᕗᓕᕐᑎᖏᑦ, ᐊᖑᑎᑦ 12ᐃᑦ ᐃᓚᒋᓪᓗᒋᑦ, ᑖᒃᑯᐊ ᐊᑐᓂᑦ ᓯᕗᓕᕕᓂᕐᒥᖕᓂᒃ ᐱᑦᔪᑦᔨᓪᓗᑎᒃ.

⁴⁵ ᑍᒤᒻᒪᑦ ᓈᓴᕐᑕᐅᔪᑦ ᐃᓴᕆᐊᓕᐅᑉ ᕿᑐᕐᖓᕆᕔᑦ, ᓯᕗᓕᕕᓂᕐᑎᒃ ᐱᑦᔪᑎᓪᓗᒋᑦ, ᐊᕐᕌᒍᖃᕐᑐᑦ ᐊᕙᑎᓂᒃ ᐊᖓᔪᒃᓰᓪᓗ, ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ ᐅᓇᑕᕆᐊᖃᑕᐅᔪᓐᓇᕐᑐᓕᒫᑦ.

⁴⁶ ᑲᑎᓪᓗᒋᑦ ᓈᓴᕐᑕᐅᔪᑦ 603,550ᐅᓚᐅᕐᐳᑦ.

⁴⁷ ᓕᕔᓪᓕ ᑭᖑᕚᖏᑦ ᓈᓴᖃᓯᐅᑎᔭᐅᓚᐅᓐᖏᓚ ᓯᕗᓕᕕᓂᕐᒥᖕᓄᑦ;

⁴⁸ ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ, ᐅᖃᕐᓗᓂ,

⁴⁹ “ᑭᓯᒥ ᓕᕔᑉ ᑭᖑᕚᖏᑦ ᓈᓴᕐᓂᐊᓐᖏᓚᑎᑦ, ᓈᓴᖃᓯᐅᑎᓂᐊᕐᓇᒋᓪᓗ ᐃᓴᕆᐊᓕᐅᑉ ᕿᑐᕐᖓᖏᓐᓄᑦ;

⁵⁰ ᓕᕔᑎᒃᑯᓪᓕ ᑎᓕᓂᐊᕐᐸᑎᑦ ᑲᒪᔨᐅᖁᓗᒋᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᓗᓕᖏᓐᓂᒃ ᑕᒤᓐᓂᒃ ᑲᒪᔨᐅᓗᑎᒃ, ᐱᒋᔭᖏᓐᓂᒡᓗ; ᑐᐱᕐᔪᐊᖅ ᑲᑎᒪᕕᒃ ᐊᒡᔭᖃᑦᑕᕆᐊᖃᕐᐹᑦ ᐃᓗᓕᖏᓪᓗ; ᑲᒪᒋᔭᕆᐊᖃᕐᐹᑦ ᖃᓂᒋᔭᖓᓂᓗ ᑐᐱᖃᕐᓗᑎᒃ.

⁵¹ ᑐᐱᕐᔪᐊᖅ ᑲᑎᒪᕕᒃ ᐃᖏᕐᕋᓂᐊᓕᕌᖓᑦ, ᓕᕔᑎᓂᑦ ᐲᔭᕐᑕᐅᔭᕆᐊᖃᕐᐳᖅ; ᐋᖅᑭᒃᓱᕐᑕᐅᔭᕆᐊᖃᓕᕐᐸᓪᓗ, ᓕᕔᑏᑦ ᐋᖅᑭᒃᓱᕆᐊᖃᕐᐹᑦ. ᑖᒃᑯᓄᖓ ᐃᓚᒋᔭᐅᖏᑦᑐᖅ ᑕᕝᕗᖓ ᖃᓂᒋᔭᖓᓄᐊᕐᐸᑦ ᑖᓐᓇ ᑐᖁᑕᐅᔭᕆᐊᖃᕐᐳᖅ.

⁵² ᐃᓴᕆᐊᓕᐅᑉ ᕿᑐᕐᖓᖏᑦ ᑐᐱᕆᐊᖃᕐᐳᑦ, ᓇᖕᒥᓂᖅ ᐃᓚᒌᑦ ᑐᐱᕐᕕᒋᔭᖏᑕ ᖃᓂᒋᔮᓂ, ᒪᓕᒐᑎᒃ ᒪᓕᒡᓗᒋᑦ, ᐅᓇᑕᕐᑐᒃᓴᖁᑎᑎᒃ ᒪᓕᒡᓗᒋᑦ;

⁵³ ᓕᕔᑎᓪᓕ ᑐᐱᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᖃᓂᒋᔭᖓᓂ, ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑦ ᕿᑐᕐᖓᖏᑦ ᓂᓐᖓᐅᑎᔭᐅᖁᓇᒋᑦ; ᓕᕔᑎᓪᓗ ᐊᖓᔪᖅᑳᖑᔭᕆᐊᖃᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ.”

⁵⁴ ᑍᒫᒃ ᑕᕝᕙ ᐃᓴᕆᐊᓕᐅᑉ ᕿᑐᕐᖓᖏᑦ ᐱᓚᐅᕐᐳᑦ; ᐊᑕᓂᐅᑉ ᒨᓯᓯᒥᒃ ᐱᖁᔨᓂᖏᑦ ᒪᓕᒡᓗᒋᑦ, ᑍᒤᓕᐅᕐᓗᑎᒡᓗ.