ᓂᕼᐃᒤᐊᐅᑉ ᐊᒡᓚᖏᑦ 7 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᐊᕙᓗᕐᔪᐊᓕᒫᖅ ᓴᓇᔭᐅᔭᕇᕐᒪᑦ, ᐃᑎᕐᑕᕐᕕᖏᑕᓗ ᐅᒃᑯᐊᓕᒫᖏᑦ ᐋᖅᑭᒃᑕᐅᔭᕇᕐᒪᑕ, ᑐᒃᓯᐊᕐᕕᒡᔪᐊᓪᓗ ᖃᐅᔨᓴᕐᑎᖏᑦ, ᐃᓐᖏᕐᑎᖏᓪᓗ, ᐊᓯᖏᓪᓗ ᓕᕔᑎᑦ ᐱᓇᓱᒋᐊᓕᖕᒥᖕᓄᑦ ᑎᓕᔭᐅᓚᐅᕐᐳᑦ.

² ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

³ ᐅᖃᐅᑎᓚᐅᕐᐹᒃᑲᒃ ᔨᕉᓴᓕᐅᑉ ᐃᑎᕐᑕᕐᕕᖏᑦ ᒪᑐᐃᕐᑕᐅᔭᕆᐊᖃᖏᓐᓂᖏᓐᓂᒃ ᓯᕿᓂᖅ ᑭᑦᔨᓕᓚᐅᖏᓐᓂᖓᓂ, ᖃᐅᔨᓴᕐᑎᖃᓕᕐᐸᓪᓗ ᑭᓯᐊᓂ ᒪᑐᐃᕐᑕᐅᖁᓪᓗᒍ; ᐊᒻᒪ ᒪᑐᔭᐅᖃᑦᑕᕆᐊᖃᕐᓂᖏᓐᓂᒃ ᐊᑦᓱᖏᕐᑕᐅᕙᒡᓗᑎᒡᓗ ᖃᐅᔨᓴᕐᑏᑦ ᓄᖅᑲᓚᐅᖏᓐᓂᖏᓐᓂ ᓯᕿᓂᐅᑉ ᓂᐱᒋᐊᕐᕕᖓᓂ, ᐅᖃᐅᑎᒋᐊᓪᓚᓚᐅᕐᐹᒃᑲᒡᓗ ᑎᓕᓯᖁᓪᓗᒋᒃ ᖃᐅᔨᓴᕐᑎᒃᓴᓂᒃ ᐃᓄᖕᓂᑦ ᔨᕉᓴᓕᒦᑦᑐᓂᑦ, ᑖᒃᑯᐊᓗ ᑎᓕᓗᒋᑦ ᖃᐅᔨᓴᕐᕕᒋᓂᐊᕐᑕᖏᓐᓄᑦ, ᐊᓯᖏᓐᓂᒡᓗ ᖃᐅᔨᓴᕐᑎᑕᕾᓐᓇᖁᓪᓗᒋᑦ ᓇᖕᒥᓂᖅ ᐃᒡᓗᒥᑕ ᐅᒃᑯᐊᖓᓐᓃᑦᑐᓂᒃ.

ᐊᐅᓪᓚᕈᑦᔭᐅᓯᒪᕕᖕᒥᑦ ᐅᑎᕐᓯᒪᔪᑦ ᓇᓗᓁᕐᑕᐅᓯᒪᓂᖏᑦ

⁴ ᔨᕉᓴᓕᐅᑉ ᐃᒡᓗᒐᓴᖏᑦ ᐊᖏᔪᐊᓘᓚᐅᕐᒪᑕ ᐃᓂᒃᓴᓕᐊᓘᓪᓗᑎᒡᓗ, ᐃᓄᖏᓪᓕ ᑕᕝᕙᓃᑦᑐᑦ ᐅᓄᓚᐅᓐᖏᓚᑦ, ᐃᒡᓗᖏᓪᓗ ᓴᓇᔭᐅᒋᐊᒃᑲᓐᓂᕐᓯᒪᓇᑎᒃ.

⁵ ᑕᕝᕙ ᒎᑎᐅᑉ ᐃᒃᐱᒍᓱᒃᑎᓕᓚᐅᕐᐹᖓ ᐃᓄᖕᓂᒃ ᑲᑎᓯᖁᓪᓗᖓ ᓯᕗᓕᕐᑎᖏᓐᓂᒃ, ᐊᖓᔪᖅᑳᖏᓐᓂᒡᓗ, ᐃᓚᒌᑦ ᑎᑎᕋᕐᑕᐅᓯᒪᓂᖏᑦ ᖃᐅᔨᓴᕐᑕᐅᖁᓪᓗᒋᑦ. ᑎᑎᕋᕐᓯᒪᔪᖁᑎᖏᓪᓗ ᓇᓂᓚᐅᕐᐸᒃᑲ ᑍᒃᑯᐊ ᓯᕗᓪᓖᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐅᑎᕐᓂᕕᓂᖏᑕ ᐃᒤᓕᖓᓂᖏᓐᓂᒃ:

⁶ ᐅᑯᐊ ᑕᕝᕙ ᐃᓄᐃᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐹᐱᓘᓂᐅᑉ ᓄᓇᖓᓄᑦ, ᐅᑎᓚᐅᕐᑐᑦ ᔨᕉᓴᓕᒧᑦ ᔫᑕᒦᑦᑐᒧᑦ, ᐃᓘᓐᓇᑎᒃ ᐊᖏᕐᕋᒥᖕᓅᓚᐅᕐᒪᑕ. ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐹᐱᓘᓂᒧᑦ ᐊᖓᔪᖅᑳᕐᔪᐊᕐᒧᑦ ᓂᐱᑯᓁᓴᒧᑦ ᑎᒍᔭᐅᓚᐅᕋᒥᒃ.

⁷ ᓯᕗᓕᕐᑎᖏᑦ ᐅᑯᐊᖑᓚᐅᕐᐳᑦ ᐅᑎᓚᐅᕐᑐᑦ ᔨᕈᐸᐱᐅᓪ, ᔩᓱᐊ, ᓂᕼᐃᒤᐊ, ᐊᔭᕅᐊ, ᕌᒥᐊ, ᓇᕼᒫᓂ, ᒧᐊᑎᑬ, ᐱᐅᓪᓵᓐ, ᒥᔅᐸ, ᐱᒡᕔ, ᓁᕼᐅᒻ, ᐊᒻᒪᓗ ᐹᓇ. ᑖᒃᑯᐊ ᑕᕝᕙ ᐊᒡᓚᒃᓯᒪᔪᑦ ᐃᓚᒌᑦ ᐃᓴᕆᐊᓕᒥᐅᓂ:

⁸ ᐸᕉᓯᒃᑯᑦ ᑭᖑᕚᕇᑦ, 2,172ᖑᕗᑦ;

⁹ ᓯᕚᑍᐊᒃᑯᑦ ᑭᖑᕚᕇᑦ, 372ᖑᕗᑦ;

¹⁰ ᐊᕋᒃᑯᑦ ᑭᖑᕚᕇᑦ, 652ᖑᕗᑦ;

¹¹ ᐸᕼᐊᑕ-ᒧᐊᐱᐅᑉ, ᔩᓱᐊᑉ ᔪᐊᐱᐅᓪᓗ ᑭᖑᕚᖏᑦ, 2,818ᖑᕗᑦ;

¹² ᐃᓛᒻᒥᒃᑯᑦ ᑭᖑᕚᕇᑦ, 1,254ᖑᕗᑦ;

¹³ ᔭᑑᒃᑯᑦ ᑭᖑᕚᕇᑦ, 845ᖑᕗᑦ;

¹⁴ ᔭᑬᒃᑯᑦ ᑭᖑᕚᕇᑦ, 760ᖑᕗᑦ;

¹⁵ ᐱᓄᐃᒃᑯᑦ ᑭᖑᕚᕇᑦ, 648ᖑᕗᑦ;

¹⁶ ᐱᐰᒃᑯᑦ ᑭᖑᕚᕇᑦ, 628ᖑᕗᑦ;

¹⁷ ᐊᔾᒑᑦᑯᑦ ᑭᖑᕚᕇᑦ, 2,322ᖑᕗᑦ;

¹⁸ ᐊᑐᓂᑲᒻᑯᑦ ᑭᖑᕚᕇᑦ, 667ᖑᕗᑦ;

¹⁹ ᐱᒡᕔᒋᒃᑯᑦ ᑭᖑᕚᕇᑦ, 2,067ᖑᕗᑦ;

²⁰ ᐊᑎᓐᑯᑦ ᑭᖑᕚᕇᑦ, 655ᖑᕗᑦ;

²¹ ᐊᑕᕆᒃᑯᑦ ᑍᔭᐅᕙᖕᒥᔪᑦ ᕼᐃᓯᑬᐊᒃᑯᑦ, 98ᖑᕗᑦ;

²² ᕼᐊᓲᒻᑯᑦ ᑭᖑᕚᕇᑦ, 328ᖑᕗᑦ;

²³ ᐱᔧᒃᑯᑦ ᑭᖑᕚᕇᑦ, 324ᖑᕗᑦ;

²⁴ ᕼᐊᕆᐸᒃᑯᑦ ᑭᖑᕚᕇᑦ, 112ᖑᕗᑦ;

²⁵ ᒋᐱᐅᓂᒃᑯᑦ ᑭᖑᕚᕇᑦ, 95ᖑᕗᑦ;

²⁶ ᐃᓄᐃᑦᑕᐅᖅ ᐱᑦᓕᐊᒻᒥᐅᑦ ᓂᑐᐸᒥᐅᓪᓗ ᑭᖑᕚᕇᑦ, 188ᖑᕗᑦ;

²⁷ ᐊᓇᑑᑎᒥᐅᑦ ᑭᖑᕚᕇᑦ, 128ᖑᕗᑦ;

²⁸ ᐱᑦ-ᐊᔭᒫᕙᒥᐅᑦ ᑭᖑᕚᕇᑦ, 42ᖑᕗᑦ;

²⁹ ᑭᕆᐊᑦ-ᔨᕆᒻ, ᓯᐱᕋ ᐱᐊᕌᔅᒥᐅᓪᓗ ᑭᖑᕚᕇᑦ, 743ᖑᕗᑦ;

³⁰ ᕌᒪᒥᐅᑦ ᒋᐸᒥᐅᓪᓗ ᑭᖑᕚᕇᑦ, 621ᖑᕗᑦ;

³¹ ᒥᒃᒫᓯᒥᐅᓪᓗ ᑭᖑᕚᕇᑦ, 122ᖑᕗᑦ;

³² ᐱᑎᓕᒥᐅᑦ ᐂᒥᐅᓪᓗ ᑭᖑᕚᕇᑦ, 123ᖑᕗᑦ;

³³ ᓂᐴᒥᐅᓪᓗ ᐂᑉᐸᖓᓂᒥᐅᑦ ᑭᖑᕚᕇᑦ, 52ᖑᕗᑦ;

³⁴ ᐃᓛᒻᒥᐅᓪᓗ ᐂᑉᐸᖓᓂᒥᐅᑦ ᑭᖑᕚᕇᑦ, 1,254ᖑᕗᑦ;

³⁵ ᕼᐊᕆᒻᒥᐅᓪᓗ ᑭᖑᕚᕇᑦ, 320ᖑᕗᑦ;

³⁶ ᔨᕆᑯᒥᐅᓪᓗ ᑭᖑᕚᕇᑦ, 345ᖑᕗᑦ;

³⁷ ᓛᑎᐅᑉ ᐃᕐᓂᖏᑦ, ᕼᐊᑎᑎᒥᐅᓪᓗ, ᐆᓅᒥᐅᓪᓗ ᑭᖑᕚᕇᑦ, 721ᖑᕗᑦ;

³⁸ ᓯᓈᒥᐅᑦ ᑭᖑᕚᕇᑦ, 3,930ᖑᕗᑦ.

³⁹ ᐅᑯᐊ ᑐᓂᕐᕈᓯᕐᑎᑦᓯᔩᑦ ᐃᓚᒌᑦ ᐅᑎᓚᐅᕐᑐᑦ ᐊᐅᓪᓚᐅᑦᔭᐅᓯᒪᓂᕐᒥᖕᓂᑦ: ᔨᑍᐊᒃᑯᑦ ᑭᖑᕚᕇᑦ ᔩᓱᐊᑉ ᑭᖑᕚᖓᑕ, 973ᖑᕗᑦ;

⁴⁰ ᐃᒥᕆᒃᑯᑦ ᑭᖑᕚᕇᑦ, 1,052ᖑᕗᑦ;

⁴¹ ᐸᓱᕼᐅᕆᒃᑯᑦ ᑭᖑᕚᕇᑦ, 1,247ᖑᕗᑦ;

⁴² ᕼᐊᕆᒻᑯᑦ ᑭᖑᕚᕇᑦ, 1,017ᖑᕗᑦ.

⁴³ ᓕᕔᑎᑦ ᐊᐅᓪᓚᐅᑦᔭᐅᓯᒪᓚᐅᕐᑐᑦ ᐅᑎᓚᐅᕐᑐᑦ ᐅᑯᐊᖑᒋᕗᑦ: ᔩᓱᐊᒃᑯᑦ ᑲᑦᒤ-ᓕᒃᑯᑦ ᕼᐅᑎᕚᓪᓗ ᑭᖑᕚᖏᑦ, 74ᖑᕗᑦ;

⁴⁴ ᑐᒃᓯᐊᕐᕕᒡᔪᐊᓪᓗ ᓂᑦᔭᐅᓯᔭᕐᑎᖏᑦ; ᐊᓴᐸᐅᑉ ᑭᖑᕚᖏᑦ, 148ᖑᕗᑦ;

⁴⁵ ᑐᒃᓯᐊᕐᕕᒡᔪᐊᑉ ᑲᐅᔨᓴᕐᑎᖏᑦ ᐅᑯᓇᓐᖓᑦ ᑭᖑᕚᕆᔭᐅᔪᑦ, ᓴᓗᒻᒥᒃᑯᑦ, ᐊᑕᕆᒃᑯᑦ, ᑖᓪᒪᓐᑯᑦ, ᐊᑯᑉᑯᑦ, ᕼᐊᑍᑕᒃᑯᑦ, ᓱᐰᒃᑯᓪᓗ, 138ᖑᕗᑦ.

⁴⁶ ᓂᑎᓂᒃᑯᑦ: ᔨᕼᐊᒃᑯᑦ, ᕼᐊᓱᐸᒃᑯᑦ, ᑕᐸᐅᑎᒃᑯᑦ,

⁴⁷ ᑭᕉᓯᒃᑯᑦ, ᓯᐊᒃᑯᑦ, ᐸᑖᒃᑯᑦ,

⁴⁸ ᓕᐸᓇᒃᑯᑦ, ᕼᐊᒐᐸᒃᑯᑦ, ᓵᓪᒤᒃᑯᑦ,

⁴⁹ ᕼᐊᓇᓐᑯᑦ, ᒋᑎᐅᓪᑯᑦ, ᒐᕼᐊᕆᒃᑯᑦ,

⁵⁰ ᕆᐂᐊᒃᑯᑦ, ᕆᔨᓐᑯᑦ, ᓂᑯᑕᒃᑯᑦ,

⁵¹ ᒐᔭᒪᒃᑯᑦ, ᐆᔭᒃᑯᑦ, ᐸᓯᐊᒃᑯᑦ,

⁵² ᐱᓮᒃᑯᑦ, ᒥ-ᔫᓂᒃᑯᑦ, ᓂᐳᓯᓯᒻᑯᑦ,

⁵³ ᐸᒃᐳᒃᑯᑦ, ᕼᐊᑯᐸᒃᑯᑦ, ᕼᐊᕆᕼᐅᒃᑯᑦ,

⁵⁴ ᐸᔾᓖᑎᒃᑯᑦ, ᒥᕼᐂᑕᒃᑯᑦ, ᕼᐊᕐᓴᒃᑯᑦ,

⁵⁵ ᐹᕆᒃᑯᑦ, ᓯᓰᕋᒃᑯᑦ, ᑎᒪᒃᑯᑦ,

⁵⁶ ᓂᔨᐊᒃᑯᑦ, ᐊᒻᒪᓗ ᕼᐊᑎᐸᒃᑯᑦ.

⁵⁷ ᐃᓚᒌᑦ ᓲᓗᒨᓂᐅᑉ ᐱᔨᖏᑕ ᐊᐅᓪᓚᐅᑦᔭᐅᓂᖏᑕ ᐅᑎᕐᓂᕕᓂᖏᑦ: ᓱᑍᒃᑯᑦ, ᓱᐱᕆᑎᒃᑯᑦ, ᐱᕆᑕᒃᑯᑦ,

⁵⁸ ᔮᓚᒃᑯᑦ, ᑖᕆᑯᓐᑯᑦ, ᒋᑎᐅᓪᑯᑦ,

⁵⁹ ᓯᕚᑍᐊᒃᑯᑦ, ᕼᐊᑎᐅᓪᑯᑦ, ᐳᑦᓯᕆᑎ-ᕼᐊᔨᐰᒻᑯᑦ, ᐋᒪᓐᑯᓪᓗ.

⁶⁰ ᑭᖑᕚᕇᑦ ᑐᒃᓯᐊᕐᕕᒃᔪᐊᕐᒥ ᐱᓇᓱᐊᕐᑎᐅᔪᑦ ᓲᓗᒨᓂᐅᓪᓗ ᐱᔨᖏᑦ ᐅᑎᓚᐅᕐᑐᑦ ᐊᐅᓪᓚᐅᑦᔭᐅᓯᒪᕕᖕᒥᖕᓂᑦ ᑲᑎᓪᓗᑎᒃ 392ᓂᒃ ᐅᓄᕐᓂᖃᓚᐅᕐᐳᑦ.

⁶¹ ᐅᑯᐊᑦᑕᐅᖅ ᑕᕝᕙ ᐅᑯᓇᓐᖔᕐᓯᒪᓚᐅᕐᒥᔪᑦ ᓄᓇᓕᖕᓂᑦ ᑎᐅᓪ-ᒥᓚᒥᑦ, ᑎᐅᓪ-ᕼᐋᕐᓴᒥᑦ, ᓯᕉᑉᒥᑦ, ᐊᑐᓐᒥᑦ, ᐃᒥᕆᒥᓪᓗ, ᑭᓯᐊᓂ ᓇᓗᓁᕐᓯᔪᓐᓇᓚᐅᓐᖏᑦᑐᑦ ᓯᕗᓕᓪᓚᕆᕕᓂᕐᒥᖕᓂᒃ ᑭᓇᒃᑯᓐᓂᓐᖔᕐᓯᒪᓂᕐᒥᓂᒡᓗ ᐃᓴᕆᐊᓕᒥᐅᓄᓪᓗ ᑭᖑᕚᕆᔭᐅᓪᓚᕆᖕᓂᕐᒥᖕᓂᒃ.

⁶² ᑎᓔᐊᒃᑯᑦ ᑭᖑᕚᖏᑦ, ᑐᐱᐊᒃᑯᑦ ᑭᖑᕚᖏᑦ, ᓂᑯᑕᒃᑯᓪᓗ ᑭᖑᕚᖏᑦ, ᐃᓚᒌᑦ 642ᖑᓚᐅᕆᕗᑦ ᐅᑎᓚᐅᕐᑐᑦ.

⁶³ ᑐᓂᕐᕈᓯᕐᑎᑦᓯᔩᑦᑕᐅᖅ ᐃᓚᒌᑦ ᓇᓗᓁᕐᑕᐅᓯᒪᓚᐅᖏᑦᑐᑦ ᓇᓗᓁᕐᓯᔪᓐᓇᓚᐅᖏᑦᑐᓪᓗ ᑭᖑᕚᕆᔭᐅᓂᕐᒥᖕᓂᒃ ᐅᑯᐊᖑᕗᑦ; ᕼᐊᐰᐊᒃᑯᑦ, ᕼᐊᑰᔨᒃᑯᑦ, ᐸᕐᔨᓔᒃᑯᑦ, ᑐᓂᕐᕈᓯᕐᑎᑦᓯᔩᑦ ᐃᓚᖓᑦ ᐸᕐᔨᓔᑉ ᑭᖑᕚᖓ ᓄᓕᐊᓂᖕᓂᕐᒪᑦ ᐸᕐᔨᓔᑉ ᒋᓕᐊᑎᒥᐅᑕᐅᑉ ᑭᖑᕚᖓᓂᒃ, ᐊᖑᓪᓗ ᑖᓐᓇ ᓄᓕᐊᓂᒃᑐᖅ ᓴᑭᖓᑕ ᐊᑎᖓᓄᑦ ᐃᓚᓕᐅᑎᓐᓂᕐᒪᑦ ᐊᑎᖃᕐᓂᕐᒥᒍᑦ.

⁶⁴ ᓇᓗᓁᕐᓯᔪᓐᓇᖏᒻᒪᑕ ᓯᕗᓕᕕᓂᕐᒥᖕᓂᒃ, ᐃᓚᓕᐅᕐᑕᐅᓚᐅᓐᖏᓚᑦ ᑐᓂᕐᕈᓯᕐᑎᑦᓯᔨᐅᓂᖏᓐᓂᒃ ᓇᕐᕈᓇᕐᑑᓂᕋᕐᑕᐅᖕᒪᑕ.

⁶⁵ ᔫᑎᑦ ᐊᐅᓚᑦᓯᔨᒋᔭᖓᑕ ᐅᖃᐅᑎᓚᕐᐰᑦ ᓂᕆᖁᓇᒋᑦ ᒎᑎᒧᑦ ᑐᓂᕐᕈᑕᐅᓯᒪᔪᓂᒃ ᐃᑦᔪᕐᓁᓐᓂᕐᐹᖑᔪᓂᒡᓗ ᓂᕿᓂᒃ, ᑐᓂᕐᕈᓯᕐᑎᑦᓯᔨᑕᖃᓚᐅᖏᓐᓂᖓᓂ ᐊᑐᕈᓐᓇᕐᑐᒥᒃ ᓇᓚᐅᑦᓵᕈᑎᓂᒃ ᔪᕆᒻᒥᒃ ᓴᒥᒻᒥᒡᓗ.

⁶⁶ ᐊᐅᓪᓚᐅᑦᔭᐅᓯᒪᓚᐅᕐᑐᓕᒫᑦ ᐅᑎᕐᑐᕕᓃᑦ ᑲᑎᓪᓗᒋᑦ 42,360ᓚᐅᕐᐳᑦ,

⁶⁷ ᐊᖑᑎᑦ ᐊᕐᓁᓪᓗ ᑖᒃᑯᐊ ᐱᔨᒋᔭᖏᑦ ᐅᓄᕐᓂᖃᓚᐅᕐᐳᑦ, 7,337ᖑᕗᑦ; ᐊᖑᑎᑦ ᐊᕐᓁᓪᓗ ᓂᑦᔭᐅᓯᔭᕐᑏᑦ ᐅᓄᕐᓂᖃᓚᐅᕐᐳᑦ, 245ᖑᕗᑦ;

⁶⁸ ᕿᒻᒥᕐᔪᐊᖁᑎᖏᑦ, 736ᓚᐅᕐᐳᑦ; ᓯᐅᑎᖅᑯᕐᑐᔪᑦ ᒥᐅᓪᒥᒃ ᐊᑎᓖᑦ, 245ᓚᐅᕐᐳᑦ;

⁶⁹ ᑳᒥᓖᑦ 435ᖑᓚᐅᕐᐳᑦ; ᓯᐅᑎᖅᑯᕐᑐᔪᑦ, 6,720ᐅᓚᐅᕐᐳᑦ.

⁷⁰ ᐃᓄᐃᑦ ᐅᓄᕐᑐᑦ ᐃᑲᔪᓚᐅᕐᑐᑦ ᑐᓂᓯᓪᓗᑎᒃ ᐊᑭᓕᐅᑎᒃᓴᓂᒃ ᑐᒃᓯᐊᕐᕕᒃᔪᐊᑉ ᐋᖅᑭᒋᐊᕐᑕᐅᑦᔪᑎᒃᓴᖓᓄᑦ ᐅᑯᐊᖑᓚᐅᕐᐳᑦ: ᐊᐅᓚᑦᓯᔨᐅᔪᖅ ᑐᓂᓯᓚᐅᕐᐳᑦ ᒎᓗᓂᒃ ᐅᖁᒤᓐᓂᖃᕐᑐᓂᒃ 8ᓂᒃ ᑭᓗᒍᕌᓂᒃ, 50ᓂᒡᓗ ᐴᒍᑕᕐᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓂᒃ, 530ᓂᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ.

⁷¹ ᐃᓚᒌᑦ ᓂᐊᖁᕆᔭᖏᑦ ᑐᓂᓯᓚᐅᕐᐳᑦ, 168ᓂᒃ ᑭᓗᒍᕌᓂᒃ ᒎᓗᓂᒃ, 1,250ᓂᒃ ᑭᓗᒍᕌᓂᒃ ᓯᐅᓪᕕᕆᓂᒃ.

⁷² ᐃᓄᑐᐃᓐᓁᑦ ᑐᓂᓯᓚᐅᕐᐳᑦ 168ᓂᒃ ᑭᓗᒍᕌᓂᒃ ᒎᓗᓂᒃ, 140ᓂᒃ ᑭᓗᒍᕌᓂᒃ ᓯᐅᓪᕕᕆᓂᒃ, 67ᓂᒃ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᒃᓴᖏᓐᓂᒃ.

⁷³ ᑐᓂᕐᕈᓯᕐᑎᑦᓯᔩᑦ, ᓕᕔᑎᑦ, ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑦ, ᓂᑦᔭᐅᓯᔭᕐᑏᑦ, ᐃᓄᑐᐃᓐᓁᓪᓗ ᐅᓄᕐᑐᑦ, ᑐᒃᓯᐊᕐᕕᒃᔪᐊᒥᓗ ᐱᓇᓱᐊᕐᑏᑦ, ᐃᓴᕆᐊᓕᐅᓪᓗ ᐃᓄᖁᑎᓕᒫᖏᑦ ᓄᓇᑖᓚᐅᕐᐳᑦ ᐃᓂᓪᓚᒃᓱᑎᒡᓗ ᓄᓇᓕᖕᓂ ᐃᒡᓗᒐᓴᖕᓂᓗ ᔫᑕᒥ. ᑕᖅᑮᑦ 7ᖓᑦ ᑎᑭᒻᒪᑦ, ᐃᓴᕆᐊᓕᐅᑉ ᐃᓄᖏᑦ ᐃᓂᓪᓚᒃᑎᓚᐅᕐᐳᑦ ᓄᓇᓕᖕᓄᑦ.