ᓂᕼᐃᒤᐊᐅᑉ ᐊᒡᓚᖏᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑭᓇᒃᑰᓂᖏᑕ ᓇᓗᓁᕐᓯᒪᓂᖏᑦ

¹ ᐅᑯᐊ ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐅᑎᖃᑕᐅᓚᐅᕐᑐᑦ ᐊᐅᓪᓚᕈᑦᔭᐅᓯᒪᕕᖕᒥᓂᑦ ᔨᕈᐸᐱᐅᓪᒧᑦ ᓯ-ᐅᓪᑎ-ᐃᐅᑉ ᐃᕐᓂᖓᓄᑦ, ᔩᓱᐊᓗ ᐃᓚᒋᓪᓗᒋᑦ: ᓯᕅᐊ, ᔨᕆᒤᐊ, ᐄᓱᕋ, ᐊᒪᕅᐊ, ᒪᓘᒃ, ᕼᐊᑑᓯ,

ᑐᓂᕐᕈᓯᕐᑎᑦᓯᔩᑦ:

³ ᓯᑲᓁᐊ, ᕆᕼᐆᒻ, ᒥᕆᒫᑎ,

⁴ ᐃᑐ, ᔨᓂᑐᐃ, ᐊᐰᔭ,

⁵ ᒤᔭᒥᓐ, ᒪ-ᐊᑍᐊ, ᐱᐅᓪᒐ,

⁶ ᓯᒤᐊ, ᔪᐃᐊᕆᑉ, ᔨᑍᐊ.

⁷ ᓴᓪᓗ, ᐊᒧᒃ, ᕼᐃᓪᑬᐊ, ᔨᑍᐊ. ᑖᒃᑯᐊ ᑕᕝᕙ ᐊᖓᔪᖅᑳᕆᔭᐅᓚᐅᕐᑐᑦ ᑐᓂᕐᕈᓯᕐᑎᑦᓯᔨᐅᖃᑎᒥᓄᑦ ᔩᓱᐊ ᐊᖓᔪᖅᑳᖑᑎᓪᓗᒍ ᑐᓂᕐᕈᓯᕐᑎᑦᓯᔨᓄᑦ. ᐅᑯᐊᖑᓚᐅᕐᐳᑦ ᔩᓱᐊ, ᐱᓄᐃ, ᑲᑦᒤ-ᓕ, ᓯᕆᐰᐊ, ᔫᑕ, ᒪᑕᓁᐊᓗ, ᑖᒃᑯᐊ ᑕᕝᕙ ᐃᓐᖏᕐᓂᕐᒧᑦ ᖁᔭᓕᓂᕐᒧᓪᓗ ᐊᖓᔪᖅᑳᖑᓚᐅᕐᑐᑦ ᐃᓚᒥᖕᓄᑦ.

ᓕᕔᑎᒃᑯᑦ:

⁹ ᐊᒻᒪ ᐸᒃᐳᒃᑭᐊᓗ ᐆᓐᓂᓗ, ᐃᓚᒋᔭᖏᓪᓗ ᓕᕔᑎᑦ, ᓇᖏᕐᓗᑎᒃ ᐊᑭᓕᕆᔭᐅᖃᑦᑕᓚᐅᕐᐳᑦ ᐃᓐᖏᕐᑎᓪᓗᒋᑦ.

ᔩᓱᐊᑉ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᑭᖑᕚᖏᑦ

¹⁰ ᔩᓱᐊ ᐃᕐᓂᖃᓚᐅᕐᐳᖅ ᔪᐃᐊᑭᒥᒃ, ᔪᐃᐊᑭᒥᓗ ᐃᕐᓂᖃᓚᐅᕐᐳᖅ ᐃᓔᐊᓯᑉᒥᒃ, ᐃᓕᐊᓯᐱᓗ ᐃᕐᓂᖃᓚᐅᕐᐳᖅ ᔪᐃᐊᑕᒥᒃ,

¹¹ ᔪᐃᐊᑕ ᐃᕐᓂᖃᓚᐅᕐᐳᖅ ᔫᓇᑕᓂᒥᒃ, ᔫᓇᑕᓂᓗ ᐃᕐᓂᖃᓚᐅᕐᐳᖅ ᔭᑐ-ᐊᒥᒃ.

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖑᔪᑦ ᐃᓚᒋᔭᒥᖕᓄᑦ

¹² ᔪᐃᐊᑭᒻ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᑎᓪᓗᒍ, ᐅᑯᐊ ᑐᓂᕐᕈᓯᕐᑎᑦᓯᔩᑦ ᐃᓚᒋᔭᖏᓐᓄᑦ ᐊᖓᔪᖅᑳᕆᔭᐅᓚᐅᕐᐳᑦ: ᑐᓂᕐᕈᓯᕐᑎᑦᓯᔩᑦ ᐃᓚᒋᔭᖏᑦ ᓯᕅᐊᒃᑯᑦ, ᒥᕅᐊ; ᔨᕆᒤᐊᒃᑯᑦ, ᕼᐊᓇᓁᐊ;

¹³ ᐄᓱᕋᒃᑯᑦ, ᒥᓱᓚᒻ; ᐊᒪᕅᐊᒃᑯᑦ, ᔨᕼᐅᕼᐊᓇᓐ;

¹⁴ ᒪᓗᑭᒃᑯᑦ, ᔫᓇᑕᓂ; ᓯᐸᓁᐊᒃᑯᑦ, ᔫᓯᐱ;

¹⁵ ᕼᐊᕆᒥᒃᑯᑦ, ᐋᑦᓇ; ᒥᕅᐅᑎᒃᑯᑦ, ᕼᐃᓪᑬ;

¹⁶ ᐃᑐᒃᑯᑦ, ᓴᑲᕅᐊ; ᔨᓂᑐᐃᒃᑯᑦ, ᒥᓱᓚᒻ;

¹⁷ ᐊᐰᔭᒃᑯᑦ, ᔨᒃᕆ; ᒥᓂᐊᒥᓐᑯᑦ ᒧᐊᑍᐊᒃᑯᑦ, ᐱᐅᓪᑍ;

¹⁸ ᐱᐅᓪᒐᒃᑯᑦ, ᓵᒧᐊ; ᓯᒤᐊᒃᑯᑦ, ᔨᕼᐅᓇᑕᓐ;

¹⁹ ᔪᐃᐊᕆᑉᑯᑦ, ᒪᑎᓁ; ᔨᑍᐊᒃᑯᑦ, ᐅᔨ;

²⁰ ᓴᓔᒃᑯᑦ, ᑲᓔ; ᐊᒧᒃᑯᑦ, ᐄᐸᕆ;

²¹ ᐊᕼᐃᓪᑬᐊᒃᑯᑦ, ᕼᐊᓴᐰ; ᔨᑍᐊᒃᑯᑦ, ᓇᑖᓂᐅᓪ.

ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐃᓚᒋᔭᖏᑕ ᓇᓗᓁᕐᓯᒪᓂᖏᑦ

²² ᑍᕉᓯ ᐊᖓᔪᖅᑳᕐᔪᐊᖑᑎᓪᓗᒍ ᐴᕐᓯᐊᒥ, ᓕᕔᑎᑦ ᑐᓂᕐᕈᓯᕐᑎᑦᔩᓪᓗ ᑎᑎᕋᕐᑕᐅᓯᒪᓚᐅᕆᕗᑦ ᓇᓗᓁᕐᑕᐅᓯᒪᓪᓗᑎᒃ ᐃᓚᒋᔭᒥᖕᓄᑦ ᐊᖓᔪᖅᑳᖑᓚᐅᕐᑐᑦ ᐅᑯᐊ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᐅᑎᓪᓗᒋᑦ: ᐃᓔᐊᓯᑉ, ᔪᐃᐊᑕ, ᔪᕼᐋᓇᓐ, ᔭᑐ-ᐊ.

²³ ᓕᕔᑎᒃᑯᑦ ᐃᓚᒋᔭᖏᑕ ᐊᖓᔪᖅᑳᖏᑦ, ᐊᒡᓚᖕᓂ ᑎᑎᕋᑦᑕᐅᓯᒪᓚᐅᕐᐳᑦ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᑕ ᑎᑎᕋᕐᕕᒃᓴᖁᑎᖏᑎᒍᑦ ᑕᕝᕗᖓ ᔪᕼᐋᓇᓂᐅᑉ ᐃᓔᐊᓯᐅᑉ ᐃᕐᓂᖓᑕ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᖓᓄᑦ ᑎᑭᓯᒪᓪᓗᑎᒃ.

ᐅᑯᐊ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐱᓇᓱᐊᕐᑎᐅᖁᓪᓗᒋᑦ ᑎᓕᔭᐅᓚᐅᕐᐳᑦ

²⁴ ᓕᕔᑎᒃᑯᓐᓄᑦ ᐅᑯᐊ ᐊᖓᔪᖅᑳᕆᔭᐅᓚᐅᕐᐳᑦ: ᕼᐊᓴᐰᐊ, ᓯᕆᐰᐊ, ᔩᓱᐊᓗ ᑲᑦᒤ-ᓕᐅᑉ ᐃᕐᓂᖓ, ᐃᓚᒋᔭᖏᑕ ᐊᑭᐊᓃᓪᓗᑎᒃ ᐱᓇᓱᐊᖃᑕᐅᖃᑦᑕᓚᐅᕐᑐᑦ, ᓂᕐᑐᐃᓪᓗᑎᒃ ᖁᔭᓕᓪᓗᑎᒡᓗ, ᐊᕕᒃᑐᕐᓯᒪᓪᓗᑎᒃ ᐊᑭᓕᕇᖑᕙᓚᐅᕐᒪᑕ, ᑖᑦᓱᒪ ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᓂᕆᓯᒪᔭᖓᓂᒃ ᒪᓕᒃᓗᑎᒃ.

²⁵ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᐱᖁᑎᒃᑯᕕᖏᑕᓗ ᐃᑎᕐᑕᕐᕕᖏᓐᓂ ᑲᒪᔨᐅᕙᓚᐅᕐᑐᓄᑦ ᐊᖓᔪᖅᑳᖑᓚᐅᕐᑐᑦ ᐅᑯᐊᖑᕗᑦ: ᒪᑕᓁᐊ, ᐸᒃᐳᒃᑭᐊ, ᐅᐸᑍᐊ, ᒥᓱᓚᒻ, ᑖᓪᒪᓐ, ᐊᑯᑉᓗ.

²⁶ ᑖᒃᑯᐊ ᑕᕝᕙ ᐃᓅᓚᐅᕐᑐᑦ ᔪᐃᐊᑭᒻ ᔩᓱᐊᑉ ᐃᕐᓂᖓ ᔫᔭᑕᐅᑉ ᐃᕐᖑᑕᖓ, ᓂᕼᐃᒤᐊᓗ ᐊᐅᓚᑦᓯᔨᐅᑎᓪᓗᒍ ᐄᓱᕋᓗ ᑐᓂᕐᕈᓯᕐᑎᑦᓯᔨᐅᑎᓪᓗᒍ ᐱᖁᔭᓂᒃ ᐃᓕᓯᒪᔪᖅ.

ᓂᕼᐃᒤᐊᐅᑉ ᐃᒡᓗᒐᓮᑦ ᐊᕙᓗᕐᔪᐊᖓᓂᒃ ᑐᒃᓯᐅᑦᔭᐅᑎᑦᓯᓂᖓ

²⁷ ᔨᕉᓴᓕᐅᑉ ᐊᕙᓗᕐᔪᐊᖓ ᑐᒃᓯᐅᑦᔭᐅᓕᕐᑎᓪᓗᒍ ᓕᕔᑎᑦ ᓇᓂᑐᐃᓐᓇᖅ ᓄᓇᖃᕐᑐᓕᒫᑦ ᕿᓂᕐᑕᐅᓚᐅᕐᐳᑦ, ᔨᕉᓴᓕᒦᖁᔭᐅᓪᓗᑎᒃ ᑐᒃᓯᐅᑦᔨᓪᓗᑎᒃ ᐃᑦᔪᕐᓁᑎᑦᓯᑎᓪᓗᒋᑦ ᖁᕕᐊᓱᒡᓗᑎᒃ, ᖁᔭᓕᓗᑎᒃ ᐃᓐᖏᕐᓗᑎᒡᓗ, ᕿᓚᐅᑏᓪᓗ ᓯᕙᓂᕋᐅᑎᖏᓐᓄᑦ, ᑯᑭᑦᑕᐸᐅᑎᐅᔭᓄᓪᓗ ᓄᖃᕐᑎᓕᖕᓄᑦ, ᕼᐋᐲᓪᓗ ᐊᑐᕐᓗᒋᑦ.

²⁸ ᐃᓐᖏᕐᑏᓪᓗ ᓕᕔᑏᑦ ᐃᓚᒋᔭᖏᑦ ᑲᑎᑕᐅᓚᐅᕆᕗᑦ ᓄᓇᓕᖕᓂᑦ ᔨᕉᓴᓕᐅᑉ ᖃᓂᒋᔮᓃᑦᑐᓂᑦ ᓄᓇᓕᖕᓂᓪᓗ ᓂᑐᐸᕼᐊᑍᑎᒥᑦ ᐱᓯᒪᔪᑦ,

²⁹ ᐱᑦ-ᒋᐅᓪᒐᐅᓪᒥᑦ ᐱᓯᒪᔪᑦ, ᐱᕈᕐᓰᕕᖕᓂᓪᓗ ᒋᐸᒥᑦ ᐱᓯᒪᔪᑦ ᐊᔾᔭᒪᕕᑎᒥᓪᓗ; ᐃᓐᖏᕐᑏᑦ ᐃᒻᒥᖕᓂᒃ ᓄᓇᓕᓕᐅᓚᐅᕐᒥᖕᒪᑕ ᔨᕉᓴᓕᐅᑉ ᓯᓚᑖᓂ.

³⁰ ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᓚᐅᕐᐳᑦ; ᐃᓄᐃᓪᓗ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᓚᐅᕆᕔᑦ ᐃᑎᕐᑕᕐᕖᓪᓗ ᐊᕙᓗᕐᔪᐊᕐᓗ.

³¹ ᑕᕝᕙ ᔫᑕᐅᑉ ᐊᖓᔪᖅᑳᖏᑦ ᐊᕙᓗᕐᔪᐊᑉ ᖄᖓᓄᑦ ᒪᔪᐊᖁᓚᐅᕐᐸᒃᑲ, ᒪᕐᕈᐃᓕᑎᑦᓯᓚᐅᕐᐳᖓᓗ ᐃᓄᒋᐊᒃᑐᕐᔪᐊᓂᒃ ᑖᒃᑯᐊ ᐃᓐᖏᕐᓗᑎᒃ ᖁᔭᓕᖁᓪᓗᒋᑦ ᑕᒪᓐᓇ ᑲᔪᓯᒋᐊᓯᓚᐅᕐᐳᖅ. ᐂᑉᐸᖏᑦ ᐊᕙᓗᕐᔪᐊᑉ ᑕᓕᕐᐱᐊᓄᐊᓚᐅᕐᐳᑦ ᓴᓂᒃᑯᕕᓕᐊᕆᐊᑉ ᐃᑎᕐᑕᕐᕕᖓᓄᑦ ᑎᑭᓪᓗᑎᒃ;

³² ᑖᒃᑯᐊ ᑭᖑᓂᖓᒍᑦ ᕼᐅᓮᐊ ᔫᑕᐅᓪᓗ ᐊᖓᔪᖅᑳᖏᑕ ᕿᑎᖅᑲᖏᑦ,

³³ ᐊᔭᕅᐊᓗ, ᐄᓱᕋᓗ, ᒥᓱᓚᒻᓗ,

³⁴ ᔫᑕᓗ, ᐱᓐᔭᒥᓂᓗ, ᓯᒤᐊᓗ, ᔨᕆᒤᐊᓗ,

³⁵ ᑐᓂᕐᕈᓯᕐᑎᑦᓯᔩᓪᓗ ᐃᓚᖏᑕ ᑭᖑᕚᖏᑦ ᑎᑦᑐᓚᐅᑎᓕᔭᕐᓗᑎᒃ: ᑭᖑᓂᖓᒍᑦ ᓴᑲᕅᐊ ᔫᓇᑕᓂᐅᑉ ᐃᕐᓂᖓ, ᑖᓐᓇ ᓯᒤᐊᐅᑉ ᐃᕐᓂᖓ, ᑖᓐᓇ ᒪᑕᓁᐊᐅᑉ ᐃᕐᓂᖓ, ᑖᓐᓇ ᒥᑬᐊᐅᑉ ᐃᕐᓂᖓ, ᑖᓐᓇ ᔭᑯᕆᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ;

³⁶ ᑖᑦᓱᒪᓗ ᐃᓚᒋᔭᖏᑦ, ᓯᒤᐊ, ᐊᔭᕆᐅᓪ, ᒥᓚᓔ, ᒊᓚᓔ, ᒪᐂ, ᓇᑖᓂᐅᓪ, ᔫᑕ, ᕼᐊᓇᓁᓗ, ᑍᕕᑎᐅᓪᓗ ᒎᑎᐅᑉ ᐃᓄᖁᑎᖓᑕ ᐊᑐᖃᑦᑕᓚᐅᕐᑕᖏᑕ ᐊᑦᔨᖏᑦ ᓂᑦᔭᐅᑏᑦ ᐊᑐᕐᑕᐅᓚᐅᕆᕗᑦ; ᐄᓱᕋ ᐱᖁᔭᓂᒃ ᐃᓕᓯᒪᔪᖅ ᑖᒃᑯᐊ ᓯᕗᓂᖓᓃᓪᓗᓂ.

³⁷ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᑦ ᐱᒋᐊᕐᓗᑎᒃ ᒪᔪᕋᓚᐅᕐᐳᑦ ᑍᕕᑎᐅᑉ ᐃᒡᓗᒐᓴᖏᑕ ᒪᔪᕋᐅᑎᖏᑎᒍᑦ, ᐊᕙᓗᕐᔪᐊᑉ ᒪᔪᕋᐅᑎᖏᑎᒎᕐᓗᑎᒃ, ᑍᕕᑎᐅᑉ ᐃᒡᓗᒐᓴᖏᑕ ᖁᓛᓄᑦ, ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ ᑎᑭᓪᓗᑎᒃ.

³⁸ ᐂᑉᐸᖏᑦ ᖁᔭᓕᓂᕐᒧᑦ ᐃᓐᖏᕐᑏᑦ ᐃᒡᓗᖔᖓᓄᐊᓚᐅᕐᐳᑦ ᓴᐅᒥᖔᖓᓄᑦ, ᑖᒃᑯᐊᓗ ᒪᓕᓚᐅᕐᐸᒃᑲ ᐃᓄᒋᐊᕐᑐᕐᔪᐊᑦ ᕿᑎᖅᑲᖏᑦ ᐃᓚᒋᓪᓗᒋᑦ, ᐊᕙᓗᕐᔪᐊᑉ ᖄᖓᒎᕐᓗᑕ, ᐃᑯᐊᓚᑦᓯᕕᒃ ᐳᕐᑐᔪᖅ ᓇᐸᔪᕐᔪᐊᖅ ᖄᖏᕐᓗᒍ, ᐊᕙᓗᕐᔪᐊᑉ ᓯᓕᖕᓂᖓᓄᐊᕐᐳᒍᑦ,

³⁹ ᐃᑎᕐᑕᕐᕕᐅᑉ ᐃᕗᕅᒥᐅᑉ ᖄᖓᒍᕐᓗᑕ, ᐃᑎᕐᑕᕐᕕᐅᓪᓗ ᓄᑕᐅᖏᑦᑑᑉ ᖄᖓᒎᕆᓪᓗᑕ, ᐃᑎᕐᑕᕐᕕᒡᓗ ᐃᖃᓗᒃ ᖄᖏᕆᓪᓗᒍ ᕼᐊᓇᓂᐅᓗ ᐳᕐᑐᔪᖅ ᓇᐸᔪᕐᔪᐊᖅ ᐊᖅᑯᓵᕐᓗᒍ 100ᐃᓪᓗ ᓇᐸᔪᕐᔪᐊᖓ ᐊᖅᑯᓵᕐᓗᒍ, ᓰᐲᑦ ᐃᑎᕐᑕᕐᕕᖓ ᑎᑭᓪᓗᒍ; ᓄᖅᑲᓚᐅᕐᐳᑦ ᖃᐅᔨᓴᕐᑏᑦ ᑐᒃᓯᐊᕐᕕᒡᔪᐊᑉ ᓴᓂᐊᓃᑦᑑᑉ ᐃᑎᕐᑕᕐᕕᖓᓄᑦ.

⁴⁰ ᑕᕝᕙ ᐃᓐᖏᕐᑏᑦ ᖁᔭᓕᖃᑎᒌᒃᑐᑦ ᑲᑎᓚᐅᕐᐳᑦ ᒎᑎᐅᑉ ᐃᒡᓗᖓᓂ ᑕᕝᕙᓂᓗ ᓇᖏᓕᕐᓗᑎᒃ. ᐅᕙᖓᓗ ᐊᖓᔪᖅᑳᓪᓗ ᕿᑎᖅᑲᖏᑦ ᐅᕙᓐᓃᓚᐅᕐᐳᑦ;

⁴¹ ᑐᓂᕐᕈᓯᕐᑎᑦᓯᔩᓪᓗ ᐃᓔᐊᑭᒻ, ᒫ-ᐊᓯᐊ, ᒥᓂᐊᒥᓂ, ᒥᑬᐊ, ᐃᓔ-ᐅ-ᐃᓁ, ᓴᑲᕅᐊ, ᕼᐊᓇᓁᐊᓗ, ᑎᑦᑐᓚᐅᓯᔭᓚᐅᕐᐳᑦ.

⁴² ᐊᒻᒪ ᒫ-ᐊᓯᐊ, ᓯᒤᐊ, ᐃᓕᓯᕆ, ᐅᔨ, ᔨᕼᐅᕼᐊᓇᓐ, ᒪᓪᑬᔭ, ᐃᓛᒻ, ᐃᔨᕆᓗ. ᐃᓐᖏᕐᑏᑦ ᐃᓐᖏᓚᐅᕐᐳᑦ ᓂᐱᖅᑯᕐᑐᓪᓗᑎᒃ ᔨᔭᕋᕼᐂᐊᒥᒃ ᐊᐅᓚᑦᓯᔨᖃᕐᓗᑎᒃ.

⁴³ ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᑐᒃᓯᐊᕐᕕᒡᔪᐊᕐᒥ ᐱᓇᓱᐊᕐᑎᐅᖃᑦᑕᕐᓂᐊᕐᑐᑦ

⁴⁴ ᐅᓪᓗᒥᓗ ᑕᕝᕙᓂ ᐊᖑᑎᑦ ᐃᓚᖏᑦ ᓇᓗᓁᕐᑕᐅᓚᐅᕐᐳᑦ ᐊᖓᔪᖅᑳᖑᖁᓪᓗᒋᑦ ᑲᒪᔨᒃᓴᐅᖁᓪᓗᒋᓪᓗ ᓱᓇᑐᐃᓐᓇᒃᑯᕕᖕᓄᑦ, ᑐᓂᕐᕈᓯᕐᕕᖕᓄᑦ, ᐱᕈᕐᑐᐃᑦ ᓯᕗᓪᓕᕐᐹᑦ ᑲᑎᑦᓯᕕᖏᓐᓄᑦ, ᑕᓪᓕᒪᐅᔪᐃᕈᑎᓄᑦ, ᑲᑎᕐᓱᐃᔨᐅᖁᓪᓗᒋᑦ ᐱᕈᕐᓰᕕᖕᓂᑦ ᐃᒡᓗᒐᓴᒡᔪᐊᓂᓪᓗ ᑐᓂᓯᖃᑦᑕᖁᔭᐅᔪᓕᒫᓂᑦ ᐱᖁᔭᑎᒍᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ; ᔫᑕ ᖁᕕᐊᓱᒃᑎᑕᐅᓚᐅᕐᐳᖅ ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᐱᓇᓱᐊᕐᓂᖏᓐᓄᑦ.

⁴⁵ ᒎᑎᒥᖕᓄᑦ ᐱᓇᓱᐊᒐᒃᓴᒥᖕᓂᒃ ᐱᓕᕆᖕᒪᑕ ᐃᑦᔪᕐᓁᑎᑕᐅᓂᕐᒥᒡᓗ ᐱᓕᕆᓪᓗᑎᒃ, ᐃᓐᖏᕐᑏᓪᓗ ᐃᑎᕐᑕᕐᕕᐅᓪᓗ ᑲᒪᔨᖏᑦ ᐱᓇᓱᐊᓚᐅᕐᒥᖕᒪᑕ, ᑍᕕᑎᐅᑉ ᐃᕐᓂᖓᑕᓗ ᓲᓗᒨᓂᐅᑉ ᐱᓇᓱᐊᕐᑕᐅᖁᓯᒪᔭᖏᑦ ᒪᓕᒡᓗᒋᑦ.

⁴⁶ ᑍᕕᑎ ᐊᓴᐸᓗ ᐃᓅᑎᓪᓗᒋᒃ ᑍᑦᓱᒪᓂᐊᓗᒃ ᐃᓐᖏᕐᑎᓄᑦ ᐊᖓᔪᖅᑳᕐᑕᖃᕐᐸᓚᐅᕐᒪᑦ, ᐃᓐᖏᕐᑐᖃᕐᐸᒃᓗᓂᓗ ᓂᕐᑐᐃᔪᓂᒃ ᖁᔭᓕᑦᔪᑎᒃᓴᓂᒡᓗ ᒎᑎᒧᑦ.

⁴⁷ ᔨᕈᐸᐱᐅᓪᑯᒃ ᓂᕼᐃᒤᐊᒃᑯᒃ ᐊᐅᓚᑦᓯᑎᓪᓗᒋᒃ ᐃᓴᕆᐊᓕᒥᐅᓕᒫᑦᓯᐊᑦ ᖃᐅᑕᒫᑦ ᑐᓂᔭᐅᔭᕆᐊᖃᕐᑐᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᓐᖏᕐᑎᓄᑦ ᐃᑎᕐᑕᕐᕖᓪᓗ ᑲᒪᔨᖏᓐᓄᑦ; ᐃᑦᔪᕐᓁᑦᑐᓂᒃ ᑐᓂᔭᐅᔪᒃᓴᐅᔪᓂᒃ ᑐᓂᓯᖃᑦᑕᓚᐅᕐᐳᑦ ᓕᕔᑎᓄᑦ; ᓕᕔᑏᓪᓗ ᑐᓂᓯᖃᑦᑕᕆᓪᓗᑎᒃ ᐂᕉᓂᐅᑉ ᑭᖑᕚᖏᓐᓄᑦ ᑐᓂᕐᕈᓯᕐᑎᑦᓯᔨᓄᑦ ᑐᓂᔭᐅᖁᔭᐅᔪᓂᒃ ᑖᒃᑯᓄᖓ.