ᓂᕼᐃᒤᐊᐅᑉ ᐊᒡᓚᖏᑦ 11 - ᐊᒡᓔᑦ ᐃᑦᔪᕐᖕᓁᑦᑐᑦ

ᔨᕉᓴᓕᒥ ᐃᓄᐃᑦ ᓄᓇᖃᕐᑐᑦ

¹ ᐃᓄᐃᑦ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᐳᑦ; ᐃᓄᒐᓴᒡᔪᐊᓪᓕ ᑭᓯᐊᓂ ᓇᓚᐅᑦᑖᕈᑎᒃᑯᑦ ᓇᓚᐅᑕᐅᔪᑦ ᑕᓪᓕᒪᐅᔪᖏᑦ ᔨᕉᓴᓕᒥ ᓄᓇᖃᕐᑎᑕᐅᔪᓐᓇᓚᐅᕐᐳᑦ, ᑕᓪᓕᒪᐅᔪᖏᑕ ᐊᒥᐊᒃᑯᖏᑦ ᐊᓯᐊᓂ ᓄᓇᒦᖏᓐᓇᕐᑎᓪᓗᒋᑦ.

² ᐃᓄᐃᓪᓗ ᓮᒻᒪᕐᑎᑦᓯᓚᐅᕐᐳᑦ ᔨᕉᓴᓕᒥ ᓄᓇᖃᕈᒪᓪᓗᑎᒃ ᐃᒻᒥᖕᓂᒃ ᑐᓂᔪᓕᒫᓂᒃ.

³ ᔫᑕᒥᓕ ᓄᓇᖃᕐᑐᑦ ᓇᖕᒥᓂᕆᔭᒥᖕᓂ ᐊᑐᓂᑦ ᓄᓇᖃᓚᐅᕐᐳᑦ: ᒪᑯᐊ ᐃᓴᕆᐊᓕᒥᐅᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑎᒃᑯᑦ, ᑐᒃᓯᐊᕐᕕᒡᔪᐊᒥᓗ ᐱᓇᓱᐊᕐᑏᑦ, ᓲᓗᒨᓂᐅᓪᓗ ᐱᔨᖏᑕ ᑭᖑᕚᖏᑦ. ᐅᑯᐊ ᑕᕝᕙ ᓄᓇᓖᑦ ᐊᕕᒃᑐᕐᓯᒪᓂᖏᑕ ᐊᖓᔪᖅᑳᖏᑦ ᔨᕉᓴᓕᒥ ᓄᓇᖃᓚᐅᕐᑐᑦ:

⁴ ᔨᕉᓴᓕᒦᑦᑐᑦ ᔫᑕᐅᑉ ᑭᖑᕚᖏᑦ ᐱᓐᔭᒥᓂᐅᑉ ᑭᖑᕚᖓᑕ ᐅᑯᐊᖑᕗᑦ: ᐊᑍᐊ, ᐅᓮᐊᐅᑉ ᐃᕐᓂᖓ, ᓴᑲᕅᐊᐅᑉ ᐃᕐᖑᑕᖓ. ᐅᑯᐊᑦᑕᐅᖅ ᓯᕗᓕᕕᓂᖏᑕ ᐃᓚᖏᑦ ᐅᑯᐊᖑᕗᑦ ᐊᒪᕅᐊ, ᓯᕚᑍᐊᐅᑉ ᐃᕐᓂᖓ, ᑖᓐᓇ ᒪᕼᐊᓚᓕᐅᑉ ᐃᕐᓂᖓ, ᑖᓐᓇ ᐱᕆᔨᐅᑉ ᐃᕐᓂᖓ.

⁵ ᒫ-ᐊᓯᐊ ᑖᓐᓇ ᐸᕉᑭᐅᑉ ᐃᕐᓂᖓ, ᑖᓐᓇ ᑯᓪ-ᕼᐅᔨᐅᑉ ᐃᕐᓂᖓ, ᑖᓐᓇ ᕼᐊᔧᐊᑉ ᐃᕐᓂᖓ, ᑖᓐᓇ ᐊᑍᐊᐅᑉ ᐃᕐᓂᖓ, ᑖᓐᓇ ᔪᐃᐊᕆᑉ ᐃᕐᓂᖓ, ᑖᓐᓇ ᓴᑲᕅᐊᐅᑉ ᐃᕐᓂᖓ, ᑖᓐᓇ ᓮᓗᓁᑎᐅᑉ ᐃᕐᓂᖓ.

⁶ ᐱᕆᔨᐅᑉ ᑭᖑᕚᖏᑦ ᑕᒪᕐᒥᒃ ᔨᕉᓴᓕᒥ ᓄᓇᖃᕐᑐᑦ 468ᖑᓚᐅᕐᐳᑦ ᐊᔪᖏᑦᑐᕐᔪᐊᖑᓪᓗᑎᒡᓗ.

⁷ ᐅᑯᐊ ᐱᓐᔭᒥᓂᐅᑉ ᑭᖑᕚᖏᑦ ᐅᑯᐊᖑᕗᑦ: ᓴᓪᓗ ᑖᓐᓇ ᒥᓱᓚᒥᐅᑉ ᐃᕐᓂᖓ, ᑖᓐᓇ ᔪᐃᑎᐅᑉ ᐃᕐᓂᖓ, ᑖᓐᓇ ᐱᑍᐊᑉ ᐃᕐᓂᖓ, ᑖᓐᓇ ᑯᓔᐊᐅᑉ ᐃᕐᓂᖓ, ᑖᓐᓇ ᒫ-ᐊᓯᐊᐅᑉ ᐃᕐᓂᖓ, ᑖᓐᓇ ᐃᑎᐃᐅᓕᐅᑉ ᐃᕐᓂᖓ, ᑖᓐᓇ ᔨᓮᐊᐅᑉ ᐃᕐᓂᖓ.

⁸ ᒐᐰᓗ ᓴᓔᓗ, ᐃᓚᒋᔭᐅᓪᓚᕆᓚᐅᕐᐳᒃ ᓴᓗᒧᑦ. ᑖᒃᑯᐊ ᑭᖑᕚᖏᑦ ᑲᑎᓪᓗᒋᑦ 928ᖑᓚᐅᕐᐳᑦ ᔨᕉᓴᓕᒥ ᓄᓇᖃᕐᑐᑦ.

⁹ ᔪᐃᓕ ᔨᒃᕆᐅᑉ ᐃᕐᓂᖓ ᑖᒃᑯᓇᓐᖓᑦ ᐊᖓᔪᖅᑳᕆᔭᐅᓚᐅᕐᐳᖅ, ᔫᑕᓗ ᕼᐊᓯᓄᐊᑉ ᐃᕐᓂᖓ ᑐᖓᓕᕆᔭᐅᓪᓗᓂ ᑖᑦᓱᒧᖓ ᑕᕝᕙᓂ ᐃᒡᓗᒐᓴᖕᓂ.

¹⁰ ᑐᓂᕐᕈᓯᕐᑎᑦᓯᔩᑦ ᐅᑯᐊᖑᒋᕗᑦ: ᔨᑍᐊ ᑖᓐᓇ ᔪᐃᐊᕆᐅᑉ ᐃᕐᓂᖓ, ᔭᑭᓂᓗ.

¹¹ ᓯᕅᐊ ᑖᓐᓇ ᕼᐃᓪᑬᐊᐅᑉ ᐃᕐᓂᖓ, ᑖᓐᓇ ᒥᓱᓚᒻ ᐃᕐᓂᖓ, ᑖᓐᓇ ᔭᑑᑭᐅᑉ ᐃᕐᓂᖓ, ᑖᓐᓇ ᒥᕅᐅᑎᐅᑉ ᐃᕐᓂᖓ, ᑖᓐᓇ ᐊᕼᐃᑑᑉ ᐃᕐᓂᖓ, ᑖᓐᓇ ᒎᑎᐅᑉ ᐃᒡᓗᖓᓂ ᐊᐅᓚᑦᓯᔨᐅᓚᐅᕐᑐᖅ.

¹² ᖃᑕᓐᖑᑎᖏᓪᓗ ᑕᕝᕙᓂ ᐱᓇᓱᐊᕐᑎᐅᖃᑕᐅᓚᐅᕐᑐᑦ, 822ᖑᓚᐅᕐᐳᑦ. ᐊᑍᐊ ᑖᓐᓇ ᔨᕈᕼᐋᒥᐅᑉ ᐃᕐᓂᖓ, ᑖᓐᓇ ᐱᓚᓔᐊᐅᑉ ᐃᕐᓂᖓ, ᑖᓐᓇ ᐊᒻᔨᐅᑉ ᐃᕐᓂᖓ, ᑖᓐᓇ ᓴᑲᕅᐊᐅᑉ ᐃᕐᓂᖓ, ᑖᓐᓇ ᐸᓱᕼᐅᕆᐅᑉ ᐃᕐᓂᖓ, ᑖᓐᓇ ᒪᓪᑬᔭᐅᑉ ᐃᕐᓂᖓ,

¹³ ᑖᒃᑯᐊᓗ ᖃᑕᓐᖑᑎᖏᑦ, ᐊᖓᔪᖅᑳᖑᓚᐅᕐᑐᑦ ᐃᓚᒥᓄᑦ, 242ᖑᓚᐅᕐᐳᑦ. ᐊᒪᓴᓮ ᑖᓐᓇ ᐊᔭᕆᐅᑉ ᐃᕐᓂᖓ, ᑖᓐᓇ ᐊᕼᐊᔧᑉ ᐃᕐᓂᖓ, ᑖᓐᓇ ᒥᓯᓕᒪᑎᐅᑉ ᐃᕐᓂᖓ, ᑖᓐᓇ ᐃᒥᕆᐅᑉ ᐃᕐᓂᖓ.

¹⁴ ᑖᒃᑯᐊᓗ ᖃᑕᓐᖑᑎᖏᑦ, ᐅᓇᑕᕐᑎᑦᓯᐊᒻᒪᕆᐅᓚᐅᕐᑐᑦ, 128ᖑᓚᐅᕐᐳᑦ. ᐊᐅᓚᑦᓯᔨᖃᕐᓗᑎᒃ ᔭᑉᑍᓕᒥᒃ ᕼᐊᒋᑐᓕᒥᐅᑉ ᐃᕐᓂᖓᓂᒃ.

¹⁵ ᓕᕔᑎᒃᑯᑦ ᐅᑯᐊᖑᒋᕗᑦ: ᓯᒤᐊ ᑖᓐᓇ ᕼᐊᓱᐱᐅᑉ ᐃᕐᓂᖓ, ᑖᓐᓇ ᐊᔾᕆᑳᒥᐅᑉ ᐃᕐᓂᖓ, ᑖᓐᓇ ᕼᐊᓴᐰᐊᐅᑉ ᐃᕐᓂᖓ, ᑖᓐᓇ ᐊᔨᕆᑲᒥᐅᑉ ᐃᕐᓂᒐ, ᑖᓐᓇ ᐳᓐᓁᑉ ᐃᕐᓂᖓ.

¹⁶ ᓴᐱᑍᓗ ᔫᓴᐸᑦᓗ, ᓕᕔᑎᒃᑯᓐᓂᑦ ᐊᖓᔪᖅᑳᕆᔭᐅᓚᐅᕐᐳᒃ, ᒎᑎᐅᑉ ᐃᒡᓗᖓᑕ ᓯᓚᑖᓂᒃ ᓴᓇᓚᐅᕐᑐᑦ.

¹⁷ ᒪᑕᓁᐊ ᑖᓐᓇ ᒤᑲᐅᑉ ᐃᕐᓂᖓ, ᑖᓐᓇ ᔭᑉᑍᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ, ᑖᓐᓇ ᐊᖓᔪᖅᑳᕆᔭᐅᓚᐅᕐᑐᖅ ᖁᔭᓕᓂᕐᒥᒃ ᑐᒃᓯᐊᕐᓂᕐᒥᒃ ᐱᒋᐊᕐᐸᓪᓕᐊᑎᓪᓗᒋᑦ. ᐸᒃᐳᒃᑭᐊᓗ ᑐᖓᓕᕆᔭᐅᓚᐅᕐᐳᖅ ᖃᑕᓐᖑᑎᓕᒫᒥᓄᑦ. ᐊᑉᑕᓗ ᑖᓐᓇ ᓵᒧᐊᑉ ᐃᕐᓂᖓ, ᑖᓐᓇ ᒐᓚᐅᑉ ᐃᕐᓂᖓ, ᑖᓐᓇ ᔨᑐᑕᓂᐅᑉ ᐃᕐᓂᖓ.

¹⁸ ᑖᒃᑯᐊ ᓕᕔᑎᓕᒫᑦ ᑲᑎᓪᓗᒋᑦ ᐃᒡᓗᒐᓴᖕᓂ ᐃᑦᔪᕐᓁᑦᑐᒥᐅᑕᐅᓚᐅᕐᑐᑦ ᔨᕉᓴᓕᒥ 284ᖑᓚᐅᕐᐳᑦ.

¹⁹ ᐃᑎᕐᑕᕐᕕᐅᑉ ᑲᒪᔨᖏᑦ ᐅᑯᐊᖑᒋᕗᑦ: ᐊᑯᑉᓗ, ᑖᓪᒪᓐᓗ ᖃᑕᓐᖑᑎᖏᓪᓗ, ᐃᑎᕐᑕᕐᕕᖕᒥ ᑍᒪᓐᖓᑦ ᑲᒪᔨᐅᓚᐅᕐᑐᑦ, ᑲᑎᓪᓗᒋᑦ 172ᖑᓚᐅᕐᐳᑦ.

²⁰ ᐃᓄᐃᓪᓗ ᐃᓴᕆᐊᓕᒥᐅᑦ ᑖᒃᑯᐊ ᐊᓯᖏᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑎᒃᑯᓪᓗ, ᓄᓇᖃᓚᐅᕐᐳᑦ ᔫᑕᒥ, ᓇᖕᒥᓂᖅ ᓄᓇᖁᑎᒋᔭᒥᖕᓂ.

²¹ ᑐᒃᓯᐊᕐᕕᒡᔪᐊᓪᓕ ᐱᓇᓱᐊᕐᑎᖏᑦ ᓄᓇᖃᓚᐅᕐᐳᑦ ᐅᐱᐅᓪᒥ; ᔨᕼᐊᒥᒃ ᒋᔅᐸᒥᒡᓗ ᑲᒪᔨᖃᕐᓗᑎᒃ.

²² ᑖᒃᑯᐊ ᓕᕔᑎᒃᑯᑦ ᔨᕉᓴᓕᒦᑦᑐᑦ ᐊᖓᔪᖅᑳᖃᓚᐅᕐᐳᑦ ᐅᔨᒥᒃ ᐹᓂᐅᑉ ᐃᕐᓂᖓᓂᒃ, ᑖᓐᓇ ᕼᐊᓴᐰᐊᐅᑉ ᐃᕐᓂᖓ, ᑖᓐᓇ ᒪᑕᓁᐊᑉ ᐃᕐᓂᖓ, ᑖᓐᓇ ᒤᑲᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ, ᑖᒃᑯᐊ ᑭᖑᕚᕇᑦ ᐃᓐᖏᕐᑎᐅᓚᐅᕐᐳᑦ, ᐃᓐᖏᕐᑎᓄᑦ ᐊᖓᔪᖅᑳᕆᔭᐅᓪᓗᑎᒃ ᒎᑎᐅᑉ ᐃᒡᓗᖓᓂ ᐱᓇᓱᐊᕐᑎᓄᑦ.

²³ ᑖᒃᑯᐊ ᐊᖓᔪᖅᑳᕐᔪᐊᕐᒥᑦ ᒪᓕᒐᖃᓚᐅᕐᐳᑦ ᓇᓗᓁᕐᓯᓯᒪᔪᓂᒃ, ᖃᓄᖅ ᑖᒃᑯᐊ ᑭᖑᕚᕇᑦ ᓇᓪᓕᐅᑎᖃᑦᑕᕐᓗᑎᒃ ᐃᓐᖏᕐᓂᕐᒥᒃ ᑕᓯᐅᕐᑎᐅᖃᑦᑕᖁᓪᓗᒋᑦ, ᖃᐅᑕᒫᑦ ᐊᑐᕐᑕᐅᔭᕆᐊᖃᕐᑐᑦ ᐱᑦᔪᑎᒋᓗᒋᑦ.

²⁴ ᐱᑕᕼᐂᐊᓗ ᒥᓯᔭᐱᐅᑉ ᐃᕐᓂᖓ, ᔨᕋᐅᑉ ᐃᓚᒋᔭᖏᑦ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᑦ, ᑖᒃᑯᐊ ᐊᖓᔪᖅᑳᕐᔪᐊᑉ ᐃᑲᔪᕐᑎᒋᖃᑦᑕᓚᐅᕐᐰᑦ ᐊᐅᓚᑦᓯᔨᐅᖁᓪᓗᒋᑦ ᖃᓄᑐᐃᓐᓇᑦᓯᐊᖅ ᐃᓄᖕᓂᑦ ᐱᓇᓱᐊᕐᑕᐅᔭᕆᐊᖃᕐᑐᓕᒫᓄᑦ.

ᐃᓄᐃᑦ ᔨᕉᓴᓕᐅᑉ ᐊᓯᐊᓂ ᓄᓇᖃᕐᑐᑦ

²⁵ ᐃᓄᐃᑦ ᐅᓄᕐᑐᑦ ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᕈᕐᓰᕕᖁᑎᖏᑕ ᖃᓂᒋᔭᖓᓂ, ᔫᑕᐅᑉ ᑭᖑᕚᖏᑕ ᐃᓚᖏᑦ ᓄᓇᖃᓚᐅᕐᐳᑦ ᑭᕆᐊᑦ-ᐊᕋᐸᒥ ᖃᓂᒋᔭᓂᓗ ᓄᓇᓕᐅᔪᓂ, ᑎᐴᓂᒥᓗ ᖃᓂᒋᔮᓂᓗ ᓄᓇᓕᐅᔪᓂ, ᔨᑲᐱᔨᐅᓪᒥᓗ ᖃᓂᒋᔭᓂᓗ ᓄᓇᓕᐅᔪᓂ;

²⁶ ᔩᓱᐊᒥᓗ, ᒧᓚᑕᒥᓗ, ᐱᑦ-ᐱᓕᑦᒥᓗ,

²⁷ ᕼᐊᔭᕐ-ᓯᐅᓪᒥᓗ, ᐱᐊᕐᓰᐸᒥᓗ ᖃᓂᒋᔭᓂᓗ ᓄᓇᓕᐅᔪᓂ,

²⁸ ᔨᒡᓛᒡᒥᓗ, ᒥᑯᓇᒥᓗ ᖃᓂᒋᔭᓂᓗ ᓄᓇᓕᐅᔪᓂ,

²⁹ ᐃᓂ-ᕆᒫᓐᒥᓗ, ᔫᕋᒥᓗ, ᔭᕐᒨᑎᒥᓗ,

³⁰ ᔭᓄᐊᒥᓗ, ᐊᑑᓚᒥᓗ, ᖃᓂᒋᔭᓂᓗ ᓄᓇᓕᐅᔪᓂ, ᓚᑮᓯᒥᓗ ᖃᓂᒋᔮᓂᓗ ᐱᕈᕐᓰᕕᖕᓂ, ᐊᔨᑲᒥᓗ ᖃᓂᒋᔭᓂᓗ ᓄᓇᓕᐅᔪᓂ. ᓇᓂᑐᐃᓐᓇᖅ ᓄᓇᖃᓚᐅᕐᐳᑦ ᐱᐊᕐᓯᐸᒥᑦ ᕼᐃᓇᒥᐅᑉ ᓇᕐᓴᖓᓄᑦ ᑎᑭᓪᓗᑎᒃ.

³¹ ᐱᓐᔭᒥᓂᐅᓪᓕ ᑭᖑᕚᖏᑦ ᓄᓇᖃᓚᐅᕆᕗᑦ ᓄᓇᒥᑦ ᒋᐸᒥᑦ ᐱᒋᐊᕐᓗᑎᒃ, ᒥᒃᒫᔅᒥ, ᐊᔭᒥ, ᐱᑎᓕᒥᓗ ᖃᓂᒋᔭᓂᓗ ᓄᓇᓕᐅᔪᓂ,

³² ᐊᓇᑑᑎᒥ, ᓅᐱᒥ, ᐊᓇᓁᐊᒥᓗ,

³³ ᕼᐂᔭᒥ, ᕌᒪᒥ, ᒋᑍᒥᓗ,

³⁴ ᕼᐊᑎᒥ, ᔨᐳᐃᒥ, ᓂᐸᓚᑎᒥᓗ,

³⁵ ᓛᑎᒥ, ᐆᓅᒥ, ᕿᔪᓕᕆᔩᓪᓗ ᓇᕐᓴᖓᓂ.

³⁶ ᐃᓚᖏᓪᓗ ᔫᑕᐅᑉ ᑭᖑᕚᖏᑦ ᓕᕔᑎᐅᔪᑦ ᐊᕕᒃᑐᕐᓯᒪᓂᖏᑕ ᐃᓚᖏᑦ ᐃᓚᓕᐅᑎᓚᐅᕐᐳᑦ ᐱᓐᔭᒥᓂᐅᑉ ᑭᖑᕚᖏᓐᓄᑦ.