ᒫᑯᓯᐅᑉ ᐊᒡᓚᖏᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᐂᓂᓕᒃᓴᒥᒃ ᐱᕈᕐᓰᕕᖕᒥᒃ ᑲᒪᔩᑦ ᐊᑦᔨᐅᑎᑕᐅᓂᖏᑦ

¹ ᔩᓱᓯᐅᑉ ᐊᔪᕆᕐᑐᕐᐰᑦ ᐊᑦᔨᐅᔪᑎᒍᑦ, ᐅᖃᕐᓗᓂ: “ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᐱᕈᕐᓰᕕᖕᒥᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ, ᐃᑎᕐᓴᓕᐅᕐᓗᓂ ᐅᐂᓂᑦ ᐃᑦᓯᔭᕐᑕᐅᕕᒃᓴᖓᓂᒃ, ᑕᕝᕙᓂ ᐃᒡᓗᓕᐅᕐᐳᖅ ᐳᕐᑐᔪᒥᒃ ᖃᐅᔨᓴᕐᕕᒃᓴᒥᒃ, ᐱᕈᕐᓰᕕᒃ ᐊᑐᕐᑕᐅᑎᑉᐹ ᑲᒪᔨᐅᓂᐊᕐᑐᓄᑦ, ᐱᔭᕇᕋᒥ ᓄᓇᐅᑉ ᐊᓯᐊᓄᑦ ᐊᐅᓪᓚᕐᐳᖅ.

² ᐱᕈᕐᑐᓂᒃ ᐅᐂᓂᒃᓴᓂᒃ ᑲᑎᕐᓯᕕᒃ ᓇᓪᓕᐅᑎᖕᒪᑦ, ᐱᔨᒥᓂᒃ ᑎᓕᓯᕗᖅ ᐱᕈᕐᓰᕕᖕᒥᒃ ᑲᒪᔨᐅᑎᑕᒥᓄᑦ, ᑖᓐᓇ ᐂᒃᓯᖁᓪᓗᒍ ᐱᕈᕐᑐᕕᓃᑦ ᐃᓚᖏᓐᓂᒃ ᐱᑎᑕᐅᔪᒪᓪᓗᓂ.

³ ᐱᕈᕐᓰᕕᓕᕆᔪᑦ ᑖᓐᓇ ᑎᒍᕚᑦ ᐋᓐᓂᕐᓯᕐᓗᒍᓗ, ᐅᑎᕐᑎᑉᐹᑦ ᓱᓇᒥᒡᓘᓐᓃᑦ ᓇᒃᓴᕐᑎᓐᓇᒍ.

⁴ ᐱᕈᕐᓰᕕᖕᒥᒡᓕ ᐱᖁᑎᓕᒃ ᑎᓕᓯᒃᑲᓐᓂᕐᐳᖅ ᐱᔨᒥᓂᒃ, ᑖᒃᑯᐊ ᐱᕈᕐᓰᕕᓕᕆᔪᑦ ᐋᓐᓂᕐᐹᑦ ᓂᐊᖁᐊᒍᑦ, ᒥᑕᐅᑎᒋᓪᓗᒍ ᐊᐅᓪᓚᕐᑎᑉᐹᑦ.

⁵ ᐱᕈᕐᓰᕕᖁᑎᓕᒃ ᑎᓕᓯᒃᑲᓐᓂᕐᐳᖅ ᐱᔨᒥᒃ ᐊᓯᐊᓂᒃ, ᐱᕈᕐᓰᕕᓕᕆᔪᑦ ᑖᓐᓇ ᑐᖁᑉᐹᑦ; ᐊᓯᖏᓪᓗ ᐊᒥᓱᑦ ᑍᒤᓕᐅᖃᑦᑕᕐᐰᑦ, ᐃᓚᖏᑦ ᐋᓐᓂᕐᓯᕐᓗᒋᑦ ᐃᓚᖏᓪᓗ ᑐᖁᓪᓗᒋᑦ.

⁶ ᐱᕈᕐᓰᕕᖁᑎᓕᒃ ᑎᓕᔭᒃᓴᑐᐊᖃᓕᕐᐳᖅ ᐃᕐᓂᕐᒥᓂᒃ ᓇᒡᓕᒋᒻᒪᕆᒃᑕᒥᓂᒃ; ᑭᖑᓪᓕᕐᐸᐅᑎᓪᓗᒍᓗ ᐃᕐᓂᓂ ᑎᓕᒋᕚ ᑖᒃᑯᓄᖓ, ᐅᖃᕐᓗᓂ, ‘ᐃᕐᓂᕋ ᐃᓕᕋᒋᓂᐊᕐᐹᑦ.’

⁷ ᐱᕈᕐᓰᕕᓕᕆᔪᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, ‘ᑖᓐᓇ ᑕᕝᕙ ᑭᖑᕐᖑᑦᔨᔪᒃᓴᖅ; ᐊᑏ, ᑐᖁᓚᐅᕐᓚᕗᑦ, ᑖᑦᓱᒪ ᑭᖑᕐᖑᑎᔭᒃᓴᖏᑦ ᐱᑖᕆᓂᐊᕋᑦᑎᒍᑦ.’

⁸ ᑕᕝᕙ ᑎᒍᕚᑦ ᑐᖁᓪᓗᒍ, ᑎᒥᖓ ᐃᒋᑉᐹᑦ ᐱᕈᕐᓰᕕᐅᑉ ᓯᓚᑖᓄᑦ.

⁹ “ᖃᓄᕐᓕ ᑕᕝᕙ ᐱᕈᕐᓰᕕᖁᑎᓕᒃ ᐱᓛᓕᕐᐸ? ᑎᑭᑦᓱᒫᕐᐳᖅ ᐱᕈᕐᓰᕕᓕᕆᔩᑦ ᑐᖁᑦᓴᕐᑐᕐᓗᒋᑦ, ᐱᕈᕐᓰᕕᒃ ᐊᓯᖏᓐᓄᑦ ᑲᒪᒋᔭᐅᖁᓕᕈᒫᕐᐹ.

¹⁰ ᐅᓇ ᐅᖃᓕᒫᕐᓯᒪᓐᖏᓚᓯᐅᒃ ᒎᑎᐅᑉ ᐅᖃᐅᓯᖏᓐᓂ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ, ᑖᓐᓇ ᐱᓪᓚᕆᐅᓂᕐᐸᐅᓪᓗᓂ ᑎᕆᖅᑰᓕᕐᐳᖅ;

¹¹ ᑕᒪᓐᓇ ᐊᑕᓂᐅᑉ ᐱᓂᐊᓚᐅᕐᐹ, ᓴᖅᑭᔮᕐᓂᖓ ᐅᕙᑦᑎᓐᓄᑦ ᑕᑯᒥᓇᕐᑐᕐᔫᕗᖅ!’”

¹² ᑖᒃᑯᐊ ᔩᓱᓯ ᑎᒍᔪᒪᒐᓗᐊᕐᐹᑦ, ᐃᓄᒐᓴᒡᔪᐊᓂᒡᓕ ᑲᑉᐱᐊᓱᒃᐳᑦ, ᒪᓗᒍᓱᓕᕋᒥᒃ ᑕᒪᑐᒧᖓ ᐊᑦᔨᐅᔪᒧᑦ ᐅᖃᐅᓯᐅᓂᕐᒥᖕᓂᒃ; ᑍᒤᒻᒪᑦ ᕿᒪᒃᐰᑦ ᐊᓯᐊᓄᐊᓕᕐᓗᑎᒃ.

ᐊᐱᖅᑯᓯᖅ ᑖᒃᓰᔭᕆᐊᖃᕐᒪᖔᕐᒥᒃ

¹³ ᐹᕆᓯᑦ ᐃᓚᖏᑦ ᐃᕉᑕᓯᐅᓪᓗ ᒪᓕᒃᑎᖏᑕ ᐃᓚᖏᑦ ᔩᓱᓯᒧᐊᖁᔭᐅᕗᑦ, ᐊᐱᕐᓱᕐᓗᒍ ᓇᓗᓕᕐᑎᓐᓇᓱᐊᕈᒪᓪᓗᒍ.

¹⁴ ᑖᒃᑯᐊ ᔩᓱᓯᒧᐊᕋᒥᒃ ᐅᖃᕐᐳᑦ, “ᐊᔪᕆᕐᑐᐃᔩ ᖃᐅᔨᒪᒐᑦᑕ ᓱᓕᔪᒥᒃ ᐅᖃᖃᑦᑕᕋᕕᑦ, ᐃᓄᐃᑦ ᐃᓱᒪᖏᑦ ᓯᕘᕋᒋᓇᒋᑦ ᓱᓕᑦᓯᐊᕐᑐᒥᒃ ᐅᖃᕐᐸᒃᑲᕕᑦ; ᐃᓄᐃᑦ ᖃᓄᐃᑦᑑᓂᖏᓐᓂᒃ ᑲᒪᒋᖏᓐᓇᕕᒋᑦ, ᐊᔪᕆᕐᑐᖃᑦᑕᕋᕕᒋᑦ ᓱᓕᔪᒥᒃ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ. ᐅᖃᐅᑎᓚᐅᕐᑎᒍᑦ, ᐱᖁᔭᑦᑎᓐᓄᑦ ᐊᑭᕋᕐᑐᕐᐹᑦ, ᑖᒃᓰᔭᕈᑎᓂᒃ ᑐᓂᓯᖃᑦᑕᕈᑦᑕ ᓰᓴᕆᒧᑦ ᐅᕝᕙᓗ ᑐᓂᓯᖃᑦᑕᕆᐊᖃᓐᖏᓚᒍᑦ?”

¹⁵ ᔩᓱᓯᐅᑉ ᐱᖏᑦᓯᕐᓱᕋᓱᐊᕐᓂᖏᑦ ᖃᐅᔨᒪᒐᒥᒋᑦ ᐅᖃᐅᑎᕔᑦ, “ᓱᖕᒫᑦ ᐅᕙᓐᓂᒃ ᐆᒃᑐᕋᓱᐊᕐᐱᓰ? ᑮᓇᐅᔭᖅ ᕾᑕᐅᓚᐅᕐᓕ, ᑕᑯᓚᐅᕐᓚᒍ.”

¹⁶ ᑮᓇᐅᔭᒥᒃ ᑐᓂᓯᕕᒋᕚᑦ. ᔩᓱᓯᐅᑉ ᐊᐱᕆᕔᑦ, “ᑭᓇᐅᑉ ᑮᓇᓐᖑᐊᖓ, ᑭᐊᓗ ᐊᑎᖓ?” ᑖᒃᑯᐊ ᑭᐅᕚᑦ, “ᐊᖓᔪᖅᑳᕐᔪᐊᑉ ᓰᓴᕆᐅᑉ.”

¹⁷ ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᖅ ᓰᓴᕆ ᑐᓂᓯᕕᒋᓯᐅᒃ, ᐱᖏᓐᓂᒃ, ᒎᑎᓗ ᑐᓂᓯᕕᒋᓗᒍ ᐱᖏᓐᓂᒃ.” ᑖᒃᑯᐊ ᔩᓱᓯᐅᑉ ᑭᐅᑦᔪᑎᖓᓂᒃ ᑲᒪᕕᒃᔪᐊᕐᐳᑦ.

ᑐᖁᖓᔪᓂᑦ ᒪᑭᓐᓂᐅᒐᔭᕐᑐᒥᒃ ᐊᐱᕐᓲᑏᑦ

¹⁸ ᑭᖑᓂᖓᒍᑦ ᓵᑦᔪᓰᑦ ᐅᐸᒃᐹᑦ, ᑖᒃᑯᐊ ᐃᓄᖕᓂᒃ ᑐᖁᖓᔪᓂᑦ ᒪᑭᕝᕕᒃᓴᖃᖏᓐᓂᕅᕙᒃᑐᑦ, ᔩᓱᓯᒧᐊᕐᐳᑦ ᐊᐱᕆᓪᓗᒍ ᐅᖃᕐᐳᑦ,

¹⁹ “ᐊᔪᕆᕐᑐᐃᔩ, ᒨᓯᓯᐅᑉ ᐱᖁᔭᕐᑖᕐᑎᓚᐅᕐᐹᑎᒍᑦ, ‘ᐊᖑᑦ ᓄᓕᐊᓕᒃ ᑐᖁᒃᐸᑦ ᕿᑐᕐᖓᕐᑖᓚᐅᕋᓂ, ᑕᕝᕙ ᓄᑲᖓᑕ ᐅᐃᒡᒐᕐᓂᖅ ᓄᓕᐊᕐᑖᕆᔭᒃᓴᕆᕚ ᑖᒃᑯᐊᒃ ᕿᑐᕐᖓᕐᑖᖁᓪᓗᒋᒃ, ᕿᑐᕐᖓᖏᑦ ᑐᖁᓚᐅᕐᑐᒧᑦ ᕿᑐᕐᖓᕆᔭᐅᓂᕋᕐᑕᐅᖁᓪᓗᒋᑦ.’

²⁰ ᑍᑦᓱᒪᓂ ᓄᑲᕇᒃᑕᖃᓚᐅᕐᐳᖅ ᐊᖑᑎᓂᒃ 7ᓂᒃ; ᐊᖓᔪᒃᖠᕐᐹᖅ ᓄᓕᐊᓂᒃᐳᖅ, ᕿᑐᕐᖓᕐᑖᓚᐅᕋᓂᓗ ᑐᖁᕗᖅ.

²¹ ᑕᕝᕙ ᓄᑲᖓᑕ ᐊᕐᓇᖅ ᓄᓕᐊᕐᑖᕆᕚ, ᑖᓐᓇᑦᑕᐅᖅ ᑐᖁᒋᕗᖅ ᕿᑐᕐᖓᕐᑖᓚᐅᕋᓂ; ᓄᑲᖓᑕ ᐱᖓᔪᖓᑦ ᑍᒫᑦᓮᓐᓇᖅ ᐱᒋᕗᖅ.

²² ᑖᒃᑯᐊ ᓄᑲᕇᑦ 7 ᑖᑦᓱᒥᖓ ᐊᕐᓇᒥᒃ ᓄᓕᐊᓂᓚᐅᕐᐳᑦ, ᑕᒪᕐᒥᒃ ᕿᑐᕐᖓᕐᑖᓚᐅᕋᑎᒃ ᑐᖁᓚᐅᕐᐳᑦ. ᑭᖑᓪᓕᕐᐸᐅᓪᓗᓂᓕ ᐊᕐᓇᖅ ᑐᖁᒋᕗᖅ.

²³ ᑐᖁᖓᔪᑦ ᒪᑭᑉᐸᑕ ᒪᑭᕝᕕᒃᓴᐅᔪᒫᕐᑐᒥ, ᓇᓪᓕᐊᑦᑕ ᑖᓐᓇ ᐊᕐᓇᖅ ᓄᓕᐊᕆᓛᕐᐸᐅᒃ? ᑖᒃᑯᐊ ᖃᑕᓐᖑᑎᒌᑦ 7 ᑕᒪᕐᒥᒃ ᓄᓕᐊᕆᓚᐅᕐᒪᑦᔪᒃ.”

²⁴ ᔩᓱᓯᐅᑉ ᐅᖃᐅᑎᕔᑦ, “ᐃᒫᒃ ᐱᑦᔪᑎᖃᕐᖢᓯ ᑕᒻᒪᕋᑦᓯ, ᒎᑎᐅᑉ ᐅᖃᐅᓯᖏᑦ ᖃᐅᔨᒪᖏᓐᓇᑦᓯᐅᒃ ᐊᒻᒪᓗ ᒎᑎᐅᑉ ᐱᔪᓐᓇᕐᓂᖓ ᖃᐅᔨᒪᓇᒍ.

²⁵ ᑐᖁᖓᔪᓪᓕ ᒪᑭᒃᑯᑎᒃ, ᓄᓕᐊᓂᒃᐸᒍᒫᓐᖏᓚᑦ ᐅᐃᓂᒃᐸᖏᓪᓗᑎᒡᓗ, ᐂᖏᓖᑎᑐᑦ ᕿᓚᖕᒦᑦᑐᑎᑐᑦ ᑍᒤᑦᓱᒫᕐᐳᑦ.

²⁶ ᑐᖁᖓᔪᑦ ᒪᑭᑎᑕᐅᓂᖓᓂᒃ ᐅᖃᕐᓯᒪᔪᓂᒃ ᐊᒡᓚᖕᓂ ᐊᑐᐊᕐᓯᓚᐅᕐᓯᒪᓐᖏᓚᓰ ᒨᓯᓯᐅᑉ ᐊᒡᓚᖏᓐᓂ ᐅᖃᐅᓯᖃᕐᑐᓂᒃ ᐅᕐᐱᒐᕐᒥᒃ ᐃᑯᐊᓚᔪᒥᒃ, ᑕᕝᕙᓂ ᐅᓂᒃᑲᐅᓯᕐᒥ ᒎᑎᐅᑉ ᒨᓯᓯ ᐅᖃᐅᑎᓚᐅᕐᒪᒍ, ‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ?’

²⁷ ᒎᑎ ᐃᓅᔪᓄᑦ ᒎᑎᐅᕗᖅ, ᑐᖁᖓᔪᓪᓕ ᒎᑎᒋᓐᖏᓛᑦ; ᑍᒤᒻᒪᑦ ᑕᒻᒪᕐᓯᒪᓪᓚᕆᒃᐳᓯ.”

ᐱᖁᔭᖅ ᐱᓪᓚᕆᐅᓂᕐᐸᐅᔪᖅ

²⁸ ᐱᖁᔭᓂᒃ ᐃᓕᓮᔩᑦ ᐃᓚᖓᑦ ᑕᒪᑐᒥᖓ ᐅᖃᖃᑎᒌᒃᑎᓪᓗᒋᑦ ᑐᓵᕗᖅ, ᑕᑯᒐᒥ ᔩᓱᓯᐅᑉ ᓵᑦᔪᓰᑦ ᑭᐅᑦᓯᐊᕐᒪᒋᑦ, ᑍᒤᒻᒪᑦ ᔩᓱᓯᒧᐊᕐᐳᖅ ᐊᐱᕆᓪᓗᒍ, “ᓇᓪᓕᐊᑦ ᐱᖁᔭᓂᑦ ᑕᒤᓐᓂᑦ ᓯᕗᓪᓕᕐᐸᐅᔭᕆᐊᖃᕐᐸ?”

²⁹ ᔩᓱᓯᐅᑉ ᑭᐅᕚ, “ᐅᓇ ᑕᕝᕙ ᓯᕗᓪᓕᕐᐸᐅᔪᖅ ᐱᖁᔭᓂᑦ, ‘ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ, ᑖᓐᓇ ᐊᑕᓂᑑᕗᖅ.

³⁰ ᐊᑕᓂᖅ ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒪᑦᓯᓐᓄᓪᓗ ᑕᒤᓐᓄᑦ, ᐱᔪᓐᓇᕐᓂᑦᓯᓐᓄᓪᓗ ᑕᒤᓐᓄᑦ.’

³¹ ᐂᑉᐸᖓᓗ ᐃᒤᓕᕗᖅ, ‘ᐃᓅᖃᑎᓯ ᓇᒡᓕᒋᔭᒃᓴᕆᕙᓯ ᓇᖕᒥᓂᖅ ᓇᒡᓕᒋᓂᕐᑐᑦ.’ ᐊᓯᖏᓐᓂᒃ ᑖᒃᑯᓇᖓᑦ ᐱᓪᓚᕆᐅᓂᕐᓴᓂᒃ ᐱᖁᔭᕐᑕᖃᓐᖏᓚᖅ.”

³² ᐱᖁᔭᓂᒃ ᐃᓕᓮᔨ ᔩᓱᓯᒧᑦ ᐅᖃᕐᐳᖅ, “ᐊᔪᕆᕐᑐᐃᔩ, ᓱᓕᑦᓯᐊᕐᐳᑎᑦ; ᑕᒪᓐᓇ ᓱᓕᖕᒪᑦ ᓲᕐᓗ ᐅᖃᕋᕕᑦ, ᐊᑕᓂᖅ ᑭᓯᒥ ᐊᑕᐅᓯᐅᖕᒪᑦ, ᑖᑦᓱᒪ ᐊᓯᐊᓂᒃ ᒎᑎᑕᖃᓐᖏᓚᖅ, ᑖᓐᓇᑐᐊᖅ ᑭᓯᐊᓂ.

³³ ᐃᓄᒃ ᒎᑎᒥᒃ ᓇᒡᓕᒍᓱᒃᑐᒃᓴᐅᖕᒪᑦ ᐆᒻᒪᑎᒥᓄᑦ ᑕᒤᓐᓄᑦ, ᐃᓱᒪᒥᓄᓪᓗ ᑕᒤᓐᓄᑦ, ᐱᔪᓐᓇᕐᓂᕐᒥᓄᓪᓗ ᑕᒤᓐᓄᑦ, ᐃᓅᖃᑎᒥᓂᒡᓗ ᓇᒡᓕᒍᓱᒃᑐᒃᓴᐅᓪᓗᓂ ᐃᒻᒥᓂᒃ ᓇᒡᓕᒋᓂᕐᒥᑐᑦ, ᑖᒃᑯᐊᒃ ᐱᓪᓚᕆᐅᓂᕐᓴᐅᕘᒃ ᑐᓂᕐᕈᑕᐅᖁᔭᐅᔪᓂᑦ ᐆᒪᔪᕕᓂᕐᓂᒃ ᑐᓂᕐᕈᓯᕐᕕᒥ, ᑐᓂᕐᕈᑕᐅᖁᔭᐅᓯᒪᔪᓂᓪᓗ ᑕᒤᓐᓂᑦ.”

³⁴ ᔩᓱᓯᐅᑉ ᖃᐅᔨᒐᒥᐅᒃ ᑭᒡᒍᓯᖓ ᓯᓚᑐᔪᒻᒪᕆᐅᖕᒪᑦ, ᐅᖃᐅᑎᕚ, “ᒎᑎᐅᑉ ᐊᑕᓂᐅᕕᖓᓄᑦ ᐅᖓᓯᒍᓐᓃᕐᐳᑎᑦ.” ᑕᒪᑐᒪ ᑭᖑᓂᖓᒍᑦ ᑭᓇᒧᓪᓘᓐᓃᑦ ᔩᓱᓯ ᐊᐱᕆᔭᐅᔪᒪᔪᓐᓃᕐᐳᖅ.

ᒥᓮᐊᓯᐅᑉ ᒥᒃᓵᓄᑦ ᐊᐱᖅᑯᓯᖅ

³⁵ ᔩᓱᓯ ᑐᒃᓯᐊᕐᕕᒡᔪᐊᕐᒥ ᐊᔪᕆᕐᑐᐃᓪᓗᓂ, ᐅᖃᕐᐳᖅ, “ᓱᖕᒪᓂᒃᑯᐊ ᐱᖁᔭᓂᒃ ᐃᓕᓮᔩᑦ ᐅᖃᕐᐸᑦ ᙭ᔅᑑᓯ ᑍᕕᑎᒧᑦ ᑭᖑᕚᕆᔭᐅᓂᐊᕐᓂᕋᕐᖢᒍ?

³⁶ ᑍᕕᑎ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᓱᒪᑖᕐᑎᑕᐅᓪᓗᓂ ᐅᖃᓚᐅᕐᐳᖅ: ‘ᐊᑕᓂᖅ ᐊᑕᓂᓐᓄᑦ ᐅᖃᕐᐳᖅ, “ᐅᕙᓂ ᑕᓕᕐᐱᓐᓂ ᐃᒃᓯᕙᒋᑦ, ᐊᑭᕋᕐᑐᕐᑎᖕᓂᒃ ᐃᓕᓯᖅᑳᕐᑎᓐᓇᖓ ᐃᑎᒐᕕᑦ ᐊᑖᓄᑦ.”’

³⁷ “ᑍᕕᑎᐅᑉ ᐊᑕᓂᕐᒥᓂᒃ ᑍᖕᒪᒍ; ᖃᓄᖅ ᑕᕝᕙ ᙭ᔅᑑᓯ ᑍᕕᑎᐅᑉ ᑭᖑᕚᕆᒐᔭᕐᐸᐅᒃ?” ᐃᓄᒐᓴᒡᔪᐊᑦ ᐊᒥᓱᑦ ᔩᓱᓯᒥᒃ ᓈᓚᒃᐳᑦ ᖁᕕᐊᓱᒡᓗᑎᒃ.

ᔩᓱᓯᐅᑉ ᐃᒃᐱᒍᓱᑦᓯᐊᖁᔨᓂᖓ ᐱᖁᔭᓂᒃ ᐃᓕᓮᔨᓂᒃ

³⁸ ᐊᔪᕆᕐᑐᕐᓗᒋᑦ ᐃᒫᒃ ᐅᖃᕐᐳᖅ, “ᖃᐅᔨᓴᑦᓯᐊᕆᑦᓯ ᐱᖁᔭᓂᒃ ᐃᓕᓮᔨᓂᒃ, ᐱᓱᑲᑕᒍᒪᕙᖕᒪᑕ ᐊᓐᓄᕌᕐᓯᒪᓗᑎᒃ ᑕᑭᔪᓂᒃ ᐅᓕᒡᔪᐊᓂᒃ, ᐃᒃᐱᒋᔭᐅᑦᓯᐊᕐᓗᑎᒃ ᓂᓪᓕᐅᑦᔭᐅᔪᒪᕙᒃᓗᑎᒃ ᓂᐅᕕᕐᕕᖕᓂ.

³⁹ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᐱᐅᓂᕐᐹᓂ ᐃᒃᓯᕙᐅᑕᖃᕈᒪᕗᑦ, ᐅᐱᓐᓇᕐᓂᕐᐹᓂᓗ ᐃᓂᖃᕈᒪᕙᒃᓗᑎᒃ ᓂᕆᕕᒃᔪᐊᕐᑐᖃᕐᑎᓪᓗᒍ.

⁴⁰ ᐅᐃᒡᒐᕐᓃᑦ ᓴᖐᑦᑐᕐᓂᐊᒐᕆᓪᓗᒋᑦ ᐱᖁᑎᖏᓐᓂᒃ ᐋᑎᕆᕙᒃᐳᑦ ᐊᖏᕐᕋᖏᓐᓂᑦ, ᑭᖑᓂᖓᒍᑦ ᑕᑯᓐᓇᕐᑕᐅᔪᒪᓪᓗᑎᒃ ᑕᑭᔪᓂᒃ ᑐᒃᓯᐅᑎᖃᑦᑕᕐᐰᑦ. ᑍᒤᒻᒪᑦ ᓱᒋᐊᕐᑕᐅᓂᒃᓴᖏᑦ ᐊᖏᓂᒃᓴᐅᔪᒫᕐᐳᑦ.”

ᐅᐃᒡᒐᕐᓂᐅᑉ ᑐᓂᕐᕈᓯᕐᓂᖓ

⁴¹ ᔩᓱᓯ ᑐᒃᓯᐊᕐᕕᒡᔪᐊᑉ ᑮᓇᐅᔧᕐᕕᖓᑕ ᖃᓂᒋᔮᓄᑦ ᐃᖏᑉᐳᖅ, ᑕᑯᓐᓈᓕᕐᓗᓂ ᐃᓄᖕᓂᒃ ᑮᓇᐅᔧᕐᕕᖕᒧᑦ ᐃᓕᐅᖅᑬᔪᓂᒃ. ᐊᒥᓱᑦ ᐊᔪᕐᓴᖏᑦᑐᑦ ᑐᓂᓯᕗᑦ ᑮᓇᐅᔭᓂᒃ ᐊᒥᓱᓂᒃ.

⁴² ᑭᖑᕐᖓᒍᓪᓕ ᐅᐃᒡᒐᕐᓂᖅ ᐊᔪᕐᓴᕐᑐᖅ ᑕᒪᐅᓐᖓᕆᕗᖅ, ᐃᓕᓯᓪᓗᓂ ᑮᓇᐅᔮᖕᓂᒃ ᒪᕐᕉᖕᓂᒃ ᒥᑭᔪᑯᓘᖕᓂᒃ.

⁴³ ᐃᓕᓐᓂᐊᕐᑎᓂ ᕾᖁᓪᓗᒋᑦ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑖᓐᓇ ᐅᐃᒡᒐᕐᓂᖅ ᐊᔪᕐᓴᕐᑐᖅ ᑐᓂᓯᕗᖅ ᐊᖏᓂᕐᐹᒥᒃ ᐊᓯᓕᒫᒥᓂᑦ.

⁴⁴ ᐊᓯᖏᑦ ᑐᓂᓯᕗᑦ ᐊᑐᕐᓂᐊᖏᑕᒥᖕᓂᒃ ᐊᔪᕐᓴᖏᑦᑑᒐᒥᒃ; ᐅᓇᓕ ᐊᕐᓇᖅ ᐊᔪᕐᓴᕐᑑᓪᓗᓂ ᑐᓂᓯᕗᖅ ᐱᒋᔭᑐᐊᒥᓂᒃ, ᐃᓅᑦᔪᑎᒃᓴᑐᐊᒥᓂᒡᓗ.”