ᒤᑲᐅᑉ ᐊᒡᓚᖏᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᔨᕉᓴᓕᒥᐅᑕᐅᔪᓯ, ᐅᓇᑕᕐᑐᒃᓴᖁᑎᓯ ᑲᑎᑎᓚᐅᕐᓯᒋᒃ. ᓵᓚᖃᕈᒪᔪᓂᒃ ᓄᓇᕗᑦ ᐊᕙᓗᔭᐅᓯᒪᖕᒪᑦ; ᐃᓴᕆᐊᓕᒥᐅᑦ ᓯᕗᓕᕐᑎᖏᑦ ᐅᓇᑕᕆᐊᕐᑕᐅᓕᕐᒪᑕ.

ᒎᑎᐅᑉ ᐊᖏᕈᑎᑲᕐᓂᖓ ᐱᑦᓕᐊᒥᐅᑦ ᐊᐅᓚᑦᓯᔨᑖᓚᕐᓂᖏᓐᓂᒃ

² “ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

³ ᑍᒤᒻᒪᑦ ᐃᓄᖁᑎᓂ ᕿᒪᒍᒫᕐᐰᑦ ᐊᑭᕋᖏᓐᓄᑦ, ᐊᕐᓇᖅ ᑍᓐᓇ ᐃᕐᓂᓛᕐᑐᖅ ᐃᕐᓂᓚᐅᖅᑳᕐᑎᓐᓇᒍ, ᑭᖑᓂᐊᒍᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ ᐊᒥᐊᒃᑯᖏᑦ ᐅᑎᕈᒫᕐᐳᑦ ᐃᓴᕆᐊᓕᒥᐅᑉ ᐃᓄᖏᓐᓄᑦ.

⁴ ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

^5a ᑖᓐᓇᓗ ᐃᓂᓪᓚᖓᑦᓯᐊᓕᕐᑎᑦᓯᔪᒫᕐᐳᖅ.

ᐃᑲᔪᕐᑕᐅᓃᑦ ᓱᒋᐊᕐᑕᐅᓂᕐᓗ

^5b ᐊᓯᕆᐊᒥᐅᑦ ᓄᓇᑦᑎᓐᓄᐊᕐᐸᑕ, ᐊᐅᓚᑦᓯᓕᕐᓗᑎᒃ ᐊᖓᔪᖅᑳᕐᔪᐊᑉ ᐃᒡᓗᖏᓐᓂ, ᐅᓇᑕᕆᐊᕈᒫᕐᐸᕗᑦ ᐰᕐᓯᔨᓄᑦ 7ᓄᑦ, ᐊᒻᒪᓗ 8ᓄᑦ ᐊᖓᔪᖅᑳᕐᔪᐊᑉ ᕿᑐᕐᖓᖏᓐᓄᑦ.

⁶ ᑖᒃᑯᐊ ᐊᓯᕈᐃᔪᒫᕐᐳᑦ ᓴᕕᒡᔪᐊᒧᑦ ᐊᓯᕆᐊᒥᐅᑦ ᓄᓇᖓᓂᒃ, ᓂᒻᒪᕌᑎᐅᑉ ᓄᓇᖁᑎᖓᑕ ᐃᑎᕐᑕᕐᕕᖏᓐᓂᒃ, ᑖᑦᓱᒪ ᓴᐳᑎᔪᒫᕐᐹᑎᒍᑦ ᐊᓯᕆᐊᒥᐅᓂᑦ, ᑖᓐᓇ ᑎᑭᑉᐸᑦ ᓄᓇᑦᑎᓐᓄᑦ ᐊᐅᓚᑦᓯᓕᕈᒫᕐᐳᖅ ᓄᓇᖁᑎᑦᑎᓐᓂᒃ.

⁷ ᔧᑰᑉ ᑭᖑᕚᖏᑕ ᐊᒥᐊᒃᑯᖏᑦ ᐃᓅᖃᑎᒋᒡᔪᐊᑦ ᐊᑯᕐᖓᓐᓃᑦᓱᒫᕐᐳᑦ, ᐊᑕᓂᕐᒥᑦ ᐱᔪᒧᑦ ᓮᒻᒪᕐᑎᑦᓯᔪᒫᕐᐳᑦ ᐅᓪᓛᒥ ᓄᓇᒥ ᖃᐅᓯᕐᑎᑦᓯᔪᑎᑐᑦ, ᓯᓚᓗᒃᑐᑎᑐᓪᓗ ᐃᕕᖕᓄᑦ, ᐅᑕᖅᑭᓂᐊᓐᖏᓚᑦ ᐃᓄᖕᒥᒃ, ᐃᓄᓕᒫᓂᒡᓘᓐᓃᑦ.

⁸ ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

⁹ ᖁᒻᒧᑦ ᐃᓵᒍᒫᕐᐳᓯ ᓵᓚᖃᕐᓂᕐᒧᑦ ᓵᓚᒋᔨᒋᓚᐅᕐᑕᑦᓯᓐᓂᒃ, ᐊᑭᕋᓕᒫᓯᓗ ᐊᓯᕈᕐᑕᐅᔪᒫᕐᐳᑦ.

¹⁰ ᐊᑕᓂᖅ ᐅᖃᕐᐳᖅ, “ᑍᑲᓂ ᐅᓪᓗᒥ, ᕿᒻᒥᕐᔪᐊᓯ ᑐᖁᕋᕈᒫᕐᐸᒃᑲ ᐊᑯᓐᓇᑦᓯᓐᓃᑦᑐᑦ, ᐅᓇᑕᐅᑎᓯᓗ ᐊᒃᓴᓗᐊᓖᑦ ᐊᓯᕈᕈᒫᕐᐸᒃᑲ ᓯᖁᑦᑎᕐᓗᒋᑦ.

¹¹ ᐃᒡᓗᒐᓮᓪᓗ ᓄᓇᖁᑎᑦᓯᓐᓃᑦᑐᑦ ᐊᓯᕈᕈᒫᕐᐸᒃᑲ ᓴᐳᑦᔭᐅᕕᒋᖃᑦᑕᕐᑕᓯᓗ ᐅᕐᕈᑎᓪᓗᒋᑦ.

¹² ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ.

¹³ ᓴᓇᓐᖑᐊᕐᓯᒪᔭᓯ ᒎᑎᓐᖑᐊᓯ, ᓇᐸᔪᖁᑎᓯᓗ ᐃᑦᔪᕐᓁᑎᑕᓯ ᐊᑯᓐᓇᑦᓯᓐᓃᑦᑐᑦ ᓱᕋᒃᑎᕈᒫᕐᐸᒃᑲ; ᑐᒃᓯᐊᕐᕕᖃᕐᓂᐊᕈᓐᓁᕐᐳᓯᓗ ᐊᒡᒐᑦᓯᓐᓄᑦ ᓴᓇᓯᒪᔭᑦᓯᓐᓂᒃ.

¹⁴ ᐊᒨᖅᑲᕈᒫᕐᐸᒃᑲᓗ ᕿᔪᐃᑦ ᐊᓯᕅᑦ ᒎᑎᓐᖑᐊᓯ ᐊᑯᓐᓇᑦᓯᓐᓂᑦ; ᐃᒡᓗᒐᓴᓯᓗ ᐊᓯᕈᕐᓗᒋᑦ.

¹⁵ ᐊᑭᓂᐊᕈᒫᕐᐳᖓ ᓂᓐᖓᐅᒪᓂᕐᒧᑦ ᑲᑉᐱᐊᓇᕐᑐᒧᑦ; ᐃᓅᖃᑎᒌᒡᔪᐊᓄᑦ ᐅᕙᓐᓂᒃ ᓈᓚᓚᐅᖏᑦᑐᓄᑦ.”