ᒫᑎᐅᓯᐅᑉ ᐊᒡᓚᖏᑦ 9 - ᐊᒡᓔᑦ ᐃᑦᔪᕐᖕᓁᑦᑐᑦᔩᓱᓯᐅᑉ ᓄᑭᖃᖏᑦᑐᒥᒃ ᐋᖅᑭᒃᓯᓂᖓ ᒫᑯᓯ 2:1-12 ; ᓘᑲᓯ 5:17-26 1 ᔩᓱᓯ ᐅᒥᐊᒧᑦ ᐃᑭᒐᒥ ᑕᓯᐅᑉ ᐊᑭᐊᓄᑦ ᓄᓇᑐᖃᒥᓄᑦ ᐅᑎᕆᕗᖅ, 2 ᐃᓄᐃᑦ ᐃᓚᖏᑕ ᐋᑦᓯᕕᒋᕚᑦ ᐊᖑᒻᒥᒃ ᓄᑭᖃᖏᑦᑐᒥᒃ, ᐃᒡᓕᕐᒥ ᓇᓚᔪᒥᒃ; ᔩᓱᓯᐅᑉ ᖃᐅᔨᒪᒐᒥᒋᑦ ᐅᒃᐱᕐᓂᖃᕐᓂᖏᓐᓂᒃ, ᐊᖑᑦ ᓄᑭᖃᖏᑦᑐᖅ ᐅᖃᐅᑎᕚ, “ᐃᕐᓃᒃ ᖁᕕᐊᓱᓕᕆᑦ! ᐊᔪᕐᓂᑎᑦ ᐃᓱᒪᒋᔭᐅᔪᓐᓁᕐᒪᑕ.” 3 ᑕᑯᒋᑦ, ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᐅᓇ ᒎᑎᒥᒃ ᐅᖃᕐᓂᕐᓘᑎᖃᕐᑐᖅ!” 4 ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ? 5 ᓇᓪᓕᐊᑦ ᐱᔭᕐᓂᕐᓂᕐᓴᐅᕚ? ᐅᖃᕐᓗᓂ, ‘ᐊᔪᕐᓂᑎᑦ ᐃᓱᒪᒋᔭᐅᔪᓐᓁᕐᐳᑦ,’ ᐅᕝᕙᓗ ᐅᖃᕐᓗᓂ, ‘ᒪᑭᓪᓗᑎᑦ ᐱᓱᓕᕆᑦ’? 6 ᖃᐅᔨᓂᐊᕋᑦᓯ, ᐃᓅᑉ ᐃᕐᓂᖓ ᐱᔪᓐᓇᕐᓂᖃᕐᒪᑦ, ᑕᒫᓂ ᓄᓇᕐᔪᐊᕐᒥ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᓂᕐᒥᒃ,” ᑍᒤᒻᒪᑦ ᓄᑭᖃᖏᑦᑐᒧᑦ ᐅᖃᕐᐳᖅ, “ᒪᑭᑦᑎᑦ, ᓇᓪᓚᖓᕖᑦ ᑎᒍᓗᒍ, ᐊᖏᕐᕋᓕᕆᑦ!” 7 ᐊᖑᑦ ᒪᑭᓐᓇᒥ ᐊᖏᕐᕋᕐᐳᖅ. 8 ᐃᓄᐃᓪᓕ ᑕᒪᑐᒥᖓ ᑕᑯᓐᓇᕐᑐᑦ, ᑲᒪᓂᐊᒻᒪᕆᒃᐳᑦ, ᒎᑎᒥᒃ ᓂᕐᑐᐃᓕᕐᓗᑎᒃ, ᐃᓄᖕᓄᑦ ᐱᔪᓐᓇᕐᓂᕐᒥᒃ ᑐᓂᓯᓯᒪᓂᖓᓄᑦ. ᔩᓱᓯᐅᑉ ᕾᖁᔨᓂᖓ ᒫᑎᐅᓯᒥᒃ ᒫᑯᓯ 2:13-17 ; ᓘᑲᓯ 5:27-32 9 ᔩᓱᓯ ᑕᕝᕙᓐᖓ ᕿᒪᕉᑎᓕᕐᓗᓂ, ᑕᑯᕗᖅ ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖓᓐᓂᒃ, ᒫᑎᐅᓯᒥᒃ ᐊᑎᓕᖕᒥᒃ, ᐱᓇᓱᐊᕐᕕᖕᒥᓂ ᐃᒃᓯᕙᔪᒥᒃ; ᐅᖃᐅᑎᕚ, “ᒪᓕᓐᖓ.” ᓂᑯᕕᓐᓇᒥ, ᔩᓱᓯ ᒪᓕᓕᕐᐹ. 10 ᑭᖑᓂᖓᒍᑦ ᔩᓱᓯ ᓂᕆᔭᕐᑐᖃᑕᐅᕗᖅ ᒫᑎᐅᓯᐅᑉ ᐃᒡᓗᖓᓂ, ᕉᒪᒥᐅᑦ ᑮᓇᐅᔧᕐᑎᑦᓯᔨᖏᑦ ᐊᒥᓱᑦ ᐊᔪᕐᑐᓕᓂᕐᒧᑦ ᓇᕐᕈᓇᕐᓂᕋᕐᑕᐅᔪᑦ ᕾᖃᑕᐅᒋᕗᑦ, ᔩᓱᓯ ᐃᓕᓐᓂᐊᕐᑎᖏᓪᓗ ᓂᕐᕆᕕᖕᒥ ᓂᕆᖃᑎᒋᓕᕐᓗᒋᑦ. 11 ᐹᕆᓯᑦ ᐃᓚᖏᑕ ᑕᒪᓐᓇ ᑕᑯᒐᒥᑦᔪᒃ ᔩᓱᓯᐅᑉ ᐃᓕᓐᓂᐊᕐᑎᖏᑦ ᐊᐱᕆᕔᑦ, “ᓱᖕᒪᓄᓐᓈ ᐃᓕᓮᔨᓯ ᑮᓇᐅᔧᕐᑎᑦᓯᔨᓂᒃ ᐊᔪᕐᑐᓕᔪᓂᒡᓗ ᓂᕆᖃᑎᖃᕐᐹ?” 12 ᔩᓱᓯᐅᑉ ᑐᓴᕋᒥᒋᑦ ᐅᖃᐅᑎᕔᑦ, “ᖃᓂᒪᖏᑦᑐᑦ ᐋᓐᓂᐊᓯᐅᑎᖃᕆᐊᖃᓐᖏᓚᑦ, ᖃᓂᒪᔪᓪᓕ ᑭᓯᒥ. 13 ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.” ᓂᕆᑦᑍᓕᓂᕐᒥᒃ ᔩᓱᓯᐅᑉ ᐊᐱᕆᔭᐅᓂᖓ ᒫᑯᓯ 2:18-22 ; ᓘᑲᓯ 5:33-39 14 ᑍᑦᓱᒪᓂ ᔪᐊᓇᓯ ᐹᑉᑎᑎᕆᔨᐅᑉ ᐃᓕᓐᓂᐊᕐᑎᖏᑦ ᔩᓱᓯᒧᐊᕐᐳᑦ, ᐊᐱᕆᓪᓗᒍ, “ᓱᖕᒪᑦ ᐹᕆᓯᓪᓗ ᓂᕆᑦᑍᓕᕙᒃᐱᑖ? ᐃᓕᓐᓂᐊᕐᑎᑎᓪᓕ ᓂᕆᑦᑍᓕᓚᐅᕐᓯᒪᑎᓐᓇᒋᑦ?” 15 ᔩᓱᓯᐅᑉ ᑭᐅᕔᑦ, “ᑲᑎᑎᑕᐅᔪᖃᕐᑎᓪᓗᒍ ᖁᕕᐊᓱᒡᓗᑎᒃ ᓂᕆᖃᑎᒌᒃᑎᓪᓗᒋᑦ ᕾᖁᔭᐅᓯᒪᔪᑦ ᕿᒃᓵᒋᐊᖃᕐᑐᕆᕕᓯᐅᒃ, ᐅᐃᒃᓴᖅ ᓱᓕ ᑕᕝᕙᓃᑎᓪᓗᒍ? ᑍᒤᓲᖑᓐᖏᓚᑦ! ᐅᓪᓗᕐᓕ ᓇᓪᓕᐅᑎᔪᒫᕐᐳᖅ ᐅᐃᒃᓴᒥᒃ ᐊᕐᓵᕐᑕᐅᕕᖓᑦ, ᑕᕝᕙ ᑖᒃᑯᐊ ᓂᕆᑦᑍᓕᓕᑍᓐᓇᕈᒫᕐᐳᑦ. 16 “ᐊᓐᓄᕌᑐᖃᕐᒥᒃ ᐃᓚᓯᔪᖃᕐᐸᓐᖏᓚᖅ ᓄᑖᒥᒃ ᐃᕿᔭᑦᑐᒥᒃ, ᑖᑦᓱᒪ ᓄᑖᑉ ᐃᕿᓕᕈᓂ ᐊᓐᓄᕌᑐᖃᖅ ᐊᓕᒃᑐᕋᔭᕐᒪᒍ, ᐊᓐᓄᕌᑐᖃᐅᓪᓗ ᐊᖕᒪᔪᖓ ᐊᖏᒡᓕᒃᑲᓐᓂᑐᐃᓐᓇᕋᔭᕐᐳᖅ. 17 ᐊᒻᒪᑦᑕᐅᖅ ᐅᐂᓂᒥᒃ ᓄᑖᒥᒃ ᑯᕕᓯᔪᖃᕐᐸᓐᖏᓚᖅ ᐅᐂᓂᖃᐅᑎᑐᖃᕐᒧᑦ ᐆᒪᔪᕕᓂᐅᑉ ᐊᒥᖓᓄᑦ; ᐅᐂᓂᐅᑉ ᓄᑖᑉ ᐅᐂᓂᖃᐅᑎᑐᖃᖅ ᓱᕋᑐᐃᓐᓇᕐᓂᐊᕐᒪᒍ, ᐅᐂᓂᓗ ᑯᕕᑐᐃᓐᓇᕐᓂᐊᕐᐳᖅ, ᐅᐂᓂᖃᐅᑎᑐᖃᖅ ᐊᑐᕐᑐᒃᓴᐅᔪᓐᓃᕐᓗᓂ; ᐅᐂᓂᓕ ᓄᑖᖅ ᑯᕕᔭᐅᒍᓂ ᐅᐂᓂᖃᐅᑎᒧᑦ ᓄᑖᒧᑦ, ᑕᕝᕙ ᑖᒃᑯᐊᒃ ᑕᒪᕐᒥᒃ ᐊᓯᕈᖏᑦᑐᐃᓐᓇᐅᒐᔭᕐᐴᒃ.” ᐊᖓᔪᖅᑳᑉ ᐸᓂᖓ ᐊᕐᓇᐅᓪᓗ ᔩᓱᓯᐅᑉ ᐊᓐᓄᕌᖓᓂᒃ ᐊᒃᑐᕐᓯᓂᖓ ᒫᑯᓯ 5:21-43 ; ᓘᑲᓯ 8:40-56 18 ᔩᓱᓯ ᓱᓕ ᑕᒪᒃᑯᓂᖓ ᐅᖃᓪᓚᒃᑎᓪᓗᒍ, ᑕᑯᒋᑦ ᐊᖓᔪᖅᑳᒥᑦ ᐅᐸᒃᑕᐅᕗᖅ, ᔩᓱᓯᐅᑉ ᓵᖓᓄᑦ ᓰᖅᑯᕐᓗᓂ, ᐅᖃᕐᐳᖅ, “ᐸᓂᒐ ᑐᖁᕋᑖᕐᒪᑦ; ᐅᐸᓚᐅᕈᒃ ᐸᑎᒻᒥᔭᕐᑐᕐᓗᒍ, ᑕᕝᕙ ᐃᓅᓂᐊᕐᐳᖅ.” 19 ᔩᓱᓯ ᓂᑯᕕᓪᓗᓂ ᐊᖑᑦ ᒪᓕᓕᕐᐹ, ᐃᓕᓐᓂᐊᕐᑎᖏᓪᓗ ᒪᓕᒃᑭᕗᑦ. 20 ᑕᑯᒋᑦ ᐊᕐᓇᖅ ᐃᓗᐊᓐᖏᔪᑎᖃᕐᑐᖅ ᐊᐅᓈᖏᓐᓇᕐᓂᕐᒥᓄᑦ ᐊᕐᕌᒍᓂᒃ 12ᓂᒃ, ᔩᓱᓯ ᒪᓕᒡᓗᓂᐅᒃ ᑭᖑᓂᖓᓂᑦ, ᐊᓐᓄᕌᖓᑕ ᓯᓈᒍᑦ ᐊᒃᑐᕐᐹ. 21 ᐃᒫᒃ ᐃᓱᒪᖃᓕᕋᒥ, “ᐊᓐᓄᕌᖓᓘᓐᓃᑦ ᐊᒃᑐᕈᓐᓇᕈᒃᑯ, ᐋᖅᑭᒃᑕᐅᓂᐊᕐᐳᖓ.” 22 ᔩᓱᓯ ᑐᓄᒻᒧᑦ ᕿᕕᐊᕐᓗᓂ ᐊᕐᓇᖅ ᑕᑯᕚ, ᐅᖃᐅᑎᓪᓗᒍ, “ᐸᓃᒃ ᖁᕕᐊᓱᓕᕆᑦ! ᐅᒃᐱᕐᓂᕕᑦ ᐋᖅᑭᒃᐹᑎᑦ,” ᑕᕝᕙᑦᓮᓐᓇᖅ ᐊᕐᓇᖅ ᐋᖅᑭᒃᑕᐅᑦᓯᐊᕐᐳᖅ. 23 ᔩᓱᓯ ᑎᑭᐅᑎᕗᖅ ᐊᖓᔪᖅᑳᑉ ᐃᒡᓗᖓᓄᑦ ᐃᑎᕐᓗᓂ, ᓂᑦᔭᐅᓯᔭᕐᑐᓂᒡᓕ ᐃᓗᕕᕐᓯᔪᕐᓯᐅᑎᓄᑦ ᑕᑯᒐᒥ, ᐃᓄᖕᓂᒡᓗ ᓂᐱᖅᑯᕐᑐᔪᓂᒃ, 24 ᐅᖃᕐᐳᖅ, “ᐊᓂᓚᐅᕆᑦᓯ! ᐅᓇ ᓂᕕᐊᕐᓵᖅ ᑐᖁᖏᒻᒪᑦ ᓯᓂᑐᐃᓐᓇᕐᐳᕐᓕ!” ᑖᒃᑯᐊᓗ ᒥᑕᐅᑎᒋᓕᕐᐹᑦ. 25 ᐃᓄᐃᑦ ᐊᓂᖕᒪᑕ ᐃᒡᓗᒥᑦ, ᔩᓱᓯ ᓂᕕᐊᕐᓵᑉ ᓇᔪᕐᑕᖓᓄᐊᕐᐳᖅ ᐊᒡᒐᖏᑎᒍᑦ ᑎᒍᕚ, ᓂᕕᐊᕐᓵᖅ ᒪᑭᑉᐳᖅ. 26 ᑕᒪᓐᓇ ᐱᓂᐊᕐᓂᐅᕋᑖᕐᑐᖅ ᓯᐊᒻᒪᕐᑎᑕᐅᓕᕐᐳᖅ ᓇᒧᑐᐃᓐᓇᓕᒫᖅ ᑕᕝᕙᓂ ᓄᓇᖃᕐᑐᓄᑦ. ᔩᓱᓯᐅᑉ ᑕᐅᑐᖏᑦᑑᖕᓂᒃ ᑕᐅᑐᓕᕐᑎᑦᓯᓂᖓ 27 ᔩᓱᓯ ᑕᕝᕙᓐᖓᑦ ᕿᒪᕉᑎᓪᓗᓂ ᐱᓱᓕᕐᑎᓪᓗᒍ, ᑕᐅᑐᖏᑦᑐᒃ ᒪᕐᕉᒃ ᒪᓕᒃᓴᕐᐴᒃ, ᕾᒐᓛᕐᓗᑎᒃ ᐅᖃᕐᐴᒃ, “ᑍᕕᑎᐅᑉ ᐃᕐᓂᖓ ᓈᒃᑭᒋᑎᒍᒃ!” 28 ᔩᓱᓯ ᐃᒡᓗᒧᑦ ᐃᑎᕐᒪᑦ, ᑕᐅᑐᖏᑦᑑᒃ ᑕᕝᕗᓐᖓᕐᐴᒃ; ᔩᓱᓯᐅᑉ ᐊᐱᕆᕚᒃ, “ᐅᒃᐱᕈᓱᒃᐱᓰᒃ ᐃᓕᑦᓯᓐᓂᒃ ᑕᐅᑐᓕᕐᑎᑦᓯᔪᓐᓇᕐᓂᓐᓂᒃ?” ᑖᒃᑯᐊᒃ ᑭᐅᕘᒃ, “ᐅᒃᐱᕈᓱᒃᐳᒍᒃ, ᐊᑕᓃᖅ!” 29 ᐃᔨᖏᒃᑎᒃᑯᒡᓗ ᐊᒃᑐᕐᓗᒋᒃ ᐅᖃᕐᐳᖅ, “ᐅᒃᐱᕈᓱᖕᓂᓯᒃ ᒪᓕᒡᓗᒍ ᑍᒤᓕᕐᓕ.” 30 ᑖᒃᑯᐊᒃᓗ ᑕᐅᑐᓕᕐᐴᒃ. ᔩᓱᓯᐅᑉ ᐃᓂᕐᑎᒻᒪᕆᒃᓗᒋᒃ ᐅᖃᕐᐳᖅ, “ᑕᒪᓐᓇ ᑭᓇᑐᐃᓐᓇᒧᑦ ᖃᐅᔨᔭᐅᑎᑦᑍᓕᓯᒃᑯᒃ!” 31 ᑖᒃᑯᐊᒡᓕ ᑕᕝᕙᓐᖓᑦ ᐊᓂᒐᒥᒃ ᔩᓱᓯᐅᑉ ᐱᓂᐊᕐᓂᖓ ᐅᖃᐅᓯᕆᓕᕐᐹᒃ ᓇᒧᑐᐃᓐᓇᓕᒫᖅ ᑕᕝᕙᓂ ᓄᓇᖃᕐᑐᓄᑦ. ᔩᓱᓯᐅᑉ ᑐᓵᖏᑦᑐᒥᒃ ᑐᓵᓕᕐᑎᑦᓯᓂᖓ 32 ᑖᒃᑯᐊᒃ ᐊᖑᑏᒃ ᒪᕐᕉᒃ ᑕᕝᕙᓐᖓᑦ ᐊᓂᖕᒪᑎᒃ, ᔩᓱᓯᒧᐊᕈᑦᔨᔪᖃᕐᐳᖅ ᐊᖑᒻᒥᒃ ᐅᖃᕈᓐᓇᖏᑦᑐᒥᒃ, ᐊᓂᕐᓂᕐᓗᖕᒧᑦ ᐃᑎᕐᑕᐅᓯᒪᔪᒥᒃ. 33 ᐊᓂᕐᓂᕐᓗᒡᓕ ᐃᓄᖕᒥᑦ ᐊᓂᑎᑕᐅᖕᒪᑦ, ᑖᓐᓇ ᐅᖃᕈᓐᓇᖏᑦᑐᖅ ᐅᖃᓪᓚᓕᕐᐳᖅ, ᐃᓄᐃᓪᓗ ᑲᒪᓂᐊᒻᒪᕆᓕᕐᐳᑦ, ᐅᖃᕐᓗᑎᒃ, “ᑍᒫᒃ ᑕᑯᓚᐅᕐᓯᒪᖏᒻᒪᕆᒃᐳᒍᑦ ᐃᓴᕆᐊᓕᒥ!” 34 ᐹᕆᓯᓪᓕ ᐅᖃᓕᕐᐳᑦ, “ᐅᓇ ᐊᓂᕐᓂᕐᓗᒃᑐᑦ ᐊᖓᔪᖅᑳᖓᓐᓄᑦ ᐱᔪᓐᓇᕐᓂᖃᕐᑎᑕᐅᔪᖅ ᐊᓂᑎᑦᓯᔪᓐᓇᕐᓂᕐᒥᒃ ᑍᒤᑦᑐᓂᒃ.” ᔩᓱᓯᐅᑉ ᐃᓄᖕᓂᒃ ᓇᒡᓕᒍᓱᖕᓂᖓ 35 ᔩᓱᓯ ᓄᓇᓕᒃᑎᒍᑦ ᐃᒡᓗᒐᓴᒃᑎᒍᓪᓗ ᐃᖏᕐᕋᕗᖅ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᔪᕆᕐᑐᐃᕙᒡᓗᓂ, ᐅᖃᓪᓚᒡᓗᓂᓗ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᐃᓄᐃᓪᓗ ᖃᓄᑐᐃᓐᓇᖅ ᐋᓐᓂᐊᓖᑦ, ᖃᓂᒪᔪᓪᓗ ᐋᖅᑭᒃᐰᑦ. 36 ᐃᓄᒋᐊᒃᑐᕐᔪᐊᓪᓕ ᑕᑯᒐᒥᒋᑦ, ᐃᓚᑦᓱᒋᓕᕐᐰᑦ, ᐃᓱᒪᔮᕐᒪᑕ ᐃᑲᔪᕐᑎᒃᓴᖃᕐᑑᔮᕋᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ. 37 ᑍᒤᒻᒪᑦ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᐱᕈᕐᑐᑦ ᑲᑎᕐᓱᒐᒃᓮᑦ ᐊᖏᔫᕗᑦ, ᐱᓇᓱᐊᕐᑐᒃᓮᓪᓕ ᐊᒥᒐᕐᐳᑦ. 38 ᑍᒤᒻᒪᑦ ᐱᕈᕐᑐᑦ ᑲᑎᕐᓱᒐᒃᓴᑦ ᐊᑕᓂᖓᑦ ᑐᒃᓯᐊᕐᕕᒋᓯᐅᒃ ᑎᓕᓯᖁᓪᓗᒍ ᐱᓇᓱᐊᕐᑐᒃᓴᓂᒃ, ᑲᑎᕐᓱᐃᓂᐊᕐᑐᓂᒃ ᐱᕈᕐᑐᓂᒃ ᓇᑲᑎᕆᕕᖕᒥ.” |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society