ᒫᑎᐅᓯᐅᑉ ᐊᒡᓚᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᓪᓗᕆᐊᓂᒃ ᐃᓕᓯᒪᔪᑦ ᑕᑯᔭᕐᑐᕐᓂᖓᑦ ᔩᓱᓯᒥᒃ

¹ ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

² ᐊᐱᕆᓪᓗᑎᒡᓗ, “ᔫᑎᑦ ᐊᖓᔪᖅᑳᕐᔪᐊᒃᓴᖓᑦ ᐃᕐᓂᐊᖑᓯᒪᔪᖅ ᓇᓃᑉᐹ? ᑖᑦᓱᒪ ᐅᓪᓗᕆᐊᖓ ᓴᖅᑭᓚᐅᕐᒪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᑎᑭᑉᐳᒍᑦ ᐅᐱᒋᔭᕐᑐᕐᓗᒍ.”

³ ᐃᕉᑕᓯ ᑕᒪᑐᒥᖓ ᑐᓴᕋᒥ, ᖁᐊᕐᓵᕐᐳᖅ, ᔨᕉᓴᓕᒻᒥᐅᓪᓗ ᑕᒪᕐᒥᒃ;

⁴ ᐃᕉᑕᓯᐅᓪᓕ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓕᒫᖏᑦ ᐱᖁᔭᓂᒡᓗ ᐃᓕᓮᔩᑦ ᕾᖁᓪᓗᒋᑦ ᐊᐱᕐᓱᕐᐰᑦ, “ᓇᓂ ᙭ᔅᑑᓯ ᐃᕐᓂᐊᖑᓂᐊᕐᓂᕋᕐᑕᐅᓯᒪᕙ?”

⁵ ᑖᒃᑯᐊ ᑭᐅᕚᑦ, “ᐱᑦᓕᐊᒥ ᔫᑎᐊᒦᑦᑐᒥ; ᐃᒫᒃ ᓇᓚᐅᑍᔪᖅ ᑎᑎᕋᕐᓯᒪᖕᒪᑦ:

⁶ ‘ᐃᕝᕕᑦ ᐱᑦᓕᐊᒻ, ᓄᓇᒥ ᔫᑕᒦᑦᑐᑎᑦ, ᒥᑭᓐᓂᕐᐸᐅᓐᖏᓚᑎᑦ ᐃᒡᓗᒐᓴᒡᔪᐊᓂᑦ ᐊᖏᓂᕐᐸᐅᔪᓂᑦ ᔫᑕᒥ; ᐃᓕᖕᓂᑦ ᐊᐅᓚᑦᓯᔨᒃᓴᖅ ᐱᔪᒫᕐᒪᑦ ᑖᑦᓱᒪ ᐃᓄᖁᑎᒃᑲ ᐃᓴᕆᐊᓕᒥᐅᑦ ᑕᓯᐅᕈᒫᕐᒪᒋᑦ.’”

⁷ ᑕᕝᕙ ᐃᕉᑕᓯᐅᑉ ᐅᓪᓗᕆᐊᓂᒃ ᐃᓕᓯᒪᔪᑦ ᐃᔨᕋᕐᑐᕐᓗᓂ ᑲᑎᒪᖃᑎᒋᓪᓗᒋᑦ, ᑐᑭᓯᕕᒋᕔᑦ ᖃᖓᓪᓚᕆᒃ ᐅᓪᓗᕆᐊᖅ ᓴᖅᑭᓚᐅᕐᒪᖔᑦ.

⁸ ᑭᖑᓂᖓᒍᑦ ᐱᑦᓕᐊᒧᑦ ᑎᓕᕔᑦ, ᐅᖃᐅᑎᓪᓗᒋᑦ, “ᓄᑕᕋᖅ ᓇᓃᒻᒪᖔᑦ ᕿᓂᑦᓯᐊᕐᓯᐅᒃ, ᓇᓂᒍᑦᓯᐅᒡᓗ, ᖃᐅᔨᑎᓐᓂᐊᕐᐸᑦᓯᓐᖓ, ᐅᕙᖓᑦᑕᐅᖅ ᐅᐱᒋᔭᕐᑐᕈᒪᒐᒃᑯ.”

⁹ ᐊᖓᔪᖅᑳᕐᔪᐊᖅ ᑍᒫᒃ ᐅᖃᕇᕐᒪᑦ, ᑖᒃᑯᐊ ᑕᕝᕙᓐᖓᑦ ᐊᐅᓪᓚᕐᐳᑦ, ᐃᖏᕐᕋᓕᕐᑎᓪᓗᒋᑦ ᐅᓪᓗᕆᐊᖅ ᑕᑯᓚᐅᕐᑕᑎᒃ ᑕᑯᒋᕚᑦ.

¹⁰ ᑕᑯᒐᒥᑦᔪᒃ ᖁᕕᐊᓱᒻᒪᕆᒃᐳᑦ, ᐅᓪᓗᕆᐊᖅ ᓯᕗᓕᕆᕚᑦ, ᓄᑕᕋᑯᓘᑉ ᓇᔪᕐᑕᖓᑕ ᖁᓛᓄᐊᕋᒥ ᓄᖅᑲᕐᐳᖅ.

¹¹ ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.

¹² ᑭᖑᓂᖓᒍᑦ ᓄᓇᒥᖕᓄᑦ ᐅᑎᕐᐳᑦ ᐊᖅᑯᑎᒋᓚᐅᕐᑕᒥ ᐊᓯᐊᒍᑦ, ᒎᑎᐅᑉ ᓯᓐᓇᒃᑑᒪᒃᑯᑦ ᐃᓂᕐᑎᓚᐅᕐᒪᒋᑦ ᐃᕉᑕᓯᒧᑦ ᐅᑎᖁᓇᒋᑦ.

ᔩᓱᓯᐅᑉ ᕿᒪᐅᑦᔭᐅᓂᖓ ᐄᑦᔨᑉᑎᒧᑦ

¹³ ᐊᐅᓪᓚᕐᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᓂᐊᓕᕐᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᕐᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᓂ.”

¹⁴ ᔫᓯᐱ ᒪᑭᓐᓇᒥ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐅᓐᓄᐊᖑᑎᓪᓗᒍ ᐊᐅᓪᓚᕐᐳᑦ, ᐄᑦᔨᑉᑎᒧᑦ ᕿᒫᓪᓗᑎᒃ,

¹⁵ ᑕᕝᕙᓃᓚᐅᕐᐳᑦ ᐃᕉᑕᓯ ᑐᖁᓚᐅᖏᓐᓂᖓᓂ; ᑕᒪᓐᓇ ᐱᓂᐊᕐᓂᐅᓚᐅᕐᐳᖅ ᐊᑕᓂᐅᑉ ᐅᖃᐅᓯᕆᓯᒪᔭᖏᑦ ᓇᓚᐅᑦᑍᔪᖁᑦ ᓇᓚᐅᑦᓯᖁᓪᓗᒋᑦ, ᐃᒤᓕᔪᑦ: “ᐃᕐᓂᕋ ᑬᖁᓚᐅᕐᐸᕋ ᐄᑦᔨᑉᑎᒥᑦ.”

ᓄᑕᕅᑦ ᑐᖁᕋᕐᑕᐅᓂᖏᑦ

¹⁶ ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

¹⁷ ᑍᒤᓕᐅᕐᑎᓪᓗᒋᑦ ᓇᓚᐅᑦᑍᔫᑉ ᔨᕆᒤᐊᐅᑉ ᐅᖃᐅᓯᖏᑦ ᓇᓚᐅᑦᓯᓚᐅᕐᐳᑦ ᐃᒤᓕᔪᑦ:

¹⁸ “ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕕᒃᔪᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᖅ ᕿᑐᕐᖓᖏᑦ ᓄᖑᑕᐅᖕᒪᑕ.”

ᔫᓯᐱᒃᑯᑦ ᓈᓴᕇᑎᒧᑦ ᐅᑎᕐᓂᖓᑦ ᐄᑦᔨᑉᑎᒥᑦ

¹⁹ ᐃᕉᑕᓯ ᑐᖁᖕᒪᑦ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ ᐄᑦᔨᑉᑎᒦᑎᓪᓗᒍ ᓱᓕ, ᐅᖃᐅᑎᓪᓗᒍ,

²⁰ “ᒪᑭᓪᓗᑎᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐅᑎᓕᕆᑦᓯ ᐃᓴᕆᐊᓕᐅᑉ ᓄᓇᖓᓄᑦ, ᓄᑕᕋᑯᓗᖕᒥᒃ ᑐᖁᑦᓯᓇᓱᓚᐅᕐᑐᑦ ᑐᖁᖕᒪᑕ.”

²¹ ᔫᓯᐱ ᒪᑭᓐᓇᒥ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ, ᐃᓴᕆᐊᓕᐅᑉ ᓄᓇᖓᓄᑦ ᐅᑎᕐᐳᑦ.

²² ᔫᓯᐱ ᑐᓴᕋᒥ ᐋᑭᓚᐅᓯᐅᑉ ᐊᖓᔪᖅᑳᕐᔪᐊᖑᓕᕐᓂᖓᓂᒃ ᔫᑎᐊᒥ, ᐊᑖᑕᒥᓂᒃ ᐃᕉᑕᓯᒥᒃ ᐃᓇᖐᓪᓗᓂ, ᑕᕝᕗᓐᖓᕆᐊᒃᓴᖅ ᓯᕘᕋᓕᕐᐳᖅ, ᓯᓐᓇᒃᑑᒪᒃᑯᓪᓕ ᒎᑎᐅᑉ ᐅᖃᐅᑎᖕᒥᖕᒪᒍ, ᓄᓇᒧᑦ ᒐᓕᓕᐊᒧᑦ ᓴᖑᕗᖅ,

²³ ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᕐᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᒥᒃ ᑍᔭᐅᔪᒫᕐᐳᖅ.”