ᒪᓚᑬᑉ ᐊᒡᓚᖏᑦ 4 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᑕᓂᐅᑉ ᐅᓪᓗᖓᑕ ᑎᑭᓕᕐᓂᖓ

¹ “ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

² ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

³ ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

⁴ “ᐃᖅᑲᐅᒪᒋᑦᓯ ᒨᓯᓯᐅᑉ ᐱᔨᒪ ᐱᖁᔭᖏᓐᓂᒃ, ᐊᑐᕐᑕᐅᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᑐᓂᓯᕕᒋᓚᐅᕋᒃᑯ ᕼᐆᕆᑉᒥ ᐃᓴᕆᐊᓕᒥᐅᓕᒫᓄᑦ ᐱᐅᓯᐅᖁᔭᓐᓂᒃ.

⁵ “ᑕᑯᒋᑦ, ᐃᓔᑦᔭᒥᒃ ᐅᖃᕐᑎᓐᓂᒃ ᑎᓕᓯᕕᒋᔪᒫᕐᐸᑦᓯ ᐊᑕᓂᐅᑉ ᐅᓪᓗᕐᔪᐊᖓ ᓯᕘᕋᓇᕐᑐᕐᔪᐊᖅ ᑎᑭᓚᐅᖅᑳᕐᑎᓐᓇᒍ.

⁶ ᐊᑖᑕᐅᔪᓪᓗ ᐆᒻᒪᑎᖏᑦ ᕿᑐᕐᖓᒥᓄᑦ ᓵᑎᑦᓱᒫᕐᐰᑦ, ᕿᑐᕐᖓᐅᔪᓪᓗ ᐆᒻᒪᑎᖏᑦ ᐊᑖᑕᖏᓐᓄᑦ ᓵᑎᓪᓗᒋᑦ, ᑍᒤᓐᓂᐊᖏᑉᐸᑕ ᑎᑭᓪᓗᖓ ᓄᓇᓯ ᓱᒋᐊᕈᒫᕐᐸᕋ.”