ᓘᑲᓯᐅᑉ ᐊᒡᓚᖏᑦ 21 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᐃᒡᒐᕐᓂᐅᑉ ᑐᓂᓯᓂᖓ

¹ ᔩᓱᓯ ᑕᑯᓴᕋᒥ ᐊᔪᕐᓴᖏᑦᑐᓂᒃ ᑕᑯᕗᖅ ᑐᓂᕐᕈᑎᒥᖕᓂᒃ ᐴᕐᓯᖃᑦᑕᕐᑐᓂᒃ ᑐᒃᓯᐊᕐᕕᒡᔪᐊᑉ ᑐᓂᕐᕈᓯᕐᕕᖓᓄᑦ;

² ᐊᒻᒪ ᑕᑯᒋᕗᖅ ᐅᐃᒡᒐᕐᓂᕐᒥᒃ ᐊᔪᕐᓴᕐᑐᒥᒃ ᑐᓂᓯᔪᒥᒃ ᑮᓇᐅᔮᑯᓘᖕᓂᒃ ᑲᓐᓄᔮᖕᓂᒃ ᒪᕐᕉᖕᓂᒃ.

³ ᔩᓱᓯ ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐅᓇ ᐅᐃᒡᒐᕐᓂᖅ ᐊᔪᕐᓴᕐᑐᖅ ᑐᓂᓯᓂᕐᓴᐅᕗᖅ ᐊᓯᓕᒫᒥᓂᑦ;

⁴ ᐊᓯᖏᑦ ᑐᓂᓯᖕᒪᑕ ᐊᑐᕐᓂᐊᖏᑕᒥᖕᓂᒃ; ᐅᓇᓕ ᐊᕐᓇᖅ ᐊᔪᕐᓴᕐᑑᒐᓗᐊᕐᓗᓂ ᐱᑦᔪᑎᒃᓴᑐᐊᒥᓂᒃ ᑕᒤᓐᓂᒃ ᑐᓂᓯᕗᖅ.”

ᔩᓱᓯᐅᑉ ᐅᖃᐅᓯᖃᕐᓂᖓ ᑐᒃᓯᐊᕐᕕᒡᔪᐊᑉ ᓯᖁᑦᑎᕐᑕᐅᔪᒫᕐᓂᖓᓂᒃ

⁵ ᐃᓕᓐᓂᐊᕐᑎᖏᑕ ᐃᓚᖏᑦ ᐅᖃᖃᑎᒌᒍᑎᖃᓚᐅᕐᐳᑦ ᑐᒃᓯᐊᕐᕕᒡᔪᐊᕐᒥᒃ, ᑕᑯᒥᓇᕐᓂᖓ ᐅᖃᐅᓯᕆᓪᓗᒍ, ᐅᔭᕅᓪᓗ ᓴᓇᓯᒪᑦᓯᐊᕐᓂᖏᓐᓂᒃ, ᒎᑎᒧᑦ ᑐᓂᕐᕈᑎᒋᔭᐅᕙᒃᑐᑦ ᐱᓪᓗᒋᑦ, ᔩᓱᓯᓕ ᐅᖃᕐᐳᖅ,

⁶ “ᑕᑯᔭᓯ ᑕᒪᒃᑯᐊ, ᐅᓪᓗᓂ ᓇᓪᓕᐅᑎᔪᒫᕐᑐᓂ ᐅᔭᕋᓕᒫᑦᓯᐊᑦ ᐊᑕᐅᓯᕐᒥᒡᓘᓐᓃᑦ ᐃᓂᒋᔭᒥᓂ ᐃᓕᓯᒪᔪᖃᕈᓐᓃᕈᒫᕐᐳᑦ ᐅᕐᕉᑎᑕᐅᔪᒫᕐᒪᑕ.”

ᑲᑉᐱᐊᓇᕐᑐᑦ ᐊᑭᕋᕐᑐᕐᑕᐅᓂᕐᓗ

⁷ ᐃᓕᓐᓂᐊᕐᑎᖏᑕ ᐊᐱᕆᕚᑦ, “ᐊᔪᕆᕐᑐᐃᔩ, ᖃᖓ ᑕᒪᒃᑯᐊ ᑍᒤᑦᓱᒫᕐᐸᑦ? ᖃᓄᖅ ᓇᓗᓁᒃᑯᑕᖃᕈᒫᕐᐸᑦ ᐱᒋᐊᓕᕈᑎᒃ?”

⁸ ᔩᓱᓯ ᐅᖃᕐᐳᖅ, “ᖃᐅᔨᓴᕆᑦᓯ ᓯᓔᕐᕆᔭᐅᖁᓇᓯ; ᐊᒥᓱᑦ ᑎᑭᑦᓱᒫᕐᒪᑕ ᐅᕙᓐᓄᑦ ᐱᔨᐅᓂᕋᕐᑐᑦ, ᐅᖃᕐᓗᑎᒃ, ‘ᑖᓐᓇᐅᕗᖓ ᙭ᔅᑑᓯ!’ ᐊᒻᒪᓗ, ‘ᒫᓐᓇ ᐱᕕᒃᓴᖓ ᓇᓪᓕᐅᑎᕗᖅ!’ ᑖᒃᑯᐊ ᒪᓕᖕᓂᐊᕋᓯᐅᒃ.

⁹ ᐅᓇᑕᕐᑐᓂᒃ ᑐᓴᕈᑦᓯ ᓵᓚᒋᖃᑦᑕᐅᑎᓇᓱᒃᑐᓂᒃ, ᓯᕘᕋᓂᐊᕋᓯ; ᑕᒪᒃᑯᐊ ᓯᕗᓪᓕᐅᔭᕆᐊᖃᕐᒪᑕ, ᓯᓚᕐᔫᓪᓕ ᐃᓱᐊ ᓱᓕ ᓇᓪᓕᐅᑎᓐᖏᓚᖅ.”

¹⁰ ᔩᓱᓯ ᑕᕝᕙ ᐅᖃᓕᕐᐳᖅ, “ᐃᓅᖃᑎᒌᒡᔪᐊᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ ᐅᓇᑕᕈᒫᕐᐳᑦ, ᐊᖓᔪᖅᑳᕐᔪᐊᖃᕐᕖᑦ ᐊᓯᒥᖕᓄᑦ ᐊᖓᔪᖅᑳᕐᔪᐊᖃᕐᕕᖕᓄᑦ ᐅᓇᑕᕈᒫᕐᐳᑦ;

¹¹ ᓄᓇ ᐊᖏᔪᒥᒃ ᓴᔪᒃᐱᓗᖃᑦᑕᕈᒫᕐᐳᖅ ᓇᐅᒃᑯᑐᐃᓐᓇᖅ, ᑳᖕᓇᕐᑐᐊᓘᖃᑦᑕᕐᓗᓂ ᓇᓂᑐᐃᓐᓇᖅ ᐋᓐᓂᐊᓇᕐᑐᖃᕐᐸᒡᓗᓂᓗ; ᑲᑉᐱᐊᓇᕐᑐᓂᒃ ᖃᐅᔨᔭᕆᐅᕐᓇᕐᑐᓂᒃ ᓴᖅᑭᑦᑐᖃᕈᒫᕐᐳᖅ ᕿᓚᖕᒥᑦ.

¹² ᑕᒪᒃᑯᐊ ᐱᓚᐅᖅᑳᕐᑎᓐᓇᒋᑦ ᑎᒍᔭᐅᔪᒫᕐᐳᓯ, ᐊᑭᕋᕐᑐᕐᑕᐅᓗᓯ, ᐋᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ ᑎᒍᔭᐅᓯᒪᕕᖕᒧᐊᕐᑕᐅᔪᒫᕐᐳᓯᓗ, ᐊᖓᔪᖅᑳᕐᔪᐊᓄᑦ ᐊᐅᓚᑦᓯᔨᓄᓪᓗ ᐱᑎᑕᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ.

¹³ ᑍᒤᑕᐅᓕᕐᑎᓪᓗᓯ ᐱᕕᒃᓴᖃᕈᒫᕐᐳᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᕐᓗᓯ.

¹⁴ ᐃᓱᒪᔮᕐᓂᐊᕋᓯ, ᖃᓄᖅ ᐅᖃᐅᓯᒃᓴᖃᕐᓂᐊᕐᒪᖔᑦᓯ;

¹⁵ ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

¹⁶ ᑎᒍᔭᐅᑎᑕᐅᔪᒫᕐᐳᓯ ᐊᖓᔪᖅᑳᑦᓯᓐᓂᑦ, ᖃᑕᓐᖑᑎᑦᓯᓐᓂᓪᓗ, ᐃᓚᑦᓯᓐᓂᓪᓗ ᓇᖕᒥᓂᑦᓯᓐᓂᑦ, ᐃᓚᓐᓈᕆᔭᑦᓯᓐᓂᓪᓗ, ᐃᓚᖏᑦ ᐃᓚᓯ ᑐᖁᑕᐅᔪᒫᕐᐳᑦ.

¹⁷ ᑕᒤᓐᓄᑦ ᐆᒥᒋᔭᐅᔪᒫᕐᐳᓯ ᐅᕙᖓ ᐱᑦᔪᑎᒋᓗᖓ,

¹⁸ ᓂᐊᖁᑦᓯᓐᓂ ᐊᑕᐅᓯᕐᒥᒃᓘᓃᑦ ᓄᔭᒥᒃ ᐊᓯᐅᔪᖃᕐᓂᐊᓐᖏᓚᖅ.

¹⁹ ᕿᓄᐃᓵᕐᓂᑦᓯᓐᓄᑦ ᑭᓯᐊᓂ ᐃᓕᑦᓯᓐᓂᒃ ᐱᐅᓕᔪᒫᕐᐳᓯ.”

ᔩᓱᓯᐅᑉ ᐅᖃᐅᓯᖃᕐᓂᖓ ᔨᕉᓴᓕᐅᑉ ᓯᖁᑦᑎᕐᑕᐅᔪᒫᕐᓂᖓᓂᒃ

²⁰ “ᔨᕉᓴᓕᒻ ᑕᑯᒍᑦᓯᐅᒃ ᐅᓇᑕᕐᑐᒃᓴᓄᑦ ᐃᓗᒪᔭᐅᔪᖅ, ᖃᐅᔨᔪᒫᕐᐳᓯ ᑕᕝᕙ ᓯᖁᑦᑎᕐᑕᐅᕕᒃᓴᖓ ᖃᒡᓕᖕᒪᑦ.

²¹ ᑕᕝᕙ ᑍᒤᓕᕐᐸᑦ ᔫᑎᐊᒥ ᓄᓇᖃᕐᑐᑦ ᖃᖅᑲᓄᑦ ᕿᒫᔭᕆᐊᖃᓕᕈᒫᕐᐳᑦ, ᐃᒡᓗᒐᓴᒡᔪᐊᓂᓗ ᓄᓇᖃᕐᑐᑦ ᐊᐅᓪᓚᕆᐊᖃᓕᕐᓗᑎᒃ, ᐃᒡᓗᒐᓴᒡᔪᐊᑦ ᐊᓯᐊᓂ ᓄᓇᖃᕐᑐᑦ ᐃᒡᓗᒐᓴᒡᔪᐊᓄᑦ ᐃᑎᕋᓱᐊᕐᑐᒃᓴᐅᓐᖏᓚᑦ.

²² ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

²³ ᐊᖏᔪᒥᒃ ᑲᑉᐱᐊᓇᕈᒫᕐᐳᖅ ᑖᒃᑯᓇᓂ ᐅᓪᓗᓂ ᐊᕐᓇᓄᑦ ᓄᑕᕋᒃᓴᖃᕐᑐᓄᑦ, ᓄᑕᕋᓛᖃᕐᑐᓄᓪᓗ! ᓄᓇᕐᔪᐊᕐᒥ ᑲᑉᐱᐊᓇᕐᑐᖃᕈᒫᕐᒪᑦ ᐊᖏᔪᒥᒃ ᒎᑎᐅᓪᓗ ᓂᓐᖓᐅᓯᖓ ᑎᑭᐅᑎᔪᒫᕐᒪᑦ ᐃᓄᖕᓄᑦ ᑖᒃᑯᓄᖓ.

²⁴ ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᐃᓅᑉ ᐃᕐᓂᖓᑕ ᑎᑭᓐᓂᒃᓴᖓ

²⁵ “ᑲᒪᓇᕐᑐᖃᕈᒫᕐᐳᖅ ᓯᕿᓂᕐᒥ ᑕᖅᑭᕐᒥᓗ ᐅᓪᓗᕆᐊᓂᓗ, ᓄᓇᕐᔪᐊᕐᒥᓗ ᐃᓅᖃᑎᒌᒡᔪᐊᓕᒫᑦ ᓇᓗᓕᕐᓇᕐᑐᒦᑦᓱᒫᕐᐳᑦ ᑲᑉᐱᐊᓱᒻᒪᕆᒡᓗᑎᒡᓗ ᐃᒪᕐᔪᐊᑉ ᐃᒃᑑᓕᔮᕐᓂᖓᓄᑦ ᐃᖏᐅᓕᐊᓗᖕᓄᓪᓗ.

²⁶ ᐃᓄᐃᑦ ᓄᑭᖃᕈᓐᓃᕈᒫᕐᐳᑦ ᑲᑉᐱᐊᓱᖕᓂᕐᒧᑦ ᐅᑕᖅᑭᓂᕐᒧᓪᓗ ᓄᓇᕐᔪᐊᕐᒧᑦ ᑎᑭᑉᐸᓪᓕᐊᔪᑦ ᐱᓪᓗᒋᑦ; ᕿᓚᐅᑉ ᐱᔪᓐᓇᕐᓂᖏᑦ ᐊᐅᓚᑕᐅᔪᒫᕐᒪᑕ.

²⁷ ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᕾᔪᖅ ᐱᔪᓐᓇᕐᓂᕐᔪᐊᖃᕐᑐᖅ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

²⁸ ᑕᒪᒃᑯᐊ ᐱᕙᓪᓕᐊᓕᕐᐸᑕ, ᖁᒻᒧᑦ ᑕᑯᓴᓕᕆᑦᓯ, ᐱᐅᓕᔭᐅᕕᒃᓴᓯ ᖃᒡᓕᖕᒪᑦ.”

ᓇᐹᕐᑑᑉ ᐸᐅᕐᖓᓕᐅᑉ ᐃᓕᓐᓂᐊᕈᑎᒃᓴᐅᓂᖓ

²⁹ ᔩᓱᓯᐅᑉ ᐊᑦᔨᐅᔪᒥᒃ ᐅᖃᐅᑎᕔᑦ, “ᓇᐹᕐᑐᖅ ᐸᐅᕐᖓᓕᒃ ᐃᓱᒪᒋᓕᕐᓯᐅᒃ, ᓇᐹᕐᑐᓕᒫᓪᓗ ᐊᓯᖏᑦ.

³⁰ ᐅᖃᐅᔭᖏᑦ ᐱᕈᓕᕐᐸᑕ, ᖃᐅᔨᒪᕙᒃᐳᓯ ᐊᐅᔭᓪᓚᕆᓐᖑᕐᓂᐊᕐᑐᖅ ᖃᓂᑦᑑᓕᕐᒪᑦ.

³¹ ᑍᒫᒃᑕᐅᖅ, ᑕᒪᒃᑯᐊ ᐱᕙᓪᓕᐊᔪᑦ ᑕᑯᓕᕈᑦᓯᐅᒃ, ᖃᐅᔨᒪᑦᔪᑎᒋᓂᐊᕐᐸᓯ ᒎᑎᐅᑉ ᐊᑕᓂᐅᕕᖓᑕ ᖃᓂᑦᑑᓕᕐᓂᖓᓂᒃ.

³² “ᓱᓕᔪᒥᒃ ᐅᖃᐅᑎᕙᑦᓯ, ᑕᒪᒃᑯᐊᓕᒫᑦ ᓇᓪᓕᐅᑎᔪᒫᕐᐳᑦ ᐃᓄᐃᑦ ᒫᓐᓇ ᐃᓅᔪᑦ ᑐᖁᔪᐃᓐᓇᐅᓚᐅᖅᑳᕐᑎᓐᓇᒋᑦ.

³³ ᕿᓚᒡᓗ ᓄᓇᓗ ᓄᖑᔪᒫᕐᐴᒃ, ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᖃᐅᔨᓴᑦᓯᐊᕆᐊᖃᕐᓂᖅ

³⁴ “ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

³⁵ ᑕᒪᓐᓇ ᑎᑭᑦᓱᒫᕐᒪᑦ ᐃᓄᓕᒫᓄᑦ ᓄᓇᕐᔪᐊᕐᒦᑦᑐᓄᑦ.

³⁶ ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

³⁷ ᖃᐅᑕᒫᑦ ᔩᓱᓯ ᐊᔪᕆᕐᑐᐃᖃᑦᑕᕐᐳᖅ ᑐᒃᓯᐊᕐᕕᒡᔪᐊᕐᒥ, ᐅᓐᓄᒑᖓᓪᓕ ᐊᓂᕙᒃᓗᓂ ᐅᓐᓄᐊᓕᒫᖅ ᖃᖅᑲᒦᑉᐸᒃᓗᓂ ᓇᐹᕐᑐᓕᖕᒥ ᐸᐅᕐᖓᖃᕐᐸᒃᑐᓂᒃ ᐅᕐᓱᒃᓴᐅᔪᓐᓇᕐᑐᓂᒃ.

³⁸ ᖃᐅᑕᒫᑦ ᐅᓪᓛᕌᕐᔪᒃᑯᑦ ᐃᓄᓕᒫᑦ ᑐᒃᓯᐊᕐᕕᒡᔪᐊᕐᒧᐊᖃᑦᑕᕐᐳᑦ ᑐᓵᔭᕐᑐᕐᓗᑎᒃ ᑖᑦᓱᒥᖓ.