ᒨᓯᓯ ᐱᖓᔪᖏᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᕕᓂᕐᓗᒃᑐᕕᓂᐅᑉ ᓴᓗᒻᒪᕐᓂᕋᕐᑕᐅᓂᖓ

¹ ᐊᑕᓂᐅᑉ ᒨᓯᓯ ᐅᖃᐅᑎᕚ,

² “ᐅᑯᐊ ᑕᕝᕙ ᐱᖁᔧᑦ ᐃᓅᑉ ᐅᕕᓂᕐᓗᒃᑑᑉ ᐸᕐᑎᕐᑑᑉ ᓴᓗᒻᒪᕐᓂᕋᕐᑕᐅᓂᖓᑕ ᐃᓕᖅᑯᓯᖅ ᒪᓕᒡᓗᒍ, ᑐᓂᕐᕈᓯᕐᑎᑦᓯᔨᒧᑦ ᕾᑎᑕᐅᒃᐸᑦ.

³ ᑐᓂᕐᕈᓯᕐᑎᑦᓯᔨ ᓄᓇᓖᑦ ᓯᓚᑖᓄᐊᕐᓗᓂ ᐅᕕᓂᕐᓗᒃᑐᒥᒃ ᖃᐅᔨᓴᕆᐊᕐᑐᕐᑐᒃᓴᐅᕗᖅ. ᐃᓄᒃ ᐅᕕᓂᕐᓗᖕᓂᕐᒥᓂᑦ ᐱᔪᓐᓃᕐᐸᑦ,

⁴ ᑐᓂᕐᕈᓯᕐᑎᑦᓯᔨᐅᑉ ᕾᑦᓯᖁᒐᔭᕐᐹ ᒪᕐᕉᖕᓂᒃ ᑎᖕᒥᐊᖕᓂᒃ ᓴᓗᒪᔫᖕᓂᒃ, ᓇᐹᕐᑐᕕᓂᕐᒥᒡᓗ ᕿᔪᖕᒥᒃ ᓰᑕᕆᒥᒃ ᐊᑎᓕᖕᒥᒃ, ᓄᕕᕐᓵᒃᓴᒥᒡᓗ ᐊᐅᐸᕐᑐᒥᒃ, ᓇᐹᕐᑑᓪᓗ ᕼᐊᓯᐱᐅᑉ ᐊᕙᓚᖓᔪᖓᓂᒃ, ᓴᓗᒻᒪᕐᓴᕐᑕᐅᑦᔪᑎᒃᓴᒥᓂᒃ ᑖᒃᑯᓂᖓ.

⁵ ᑐᓂᕐᕈᓯᕐᑎᑦᓯᔨ ᐱᖁᔨᔭᕆᐊᖃᕐᐳᖅ ᑎᖕᒥᐊᑯᓘᑉ ᐱᖃᑖ ᑐᖁᑕᐅᖁᓪᓗᒍ ᐅᔭᕋᐅᑉ ᐅᐊᓴᕐᕕᐅᑉ ᐃᒥᕐᑕᕐᕕᖕᒥᒃ ᐃᒪᓕᐅᑉ ᖁᓛᓂ.

⁶ ᑕᕝᕙ ᑎᖕᒥᐊᑯᓗᒃ ᐆᒪᔪᖅ ᒥᓱᒃᓗᓂᐅᒃ, ᕿᔪᒃ ᐱᖃᓯᐅᑎᓗᒍ ᓰᑕᕆᒥᒃ ᐊᑎᓕᒃ, ᓄᕕᕐᓵᒃᓴᕐᓗ ᐊᐅᐸᓪᓚᕆᒃᑐᖅ, ᓇᐹᕐᑑᓪᓗ ᐊᕙᓚᖓᔪᐊ ᕼᐊᓯᐱᒥᒃ ᐊᑎᓕᒃ, ᑖᒃᑯᐊ ᒥᓱᒡᓗᒋᑦ ᐅᐊᓴᕐᕕᖕᒧᑦ ᑎᖕᒥᐊᑯᓘᑉ ᐊᐅᖓᓂᒃ ᐃᒪᓕᖕᒧᑦ ᑐᖁᑕᐅᕋᑖᕐᑐᒧᑦ ᐅᐊᓴᕐᕕᐅᑉ ᖁᓛᓂ.

⁷ ᓯᕐᐸᕐᓴᕐᕕᒋᔭᒃᓴᕆᕚ 7ᐃᕐᓱᕐᓗᒍ ᓴᓗᒻᒪᕐᓂᕋᕐᑕᐅᔪᖅ ᑍᒤᓕᐅᕇᕈᓂᐅᒡᓗ ᓴᓗᒻᒪᓂᕋᓕᕐᓗᒍ ᐅᖃᕐᑐᒃᓴᐅᕗᖅ. ᑕᕝᕙ ᑎᖕᒥᐊᑯᓘᑉ ᐂᑉᐸᖓ ᑎᖏᑎᑕᒃᓴᕆᕚ ᓯᓚᒥ.

⁸ ᐃᓅᑉ ᓴᓗᒻᒪᕐᓴᕐᑕᐅᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ, ᓄᔭᓂ ᒥᖅᑯᓂᓗ ᑕᒪᕐᒥᒃ ᓴᓕᔭᕆᐊᖃᕐᐰᑦ ᐃᒥᕐᒧᓪᓗ ᐅᐊᓴᕐᓗᓂ; ᑕᕝᕙ ᐃᓕᖅᑯᓯᖅ ᒪᓕᒡᓗᒍ ᓴᓗᒪᓂᕋᕐᑕᐅᓂᐊᕐᐳᖅ. ᑍᒤᓕᐅᕇᕈᓂ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓯᕗᖅ, ᑭᓯᐊᓂ ᐃᓚᒥᓂ ᓇᔫᑎᔭᕆᐊᖃᓐᖏᓚᖅ ᐅᓪᓗᓂᒃ 7ᓂᒃ.

⁹ ᐅᓪᓗᑦ 7ᖓᓐᓂ ᓂᐊᖁᓂ ᓴᓕᑦᓯᐊᕆᐊᖃᕐᐹ, ᐅᓐᖏᔭᑦᓯᐊᕐᓗᓂᓗ ᖃᓪᓗᐃᔭᕐᓗᓂᓗ, ᑎᒥᒥᓃᑦᑐᓪᓗ ᒥᖅᑯᐃᑦ ᓴᓕᓗᒋᑦ. ᐊᓐᓄᕌᓂ ᐅᐊᓴᕐᓗᒋᑦ, ᐅᕕᓂᓕᒫᓂᓗ ᐅᐊᓴᕐᓗᓂᐅᒃ ᐃᒥᕐᒧᑦ, ᑕᕝᕙ ᓴᓗᒪᓂᕋᕐᑕᐅᓂᐊᕐᐳᖅ.

¹⁰ “ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

¹¹ ᑐᓂᕐᕈᓯᕐᑎᑦᓯᔨ ᑖᑦᓱᒥᖓ ᑲᒪᔫᑉ ᑖᒃᑯᐊ ᐋᑕᒃᓴᕆᕔᑦ, ᓴᓗᒻᒪᕐᑎᑕᐅᔪᕐᓗ ᑐᓂᕐᕈᑎᒃᓴᖏᓪᓗ ᐊᑕᓂᕐᒧᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

¹² ᑐᓂᕐᕈᓯᕐᑎᑦᓯᔨᐅᑉ ᓰᐱᐅ ᓄᕐᕋᖓ ᐊᖑᑎᐅᑉ ᐱᖃᑖ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᐱᑦᔪᑎᒋᓪᓗᒍ, ᐅᕐᓱᖅ ᐊᑕᐅᓯᕐᒥᒃ ᓇᑉᐸᕐᒥᒡᓗ ᐅᖁᒤᓐᓂᓕᒃ ᐱᖃᓯᐅᑎᓗᒍ; ᑖᒃᑯᐊ ᐊᐅᓪᓚᕐᑎᓪᓗᒋᑦ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ.

¹³ ᑐᓂᕐᕈᓯᕐᑎᑦᓯᔨᐅᑉ ᓄᕐᕋᖅ ᑐᖁᑕᒃᓴᕆᕚ ᐃᑦᔪᕐᓁᑦᑐᕕᖕᒥ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐃᑯᐊᓚᑎᑕᒃᓮᓪᓗ ᑐᓂᕐᕈᑎᒃᓮᑦ ᑐᖁᑕᐅᕕᐊᓂ. ᑍᒫᑦᓮᓐᓇᖅ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᖅ ᑐᓂᕐᕈᓯᕐᑎᑦᓯᔨᐅᑉ ᐱᔭᒃᓴᕆᕚ, ᑖᓐᓇᑦᑕᐅᖅ ᐃᑦᔪᕐᓁᓐᓂᕐᐹᖑᒋᕗᖅ.

¹⁴ ᑐᓂᕐᕈᓯᕐᑎᑦᓯᔨ ᐊᐅᖕᒥᒃ ᐱᔭᕆᐊᖃᕐᐳᖅ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᑦ ᑐᓂᕐᕈᑎᒃᓴᒥᑦ ᓴᓗᒻᒪᕐᓴᕐᑕᐅᔫᑉ ᓯᐅᑎᖓᑕ ᑕᓕᕐᐱᐅᑉ ᐳᕝᕙᖓ ᐊᐅᒥᓪᓗᒍ, ᑕᓕᕐᐱᖓᑕᓗ ᑯᓪᓗᖓ, ᐳᑐᒍᖓᓗ ᑕᓕᕐᐱᐊ.

¹⁵ ᑐᓂᕐᕈᓯᕐᑎᑦᓯᔨᐅᑉ ᐃᑎᒪᓂ ᓴᐅᒥᓂ ᑯᕝᕕᕆᔭᕆᐊᖃᕐᐹ ᐅᕐᓱᒥᒃ,

¹⁶ ᑎᑭᓂᓗ ᑕᓕᕐᐱᓂ ᐃᑎᒪᖕᒥᓄᑦ ᒥᓱᒡᓗᒍ ᑖᓐᓇ ᓯᕐᐸᕐᓴᕈᑎᒋᔭᕆᐊᖃᕐᐹ 7ᐃᕐᓱᕐᓗᓂ ᐊᑕᓂᐅᑉ ᓵᖓᓂ.

¹⁷ ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐅᕐᓱᒥᒃ ᐃᑎᒪᖕᒥᓂᑦ ᐱᔭᕆᐊᖃᕆᕗᖅ ᓴᓗᒻᒪᕐᓴᕐᑕᐅᔫᑉ ᓯᐅᑎᖓᑕ ᑕᓕᕐᐱᐊᑕ ᐳᕝᕙᖓ ᐅᕐᓱᒥᓪᓗᒍ, ᑕᓕᕐᐱᖓᓗ ᑯᓪᓗᐊ, ᐳᑐᒍᖓᓗ ᑕᓕᕐᐱᐊ, ᑖᒃᑯᐊ ᐊᐅᒥᓯᒪᔪᒃᓴᐅᕗᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒥᒃ ᑐᓂᕐᕈᓯᕆᐊᓪᓚᒍᑎᒥᒃ.

¹⁸ ᐃᑎᒪᒥᓃᑦᑐᖅ ᐅᕐᓱᖅ ᐊᒥᐊᒃᑯᐊ ᐃᓕᔭᒃᓴᕆᕚ ᓴᓗᒻᒪᕐᓴᕐᑕᐅᔫᑉ ᓂᐊᖁᐊᑕ ᖄᖓᓄᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᕐᒥᑦ.

¹⁹ “ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᓪᓗᒍ ᓴᓗᒻᒪᕐᓴᕐᑕᐅᔪᖅ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒤᓐᓂᕐᒥᑦ. ᑭᖑᓂᖓᒍᑦ ᑐᓂᕐᕈᑎᒃᓴᖅ ᐃᑯᐊᓚᒐᒃᓴᖅ ᑐᖁᑕᒃᓴᕆᕚ.

²⁰ ᑐᓂᕐᕈᓯᕐᕕᖕᒧᓪᓗ ᐃᓕᓗᒍ ᑐᓂᕐᕈᑎᒋᓗᒍ, ᓂᐊᖂᔭᒃᓴᖅ ᐱᖃᓯᐅᑎᓗᒍ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒻᒪᕐᑕᐅᖁᓪᓗᒍᓗ.

²¹ “ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ,

²² ᒪᕐᕉᖕᓂᒡᓗ ᑑᕖᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ ᑖᑦᓱᒪ ᐱᔪᓐᓇᕐᑕᖏᖕᓂᒃ, ᐱᖃᑖ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐱᖃᑖᓗ ᐃᑯᐊᓪᓚᒃᑎᑕᐅᓗᓂ ᑐᓂᕐᕈᑎᒃᓴᐅᓗᓂ.

²³ ᐅᓪᓗᑦ 8ᖓᓐᓂ ᑖᒃᑯᐊ ᕾᑦᔪᑎᔭᕆᐊᖃᕐᐰᑦ ᑐᓂᕐᕈᓯᕐᑎᑦᓯᔨᒧᑦ ᓴᓗᒻᒪᕐᑎᑕᐅᔭᕐᑐᕐᓗᓂ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐊᑕᓂᐅᑉ ᓵᖓᓂ.

²⁴ ᑐᓂᕐᕈᓯᕐᑎᑦᓯᔨᐅᑉ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐃᓚᖃᕐᓗᓂ ᐅᕐᓱᒥᒃ ᐆᒃᑑᑎᑐᑦ ᓇᑉᐸᐅᑉ ᓇᑉᐸᖓᑐᑦ ᐊᖏᑎᒋᔪᒥᒃ ᐅᖁᒤᓐᓂᓕᒃ, ᑖᑦᓱᒪ ᐊᐅᓪᓚᕐᑎᑦᓴᕆᐊᖃᕐᐹ ᐊᑕᓂᐅᑉ ᓵᖓᓂ ᐊᐅᓪᓚᕐᑎᑕᐅᓂᒃᑯᑦ ᑐᓂᕐᕈᑕᐅᓗᑎᒃ.

²⁵ ᓰᐱᐅᑉ ᓄᕐᕋᖓ ᑐᖁᑕᒃᓴᕆᕚ ᑐᓂᕐᕈᑎᒋᓗᒍ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐊᐅᖓᑕᓗ ᐃᓚᖓ ᓴᓗᒻᒪᕐᑎᑕᐅᔫᑉ ᓯᐅᑎᖓᑕ ᐳᕝᕙᖓᓄᑦ ᑕᓕᕐᐱᐊᓄᑦ ᐊᐅᒥᑦᑕᕈᑎᒋᓗᒍ, ᑯᓪᓗᖓᑕᓗ ᑕᓕᕐᐱᐊᒍᑦ, ᐳᑐᒍᐊᓗ ᑕᓕᕐᐱᐊ.

²⁶ ᑐᓂᕐᕈᓯᕐᑎᑦᓯᔨᐅᓪᓗ ᐃᑎᒪᓂ ᓴᐅᒥᓂ ᐅᕐᓱᒥᒃ ᑯᕕᓯᕕᒋᔭᕆᐊᖃᕐᐹ

²⁷ ᑎᑭᓂᓗ ᑕᓕᕐᐱᓂ ᒥᓱᒡᓗᒍ ᐅᕐᓱᒧᑦ ᓴᐅᒥᖕᒥᓃᑦᑐᒧᑦ, ᓯᕐᐸᕐᓴᕈᑎᒋᔭᒃᓴᕆᕚ ᐊᑕᓂᐅᑉ ᓵᖓᓂ 7ᐃᕐᓱᕐᓗᓂ.

²⁸ ᐅᕐᓱᒥᒃ ᐃᑎᒪᖕᒥᓃᑦᑐᒥᒃ ᑍᒫᑦᓯᐊᖅ ᓱᓕ ᐅᕐᓱᒥᒃ ᐱᑕᑦᓯᕆᐊᖃᕐᐰᑦ ᑕᓕᕐᐱᐊᑕ ᓯᐅᑎᖓᑕ ᐳᕙᖓ, ᑯᓪᓗᐊᓗ ᑕᓕᕐᐱᐊ, ᐳᑐᒍᐊᓗ ᑕᓕᕐᐱᐊ, ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒧᑦ ᐊᐅᖕᒥᒃ ᑐᓂᕐᕈᓯᕐᕕᐅᔫᑉ ᐃᓂᐊᓂ.

²⁹ ᐅᕐᓲᑉ ᐊᒥᐊᒃᑯᐊ ᐃᑎᒪᖕᒥᓃᑦᑐᖅ ᐃᓕᔭᕆᐊᖃᕐᐹ ᓴᓗᒻᒪᕐᑎᑕᐅᔫᑉ ᓂᐊᖁᐊᓄᑦ, ᐃᓱᒪᒋᔪᓐᓁᕐᕕᐅᖁᓪᓗᒍ ᐊᑕᓂᐅᑉ ᓵᖓᓂ.

³⁰ ᑕᕝᕙ ᑐᓂᕐᕈᑎᒋᔭᕆᐊᖃᕐᐹ ᑑᕕᒃ ᐅᕝᕙᓘᓐᓃᑦ ᐱᐊᕋᖅ ᐱᓐᔭᓐᒥᒃ ᑍᔭᐅᔪᖅ ᐱᔪᓐᓇᕐᑕᓂ ᒪᓕᒡᓗᒍ.

³¹ ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ ᐱᖃᑖᓗ ᐃᑯᐊᓚᓗᓂ ᑐᓂᕐᕈᑕᐅᖁᓪᓗᒍ, ᐃᓚᖃᕐᓗᒍ ᓂᐊᖂᔭᒥᒃ ᑐᓂᕐᕈᑎᒃᓴᒥᒃ, ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ ᑖᓐᓇ ᓴᓗᒻᒪᕐᑎᑕᐅᔪᖅ.

³² ᑖᒃᑯᐊ ᑕᕝᕙ ᐅᕕᓂᕐᓗᓚᐅᕐᑐᒧ ᐂᑦᑐᕐᓗᐃᔭᑦᑐᒥᒃ ᓴᓗᒻᒪᕐᑎᑕᐅᓂᖓᑕ ᐱᖁᔭᖏᑦ, ᑐᓂᕐᕈᓯᕈᓐᓇᖏᑉᐸᓪᓗ ᐊᔪᕐᓴᕐᓂᓂ ᐱᓪᓗᒍ ᑐᓂᕐᕈᑎᒋᔭᐅᕙᒃᑐᒥᒃ.”

ᐅᖂᑉ ᓴᓗᒻᒪᕐᑎᑕᐅᓂᖓ

³³ ᐊᑕᓂᐅᑉ ᒨᓯᓯᓗ ᐂᕉᓂᓗ ᐅᖃᐅᑎᕚᒃ,

³⁴ “ᓄᓇᒧᑦ ᑬᓇᓂᒧᑦ ᑎᑭᒃᑯᑦᓯᒃ, ᑕᒪᓐᓇ ᑐᓂᓂᐊᕋᒃᑯ ᐃᓕᑦᓯᖕᓄᑦ ᐱᖁᑕᐅᓕᖁᓪᓗᒍ ᐃᓕᓯᕗᖓᓗ ᐅᖁᖕᒥᒃ ᐃᒡᓗᒧᑦ ᓯᐊᒻᒪᕐᐸᓪᓕᐊᔪᒃᓴᒥᒃ ᓄᓇᒥ ᑕᕝᕙᓂ.

³⁵ ᐃᒡᓗᒥᒃ ᓇᖕᒥᓂᖃᕐᑐᖅ ᑐᓂᕐᕈᓯᕐᑎᑦᓯᔨᒧᑦ ᐅᖃᕆᐊᑐᕆᐊᖃᕐᐳᖅ, ‘ᑕᑯᓯᒪᕗᖓ ᐅᖂᑉ ᐊᑦᔨᖓᓂᒃ ᐃᒡᓗᓐᓃᑦᑐᒥᒃ.’

³⁶ ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐃᒡᓗ ᑖᓐᓇ ᐃᓗᓖᔭᕐᑕᐅᖁᔭᕆᐊᖃᕐᐹ ᑕᑯᔭᕐᑐᓚᐅᖏᓐᓂᕐᒥᓂ ᐃᒡᓗᒥᒃ ᑖᑦᓱᒥᖓ ᐅᖁᖃᕐᒪᖔᑦ, ᐃᒡᓘᑉ ᐃᓗᐊᓂ ᓴᓗᒤᓐᓂᕋᕐᑕᐅᔪᖃᖁᓇᒍ, ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᑕᑯᔭᕐᑐᕆᐊᖃᕐᐹ.

³⁷ ᖃᐅᔨᓴᕆᐊᖃᕐᐹ ᐅᖁᒃ ᐃᒡᓘᑉ ᐊᕙᓗᐊᓃᑦᑐᖅ, ᑐᖑᔪᕈᔪᒃᑐᒥᒃ ᐊᐅᐸᕈᔪᒃᑐᒥᒡᓘᓐᓃᑦ ᑕᐅᑦᑐᖃᕐᐸᑦ ᐃᒡᓘᓪᓗ ᐃᑭᐊᖓᓂᑦ ᐱᓯᒪᔫᔮᕐᓗᓂ,

³⁸ ᑐᓂᕐᕈᓯᕐᑎᑦᓯᔨ ᓯᓚᒧᑦ ᐊᓂᔭᕆᐊᖃᕐᐳᖅ ᐃᒡᓗᓗ ᒪᑐᓯᒪᔭᕆᐊᖃᕐᐳᖅ ᐅᓪᓗᓂᒃ 7ᓂᒃ.

³⁹ ᐅᓪᓗᑦ 7ᖓᓐᓂ ᐃᒡᓗ ᑕᑯᔭᕐᑐᒃᑲᓐᓂᕆᐊᖃᕐᐹ. ᐅᖁᒃ ᓯᐊᒻᒪᕐᐸᑦ ᐃᒡᓘᑉ ᐊᕙᓗᐊᓂ,

⁴⁰ ᐱᖁᔨᔭᕆᐊᖃᕐᐳᖅ ᑕᕝᕙ ᐅᖁᒃᓯᒪᔪᑦ ᐅᔭᕅᑦ ᐲᔭᕐᑕᐅᖁᓪᓗᒋᑦ ᐃᒋᑕᐅᓗᑎᒡᓗ ᓴᓗᒤᑦᑐᒃᑯᕕᖕᒧᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ.

⁴¹ ᐃᒡᓘᑉ ᐃᓗᓕᒫᖓ ᑭᓕᐅᕐᑐᕐᑕᐅᔭᕆᐊᖃᕐᐳᖅ ᑭᓕᐅᕐᑐᕐᓂᑯᐊᓗ ᐃᒋᑕᐅᓗᓂ ᓴᓗᒤᑦᑐᒃᑯᕕᖕᒧᑦ ᐃᒡᓗᒐᓮᑦ ᓯᓚᑖᓃᑦᑐᒧᑦ.

⁴² ᐅᔭᕅᑦ ᐊᓯᖏᓐᓂᒃ ᑭᖑᕝᕕᕐᓗᒋᑦ ᐅᔭᕅᑦ ᐲᔭᕐᑕᐅᔪᑦ, ᐅᔭᕋᕈᕐᑎᓯᒪᔪᒥᒃ ᓄᑖᒥᒃ ᐃᒡᓘᑉ ᐃᓗᐊ ᕿᑯᕐᑕᐅᔭᕆᐊᖃᕐᐳᖅ.

⁴³ “ᑕᕝᕙᓕ ᐅᖁᒃ ᓴᖅᑭᒃᑲᓐᓂᕐᐸᑦ ᑕᕝᕙᓂ ᐃᒡᓗᒥ ᐅᔭᕅᑦ ᐲᔭᕐᑕᐅᓚᐅᕋᓗᐊᕐᑎᓪᓗᒋᑦ ᐃᒡᓗᓗ ᑭᓕᐅᕐᑐᕐᑕᐅᓚᐅᕋᓗᐊᕐᑎᓪᓗᒍ ᕿᑯᕐᑕᐅᒃᑲᓐᓂᓚᐅᕐᑎᓪᓗᒍᓗ,

⁴⁴ ᑐᓂᕐᕈᓯᕐᑎᑦᓯᔨᐅᑉ ᑕᑯᔭᕐᑐᕆᐊᖃᕐᐹ, ᑕᒪᓐᓇ ᐅᖁᒃ ᓯᐊᒻᒪᕐᐸᑦ, ᐅᖁᒃ ᑕᒪᓐᓇ ᓱᒃᑯᑎᕆᖕᒪᑦ, ᑕᕝᕙ ᐃᒡᓗ ᑖᓐᓇ ᓴᓗᒤᑦᑑᕗᖅ.

⁴⁵ ᑖᓐᓇ ᓯᖁᒥᑕᐅᔭᕆᐊᖃᕐᐳᖅ ᐅᔭᕅᑦ ᕿᔪᐃᓪᓗ ᕿᑯᐃᓪᓗ ᑕᒪᕐᒥᒃ ᐃᒡᓗᒐᓮᑦ ᓯᓚᑖᓄᑦ ᐱᑎᑕᐅᔪᒃᓴᐅᕗᑦ ᓴᓗᒤᑦᑐᒃᑯᕕᖕᒧᑦ.

⁴⁶ ᓇᓪᓕᐊᑦ ᐃᒡᓗᒧᑦ ᐃᑎᕐᑐᖅ ᒪᑐᔭᐅᓯᒪᑎᓪᓗᒍ, ᑖᓐᓇ ᓴᓗᒤᓕᓂᐊᕐᐳᖅ ᐅᓐᓄᒃ ᑎᑭᓪᓗᒍ.

⁴⁷ ᓇᓪᓕᐊᓪᓗ ᓯᓂᒃᑐᖅ ᓂᕆᔪᕐᓘᓐᓃᑦ ᐃᒡᓗᒥ ᑕᕝᕙᓂ ᐊᓐᓄᕌᓂ ᐅᐊᓴᕆᐊᖃᕐᐰᑦ.

⁴⁸ “ᑐᓂᕐᕈᓯᕐᑎᑦᓯᔨᐅᓪᓕ ᖃᐅᔨᓴᕆᐊᕐᑐᕈᓂᐅᒃ, ᐅᖁᒃ ᓯᐊᒻᒪᕐᓯᒪᖏᑉᐸᑦ ᐃᒡᓗ ᕿᑯᕐᑕᐅᓚᐅᕐᑎᓪᓗᒍ, ᐃᒡᓗ ᐅᖃᐅᓯᕆᔭᕆᐊᖃᕐᐹ ᓴᓗᒻᒪᕐᓂᕋᕐᓗᒍ, ᐅᖁᒃ ᐊᓯᐅᖕᒪᑦ.

⁴⁹ ᐃᒡᓘᑉ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐱᔭᕆᐊᖃᕐᐳᖅ ᑎᖕᒥᐊᑯᓘᖕᓂᒃ ᒪᑉᕉᖕᓂᒃ, ᕿᔪᖕᒥᒡᓗ ᓰᑕᕆᒥᒃ ᐊᑎᓕᖕᒥᒃ, ᐊᐅᐸᓪᓚᕆᒃᑐᒥᒡᓗ ᓄᕕᕐᓵᒡᓴᒥᒃ ᕼᐊᓯᑉᒥᒡᓗ ᐱᕈᕐᑐᒥᒃ.

⁵⁰ ᑐᓂᕐᕈᓯᕐᑎᑦᓯᔨᐅᑉ ᑎᖕᒥᐊᑯᓘᑉ ᐱᖃᑖ ᑐᖁᑦᓴᕆᐊᖃᕐᐹ ᐅᐊᓴᕐᕕᐅᑉ ᐅᔭᕋᐅᑉ ᐃᒪᖃᕐᑑᑉ ᖁᓛᓂ,

⁵¹ ᕿᔪᒃ ᓰᑕᕆ ᑎᒍᓗᓂᐅᒃ, ᕼᐊᓯᑉᓗ, ᐊᐅᐸᕐᑐᕐᓗ ᓄᕕᕐᓵᒃᓴᖅ, ᑎᖕᒥᐊᑯᓗᒡᓗ ᐆᒪᔪᖅ, ᑖᒃᑯᐊ ᒥᓱᒡᓗᒋᑦ ᐊᐅᖕᒧᑦ ᑎᖕᒥᐊᑯᓘᑉ ᐱᖃᑖᑕ ᐊᐅᖓᓄᑦ ᐃᒥᕐᒧᓪᓗ, ᐃᒡᓗ 7ᐃᕐᓱᕐᓗᒍ ᓯᕐᐸᕐᓴᕆᐊᖃᕐᐹ.

⁵² ᑍᒫᒃ ᐃᒡᓗ ᓴᓗᒻᒪᕐᓴᕐᓂᐊᕐᐹ ᑎᖕᒥᐊᑉ ᐊᐅᖓᓄᑦ ᐃᒥᕐᒧᓪᓗ, ᑎᖕᒥᐊᑯᓗᖕᒧᓪᓗ ᐆᒪᔪᒧᑦ, ᕿᔪᖕᒧᓪᓗ ᓇᐹᕐᑐᒥᑦ ᓰᑕᕆᒥᑦ ᐱᓯᒪᔪᒧᑦ, ᕼᐊᓯᑉᒧᓪᓗ ᐱᕈᕐᑐᒧᑦ, ᓄᕕᕐᓵᒃᓴᒧᓪᓗ ᐊᐅᐸᓪᓚᕆᒃᑐᒧᑦ.

⁵³ ᑎᖕᒥᐊᑯᓗᒃ ᑕᕝᕙ ᑎᖏᑎᑦᓴᕆᐊᖃᕐᐹ ᐃᒡᓗᒐᓮᑦ ᓯᓚᑖᓂ ᐃᒡᓗᑕᖃᖏᑦᑐᒥ. ᑍᒫᒃ ᐃᒡᓗ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ, ᑍᒫᒡᓗ ᓴᓗᒪᓂᕋᕐᑕᐅᓂᐊᕐᐳᖅ.

⁵⁴ “ᑖᒃᑯᐊ ᑕᕝᕙ ᐱᖁᔧᑦ ᐅᕕᓂᕐᓗᖕᓂᖅ ᑲᑉᐱᐊᓇᕐᑐᒥᒃ ᐱᓪᓗᒍ ᐅᖏᓚᖕᓂᕐᒥᒡᓗ,

⁵⁵ ᐅᖁᖕᒥᒡᓗ ᐊᓐᓄᕌᒦᑦᑐᒥᒡᓘᓐᓃᑦ ᐃᒡᓗᒦᑦᑐᒥᒡᓘᓐᓃᑦ,

⁵⁶ ᐳᕕᑦᑐᒥᒡᓘᓐᓃᑦ, ᐊᐅᐸᕐᓯᓯᒪᔪᕐᓘᓐᓃᑦ ᐅᕕᓂᖕᒥ ᑕᕐᓴᐅᔪᕐᓘᓐᓃ ᐅᕕᓂᖕᒦᑦᑐᖅ ᐱᓪᓗᒍ,

⁵⁷ ᑖᒃᑯᐊ ᖃᐅᔨᓴᐅᑏᑦ ᓴᓗᒪᔪᒥᒃ ᓴᓗᒤᑦᑐᒥᒡᓘᓐᓃᑦ. ᑖᓐᓇ ᐱᖁᔭᐅᖕᒪᑦ ᐅᕕᓂᕐᓗᖕᓂᖅ ᐂᑦᑐᐃᔭᑦᑐᖅ ᐅᖁᒡᓗ ᐱᓪᓗᒋᑦ.”