ᔮᓱᐊᑉ ᐊᒡᓚᖏᑦ 15 - ᐊᒡᓔᑦ ᐃᑦᔪᕐᖕᓁᑦᑐᑦ

ᓄᓇᓖᑦ ᑐᓂᔭᐅᔪᑦ ᔫᑕᒧᑦ

¹ ᔫᑕᐅᑉ ᑭᖑᕚᒋᑦ ᓇᓚᐅᑦᑖᕈᑎᒃᑯᑦ ᑐᓂᔭᐅᓚᐅᕐᐳᑦ ᓄᓇᐅᑉ ᐃᓚᖓᓂᒃ ᐃᒤᓕᖓᔪᒥᒃ: ᓄᓇᑖᖓᑦ ᑎᑭᐅᒪᓚᐅᕐᐳᖅ ᓯᕿᓂᐅᑉ ᓇᓛᓄᑦ ᔨᓐᒧᑦ ᐃᓄᖃᔪᐃᑦᑐᒧᑦ ᑎᑭᓪᓗᒍ, ᐊᒻᒪ ᐄᑐᒥᐅᑉ ᓄᓇᖓᑕ ᑭᒡᓕᖓᓄᑦ ᑎᑭᓯᒪᓪᓗᓂ.

² ᓯᕿᓂᐅᑉ ᓇᓛᓃᑦᑐᖅ ᐱᒋᐊᕐᓯᒪᕗᖅ ᐃᒪᕐᒥᑦ ᑕᕆᐅᕐᒥᑦ, ᕿᓐᖑᐊᓂᑦ ᓯᕿᓂᐅᑉ ᓇᓛᓄᐊᖓᓪᓗᓂ.

³ ᓯᕿᓂᐅᑉ ᓇᓛᓄᑦ ᓱᓕ ᐊᒃᕋᐱᒻᒥᑦ ᔨᓐ ᖄᖏᕐᓯᒪᓪᓗᒍ, ᑲᑎᓯ-ᐸᕐᓂᐊᑉ ᓯᕿᓂᖓᓄᑦ ᑎᑭᐅᒪᓪᓗᓂ, ᕼᐃᔅᕋᓐ ᐅᖓᑖᓄᑦ ᐊᑦᑕᕆ ᑎᑭᓪᓗᒍ, ᓴᖑᓯᒪᓪᓗᓂ ᓄᓇᒧᑦ ᑳᑲᒧᑦ ᑎᑭᓪᓗᒍ,

⁴ ᑕᕝᕙᓐᖓᑦ ᐱᒋᐊᕐᓗᓂ ᐊᔾᒨᓂ ᑎᑭᓪᓗᒍ ᐄᑦᔨᑉᑎᒥᐅᑦ ᑰᖓᑕ ᑭᒡᓕᖓ ᑎᑭᓪᓗᒍ; ᐊᒻᒪ ᒪᓯᑐᓂᐊᑉ ᑕᕆᐅᖓᓄᑦ ᐃᓱᖃᕐᐳᖅ. ᑕᒪᓐᓇ ᓯᕿᓂᐅᑉ ᓇᓛᓅᖓᔪᖅ ᔫᑕᐅᑉ ᓄᓇᖁᑎᒋᕚ.

⁵ ᓯᕿᓂᐅᑉ ᓄᐃᕕᐊᓃᑦᑐᖅ ᓄᓇᖓ ᐃᓱᖃᕐᐳᖅ ᑕᕆᐅᕐᒧᑦ ᑐᖁᖓᔪᒧᑦ, ᑕᑉᐸᐅᖓᓕᒫᖅ ᑕᓯᐅᔭᒧᑦ ᔪᐊᕐᑕᓂᐅᑉ ᑰᒡᕕᒋᔭᖓᓄᑦ, ᐅᓐᓄᐊᓪᓗᐊᒧᐊᖓᔪᖅ ᐱᒋᐊᕐᓯᒪᕗᖅ ᑕᓯᐅᑉ ᕿᓐᖑᐊᓂᑦ ᔪᐊᕐᑕᓂᐅᑉ ᓇᕐᓴᖓᓄᑦ;

⁶ ᓄᓇᖓ ᑭᒡᓕᖃᕐᐳᖅ ᑕᑉᐸᐅᖓ ᐱᑦ-ᕼᐅᒡᓚᒧᑦ, ᑕᕝᕙᓐᖓᑦ ᐅᓐᓄᐊᓪᓗᐊᑉ ᓇᓛᓄᑦ ᐱᑦ-ᐊᕋᐸᒧᑦ; ᑕᑉᐸᐅᖓᒋᐊᖅ ᑎᑭᐅᒪᓪᓗᓂ ᐴᕼᐊᓐ ᓄᓇᖁᑎᖓᑕ ᓇᓗᓁᒃᑯᑕᖓᓄᑦ ᐅᔭᕋᖕᒧᑦ; ᑖᓐᓇ ᐴᕼᐊᓐ ᐃᕐᓂᕆᔭᐅᕗᖅ ᕉᐱᓂᒧᑦ.

⁷ ᑎᐱᕆᒧᑦ ᑎᑭᐅᒪᕗᖅ ᐂᑯᐊᑉ ᓇᕐᓴᖓᓄᑦ ᑕᑉᐸᐅᖓ ᐅᓐᓄᐊᓪᓗᐊᑉ ᓇᓛᓄᑦ ᓴᖑᓪᓗᓂ ᒋᐅᓪᒐᐅᑉ ᓇᓛᓄᑦ, ᐊᑐᒻᒥᐅᑉ ᐊᖅᑯᑎᖓᒍᑦ ᓇᕐᓴᒧᑦ ᓵᓐᖓᔪᒧᑦ, ᓯᕿᓂᐅᑉ ᓇᓛᒍᖔᖅ, ᑕᕝᕙᓐᖓᑦ ᐱᒋᐊᕐᓗᓂ ᐃᒥᕐᑕᕐᕕᖕᒧᑦ ᐃᓐ-ᓯᒥᔅᓯᒧᑦ ᑎᑭᐅᒪᕗᖅ, ᐃᓱᖃᕐᓗᓂ ᐃᓐ-ᕈᒋᐅᓪᒧᑦ.

⁸ ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ.

⁹ ᑕᕝᕙᓐᖓᑦ ᐱᒋᐊᕐᓗᒍ ᓂᑉᑐᐊᑉ ᐃᒥᕐᑕᕐᕕᖓᓄᐊᖓᕗᖅ, ᑕᕝᕙᓐᖓᑦ ᐃᐸᕋᓐ ᐃᒡᓗᒐᓴᖏᓐᓄᑦ ᖃᖅᑲᒦᑦᑐᓄᑦ ᑎᑭᓪᓗᒍ; ᑍᑲᓐᖓᑦ ᐱᒋᐊᕐᓗᒍ ᓴᖑᖓᕗᖅ ᐹᓚᐅᑉ ᓇᓛᓄᑦ (ᑕᕝᕗᖓ ᑭᕆᐊᑦ-ᔨᕆᒻᒧᑦ);

¹⁰ ᑬᕙᓪᓚᒡᓗᓂ ᐹᓚᐅᑉ ᓯᕿᓂᖓᑕ ᓂᐱᕕᐊᑕ ᓇᓛᓂᑦ ᓰᐊᕆᐅᑉ ᖃᖅᑲᖓᓄᑦ, ᐅᓐᓄᐊᓪᓗᐊᒦᑦᑐᖅ ᖃᖅᑲᖅ ᔨᕆᒻ ᖄᖏᕐᓯᒪᓪᓗᒍ (ᑕᕝᕗᖓ ᓯᓴᓚᓐᒧᑦ), ᑕᐅᓄᖓ ᐱᑦ-ᓯᒥᔅᒧᑦ, ᑎᒻᓇ ᖄᖏᕐᓯᒪᓪᓗᒍ;

¹¹ ᓄᓇᐅᑉ ᑭᒡᓕᖓ ᑎᑭᐅᒪᕗᖅ ᐅᓐᓄᐊᓪᓗᐊᒧᑦ ᖃᖅᑲᒧᑦ ᐃᑯᕋᓂᒧᑦ, ᑕᕝᕙᓐᖓᑦ ᓴᖑᓪᓗᓂ ᓯᑭᕉᓂᐅᑉ ᓇᓛᓄᑦ, ᖃᖅᑲᖅ ᐹᓚ ᖄᖏᕐᓗᒍ, ᑲᔪᓯᓪᓗᓂ ᔭᑉᓂᐅᓪᒧᑦ ᐃᓱᖃᕐᐳᖅ; ᐊᒻᒪ ᑕᕝᕙᓐᖓᑦ ᒥᑎᑎᕆᓂᐊᑉ ᑕᕆᐅᖓᓄᑦ ᑎᑭᐅᒪᕗᖅ.

¹² ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᑕᕆᐅᒧᑦ ᐃᓱᖃᕐᐳᖅ. ᑖᑦᓱᒪ ᐃᓗᐊᓂ ᔫᑕᐅᑉ ᑭᖑᕚᖏᑦ ᓄᓇᖃᕐᐳᑦ.

ᑬᓚᐱᐅᑉ ᓵᓚᖃᕐᓂᖓ ᕼᐃᐸᕋᓐᒥᒃ ᑎᐱᕆᒥᒡᓗ

¹³ ᐊᑕᓂᐅᑉ ᔮᓱᐊᒥᒃ ᐱᖁᔨᓂᖓ ᒪᓕᒡᓗᒍ, ᔫᑕᐅᑉ ᓄᓇᖁᑎᖓᑕ ᐃᓚᖓ ᑐᓂᔭᐅᕗᖅ ᑬᓚᐱᒧᑦ ᔨᐳᓂᐊᐅᑉ ᐃᕐᓂᖓᓄᑦ, ᑭᕆᐊᑦ-ᐊᕋᐸᒥᒃ ᑖᓐᓇ ᕼᐃᐸᕋᓐᖑᕗᖅ, (ᑖᓐᓇ ᐋᕐᐸ ᐊᓇᑭᒃᑯᑦ ᐊᑖᑕᒋᓚᐅᕐᐹᑦ).

¹⁴ ᑬᓚᐱ ᐊᓇᑭᐅᑉ ᐃᕐᓂᖏᓐᓂᒃ ᐱᖓᓱᓂᒃ ᓯᖏᑦᓯᓚᐅᕐᐳᖅ: ᓯᓮᒥᒃ, ᐊᕼᐂᒪᓐᒥᒡᓗ, ᑕᓪᒤᑎᒥᒡᓗ, ᑖᒃᑯᐊ ᐋᓇᑭᐅᑉ ᑭᖑᕚᕆᓚᐅᕐᒪᒋᑦ.

¹⁵ ᑍᑲᓐᖓᑦ ᐅᓇᑕᕆᐊᓚᐅᕆᕗᖅ ᑎᐱᕆᒥ ᓄᓇᖃᕐᑐᓂᒃ; ᑖᒃᑯᐊ ᐃᒡᓗᒐᓮᑦ ᑍᔭᐅᓚᐅᕐᓯᒪᔪᑦ ᑭᕆᐊᑦ-ᓯᐱᕆᒥᒃ.

¹⁶ ᑬᓚᐱ ᐅᖃᕐᐳᖅ, “ᓇᓪᓕᐊᓐᓄᑐᐃᓐᓇᖅ ᑭᕆᐊᑦ-ᓯᐱᕆᒥᒃ ᐅᓇᑕᕐᓗᓂ ᑎᒍᓯᔪᒧᑦ, ᐸᓂᒐ ᐋᒃᓵ ᑐᓂᔪᒫᕐᐸᕋ ᓄᓕᐊᕐᑖᕆᔭᐅᑎᓪᓗᒍ.”

¹⁷ ᑕᕝᕙ ᐅᑎᓂ-ᐅᓪ ᑬᓚᐱᐅᑉ ᓄᑲᖓᑕ ᑮᓇᑦᔨᐅᑉ ᐃᕐᓂᖓᑕ, ᑖᒃᑯᐊ ᐃᒡᓗᒐᓮᑦ ᐅᓇᑕᕐᓗᒋᑦ ᓵᓚᒋᓚᐅᕐᐰᑦ; ᑍᒤᒻᒪᑦ ᑬᓚᐱᐅᑉ ᐸᓂᓂ ᐋᒃᓵ ᑐᓂᓚᐅᕐᐹ ᓄᓕᐊᕐᑖᕆᔭᐅᖁᓪᓗᒍ ᑖᑦᓱᒧᖓ.

¹⁸ ᑲᑎᑎᑕᐅᕕᖓᑕ ᐅᓪᓗᖓᓂ ᐅᓯᓂ-ᐅᑉ ᓄᓕᐊᕐᑖᓂ ᐊᑖᑕᒥᓄᑦ ᐱᕈᕐᓰᕕᒃᑖᕈᒪᖁᓚᐅᕐᐹ; ᓯᐅᑎᖅᑯᕐᑐᔪᒥᒃ ᐃᑭᒪᕕᖕᒥᓂᑦ ᐊᖅᑲᕐᒪᑦ, ᑬᓚᐱᐅᑉ ᐊᐱᕆᕚ, “ᓱᓇᒥᒃ ᐱᑖᕐᑎᑕᐅᔪᒪᕖᑦ?”

¹⁹ ᑭᐅᕗᖅ, “ᑐᓂᕐᕈᓯᐊᕈᒪᕗᖓ, ᓄᓇᒥᒃ ᐃᒪᓕᖕᒥᒃ, ᑍᓐᓇ ᑐᓂᓚᐅᕐᑍᑦ ᓄᓇ ᓂᒋᑉ ᐸᓂᕐᒪᑦ.” ᑕᕝᕙ ᑬᓚᐱᐅᑉ ᑐᓂᓯᕕᒋᓚᐅᕐᐹ ᐃᒥᕐᑕᕐᕖᖕᓂᒃ ᖁᑦᑎᖕᓂᕐᓴᒥᒃ ᐊᑦᑎᖕᓂᕐᓴᒥᒡᓗ.

ᔫᑕᐅᑉ ᐃᒡᓗᒐᓴᖏᑦ

²⁰ ᔫᑕᐅᑉ ᑭᖑᕚᖏᑦ ᓄᓇᑖᓚᐅᕐᐳᑦ ᑭᖑᕐᖑᑎᓕᕐᓗᒍᓗ ᐅᑯᓂᖓ.

²¹ ᐃᒡᓗᒐᓮᑦ ᓯᕿᓂᐅᑉ ᓇᓛᓃᓐᓂᕐᐹᑦ ᔫᑕᒥᐅᑦ ᐱᑖᕆᓚᐅᕐᐰᑦ, ᐄᑐᒥᐅᑉ ᓄᓇᖁᑎᖓᑕ ᑭᒡᓕᖓᓃᑦᑐᑦ, ᐅᑯᐊ ᑲᑉᔨᐅᓪ, ᐃᑐᕆ, ᔮᒍᐊᕆ,

²² ᑭᓇ, ᑎᒧᓇ, ᐊᐸᑕ,

²³ ᑭᑎᔅ, ᕼᐂᔭ, ᐃᑦᕼᐊᓇᓐ,

²⁴ ᔨᑉ, ᑎᓕᒻ, ᐱ-ᐊᓘᑎ,

²⁵ ᕼᐂᔭ-ᕼᐊᑕᑕ, ᑭᕆ-ᐅᑎ-ᕼᐃᔭᕋᓐ (ᑍᔭᐅᕙᖕᒥᔪᖅ ᕼᐂᔭ),

²⁶ ᐋᒪᒻ, ᓰᒪ, ᒧᓚᑕ,

²⁷ ᕼᐊᔭᕐ-ᒑᑕ, ᕼᐃᔅᒪᓐ, ᐱᑦ-ᐱᓕᑦ,

²⁸ ᕼᐊᔭᕐ-ᓯᐅᓪ, ᐱᐊᕐᓯᐸ, ᐱᔨᐅᓯᐊ,

²⁹ ᐹᓚ, ᓕᒻ, ᐃᔨᒻ,

³⁰ ᐃᐅᓪᑐᓛᑦ, ᓯᓯᐅᓪ, ᕼᐅᕐᒪ,

³¹ ᔨᒡᓛᒡ, ᒪᑦᒫᓐᓇ, ᓴᓐᓴᓇ,

³² ᓚᐸᐅᔅ, ᓮᕼᐂᒻ, ᐂᓐ, ᕆᒪᓐᓗ: ᐊᑕᖏᕐᓗᑎᒃ ᐃᒡᓗᒐᓮᑦ 29ᒍᕗᑦ, ᐊᓯᖏᓪᓗ ᓄᓇᓖᑦ ᖃᓂᒋᔭᖓᓃᑦᑐᑦ ᐱᖃᓯᐅᑎᓪᓗᒋᑦ.

³³ ᐃᒡᓗᒐᓮᑦ ᖃᖅᑬᑦ ᐊᑖᓃᑦᑐᑦ ᐅᑯᐊᖑᕗᑦ, ᐃᔅᑕᐅᓪ, ᔫᕋ, ᐊᔅᓇ,

³⁴ ᔭᓄᐊ, ᐃᓐ-ᒐᓂᒻ, ᑕᐳᐊ, ᐃᓇᒻ,

³⁵ ᔭᕐᒨᑎ, ᐊᑑᓚᒻ, ᓲᑯ, ᐊᔨᑲ,

³⁶ ᓵ-ᐊᕅᒻ, ᐊᑎᑍᒻ, ᒋᑎᕋ, ᒋᑎᕈᓮᒻᓗ: ᑖᒃᑯᐊ ᐃᒡᓗᒐᓮᑦ 14ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.

³⁷ ᐅᑯᐊᓗ ᔨᓇᓐ, ᕼᐊᑕᓴ, ᒥᒡᑕᐅᓪ-ᒑᑦ,

³⁸ ᑎᓖᓐ, ᒥᔅᐱ, ᔫᒃᓯᐅᓪ,

³⁹ ᓚᑮᓯ, ᐳᔾᑲᑎ, ᐃᒡᓚᓐ,

⁴⁰ ᑳᐸᓐ, ᓛᒪᒻ, ᓯᑦᓕᔅ,

⁴¹ ᒋᑎᕉᑎ, ᐱᑦ-ᑕᒑᓐ, ᓈᒪ, ᒪᑮᑕᓗ: ᑖᒃᑯᐊ ᐃᒡᓗᒐᓮᑦ 16ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.

⁴² ᐅᑯᐊᓗ ᓕᑉᓇ, ᐃᑎᕆ, ᐊᓵᓐ,

⁴³ ᐃᑉᑕ, ᐊᔅᓇ, ᓂᔨᑉ,

⁴⁴ ᑮᓚ, ᐊᑲᔨᑉ, ᒪᕇᓴᓗ: ᑖᒃᑯᐊ ᐃᒡᓗᒐᓮᑦ 9ᖑᕗᑦ, ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ ᐃᓚᖃᓪᓗᑎᒃ.

⁴⁵ ᐃᑯᕋᓂᓗ, ᓄᓇᓕᖏᓪᓗ ᓄᓇᓕᕋᓛᖏᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ,

⁴⁶ ᐃᑯᕋᓂᒥᑦ ᒥᑎᑎᕇᓂᐊᑉ ᑕᕆᐅᖓ ᑎᑭᓪᓗᒍ, ᐃᒡᓗᒐᓮᓪᓗ ᓄᓇᓖᓪᓗ ᐋᔅᑖᑦ ᖃᓂᒋᔭᖓᓃᑦᑐᓂᒃ ᐃᓚᖃᕐᓗᑎᒃ.

⁴⁷ ᐅᑯᐊᓗ ᐋᔅᑖᑦ ᓄᓇᓕᖏᓪᓗ ᓄᓇᓕᕋᓛᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ, ᒑᓴᓗ ᓄᓇᓕᖏᓪᓗ ᓄᓇᓕᕋᓛᓪᓗ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ; ᑰᖕᒧᑦ ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓄᑦ ᒥᑎᑎᕇᓂᐊᓪᓗ ᑕᕆᐅᖓᑕ ᓯᒡᔭᖓᓄᑦ ᑎᑭᐅᒪᕗᖅ.

⁴⁸ ᖃᖅᑲᔮᓃᑦᑐᑦ ᐅᑯᐊᖑᒋᕗᑦ: ᓴᒥᕆ, ᔮᑎᐊᕐ, ᓲᑯ,

⁴⁹ ᑖᓇ, ᑭᕆᐊᑦ-ᓴᓇ (ᑍᔭᐅᕙᖕᒥᔪᖅ ᑎᐱᕆ),

⁵⁰ ᐊᓈᑉ, ᐃᔅᑎᒧ, ᐊᓂᒻ,

⁵¹ ᒎᓯᓂ, ᕼᐅᓗᓐ, ᒋᓗᐊᓗ: ᐃᒡᓗᒐᓮᑦ 11ᐸᐅᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

⁵² ᐅᑯᐊᓗ ᐂᕋᑉ, ᑑᒪ, ᐃᓵᓐ,

⁵³ ᔭᓂᒻ, ᐱᑦ-ᑕᐳᐊ, ᐊᐱᑲ,

⁵⁴ ᕼᐅᒻᑕ, ᑭᕆᐊᑦ-ᐊᕋᐸ (ᑖᓐᓇ ᕼᐃᐸᕋᓐ), ᔨᐅᕆᓗ: ᐃᒡᓗᒐᓮᑦ 9ᖑᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

⁵⁵ ᐅᑯᐊᓗ ᒪᐅᓐ, ᑳᕐᒥᐅᓪ, ᔨᑉ, ᔫᑦᑕ,

⁵⁶ ᔨᔭᕆᐅᓪ, ᔪᒃᑏ-ᒻ, ᔭᓄᐊ,

⁵⁷ ᑲᐃᓐ, ᒋᐱᐊ, ᑎᒻᓇᓗ: ᐃᒡᓗᒐᓮᑦ ᖁᓕᐅᕗᑦ ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

⁵⁸ ᐅᑯᐊᓗ ᕼᐊᓪᕼᐅᓪ, ᐱᑦ-ᔪᕆ, ᒋᑐᐊᕐ,

⁵⁹ ᒫᕋᔅ, ᐱᑦ-ᐊᓄᑎ, ᐃᐅᓪᑎᑲᓐᓗ: ᐃᒡᓗᒐᓮᑦ ᐱᖓᓲᔪᕐᑑᕗᑦ ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

⁶⁰ ᐅᑯᐊᓗ ᑭᕆᐊᑦ-ᐰᓕ (ᑍᔭᐅᕙᖕᒥᔪᖅ ᑭᕆᐊᑦ-ᔨᕆᒻ), ᕌᐸᓗ: ᐃᒡᓗᒐᓵᒃ ᒪᕐᕉᕗᒃ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

⁶¹ ᐃᓄᖃᔪᐃᑦᑐᒦᑦᑐᑦ ᐅᑯᐊᖑᕗᑦ: ᐱᑦ-ᐊᕋᐸ, ᒥᑦᑎᓐ, ᓯᑲᑲ,

⁶² ᓂᑉᓵᓐ, ᐃᒡᓗᒐᓮᑦ ᑕᕆᐅᕐᒦᑦᑐᑦ, ᐃᓐ-ᒋᑎᓗ: ᐃᒡᓗᒐᓮᑦ ᐱᖓᓲᔪᕐᑑᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

⁶³ ᔫᑕᐅᓪᓕ ᐃᓄᖏᑦ ᓯᖏᑦᓯᔪᓐᓇᓚᐅᓐᖏᓚᑦ ᔨᐳᓮᑎᒥᐅᓂᒃ, ᓄᓇᖃᕐᑐᓂᒃ ᔨᕉᓴᓕᒥ, ᑍᒤᒻᒪᑦ ᔨᐳᓮᑎᒥᐅᑦ ᓄᓇᖅᑲᑎᖃᕐᐳᑦ ᔫᑕᐅᑉ ᐃᓄᖏᓐᓂᒃ ᓱᓕ ᐅᓪᓗᒥ.