ᔫᓇᐅᑉ ᐊᒡᓚᖏᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦ

ᔫᓇᐅᑉ ᓈᓚᖕᓂᖓ ᐊᑕᓂᕐᒥᒃ

¹ ᐊᑕᓂᐅᓪᓗ ᔫᓇ ᐅᖃᐅᑎᒃᑲᓐᓂᕐᐹ ᑭᖑᓪᓕᕐᒥᒃ, ᐅᖃᕐᓗᓂ:

² “ᒪᑭᓪᓗᑎᑦ ᓂᓂᕕᒧᑦ ᐂᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ, ᓂᐱᖅᑯᕐᑐᓗᑎᓪᓗ ᐊᔪᕆᕐᑐᒃᑭᑦ ᐅᖃᐅᓯᕆᔭᓐᓂᒃ ᐃᓕᖕᓄᑦ.”

³ ᑕᕝᕙ ᔫᓇ ᓂᑯᕕᑉᐳᖅ ᐊᐅᓪᓚᕐᐳᕐᓗ ᓂᓂᕕᒧᑦ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ; ᓂᓂᕕᓗ ᐃᒡᓗᒐᓴᒡᔪᐊᖑᕗᖅ ᐊᖏᔪᐊᓘᓪᓗᓂ ᑬᕙᓪᓚᒐᒃᓴᐅᒐᔭᕐᓗᓂ ᐅᓪᓗᓂᒃ ᐱᖓᓱᓂᒃ.

⁴ ᔫᓇᓗ ᐃᑎᓕᕐᐳᖅ ᐃᒡᓗᒐᓴᒡᔪᐊᓄᑦ, ᐅᓪᓗᓕᒫᕐᓕ ᐃᖏᕐᕋᓚᐅᕐᓗᓂ, ᓂᐱᖅᑯᕐᑐᓪᓗᓂ ᐅᖃᓕᕐᐳᖅ, “ᐅᓪᓗᑦ 40 ᓈᒃᐸᑕ ᓂᓂᕕ ᐊᓯᕈᕐᑕᐅᓂᐊᓕᕐᐳᖅ!”

⁵ ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.

⁶ ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ.

⁷ ᐱᖁᔨᑦᔪᑎᓕᐅᕐᐳᕐᓗ ᒪᓕᒃᑕᐅᔭᕆᐊᖃᕐᑐᓂᒃ ᓂᓂᕕᒥᐅᑦ ᐃᓄᖏᓪᓄᑦ ᐃᒤᓕᔪᓂᒃ: “ᐃᓄᐃᓪᓘᓐᓃᑦ ᓂᕐᔪᑎᓪᓘᓐᓃᑦ ᐃᒻᒧᒃᓯᐅᒊᓪᓘᓐᓃᑦ ᓰᐱᓪᓘᓐᓃᑦ ᓂᕆᔪᒃᓴᐅᓐᖏᓚᑦ ᓱᓇᒥᒡᓘᓐᓃᑦ, ᐃᒥᕐᑐᒃᓴᐅᓇᑎᒡᓗ.

⁸ ᐃᓄᓕᒫᓪᓕ ᓂᕐᔪᑏᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑐᕐᑐᒃᓴᐅᕗᑦ. ᐃᓗᖏᕐᑐᕐᓗᑎᒃ ᑐᒃᓯᐊᕐᑐᒃᓴᐅᕗᑦ ᒎᑎᒧᑦ ᖃᕿᐊᓕᕐᓗᑎᒡᓗ ᐊᖅᑯᑎᒋᔭᒥᖕᓂᑦ ᐃᓱᐊᖏᑦᑐᓂᑦ ᐊᒡᒐᖕᒥᓗ ᐊᑲᐅᖏᑦᑐᓕᓂᖏᓐᓂᑦ.

⁹ ᑭᓇ ᖃᐅᔨᒪᕚ? ᒎᑎ ᓴᖑᓂᐊᖏᒻᒪᖔᑦ ᖃᕿᐊᓕᕐᓗᓂ ᓄᖅᑲᕐᑎᑦᓯᓗᓂᓗ ᓂᓐᖓᖕᓂᕐᔪᐊᒥᓂᒃ ᐊᓯᕈᕐᑕᐅᖁᓇᑕ!”

¹⁰ ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.