ᔫᓇᐅᑉ ᐊᒡᓚᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦᔫᓇᐅᑉ ᑐᒃᓯᐊᕐᓂᖓ 1 ᐃᒪᕐᒥᐅᑕᐅᓪᓗ ᐊᕿᐊᕈᐊᓃᓪᓗᓂ ᔫᓇᐅᑉ ᐊᑕᓂᖅ ᒎᑎ ᑐᒃᓯᐊᕐᕕᒋᕚ ᐅᖃᕐᓗᓂ: 2 “ᐊᑕᓂᖅ ᑐᒃᓯᐊᕐᕕᒋᕙᕋ ᐅᖁᒤᒃᓴᕐᓂᓐᓂᑦ, ᑭᐅᕚᖓᓗ; ᑐᖁᖓᔪᑦ ᐃᓂᖓᓐᓂᑦ ᑐᒃᓯᐊᕐᐳᖓ, ᓂᐱᓐᓂᒡᓗ ᑐᓴᕐᐳᖅ. 3 ᐃᑎᓂᕐᔪᐊᒧᑦ ᐃᒋᓚᐅᕋᕕᖓ ᐃᒪᐅᑉ ᐃᑎᓂᖓᑕ ᐃᖅᑲᖓᓄᑦ, ᐃᒫᓘᓪᓗ ᐃᓗᒪᕚᖓ; ᐃᖏᐅᓕᖁᑎᓕᒫᕕᓪᓗ ᐃᖏᐅᓕᒡᕕᒋᓪᓗᖓ ᖃᓪᓕᕌᕐᐹᖓ. 4 ᐃᓱᒪᓚᐅᕐᐳᖓᓗ ᐃᒋᑕᐅᓇᓱᒋᓪᓗᖓ ᐃᔨᕕᑦ ᓵᖓᓂᑦ; ᐃᒡᓗᒐᓴᒡᔪᐊᖁᑎᑎᓪᓗ ᐃᑦᔪᕐᓁᑦᑐᑦ ᑕᑯᓚᐅᕐᓯᒪᓂᐊᕋᓱᒋᔪᓐᓃᓚᐅᕐᐸᒃᑲ. 5 ᐃᒪᕐᔪᐊᑉ ᐃᓗᒪᕚᖓ ᑕᕐᓂᕋ ᑎᑭᓪᓗᒍ ᐊᒡᓛᑦ, ᐃᑎᓂᕐᔪᐊᖅ ᐊᕙᑎᓐᓃᑉᐳᖅ; ᕿᖅᑯᐊᓄᓪᓗ ᓂᒥᕐᓯᒪᕗᖅ ᓂᐊᖁᕋ. 6 ᖃᖅᑲᑦ ᑐᓐᖓᕕᒋᓐᓄᑦ ᐊᖅᑲᕐᐳᖓ, ᓄᓇᐅᑉ ᓴᐴᓗᑕᖏᑕ ᐊᓂᕕᒃᓮᕈᑎᕚᖓ ᐃᓱᖃᖏᑦᑐᒧᑦ; ᐃᓅᓯᕋ ᒪᔪᐊᕐᑎᑉᐸᑦ ᐃᑎᔪᒥᑦ, ᐊᑕᓃᖅ ᒎᑎᒐ. 7 ᑕᕐᓂᕐᒪ ᑲᑉᐱᐊᓱᒃᑐᐊᓘᓂᖓᓂᑦ ᐃᓗᓐᓂ ᐊᑕᓂᖅ ᐃᖅᑲᕐᐸᕋ; ᑐᒃᓯᐊᕐᓂᕋᓗ ᑎᑭᑉᐳᖅ ᐃᓕᖕᓄᑦ ᑐᒃᓯᐊᕐᕕᒃᔪᐊᖁᑎᖕᓄᑦ ᐃᑦᔪᕐᓁᑦᑐᒧᑦ. 8 ᓱᓇᒃᓴᐅᖏᑦᑐᓄᑦ ᒎᑎᓐᖑᐊᓄᑦ ᑐᒃᓯᐊᕐᐸᒃᑐᑦ ᓈᒃᑭᒋᔭᐅᓂᒃᓴᒥᖕᓂᑦ ᕿᒤᕗᑦ. 9 ᐅᕙᖓᓕ ᑐᓂᓯᕕᒋᔪᒪᕙᒋᑦ ᖁᔭᓕᓂᕐᒥᒃ ᓂᐱᖃᕐᓗᖓ, ᐊᑭᓖᔪᒪᕗᖓᓗ ᐊᖏᕈᑎᒋᓚᐅᕐᑕᓐᓂᒃ. ᐱᐅᓕᔭᐅᓂᖅ ᐊᑕᓂᕐᒥᑦ ᐱᕗᖅ!” 10 ᐊᑕᓂᐅᓪᓗ ᐃᒪᕐᒥᐅᑕᖅ ᒥᕆᐊᖁᕚ, ᑖᑦᓱᒪᓗ ᔫᓇ ᒥᕆᐊᕆᕚ ᓄᓇᒧᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society