ᔫᐱᐅᑉ ᐊᒡᓚᖏᑦ 9 - ᐊᒡᓔᑦ ᐃᑦᔪᕐᖕᓁᑦᑐᑦ

ᔫᐱ

¹ ᑕᕝᕙ ᔫᐱ ᑭᐅᕗᖅ:

² “ᐄᓛᒃ, ᑕᒪᓐᓇ ᖃᐅᔨᓯᒪᖕᒥᔭᕋ; ᐃᓄᒡᓕ ᖃᓄᖅ ᒎᑎᐅᑉ ᓵᖓᓂ ᐃᓱᐊᕐᑑᔪᓐᓇᕐᐹ?

³ ᓇᓪᓕᐊᑦᑕ ᑭᐅᒫᖃᑎᒋᔪᒪᒍᓂᐅᒃ, ᐊᐱᕐᓱᕈᓐᓇᕐᐳᖅ ᐅᓄᕐᑐᐊᓗᖕᓂᒃ ᑭᐅᔭᐅᔪᓐᓇᖏᑦᑐᓂᒃ.

⁴ ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

⁵ ᖃᐅᔨᔭᒃᓴᕈᓚᐅᕋᓂ ᖃᖅᑲᓂᒃ ᓄᑦᓯᓲᖑᕗᖅ, ᓂᓐᖓᐅᑎᑐᐊᕈᓂᒋᑦ ᑕᕝᕙ ᓄᖑᑎᑉᐰᑦ.

⁶ ᓄᓇᒥᒃ ᓴᔪᒃᐱᓗᒃᑎᑦᓯᓲᖑᕗᖅ ᐊᐅᓚᑎᓪᓗᓂᐅᒃ, ᓄᓇᐅᓪᓗ ᓱᑲᖏᑦ ᐊᐅᓚᑎᓲᕆᓪᓗᓂᒋᑦ;

⁷ ᓯᕿᓂᖅ ᑍᒤᖁᑐᐊᕐᐸᒍ ᓴᖅᑭᖏᑦᓱᓐᓇᕐᐳᖅ; ᐅᓪᓗᕆᐊᓪᓗ ᖃᐅᒻᒪᒃᑎᑦᑍᓕᔪᓐᓇᕐᓗᓂᒋᑦ ᐅᓐᓄᒃᑯᑦ;

⁸ ᐃᑲᔪᕐᑕᐅᓚᐅᕐᓯᒪᓐᖏᓚᖅ ᕿᓚᖕᓂᒃ ᐃᓯᕕᑦᓯᓕᕐᑎᓪᓗᒍ, ᑐᓪᓕᕋᕈᓐᓇᕐᓗᓂᓗ ᐃᒪᕐᔪᐊᑉ ᐃᖏᐅᓕᖏᓐᓂᒃ;

⁹ ᐅᓪᓗᕆᐊᑦ ᓴᓇᓯᒪᕔᑦ ᑐᒃᑐᕐᔪᐃᑦ ᐅᓪᓚᐅᑦᑐᓪᓗ, ᓴᑭᐊᑦᓯᐊᓪᓗ ᓯᕿᓂᐅᓪᓗ ᓇᓛᓃᑦᑐᑦ ᐅᓪᓗᕆᐊᑦ.

¹⁰ ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᓈᓴᕐᑕᐅᔪᓐᓇᕋᑎᒃ.

¹¹ ᐅᕙᓐᓂᒃ ᓴᓂᖅᑯᐃᒐᓗᐊᕐᒪᑦ, ᑕᑯᔪᓐᓇᓐᖏᓚᕋ; ᐊᐅᓚᒐᓗᐊᕐᒪᑦ, ᕿᒃᓯᒋᔪᓐᓇᓐᖏᓚᕋ.

¹² ᑕᑯᒋᑦ, ᐱᔪᒪᔭᒥᓂᒃ ᐱᒃᐸᑦ; ᑭᓇᒧᑦ ᓄᖅᑲᕐᑎᑕᐅᔪᓐᓇᕐᐹ? ᑭᓇᒧᓪᓘᓐᓃᑦ ᐅᖃᐅᑦᔭᐅᔪᓐᓇᕐᐹ, ‘ᖃᓄᐃᓕᐅᓕᕐᐱᑦ?’

¹³ ᒎᑎᐅᑉ ᓂᓐᖓᖕᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ; ᑖᑦᓱᒪ ᐊᑖᓄᑦ ᓰᖅᑯᕐᐳᑦ ᐃᑲᔪᕐᓯᒪᔪᑦ ᕅᕼᐊᐱᒥᒃ.

¹⁴ ᖃᓄᖅ ᑭᐅᑦᔪᑎᒃᓴᖃᕈᓐᓇᕐᐳᖔ, ᑖᑦᓱᒥᖓ ᑭᐅᓇᓱᐊᕐᓗᖓ?

¹⁵ ᐸᓯᔭᒃᓴᐅᖏᒃᑲᓗᐊᕐᑐᖓ, ᑭᐅᔪᓐᓇᕋᔭᓐᖏᓚᕋ; ᑐᒃᓯᐊᕐᓗᖓ ᓂᑲᒋᔭᐅᔪᒪᔪᒃᓴᐅᕗᖓ ᐃᖅᑲᕐᑐᐃᔨᒋᔭᓐᓄᑦ.

¹⁶ ᓂᓪᓕᐊᒐᔭᕈᒪ ᑖᑦᓱᒧᖓ ᑭᐅᒐᔭᕐᐸᖓᓗ, ᖃᐅᔨᒪᖏᑦᓯᐊᕐᐳᖓ ᓈᓚᒃᑲᔭᕋᓗᐊᕐᒪᖔᑦ ᐅᕙᓐᓂᒃ.

¹⁷ ᐊᓄᕆᕐᔪᐊᒥᒃ ᑎᑭᑎᑦᓯᕗᖅ ᐋᓐᓂᕐᑕᐅᖁᓪᓗᖓ, ᐃᑭᓕᕐᑕᐅᓂᒃᑲ ᐅᓄᕐᓯᒋᐊᕐᓗᒋᑦ ᓱᓇᒥᒃ ᐱᑦᔪᑎᒃᓴᖃᕋᓂ;

¹⁸ ᑕᕾᕐᓯᕈᓐᓁᓪᓕᑎᑉᐹᖓ ᐊᒡᓛᑦ; ᐆᒥᓱᖕᓂᐊᓗᖕᒥᒡᓗ ᐃᓗᒻᒥᕐᑎᓯᒪᕚᖓ.

¹⁹ ᓲᖑᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᑕᑯᒋᑦ ᓲᖑᓗᐊᕐᐳᖅ! ᐊᑦᔨᒌᒃᑎᑦᓯᓂᒃᑯᑦ ᐱᓇᓱᐊᕆᐊᖃᕋᔭᕈᒪ, ᓇᓪᓕᐊᑦᑕ ᐂᖁᔪᓐᓇᕋᔭᕐᐸᐅᒃ?

²⁰ ᐸᓯᔭᒃᓴᐅᖏᒃᑲᓗᐊᕋᒪ, ᓇᖕᒥᓂᖅ ᐅᖃᐅᓯᓐᓄᑦ ᐸᓯᔭᒃᓴᕈᕋᔭᕐᐳᖓ; ᓵᑕᐅᑦᔪᑎᒃᓴᖃᖏᒃᑲᓗᐊᕈᒪ, ᑖᑦᓱᒪ ᑕᑯᑎᒐᔭᕐᐹᖓ ᓱᒋᐊᕐᑕᐅᔪᒃᓴᐅᓂᓐᓂᒃ.

²¹ ᓵᑕᐅᑦᔪᑎᒃᓴᖃᓐᖏᓚᖓ; ᐅᕙᓐᓂᒡᓕ ᓱᓇᐅᒋᔪᓐᓃᕐᐳᖓ; ᐃᓅᓯᕋ ᐊᓐᓂᕆᔪᓐᓁᕋᒃᑯ.

²² ᑕᒪᓐᓇ ᐊᑕᐅᓯᐅᓕᖅᑲᖓᑐᐃᓐᓇᕐᐳᖅ; ᑍᒤᒻᒪᑦ ᐅᖃᕈᓐᓇᕐᐳᖓ, ᑖᑦᓱᒪ ᐊᓯᕈᕐᐰᑦ ᑕᒪᕐᒥᒃ ᐸᓯᔭᒃᓴᐅᖏᑦᑐᑦ ᐱᐅᖏᑦᑐᓕᔪᓪᓗ.

²³ ᐸᓯᔭᒃᓴᐅᖏᑦᑐᕐᓕ ᓂᕆᐅᓇᖏᑦᑐᒃᑯᑦ ᑐᖁᑲᓪᓚᖕᒪᑦ, ᑕᒪᓐᓇ ᐃᓱᒪᔮᕐᓂᖅ ᑖᑦᓱᒪ ᐃᔪᕈᑎᒋᑐᐃᓐᓇᕐᐹ.

²⁴ ᓄᓇᕐᔪᐊᖅ ᐱᐅᖏᑦᑐᓕᔪᓄᑦ ᑐᓂᔭᐅᓯᒪᕗᖅ; ᐃᓅᖃᑎᒥᖕᓂᒡᓗ ᐋᖅᑭᒃᓱᐃᔨᓕᒫᑦ ᑕᑯᓐᓇᕈᓐᓁᕐᑎᓯᒪᓪᓗᓂᒋᑦ ᒎᑎᓕ ᑍᒤᑎᑦᓯᖏᑉᐸᑦ, ᑭᓇᓕ ᑍᒪ ᑍᒤᑎᑦᓯᓯᒪᕙ?

²⁵ ᐅᓪᓗᒃᑲ ᓱᒃᑲᓂᕐᓴᐅᓕᕐᐳᑦ ᐅᓪᓚᐅᑎᕙᒃᑐᓂᑦ; ᕿᒫᓚᐅᕐᐳᑦ, ᐱᐅᔪᒥᒃ ᐊᖅᑯᓵᕆᓚᐅᕋᑎᒃ.

²⁶ ᐃᓅᓯᕋ ᐊᓂᒍᕐᐸᓪᓕᐊᕗᖅ ᐅᒥᐊᑎᑐᑦ ᓱᑲᑦᑐᔭᑎᑐᑦ, ᓇᒃᑐᕋᓕᐅᑉ ᓂᕿᒃᓴᒥᓂᒃ ᐊᐅᕐᓵᕐᓗᓂ ᑎᒍᓯᔭᕐᑐᕐᓂᖓᑐᑦ.

²⁷ ᐃᓱᒪᓕᕅᒐᒪ, ‘ᐋᓐᓂᐊᓂᕋ ᐃᓱᒪᒋᑦᔮᔪᓐᓁᕐᐸᕋ, ᖁᕕᐊᓱᖏᓐᓂᕋ ᐃᓱᒪᒋᔪᓐᓁᕐᓗᒍ, ᖁᕕᐊᓱᖕᓂᐊᓕᕐᐳᖓ.’

²⁸ ᑕᕝᕙ ᐋᓐᓂᐊᓂᕐᒪ ᑲᑉᐱᐊᓱᒃᑎᓕᖃᑦᑕᕐᐹᖓ; ᖃᐅᔨᒪᓪᓗᖓᓗ ᐸᓯᔭᒃᓴᐅᖏᓐᓂᕋᕐᓂᐊᕈᓐᓃᕐᒪᖓ.

²⁹ ᐸᓯᔭᒃᓴᐅᓂᓐᓄᑦ ᓱᒋᐊᕐᑕᒃᓴᐅᒍᒪ; ᓱᖕᒪᓪᓕ ᓱᓇᐅᖏᑦᑐᒧᑦ ᐋᓐᓂᐊᑎᑕᐅᔭᕆᐊᖃᕐᐳᖔ?

³⁰ ᐅᐊᓴᐅᒻᒧᑦ ᐅᕙᓐᓂᒃ ᐅᐊᓴᕋᓗᐊᕈᒪ, ᐊᒡᒐᒃᑲᓗ ᓴᓐᖏᔪᒧᑦ ᐅᐊᓴᕋᓗᐊᕈᒃᑭᑦ,

³¹ ᓱᓕ ᐃᒋᒐᔭᕐᐸᕐᒪ ᐃᑎᕐᓴᒧᑦ ᓴᓗᒪᖏᑦᑐᒧᑦ, ᐊᓐᓄᕌᒃᑲᓗ ᐊᒡᓛᑦ ᐅᕙᓐᓂᒃ ᑲᓐᖑᓲᑦᔨᓕᕐᐳᑦ.

³² ᑖᓐᓇ ᐊᑦᔨᒋᖏᓐᓇᒃᑯ, ᑭᐅᒪᔪᓐᓇᕈᓐᓄᒃ, ᐃᖅᑲᕐᑐᐃᕕᖕᒧᐊᕐᓗᓄᒃ ᐋᖅᑭᒐᓱᐊᕐᓯᒪᓕᕋᔭᕐᐳᒍᒃ.

³³ ᐊᑯᓐᓂᑦᑎᓐᓄᐊᕐᑐᖃᕈᓐᓇᓐᖏᓚᖅ ᑲᒪᔨᐅᓂᐊᕐᑐᒥᒃ, ᓇᓪᓕᑦᑎᓐᓂᒃ ᐃᖅᑲᕐᑐᐃᓂᐊᕐᑐᒥᒃ ᒎᑎᒥᒃ ᐅᕙᓐᓂᒡᓗ.

³⁴ ᐅᕙᓐᓂᒃ ᓱᒋᐊᕐᓯᓂᕆᔭᓂ ᓄᖅᑲᕐᑎᓚᐅᕐᓕᐅᒃ, ᑲᑉᐱᐊᓱᒃᑎᑦᓯᓂᕆᔭᓂᓗ ᐅᕙᓐᓂᑦ ᐲᕐᑎᓪᓗᓂᐅᒃ.

³⁵ ᑕᕝᕙ ᓯᕘᕋᖏᓪᓗᖓ ᑖᑦᓱᒥᖓ ᐅᖃᓪᓚᓕᕋᔭᕐᐳᖓ, ᓇᖕᒥᓂᖅ ᐆᒻᒪᑎᒐ ᐅᕙᓐᓂᒃ ᖃᐅᔨᒪᒐᒃᑯ.”