ᔫᐱᐅᑉ ᐊᒡᓚᖏᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᔫᐲ, ᕾᒐᓛᓚᐅᕆᑦ ᑭᐅᔪᖃᕐᓂᐊᕐᒪᖔᑦ; ᓇᓪᓕᐊᓐᓂᒃ ᐃᑦᔪᕐᓁᑦᑐᒥᒃ ᐃᑲᔪᕐᑎᖃᕈᒪᒐᔭᕐᐲᑦ?

² ᐃᓕᖕᓂᒃ ᐃᓱᒪᔮᕈᑎᒋᓂᕐᒧᑦ ᑐᖁᑐᐃᓐᓇᓕᕈᕕᑦ, ᐃᒻᒥᓂᒃ ᐊᓐᓂᕆᔪᓐᓃᕐᓗᑎᑦ ᑕᒪᓐᓇ ᓯᓔᓐᓂᐅᒐᔭᕐᐳᖅ, ᐊᑑᑎᖃᖏᑦᓯᐊᕐᑐᒥᒡᓗ ᐱᓇᓱᐊᕐᓂᐅᓪᓗᓂ.

³ ᑕᑯᖃᑦᑕᕐᓯᒪᕗᖓ ᓯᓔᑦᑐᓂᒃ ᖃᓄᐃᓐᓂᐅᓴᖏᑦᑑᔮᕐᑐᓂᒃ, ᑕᕝᕔᓐᓇᕐᓕ ᐊᖏᕐᕋᖏᑦ ᐅᖃᕐᓂᕐᓘᑕᐅᓂᕐᒧᑦ ᑎᑭᑎᓯᒪᕙᒃᑲ.

⁴ ᐃᕐᓂᖏᑦ ᐊᑦᑕᕐᓇᖏᑦᑐᒦᓐᖏᓚᑦ, ᐃᑎᕐᑕᕐᕖᑦ ᐅᒃᑯᐊᖏᓐᓂ ᓯᖁᒥᑕᐅᓂᐊᕐᐳᑦ, ᐃᑲᔪᕐᑎᒃᓴᖃᕐᓂᐊᕋᑎᒡᓗ ᓇᓪᓕᐊᓐᓂᒡᓘᓐᓃᑦ.

⁵ ᑳᒃᑐᑦ ᐱᕈᕐᓰᕕᖓᓂᑦ ᓂᕆᕗᑦ, ᑲᑭᓪᓚᕐᓇᕐᑐᑦ ᐊᑯᓐᓂᖓᓂ ᐊᒡᓛᑦ ᐱᕈᕐᓯᒪᕗᑦ; ᐃᒥᕈᒃᑐᓪᓗ ᐃᒥᕐᓂᐊᕐᐳᑦ ᐊᔪᕐᓴᖏᑦᔪᑎᖏᓐᓂᒃ.

⁶ ᐋᓐᓂᐊᑎᑕᐅᓂᖅ ᐳᔪᕋᕐᒥᑦ ᐱᕈᕐᐸᓐᖏᓚᖅ, ᐊᑲᐅᖏᑦᔪᑎᖃᕐᓂᕐᑕᐅᖅ ᓄᓇᒥᑦ ᐱᕈᕐᐸᖏᓐᓂᕗᑦ.

⁷ ᐃᓄᒡᓕ ᐃᕐᓂᐊᖑᕙᒃᐳᖅ ᐊᑲᐅᖏᑦᔪᑎᖃᕐᑐᒧᑦ, ᐊᐅᒤᑦ ᖁᒻᒧᑦ ᐱᒃᓯᒐᕐᐸᖕᓂᖏᑎᑐᑦ ᐃᑯᒪᔪᒥᑦ.

⁸ ᐅᕙᖓᓕ, ᒎᑎᒧᑦ ᓵᓕᕋᔭᕐᐳᖓ, ᐊᑐᕐᑕᒃᑲᓗ ᒎᑎᒧᑦ ᓴᖅᑭᑎᓐᓇᔭᕐᐸᒃᑲ;

⁹ ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᐃᓱᓕᑦᑐᓐᓇᕋᑎᒃ.

¹⁰ ᓄᓇᒧᑦ ᓯᓚᓗᒃᑎᑦᓯᖃᑦᑕᕐᐳᖅ ᐱᕈᕐᓰᕖᓪᓗ ᐃᒻᒥᕐᓱᖃᑦᑕᕐᐰᑦ;

¹¹ ᒎᑎ ᓇᓗᖅᑯᑎᔪᓂᒃ ᒪᑭᑎᑦᓯᖃᑦᑕᕐᐳᖅ, ᐃᓚᓐᖓᕐᓂᕐᒧᓪᓗ ᕿᒃᓵᒃᑐᑦ ᖃᑭᑎᖃᑦᑕᕐᐰᑦ.

¹² ᐱᓐᖏᓯᕐᑐᕐᑐᑦ ᐋᖅᑭᒃᓱᕋᓱᐊᕐᑕᖏᑦ ᑲᔪᓯᔪᓐᓇᕐᑎᓐᖏᓔᑦ, ᐱᓕᕆᐊᕆᓇᓱᒃᑕᕋᓗᐊᒥᖕᓂᒃ ᐋᖅᑭᒃᓯᔪᓐᓇᕐᑎᓐᓇᓂᒋᑦ.

¹³ ᓯᓚᑐᓇᓱᒃᑐᑦ ᐱᓇᓱᐊᕋᓱᒃᑕᖏᑎᒍᑦ ᓄᖅᑲᕐᑎᖃᑦᑕᕐᐰᑦ; ᐱᓇᓱᐊᕋᓱᒃᑕᖏᓪᓗ ᓄᖅᑲᕐᑎᖃᑦᑕᕐᐰᑦ ᐱᓐᖏᓯᕐᑐᕋᓱᒃᑐᑦ.

¹⁴ ᑖᕐᑐᒥ ᑲᑎᖃᑦᑕᕐᐳᑦ ᐅᓪᓘᑎᓪᓗᒍ, ᐅᓪᓗᓪᓗᐊᖑᑎᓪᓗᒍᓗ ᑲᑎᕙᒃᓱᑎᒃ ᐅᓐᓄᐊᕐᓯᐅᕐᑐᑎᑐᑦ.

¹⁵ ᒎᑎᐅᓪᓕ ᐊᔪᕐᓴᕐᑐᑦ ᑐᖁᒥᑦ ᐱᐅᓕᕔᑦ, ᐃᑲᔪᕐᑕᐅᔭᕆᐊᓖᑦ ᐊᔪᖏᑦᑐᕐᔪᐊᓂᑦ ᐱᐅᓕᓪᓗᒋᑦ.

¹⁶ ᑕᕝᕙ ᐊᒃᓱᔪᖅ ᓂᕆᐅᒋᔭᒃᓴᖃᕐᐳᖅ, ᐊᑦᔨᒌᒃᑎᑦᓯᖏᑦᑐᕐᓗ ᓂᐸᖏᕐᑎᓪᓗᒍ.

¹⁷ ᑕᑯᒋᑦ, ᐃᓄᒃ ᖁᕕᐊᓱᒍᑎᒃᓴᖃᕐᐳᖅ ᒎᑎᐅᑉ ᐋᖅᑭᒋᐊᕐᑕᖓ; ᑍᒤᒻᒪᑦ ᓇᕐᕈᒋᓂᐊᕐᓇᒍ ᐊᔪᒐᖃᖏᑦᑐᒧᑦ ᓱᒋᐊᕐᑕᐅᒍᕕᑦ.

¹⁸ ᒎᑎ ᑭᓕᕐᓯᒍᓂ, ᒪᑦᑐᓯᕐᓯᓲᖑᕗᖅ; ᐊᒡᒐᖕᒥᓄᑦ ᐋᓐᓂᕐᓯᒍᓂ, ᐊᒡᒐᖕᒥᓄᑦᑕᐅᖅ ᐋᖅᑮᓂᐊᕐᐳᖅ.

¹⁹ ᐱᐅᓕᖃᑦᑕᕐᓂᐊᕐᐹᑎᑦ ᐱᖓᓲᔪᕐᑐᓂᑦ ᐊᑲᐅᓐᖏᓕᐅᕈᑎᓂᑦ; 7ᖓᓐᓂᓕ ᓱᓇᒧᓪᓘᓐᓃᑦ ᐱᐅᖏᑦᑐᒧᑦ ᐊᒃᑐᕐᑕᐅᑎᓐᓂᐊᓐᖏᓛᑎᑦ.

²⁰ ᑳᖕᓇᕐᑐᖃᕐᐸᑦ ᑖᑦᓱᒪ ᑐᖁᒥᑦ ᓴᐳᑎᓂᐊᕐᐹᑎᑦ, ᐅᓇᑕᕐᓂᕐᒥᓗ ᓴᕕᒡᔪᐊᑉ ᐱᔪᓐᓇᕐᓂᖓᓂᑦ ᓴᐳᑎᓗᑎᑦ.

²¹ ᑖᑦᓱᒪ ᐃᔨᕐᑎᓯᒪᔪᒫᕐᐹᑎᑦ ᐅᖃᕐᓂᕐᓗᒡᕕᐅᓂᕐᒥᑦ, ᐊᓯᕈᕐᑕᐅᓂᕐᓗ ᐃᕐᓯᒋᔪᒫᓐᖏᓚᑦ ᑎᑭᒐᓗᐊᕐᐸᑦ.

²² ᐊᓯᕈᕐᑕᐅᓂᖅ ᑳᖕᓇᕐᑐᕐᓗ ᐃᔪᕆᔪᒫᕐᐹᒃᑭᒃ, ᐃᕐᓯᔪᒫᖕᓇᒡᓗ ᓂᕐᔪᑎᓂᒃ ᓄᔪᐊᕐᑐᓂᒃ ᓄᓇᒦᑦᑐᓂᒃ.

²³ ᐱᕈᕐᓰᕕᖕᒥ ᐃᑎᕐᓴᓕᐅᕆᓕᕈᕕᑦ ᐊᖏᖃᑎᒌᒃᓯᒪᓂᒃᑯᑦ ᐅᔭᕋᖃᕈᒫᓐᖏᓚᖅ, ᓂᕐᔪᑎᓄᓪᓗ ᓄᔪᐊᕐᑐᓄᑦ ᐱᕈᕐᓰᕕᖕᒥ ᑲᒪᒋᔭᐅᔪᒫᓐᖏᓚᑎᑦ.

²⁴ ᖃᐅᔨᔪᒫᕐᐳᑎᑦ ᑐᐲᑦ ᐊᑦᑕᕐᓇᕐᑐᖃᖏᓐᓂᖓᓂᒃ; ᓰᐱᖁᑎᑎᓪᓗ ᖃᐅᔨᓴᕈᕕᒋᑦ ᐊᓯᐅᓯᒪᔪᖃᕈᒫᓐᖏᓚᑦ.

²⁵ ᐊᒻᒪ ᖃᐅᔨᔪᒫᕐᐳᑎᑦ ᑭᖑᕚᕕᑦ ᐅᓄᕐᑐᐊᓘᔪᒫᕐᓂᖏᓐᓂᒃ, ᕿᑐᕐᖓᑎᑦ ᓄᓇᐅᑉ ᐃᕕᒐᖏᑎᑐᑦ ᐅᓄᕐᑎᒋᔪᒫᕐᐳᑦ.

²⁶ ᐃᓄᑐᖃᒻᒪᕆᐅᓕᕐᑎᓪᓗᑎᑦ ᐃᓗᕕᕐᑕᐅᔪᒫᕐᐳᑎᑦ, ᓂᐊᖂᔭᒃᓮᑦ ᕿᐱᑍᑦ ᓯᖃᓪᓕᓯᕕᖕᒧᐊᕐᑕᐅᕙᖕᓂᖏᑎᑐᑦ ᓇᓪᓕᐅᓐᓂᖓᓂ.

²⁷ ᑕᒪᓐᓇ ᑐᑭᓯᓇᓱᐊᕐᓯᒪᒐᑦᑎᒍ; ᓱᓕᓂᖓ ᖃᐅᔨᓯᒪᕙᕗᑦ. ᑍᒤᒻᒪᑦ, ᓈᓚᒃᑭᑦ ᐃᓕᖕᓄᑦ ᐱᕙᓪᓕᐅᑎᒃᓴᐅᖕᒪᑕ.”