ᔫᐱᐅᑉ ᐊᒡᓚᖏᑦ 30 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᒫᓐᓇᓕ ᐅᕙᓐᓂᑦ ᓄᑲᕐᓯᕐᓄᑦ ᒥᑕᐅᑎᒋᔭᐅᕙᓕᕐᐳᖓ, ᑖᒃᑯᐊ ᐊᑖᑕᒋᓚᐅᕐᑕᖏᑦ ᓱᓇᐅᓐᖏᓗᐊᕐᓂᖏᓐᓄᑦ ᓰᐱᖁᑎᓐᓄᑦ ᕿᒻᒥᓄᑦ ᑲᒪᔨᐅᖃᑕᐅᑎᑐᐃᓐᓇᕋᔭᓚᐅᕐᐸᒃᑲ.

² ᓴᓐᖐᑦᑐᒻᒪᕆᐊᓘᓚᐅᕐᒪᑕ ᐃᑲᔪᕐᑎᒋᔭᒃᓴᐅᓚᐅᓐᖏᓚᑦ, ᓄᑭᖃᕈᓐᓁᕐᓂᑰᓕᕋᒥᒃ ᐃᓄᑐᖃᐅᓂᕐᒥᖕᓄᑦ.

³ ᐊᔪᕐᓴᕐᓂᕐᒧᑦ ᑳᖕᓂᕐᒧᓪᓗ ᓂᕆᓇᓱᐊᕋᔭᓚᐅᕐᐳᑦ ᐱᕈᕐᑐᓂᒃ ᐸᓂᕐᓂᑯᓂᒃ ᓄᓇᒋᔭᐅᖏᑦᑐᒥ;

⁴ ᐱᕈᕐᓂᕐᓗᒃᑐᓂᒃ ᐅᕐᐲᓪᓗ ᐅᖃᐅᔭᖏᓐᓂᒃ ᓂᕆᓚᐅᕐᐳᑦ, ᐅᖅᑯᐃᓯᒪᓇᓱᖃᑦᑕᓚᐅᕐᐳᓪᓗ ᓇᐹᕐᑐᑦ ᐱᕈᕐᑐᖃᖏᑦᑐᑦ ᐊᑖᓂ.

⁵ ᐃᓄᓕᒫᓂᑦ ᐊᐅᓪᓚᕐᑎᑕᐅᓚᐅᕐᐳᑦ; ᑎᒡᓕᒃᑎᐅᓂᕋᕐᑕᐅᓪᓗᑎᒃ ᕾᒐᓛᕐᕕᐅᕙᓚᐅᕐᐳᑦ.

⁶ ᐃᓐᓈᕈᑦ ᖁᖕᓈᖏᓐᓂ ᐃᓂᖃᕆᐊᖃᓚᐅᕐᐳᑦ, ᕾᕈᓱᖕᓂᓗ ᓄᓇᐅᓪᓗ ᖁᖕᓈᖏᓐᓂ.

⁷ ᐅᕐᐲᑦ ᐊᑯᕐᖓᓐᓂ ᖃᓕᖑᓛᖃᑦᑕᕐᐳᑦ ᐆᒪᔪᑎᑐᑦ; ᐱᕈᕐᑐᖃᖏᑦᑐᓪᓗ ᐊᑖᓂ ᓄᐊᒪᕙᒃᓗᑎᒃ.

⁸ ᓱᓇᐅᖏᑦᓯᐊᓚᐅᕐᐳᑦ ᓇᕐᕈᒋᔭᐅᔪᓪᓗ ᕿᑐᕐᖓᕆᕔᑦ, ᓄᓇᓕᖕᓂ ᓄᓇᖃᖁᔭᐅᔪᓐᓁᕐᓗᑎᒃ ᐊᐅᓪᓚᕐᑎᑕᐅᓚᐅᕐᐳᑦ.

⁹ ᒫᓐᓇᓕ ᑖᒃᑯᓇᓐᖓᑦ ᒥᑕᐅᑎᒋᔭᐅᓪᓗᖓ ᐃᓐᖏᖑᐊᕈᑕᐅᕙᓕᕐᐳᖓ, ᐅᕙᓐᓂᒃ ᓱᓇᐅᒃᓴᖏᓐᓂᕐᒧᑦ ᐃᔪᕿᑕᐅᑎᖃᕐᐸᓕᕐᐳᑦ.

¹⁰ ᐅᕙᓐᓂᒃ ᐱᐅᒃᓴᖏᓐᓂᕐᒧᑦ, ᖃᒡᓕᓗᐊᕐᑍᓕᒪᕗᑦ; ᕾᔭᕌᖓᒥᒃ ᒥᑕᐅᑎᒋᓪᓗᖓ ᐅᕙᓐᓄᑦ ᑎᕝᕗᓗᖃᑦᑕᕐᐳᑦ.

¹¹ ᒎᑎᐅᑉ ᓴᓐᖐᓕᑎᓪᓗᓂᖓ ᓇᓗᖅᑯᑎᓕᕐᑎᒻᒪᖓ, ᓱᓇᐅᔪᓐᓁᕐᑐᒥᒃ ᖃᐅᔨᓕᕋᒥᒃ ᐱᑦᓯᐊᖏᕕᒡᔪᐊᓕᕐᐳᑦ.

¹² ᑕᓕᕐᐱᓐᓂ ᐊᑭᕋᕐᑐᕐᑏᑦ ᓴᖅᑭᑉᐳᑦ, ᐃᑎᒐᒃᑲ ᓴᓂᕐᕙᒃᑎᓪᓗᒋᑦ, ᒪᑭᑉᐳᑦ ᐅᕙᓐᓂᒃ ᐊᑭᕋᕐᑐᕈᒪᓪᓗᑎᒃ ᑐᖁᑦᓯᔪᒪᓪᓗᑎᒡᓗ.

¹³ ᐊᖅᑯᑎᒃᓴᓐᓂ ᕿᒫᕕᒃᓮᕈᑦᔭᐅᓪᓗᖓ ᑐᖁᑕᐅᓇᓱᐊᕐᐳᖓ; ᓇᓪᓕᐊᓐᓄᓪᓘᓐᓃᑦ ᓄᖅᑲᕐᑎᑕᐅᔪᓐᓇᕋᑎᒃ.

¹⁴ ᐊᕙᓗᕐᔪᐊᒪ ᑭᓪᓚᖏᑎᒍᑦ ᐃᑎᕐᑐᑎᑐᑦ ᑍᒤᑉᐳᑦ; ᐅᕙᓐᓄᑦ ᐊᒃᓴᑳᔪᑎᑐᑦ ᕾᕗᑦ ᐊᓪᓕᐅᑦᔭᐅᖁᓪᓗᖓ.

¹⁵ ᑕᕝᕙ ᖁᐊᕐᓵᖓᓂᕐᒧᑦ ᑎᑭᑕᐅᕗᖓ; ᐅᐱᓐᓇᕐᓂᕋ ᐊᓄᕆᒧᑦ ᑎᒃᑕᐅᔪᑎᑐᑦ ᐊᓯᐅᕗᖅ, ᒪᑭᑕᑦᔪᑎᒃᑲᓗ ᓄᕗᔭᑎᑐᑦ ᐃᖏᕐᕋᔪᑎᑐᑦ ᐊᓂᒎᑎᕗᖅ.

¹⁶ ᒫᓐᓇᓕ ᑕᕐᓂᕋ ᑯᕕᓕᕐᐳᖅ ᑐᖁᑐᐃᓐᓇᕆᐊᖃᕐᓗᖓ; ᓯᕐᓕᕿᓂᕐᒧᑦ ᓯᕕᑐᓗᐊᕐᑐᒧᑦ ᑎᒍᔭᐅᓯᒪᓕᕋᒪ.

¹⁷ ᐅᓐᓄᐊᒃᑯᑦ ᓴᐅᓂᒃᑲ ᒤᓪᓕᖃᑦᑕᕐᐳᑦ, ᐋᓐᓂᐊᓂᕋᓗ ᐃᑯᓪᓚᐅᒥᔪᓐᓇᕋᓂ.

¹⁸ ᒎᑎᐅᑉ ᓂᑲᒋᓇᓂᖓ ᐊᓐᓄᕌᕐᑎᑉᐹᖓ ᑕᑯᒥᓇᖏᑦᑐᒥᒃ, ᐃᒻᒧᓯᕐᐹᖓ ᑕᑎᓗᐊᕐᑐᒥᒃ ᖁᖓᓯᕉᑉ ᑕᑎᓂᖓᑐᑦ.

¹⁹ ᑖᑦᓱᒪ ᒪᕐᕋᕐᒧᑦ ᐃᒋᓯᒪᕚᖓ, ᒪᕐᕋᕐᑎᑐᓪᓗ ᑍᒤᓕᕐᐳᖓ ᐊᕐᔭᓕᓂᕐᑎᑐᓪᓗ.

²⁰ ᒎᑏ ᐃᓕᖕᓄᑦ ᓂᓪᓕᐊᒐᓗᐊᕋᒪ ᑭᐅᓐᖏᓚᕐᒪ; ᓂᑯᕕᖓᓪᓗᖓ ᓵᓐᖓᒐᓗᐊᕋᒃᑭᑦ, ᑲᒪᒋᓐᖏᓚᕐᒪ.

²¹ ᐅᕙᓐᓂᒃ ᓂᑲᒍᓱᓐᖏᓗᐊᕐᓯᒪᒐᕕᑦ; ᐱᔪᓐᓇᕐᓂᕐᔪᐊᑦ ᐊᑐᕐᓗᒍ ᐅᕙᓐᓄᑦ ᓵᓐᖓᓕᕋᕕᑦ.

²² ᐊᓄᕆᒧᑦ ᐃᑭᑎᓪᓗᖓ ᑎᒃᑕᐅᑎᓯᒪᕙᕐᒪ, ᐊᖅᑯᓇᕐᑐᐊᓘᑉ ᐃᓗᐊᓄᑦ ᐃᒋᓯᒪᕙᕐᒪ.

²³ ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ, ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.

²⁴ ᓱᖕᒪᑦ ᓯᖁᒥᑕᐅᓯᒪᔪᖅ ᐱᒋᐊᖃᑦᑕᕋᓱᐊᕐᐱᐅᒃ? ᐊᔪᓕᕐᑐᖅ ᓂᑲᒋᔭᐅᔪᒪᓪᓗᓂ ᓂᓪᓕᐊᓕᕐᑐᖅ.

²⁵ ᕿᐊᖃᑎᖃᖃᑦᑕᓚᐅᓐᖏᓚᖔ ᐃᓄᖕᓂᒃ ᐊᑲᐅᓐᖏᓕᐅᕈᑎᖃᕐᑐᓂᒃ? ᐊᒃᓱᔪᓂᒡᓗ ᓇᒡᓕᒍᓱᒧᑦ ᕿᒃᓵᒍᑎᖃᖃᑦᑕᓚᐅᓐᖏᓚᖔ?

²⁶ ᐱᐅᔪᒥᒃ ᕿᓂᕐᑎᓪᓗᖓ, ᐱᐅᖏᑦᑐᖅ ᕾᕗᖅ; ᖃᐅᒪᔪᒥᒡᓗ ᐅᑕᖅᑭᑎᓪᓗᖓ, ᑖᕐᑐᒧᑦ ᑎᑭᑕᐅᕗᖓ;

²⁷ ᑕᕝᕙ ᐆᒻᒪᑎᒐ ᐃᓂᓯᔪᓐᓁᓪᓕᕗᖅ, ᕿᑲᕈᓐᓁᓪᓕᓪᓗᓂᓗ; ᐅᓪᓗᑕᒫᑦ ᐅᖁᒤᑦᑐᒧᑦ ᑎᑭᐅᒪᔭᐅᒐᒪ.

²⁸ ᑖᕐᑎᓯᒪᓕᕐᐳᖓ, ᓯᕿᓂᕐᒨᖏᑦᑐᖅ; ᑲᑎᒪᔪᓂ ᓂᑯᕕᓪᓗᖓ, ᓂᓪᓕᐊᕗᖓ ᐃᑲᔪᕐᑕᐅᔪᒪᓪᓗᖓ.

²⁹ ᐊᒪᕈᖓᔪᓄᑦ ᐊᑦᔨᐅᓕᕐᐳᖓ ᒥᐊᒡᒎᕐᑐᓄᑦ, ᐃᓚᖃᕐᓗᖓᓗ ᑎᖕᒥᐊᕐᔪᐊᓂᒃ ᐋᔅᑐᕆᓯᓂᒃ.

³⁰ ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ, ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.

³¹ ᑐᓴᕐᓂᕐᑐᒥᒃ ᓂᓪᓕᐊᓂᕆᕙᓚᐅᕐᑕᕋ ᕿᒃᓵᒡᕙᓗᓐᖑᕐᐳᖅ, ᓱᐴᒐᕐᕙᓗᒐᓗ ᕿᐊᕙᓗᖕᒥᒃ ᓂᐱᖃᓕᕐᓗᓂ.”